By 芳姐 ( 15 2 月, 2014 at 3:08 下午)
· Filed under 外感/頭痛/呼吸道病, 小兒常見病
天氣時時寒時暖,近日不少人患上傷風、感冒,對一些身體素虛,或肺功能向來弱的朋友,傷風、感冒後往往會咳嗽一段時間,尤其是小朋友,又不會吐痰,容易因痰涎影響咳嗽不止..
龍脷葉是化痰止咳的良藥,菜市場常有鮮品供應. 用龍脷葉配合南,北杏,蜜棗煲湯飲,對咳嗽痰多人士很有幫助. 如果是小孩子感冒後咳嗽,可以加1-2個蘋果同煮,蘋果有潤肺功效,且可以令湯更加好味容易入口.
用料是: 新鮮龍脷葉1兩, 南,北杏1兩, 蜜棗3粒, 蘋果2個.
做法:龍脷葉洗淨; 蘋果洗淨,去核切塊; 將全部材料用6碗水煮約1小時即可供飲.
~ 小貼士: 此湯清甜可口,全家合飲.如作家常湯水,加瘦肉同煮即成.
Permalink
Florence:
這款湯加紅蘿蔔或蘋果,雪梨較佳.很少加栗子的.
芳姐你好,
如果氣管不舒服又有點咳 ，有痰可以飲這個湯嗎？可以加栗子嗎？
謝謝
芳姐，你好，請問南杏北杏比例應該是多少呢？謝謝
樂樂:
南杏5粒,北杏只能用1粒,以這個比例就差不多.
請問睇到我留言嗎？
如我不用蜜棗, 改用無花果代替! 可以嗎?
芳姐你好！我女女三歲！呢兩日流鼻涕！杰的些少黃綠色！鼻塞同淚眼！我可以煲些什麼幫助減輕昵？
化痰止咳—龍脷葉杏仁蘋果湯
9個月小朋友可以飲嗎
有沒有好介紹, 我平時只煲魚湯
張太:
龍脷葉蘋果湯任何年紀都可以飲,很平和的.用淮山,蓮子,芡實,茯苓,紅棗煲瘦肉或鮮魚湯,能健脾胃,助吸收.健脾就能袪痰,小兒如痰多可常服.每樣5錢,紅棗4~6粒.
芳姐，您好。又要請教您啦。
我仔仔快要做腺樣體切除手術，請問手術後可以保什麼湯水給他飲。
謝謝。
祖兒:
手術後可以用北茋5錢,陳皮1塊煲瘦肉粥供服.如有胃口可以用淮山,蓮子,百合燉花膠瘦肉湯飲,有助加快康復.
張太:
此湯很平和,小朋友及幼兒均可飲用.
小朋友15個月飲得嗎？
Tins:
如果你仔仔的情況其實最好做手術,手術亦較簡單,因為不能根治,食療只能作輔助治療.可以用辛夷花6朵,剪開泡茶,可加些少蜜糖,每天一杯.
Lily:
仔仔痰咳,宜用蘇子,白芥子,萊菔子各3錢,入茶包袋,與白米煮成粥供服,有助化痰止咳.龍脷葉蘋果湯可以作保健湯水,如痰多可加羅漢果半個同煮.
芳姐,
我的兒子9歲, 一直都有鼻敏感, 最近呼吸時經常呼呼聲, 晚上睡覺好大鼻鼾聲,
我帶他去看專科, 醫生檢查後發現他腺樣體增生及偏桃線肥大, 建議做手術;
如果不想做手術, 請問有食療可以根治嗎?
芳姐，
你好，仔仔又感冒微燒，又咳有痰，半夜咳到訓唔到，已食西藥，醫生說他又是氣管敏感，想問下食緊西藥可煲龍利葉蘋果湯給他喝？又或可煲什麼可幫助他，舒緩他的咳？
謝謝
Lily
Sharon:
你可以用北茋5錢,杞子4錢,紅棗12粒,去核,雪耳2錢煲豬展湯,8碗水煮成4碗,全家可飲.此湯能提高免疫力,經常飲用,有助抗病.亦可不用雪耳,瘦肉只煲茶作茶療,用6碗水煮成3碗供3個仔仔飲,早上各1杯,可加冰糖或蜜糖,好好味的.一星期3次,服用一個月,看能否改善?
芳姐妳好,
我有3個仔仔, 分別8-14歲, 唔知點解佢地3個常常患感冒, 又會咳又多痰, 而且多會發燒的, 每年睇醫都不下好多次, 加上依家既菌重勁左,
我都常常煲D健康有益湯水比佢地飲, 又會比康XC比佢地飲, 好似..都無乜作用既,
想請教一下, 可以煲乜野湯水/飲料比佢地飲, 可以令佢地有改善, 加強抵抗力呢?
非常感激你的幫助!
Sharon
芳姐你好，
之前問過，經常喉痛，用北芪，杞子，牛蒡干各3錢，甘草1錢，飲左好過一輪，但又反反覆覆，其實屬吾屬於陰虛火旺？ 飲邊隻湯水有幫助？thanks
jacky:
喉痛如果伴咽乾喉涸,可能有點陰虛,可以用花旗參2錢代替北茋,配杞子,麥冬,牛蒡乾,甘草泡茶飲.有清肺虛火,減少喉痛症狀.
訪客:
小兒感冒有痰聲,你試用紫蘇葉,北杏,辛夷花各3錢,甘草1錢,生薑3片,片糖適量,3碗水煮15分鐘供服,連服2劑,看能否改善?
芳姐請問我仔四歲，有感冒，鼻涕流唔到出黎，咳時候聽到有痰聲，夜晚特別厲害，請問感冒還可以飲湯嗎？可以飲邊種好,謝謝
唔該晒！芳姐！聽到我都放心d!
訪客:
海星可以配蘋果1~2個,去核,南北杏1兩,川貝3錢,陳皮1塊,無花果4粒煲瘦肉湯供服,有助化痰止咳.此湯全家可飲.
芳姐，你好！我哥仔呢兩日咳，本身夜咳，但現在日頭都咳得很密，有啖但咳不出來，好像乾咳，間中有鼻涕！我奶奶剛買了海星回家，請問用此可以煲咩止咳！謝
煩惱的人:
你試用金銀花,桑葉,菊花各3錢,羅漢果半個,胖大海3錢,甘草1錢,4碗水煮半小時供你先生服,連服3劑,有助改善.
芳姐：
你好，我老公呢两日感冒咳嗽，咳出来的痰很黄，喉咙好痛好痛，禁大个人又唔肯打针，睇医生开左D药又唔多好，请问芳姐，我应该煲D咩卑拒饮见效快呢？龙脷叶广东呢边无见过呢。
芳姐~
你好~小兒一歲九個月~咳咗成個月~飲咗幾日龍脷葉石黃皮湯痰少咗好多~但夜晚仲係好咳(幹咳)~我應該轉煲鱷魚或鷓鴣湯定係繼續煲龍脷葉湯呀? 麻煩芳姐百忙中指教!謝謝~
BBirene:
小兒久咳不癒,可用紅蘿蔔1個,切薄片,紅棗4,5粒,去核,北杏3錢,4碗水煮半小時供服,連服3劑,看能否見效?鱷魚肉或鷓鴣湯亦可一星期服1~2次,有助增强肺氣.
芳姐，我條脷好腫，腫到有齒印，又有鼻塞，好似好熱氣點算？
Monica:
你試用桑葉,菊花,辛夷花各3錢,3碗水煮成2碗服,有助清熱氣,收鼻水.另外煲些雲茯,白朮,扁豆衣各3錢,+薏米1兩,馬蹄6粒煲瘦肉湯飲,有助改善脷腫.
bugs bi:
你飲蘋果海底椰湯没問題,很平和的.這款龍脷葉湯亦可以飲.孕期宜涼潤,產後宜温補,所以飲稍為清涼的湯水没問題,生冷食物如西瓜,冰凍飲品,壽司,魚生等就不宜.
SAI SAI:
蘆根雪梨薏米水可以間中煲給小朋友服,有清臟腑熱作用.尤其是打預防針前兩天可以煲來服,連服3劑,可減少不適.病好後可用淮山,蓮子,百合,芡實,茯苓各3~4錢煲瘦肉湯飲,有健脾胃,助吸收功效,脾胃功能好病痛就少.
另外想問我而家懷孕13 週幾感冒又咳！
今日奶奶煲左d 蘋果海底椰飲唔飲得ga?
我上網睇又話好涼！但我都已經飲左2 碗><
而家有d 驚！
你好
想問下哩個湯懷孕13週飲唔飲得？
謝謝芳姐,
之前有煲雪梨蘆根水給小朋友當水飲,但就不會加薏米和甘草。請問這個涼水平日沒病痛也可飲嗎?
另,痊癒後有什麼湯水可幫助小兒補回身體? 謝謝!!
芳姐~之前我問你健脾去濕的湯水(淮山1兩,白朮,茯苓,澤瀉,扁豆衣各3錢,陳皮1塊,紅棗6粒,5碗水煮成2碗服),但我想煲來成家飲呀..要煲幾耐架??可連服3劑系咪指要飲三日??謝謝你
jacky:
常喉嚨痛可以用北茋,杞子,牛蒡乾各3錢,甘草1錢,5碗水煮成2碗服,有助增强體質,改善不適.
sai sai:
你可以用蘆根5錢,薏米1兩,雪梨2個去核,甘草1錢,5碗水煮成2碗供服,有助清熱解毒.
芳姐,經常喉嚨痛,食少少餅,炒飯,炒面,就會上火(第二日就要睇醫生),加上成日冇咩精力,易累,容易感冒,頭暈目眩,視力模糊,平時怎樣提升抵抗力? thanks
小朋友染上了甲型流感，請問㷛什麼湯水？謝謝！
謝謝芳姐!
恩媽:
你可以叫朋友多吃些黑木耳,因為黑木耳有[血液清道伕]之稱,有助消除肌瘤,可以每次用2朵,加片糖煮糖水服,飲湯吃些黑木耳,一星期1~2次.忌吃含激素高食物,如激素養的家禽,塘魚,蔬果等.燕窩,雪蛤膏,中藥紫河車(胎盤),海馬等都不要用.
芳姐, 我個好友大約一星期前做了割除子宮肌瘤和朱古力瘤手術，但部份肌瘤太深入了血管不能割除，
日後要打針服藥控制希望肌瘤不再變大，想問她可以食些甚麼對她益呢?那些食物要戒呢? 有甚麼湯水適合她飲呢?
tina:
龍脷葉很輕秤,我都没有量過一兩有多少?因為有大,有細.你在山草藥檔或菜檔買2兩,分兩次用就成.
豬媽媽:
懷孕後期及產後宜多吃黑木耳,有助縮細肌瘤.懷孕期間最重要是營養均衡,對寶寶就好,期間重要是健脾胃,助吸收.紅棗小米粥最健脾胃,用料簡單,紅棗6~8粒,去核,小米2兩加水煮成粥,經常服用就最佳.
芳姐，唔好意思，我想問龍利葉1兩即係幾多塊?初初煲湯，唔識份量。煩請答，唔該妳。
芳姐,
另外, 我可以煲什麼湯水可以長胎, 使寶寶更有營養, 強壯呢? 謝謝您!
芳姐,
明白,
若在懷孕後期, 或生產後, 大約多久才可以開始吃活血袪瘀的食療消除子宮肌瘤呢? 是否木耳有幫助呢? 謝謝您!
芳姐,
現在懷孕14週, 之前的B超也沒有發現不妥, 但前天B超, 醫生說有一個子宮肌瘤, 有什麼需要注意呢? 是否不可以飲花膠湯? 有方法, 食物或湯水可以消除嗎?
豬媽媽:
有子宮肌瘤,但你又懷了孕,所有具活血袪瘀的食療都對胎兒不利,不能用.現時唯有少吃用激素飼養的塘魚,家禽,及蔬果,盡可能吃有機食物,或小海魚,有機蔬菜,不要買超巨型的生果,可減少肌瘤受激素刺激發大.中藥當歸,紫河車,雪蛤膏,燕窩,海馬等含激素多,都不宜服食.花膠適量食没問題.
芳姐請問G6pD小朋友可以飲嗎？
wingmood:
這款湯G6pd小兒可以服.患兒不能服的中藥材你在[小兒常見病]一欄可以找到,平時留意一下不要接觸便成.
靖媽:
你和仔仔可能屬虛人感冒,宜用北茋,防風,白朮各5錢,生薑3片,紅棗6粒,6碗水煮成3碗,你和仔仔一天分服.如流鼻水可以加6朵辛夷花同煮.此湯有助增强體質,減少傷風感冒及鼻敏感.
芳姐，
您好！有以下问题请教您。感恩您耐心答复。
1。 我从2013年12月14日开始感冒、咳（空空声），3个星期后完全康复。但是康复1个星期后又感冒了。这种情况一直重复直到现在。昨天又开始流鼻涕了。。。请问怎么治疗？
2。我仔仔4岁4个月，2013年9月20日开始发烧、流鼻涕、咳，接下来每个月都这样直到2014年1月。上个礼拜五（2月14日），又开始流鼻涕，隔日咳（热咳）直到现在，还没好。。。
3。平时怎样提升他们的抵抗力？
芳姐,
請問孕婦可以飲枇杷花和枇杷葉煲的湯嗎? 謝謝.
訪客:
孕婦可以飲枇杷花及枇杷葉湯,没問題.
芳姐,
謝謝你及你的建議.