By 芳姐 ( 9 11 月, 2010 at 7:23 上午)
· Filed under 小兒常見病
每逢天氣變化較大,小兒抵禦外邪功能較差,容易受外邪侵入而引起咳嗽.咳嗽主要分為風寒咳嗽和風熱咳嗽.亦有因痰濕,肝火,肺陰虧耗,肺脾腎虛而引致久咳不愈,此謂內傷咳嗽.一般新咳多為外感,久咳多為內傷.介紹一些不同類型的咳嗽食療給大家:
1.蘿蔔汁半碗,生薑汁半茶匙,麥芽糖少許,調勻後燉熱服.
2.紫蘇3錢,生薑3片,北杏2錢,紅糖適量,用4碗水煮成2碗服.
3.橘餅1兩,大蒜5錢,切碎用3碗水煮成碗半服.
-
風熱咳嗽—咳嗽不爽,痰黃黏稠,不易咯出,口渴咽痛.(有些小兒雖然有寒象,但如果咳嗽痰黃,或伴咽痛,都屬熱咳.)
1.桑葉,菊花,杏仁各3錢,白糖適量.用4碗水煮成2碗服.
2.川貝3錢,雪梨2個,冰糖適量,2碗水燉服,(2歲以上可用蜜糖.)
3.鮮龍脷葉1兩,鮮枇杷葉5錢,杏仁5錢,雪梨2個,瘦肉4兩,6碗水煮成3碗服.(感冒後痰多咳嗽,可加羅漢果半個同煮.)
痰濕重—咳嗽痰多,色白而稀,精神疲倦
陳皮3錢,核桃肉1兩,生薑3片煲粥服.
肺陰耗傷—乾咳,咳聲短促,痰中帶血,口燥咽乾,午後潮熱,手足心熱,失眠盜汗,形體消瘦,精神疲倦
玄參1錢,麥冬4錢,烏梅2粒,桔梗2錢,甘草1錢,5碗水煮成2碗服.
肺脾俱虛—咳嗽痰多,氣短懶言,便爛,易感冒
紅蘿蔔1個切薄片,紅棗10粒去核切片,用5碗水煮成2碗服.
肺腎虛弱—形瘦氣短,精神疲乏,咳嗽氣喘,怕冷,汗出尿頻
核桃仁1兩,生薑3片,陳皮2塊,冰糖少許.5碗水煮成2碗服.
久咳通用:杮餅2個(去蒂),川貝末半湯匙,蒸服.每日分2次吃.
Permalink
芳姐你好，我小朋友5歲，啱啱病完，前前後後都病咗成個月，佢呢幾日朝早起身刷牙嗰陣會特別容易咳，不過只係幾聲，但除咗朝早刷牙之外，日頭同夜晚係冇乜點咳過，想問下佢適合飲d咩清一清呀？佢平時係比較容易熱氣嘅體質。唔該芳姐。
訪客:
你可用鮮龍脷葉1兩,蘋果,雪梨各1個,去核,無花果4粒,南北杏1兩煲瘦肉湯,全家可飲,煲1小時就成,一星期2~3劑.此湯平和,能化痰止咳.
芳姐，您好，我9月底开始咳嗽，咳了一两个月，现在好返，但是整个人讲嘢好没力气，
讲唔大声，讲野条气好像拉唔上咁，请问有什么食料可调理？
訪客:
可用五指毛桃1兩,雪耳3錢,南北杏1兩,紅棗5粒煲豬展湯,煲2小時,全家可飲,連服2~3劑,有助益氣潤肺.另外可以用北茋,杞子,紅棗各3錢,5碗水煮成2碗服,一星期2劑,有助增强體質,改善没力氣.
芳姐你好，我女女3歲，上個月尾開始斷斷續續咁唔舒服，眼見就嚟好咁，但突然又唔知邊到惹到d病菌又病過，經睇過一次西醫兩次中醫，但佢d鼻水都仲keep住不停流，同埋都仲有d痰同咳，想睇下煲d咩俾佢飲下幫佢清埋個尾，唔該晒芳姐！
訪客:
你可用蘇子,萊菔子各3錢,辛夷花8朵,4碗水先將蘇子,萊菔子煮20分鐘,再加入辛夷花煮10分鐘成2碗,一天分服,連服3劑,對小朋友痰咳流鼻水有幫助.飲時可加少許蜜糖,好味些.
好的芳姐🙏🏻🙏🏻請問如果小朋友佢仲飲緊中藥，可唔可以同一日飲用？會唔會有衝突？相隔兩個鐘以上可唔可以？唔該芳姐
訪客:
隔兩小時飲没問題.
芳姐，您好！
上月小兒(6歲)新冠後出疹，成個月才完全痊癒，消瘦了很多。現在有胃口，但餐與餐之間，容易嘴唇白白。近排一日有兩次幾聲咳，乾咳無痰，似氣管敏感咳，佢話忍唔住要連續咳幾下才舒服d。我分唔清是作感冒風寒咳，還是內傷肺損耗咳嗽？請問應該煲什麼湯水止咳和養身體？秋冬快到，擔心一不留神變氣管哮喘。
謝謝芳姐。
Suk:
紅棗含有一種抗過敏物質,可用紅蘿蔔1個切薄片,紅棗8粒去核,煲水半小時供仔仔服,連服3~4劑.平時也可以用白果15粒,去芯,核桃肉1兩,南北杏1兩,紅棗6粒,陳皮1個煲鷓鴣或烏雞湯,全家可飲,有助補益肺脾腎,減少咳喘.
先謝謝芳姐回覆。
小兒對木本堅果類(核桃/腰果)會過敏，請問可用其他東西代替嗎？
Suki:
如果小朋友不能吃木本堅果,改用雪耳適量代替,有補肺作用.
你好，芳姐，想問問，小朋友3歲，呢幾晚好準時夜咳，有咩湯水可以改善？謝謝
Ally:
夜咳屬風寒咳居多,試用紫蘇葉,杏仁,生薑,紅糖煲水供服,滾15分鐘就成.連服2劑,看能否改善?
謝謝，我試下先
你好芳姐，我想問下我夜晚訓覺好咳，但日頭就完全無點樣咳，可以煲咩湯水飲呀？
我兩仔仔經常都會有咳帶有痰，日頭咳多，可以煲d咩俾佢地飲？
謝謝你
yuki:
你試用鮮龍脷葉2兩,紅蘿蔔1個,雪梨乾7~8片,南北杏1兩,陳皮1個煲瘦肉湯,8碗水煮成4碗,全家可飲.有助化痰止咳.
芳姐：BB 18個月，風熱感冒後，而家仍然有白色鼻水，同埋夜晚訓覺咳嗽，請問有咩食療或者湯水適合BB?早前你介紹嘅白蘿蔔水加雪梨，飲完幾次，及食完一次猴棗末。鼻水由綠色變回白色及減少了好多。只是一到夜晚鼻水就多左，同埋訓覺會咳嗽。謝謝
Daisy:
你試用葱白3~4棵，淡豆豉2茶匙(中藥店有售),生薑3片,瘦肉少許,3碗半水煮成1碗供服,有助改善流清涕及咳嗽症狀,先服1劑,如見效,再服2劑.
謝謝！
芳姐妳好，個女半夜開始咳得比較犀利，已經持續個幾禮拜，同埋都有少少流鼻水，已經帶佢睇醫生食左藥都無效，請問燉鱷魚湯（川貝，海底椰，無花果，南北行，果皮）俾佢飲適合嗎？
訪客:
可以先用紫蘇葉糖薑茶供服,之後可用你提這款川貝海底椰湯供服.
好的，感激萬分🙏🏻🙏🏻
芳姐你好，
我細女1歲3個月，流清無色鼻水，1日後即咳，痰聲重，咳時我會拍痰，佢有時就會嘔出來是微黃色。夜晚5點會咳，起身都會咳一陣，日間都會咳，已4天。試過煲一次吉餅龍脷葉桑葉好似咳多咗。燉鹽橙都試過未見效。
大女2歲9個月，流鼻水一星期後比妹妹傳染咗咳，有微痰聲，鼻水鼻涕無色，唔識咳痰，所以唔知道痰咩色。
請問可煲什麼湯水助好？ 蘋果洋蔥水？
平時可煲什麼湯水幫佢哋增強抵抗力？感冒好返一星期又病過，沒完沒了。。。
謝謝回覆🙏🏻🙏🏻😊
Bonnie:
由於早上點左右是肺經運作時間,故5點左右肺有不適會咳嗽,没問題的.咳出來對患者更好.痰多可以用蘇子,萊菔子各5錢,入茶包袋中,用來煲瘦肉粥供兩個囡囡食,連服3劑有助清痰.可加囡囡喜歡的粥料同煮.
好👌多謝芳姐回覆
今日忍唔住帶佢哋睇咗西醫，因為都咳咗五日。
細女夜晚會咳到好誇張，醫生話氣管敏感，無發燒，唔係傷風感冒病毒。
琴日煲咗一次，蘇子萊服子，請問係每日一次嗎？
如果係氣管敏感，陳皮水啱用嗎？🙏🏻🙏🏻
Bonnie:
陳皮水可加紅棗(自己切薄片)4粒煲水供服,紅棗有抗過敏功效,陳皮理氣化痰.連服3劑.