小兒風熱咳嗽—紅蘿蔔粥

By 芳姐 ( 5 1 月, 2011 at 8:06 上午) · Filed under 小兒常見病

 

 

     小兒患傷風,感冒後往往咳嗽不止,令父母擔憂不已.尤其是一些年紀太小的幼兒,不肯吃中藥材煮的粥或湯,可考慮用紅蘿蔔,白蘿蔔這類具有化痰止咳功效的食材作調理.

     紅蘿蔔配紅棗煲湯服,對小兒久咳不愈頗有療效.如配麥芽糖煲粥服,對風熱咳嗽,症見鼻涕黃稠,咳痰不爽,伴咽喉不適者很有幫助.

     用料是: 紅蘿蔔1個,白米及麥芽糖適量.

     做法: 紅蘿蔔不用去皮,洗淨後切碎,加入麥芽糖拌勻,與白米煮成稀粥,隨量頻服.

     ~ 小貼士: 此粥同時有健脾化滯功效,小兒脾胃虛弱,厭食,精神欠佳,食慾不振,大便中夾有未消化的食物殘渣等,都可常服此粥作調理.

109 comments »

  1. cabbage said,
    5 11 月, 2023 @ 7:41 上午

    芳姐，您好！
    仔七歲，咳嗽次數多，日夜都咳，沒鼻水和痰
    飲了多次金羅漢果青欖水都效果不大。
    女兒4歲，咳嗽次數多，無痰，流鼻水，聲音有點變，
    請問可以煲一些什麼湯水緩和。
    見到他們咳得都辛苦。谢谢🙏

    回覆
  2. 匿名訪客 said,
    5 11 月, 2023 @ 7:41 上午

    芳姐，您好！
    仔七歲，咳嗽次數多，日夜都咳，沒鼻水和痰
    飲了多次金羅漢果青欖水都效果不大。
    女兒4歲，咳嗽次數多，無痰，流鼻水，聲音有點變，
    請問可以煲一些什麼湯水緩和。
    見到他們咳得都辛苦。谢谢🙏

    回覆
    • 芳姐 said,
      5 11 月, 2023 @ 1:33 下午

      訪客:
      你試用雪梨2個,去核,白蘿蔔1個切薄片,辛夷花3錢,6碗水煮半小時成4碗,辛夷花後下,仔女一天分服.

      回覆
  3. Hui said,
    27 5 月, 2017 @ 12:41 上午

    小兒12個月，剛戒完人奶，現在主要吃牛奶和兩餐粥仔，呢兩日有一兩聲咳，無痰，有什麽食療有效幫到佢？之前經常咳幾下好容易就話是氣管炎，平時有什麽食療預防？thank you

    回覆
    • 芳姐 said,
      27 5 月, 2017 @ 8:22 上午

      Hui:
      BB有些少咳,可以用洋葱1個,去衣切片,置碗中,隔水大火蒸半小時,用湯匙壓洋葱汁供服,大約3湯匙左右,有助止咳.洋葱可以翻蒸多一次,即一日飲2次.

      回覆
      • Hui said,
        27 5 月, 2017 @ 3:11 下午

        芳姐您好！仔仔今日咳得勢利呢，咳聲有點濁，唔知係未呢幾日天氣早晚涼所影響，還是吃牛奶多左影響？煲咩粥仔可以同時治療？

        回覆
        • 芳姐 said,
          27 5 月, 2017 @ 3:25 下午

          Hui:
          你可以煲紅蘿蔔紅棗粥.晚上咳多加兩塊陳皮同煮.

          回覆
          • Hui said,
            27 5 月, 2017 @ 4:09 下午

            放紅棗會唔會燥？大概放幾粒紅棗？感謝芳姐回覆

          • 芳姐 said,
            27 5 月, 2017 @ 9:37 下午

            Hui:
            紅棗放6粒,紅棗含有一種物質能抗過敏,對敏感咳小兒有幫助.

        • Hui said,
          27 5 月, 2017 @ 11:58 下午

          1．我仔仔昨日下午飲左3湯匙洋蔥水，晩餐食一碗紅蘿蔔紅棗陳皮豬骨粥，晚上8點幾飲牛奶，跟住9點幾發現全身皮膚過敏，唔知係未飲洋蔥水導致過敏？
          2．我5歲的囡囡經常容易話熱、出汗多，每晚訓覺都出好多汗；平時食完熱氣食物好容易話喉嚨痛，有咩食療可以改善佢咁樣情況？

          回覆
          • 芳姐 said,
            28 5 月, 2017 @ 8:07 上午

            Hui:
            照理洋葱水不會造成過敏,但每個小朋友體質不同,你可以用些芫荽煲水作外洗劑,有助消疹,如疹繼續出要看醫生,可能本身感染了一些病都如玫瑰疹,蕁麻疹等都未定.
            囡囡盜汗,可以用黑豆1兩,浮小麥5錢,黑棗6粒,5碗水煮成2碗供服,連服3劑,有助改善.如有改善,一星期1~2劑作保健用.

    • Hui said,
      28 5 月, 2017 @ 1:22 下午

      昨晚開始咳得更加嚴重，咳聲好響(無痰)，今日咳到連奶都吐出來，還伴有點流清鼻涕，不停哭鬧，難入睡，應該係感冒引起咳嗽，現階段應該煲d咩？紅蘿蔔紅棗陳皮粥還可以繼續食嘛？

      回覆
      • Hui said,
        28 5 月, 2017 @ 2:05 下午

        穩到過敏源，剛剛中午食完紅蘿蔔紅棗陳皮粥又開始過敏，應該係紅棗或陳皮過敏，平時吃紅蘿蔔瘦肉粥都無事

        回覆
      • 芳姐 said,
        28 5 月, 2017 @ 4:08 下午

        Hui:
        如果找到致敏源,以後就不宜用紅棗,但未必一定的,可記錄寶寶兩天以來吃過的所有食物,日後再逐樣試.感冒咳試用白蘿蔔半個,雪梨1個,去核,葱白3棵,4碗水煮成碗半供服,葱白後下,有助止咳.

        回覆
  4. 芳姐 said,
    29 9 月, 2016 @ 7:25 下午

    訪客:
    小朋友鼻涕多,可用辛夷花6朵,拍碎泡茶供服,可加蜜糖,每日1杯.

    回覆
  5. 訪客 said,
    29 9 月, 2016 @ 1:20 下午

    芳姐你好，如果小朋友好多鼻涕、有咳可以飲咩？謝謝

    回覆
  6. 朗媽 said,
    20 7 月, 2015 @ 6:41 下午

    感謝芳姐。

    回覆
  7. 朗媽 said,
    20 7 月, 2015 @ 4:29 下午

    芳姐，唔好意思，我两個仔咁情況應該煲幾多次俾佢地飲？要連續煲两三天嗎？一星期可煲多少次？因細佬一歲半，謝謝。

    回覆
    • 芳姐 said,
      20 7 月, 2015 @ 5:44 下午

      朗媽:
      先連服3劑,如有改善,一星期1~2次就夠,大仔一天分服2碗,細仔1碗就夠.

      回覆
  8. 朗媽 said,
    20 7 月, 2015 @ 4:24 下午

    好好好多謝芳姐的回覆。

    回覆
  9. 芳姐 said,
    20 7 月, 2015 @ 4:08 下午

    朗媽:
    小朋友較容易肝火及心火盛,故間中煲這款湯供服,有助減少煩躁不安,哭鬧等情況.日常少吃烤炸熱氣食物,含化學色素的果汁,糖果也少吃些.睡前跟他們講些有趣兒童古仔,少看恐佈,刺激,影響情緒的電視等影片.紅蘿蔔麥冬這個食療可以加南棗同煮.

    回覆
  10. 朗媽 said,
    20 7 月, 2015 @ 1:47 下午

    好多謝芳姐咁快回覆，您剛說的“紅蘿蔔1個,麥冬3錢,馬蹄8粒,燈芯草6扎,辛夷花6梨,6碗水煮成3碗” 這湯還要加南棗嗎？
    其實佢地两個睡了易醒，醒了大哭，一晚幾次，究竟係咩事呢？您認為係心火盛嗎？燥熱嗎？還是其他？大仔三歲半，經常性係咁醒哭，但細仔就一歲半最近先係咁醒哭。咩事呢佢地。平時要多注意些什麼？食多d咩好？感謝芳姐。

    回覆
  11. 芳姐 said,
    20 7 月, 2015 @ 12:33 下午

    朗媽:
    你可以用紅蘿蔔1個,麥冬3錢,馬蹄8粒,燈芯草6扎,辛夷花6梨,6碗水煮成3碗,供兩個仔仔飲用.有助清心火,安眠,化痰止咳,收鼻水.紅棗有些少燥,可以用南棗代替.

    回覆
  12. 朗媽 said,
    20 7 月, 2015 @ 11:50 上午

    芳姐您好，最近我两個仔仔都有咳，流鼻水，我之前試過您的“紅蘿蔔紅棗水”效果幾好，今日想再煲，但我又怕紅棗會燥熱，其實會嗎？因為最大問題係佢两個近排每晚都醒幾次，次次醒都大哭，不知咩事，搞到我呢两個星期都無得睡呢，一晚醒幾次，老人家話係心火盛，燥熱，您感覺呢？咁呢個紅蘿蔔紅棗水又啱飲嗎？ 能推介佢地的两種情況的湯水嗎？ 佢地都有： 咳，鼻水，噴嚏，晚上好夜先肯睡，睡了又易醒，醒了又大哭，好慘啊，媽媽我無得睡，超累啊。請芳姐教下我，謝謝。

    回覆

RSS feed for comments on this post · TrackBack URI

1 2

Reply to 孖細

 Cancel Comment