By 芳姐 ( 9 11 月, 2010 at 7:23 上午)
· Filed under 小兒常見病
每逢天氣變化較大,小兒抵禦外邪功能較差,容易受外邪侵入而引起咳嗽.咳嗽主要分為風寒咳嗽和風熱咳嗽.亦有因痰濕,肝火,肺陰虧耗,肺脾腎虛而引致久咳不愈,此謂內傷咳嗽.一般新咳多為外感,久咳多為內傷.介紹一些不同類型的咳嗽食療給大家:
1.蘿蔔汁半碗,生薑汁半茶匙,麥芽糖少許,調勻後燉熱服.
2.紫蘇3錢,生薑3片,北杏2錢,紅糖適量,用4碗水煮成2碗服.
3.橘餅1兩,大蒜5錢,切碎用3碗水煮成碗半服.
-
風熱咳嗽—咳嗽不爽,痰黃黏稠,不易咯出,口渴咽痛.(有些小兒雖然有寒象,但如果咳嗽痰黃,或伴咽痛,都屬熱咳.)
1.桑葉,菊花,杏仁各3錢,白糖適量.用4碗水煮成2碗服.
2.川貝3錢,雪梨2個,冰糖適量,2碗水燉服,(2歲以上可用蜜糖.)
3.鮮龍脷葉1兩,鮮枇杷葉5錢,杏仁5錢,雪梨2個,瘦肉4兩,6碗水煮成3碗服.(感冒後痰多咳嗽,可加羅漢果半個同煮.)
痰濕重—咳嗽痰多,色白而稀,精神疲倦
陳皮3錢,核桃肉1兩,生薑3片煲粥服.
肺陰耗傷—乾咳,咳聲短促,痰中帶血,口燥咽乾,午後潮熱,手足心熱,失眠盜汗,形體消瘦,精神疲倦
玄參1錢,麥冬4錢,烏梅2粒,桔梗2錢,甘草1錢,5碗水煮成2碗服.
肺脾俱虛—咳嗽痰多,氣短懶言,便爛,易感冒
紅蘿蔔1個切薄片,紅棗10粒去核切片,用5碗水煮成2碗服.
肺腎虛弱—形瘦氣短,精神疲乏,咳嗽氣喘,怕冷,汗出尿頻
核桃仁1兩,生薑3片,陳皮2塊,冰糖少許.5碗水煮成2碗服.
久咳通用:杮餅2個(去蒂),川貝末半湯匙,蒸服.每日分2次吃.
Permalink
芳姐：
仔仔3歲半夜兩三點咳到想嘔，日間咳就冇咁耐，一跑就咳唔停，睇佐西醫吃抗生素止咳化痰止鼻水藥益生菌五日，仲係咳,痰多，鼻涕由吃西藥前綠色變成宜家清水色，唔知係咪吃西藥身體虛出現盜汗，白天手心腳心出汗，大便散，請問可以煲D咩俾佢吃或飲，已經幾日冇返學，好擔心！謝謝！
平時佢唔肯吃肉同生果所以多數吃蒸魚、蛋、大豆芽、菜心
Daisy:
你可以用羅漢果半個,無花果4粒(如有的話)煲水給他飲,有助清熱利咽.或用檸檬3,4片,熱水沖泡,待温加入蜜糖調勻供服,有助增强抵抗力.羅漢果水很晚飲,檸檬蜜水明早給他飲,或放多些檸檬片入水壼中供他上學都有得飲.
芳姐
我家有花期心 蘿漢果 檸檬 蜜糖等 可以沖比佢飲嗎？謝謝
Daisy
芳姐
想請教一下 小兒今年4歲 今日下午開始話喉嚨痛 我用電筒照佢喉嚨 左右兩邊有小小紅， 請問可以沖d咩或滚d咩比佢飲 因聽日要返學 想佢快d好 謝謝
Daisy
芳姐，
我今晚會試試。另外，囡囡剛午睡時不斷咳，令我好擔心。通常睡覺時咳都屬寒咳嗎？
ceci:
睡覺咳未必一定是寒咳,如果痰白清稀,晚上咳多,多屬寒咳;如果痰黃黏稠,日間咳多,多屬熱咳.另外尚有痰咳,風咳,敏感咳等.如咳嗽厲害,建議看中醫.
芳姐：
囡囡又開始咳，聽到小小痰聲。今次無乜鼻水，只係朝早會有小小。日間咳尤其食野野咳得多，臨訓前飲完奶又會咳一陣。吾識分係寒咳定熱咳。請問如果煲陳皮核桃生薑飲適合嗎？有無咩湯水係寒咳或熱咳都可飲呢？
ceci:
你可以用川貝末2錢,蘋果1個,去皮去核切粒,陳皮1小片,用2碗水燉,可加少許蜜糖調味,如果寶寶未夠歲半,就不要用蜜糖,用少許冰糖調味就成,太多會惹痰.無論寒,熱咳都可以用.
芳姐，
謝謝您！
訪客:
痰咳可用蘇子,白芥子,萊菔子各3錢,入茶包袋,加白米煮成稀粥供服,對痰咳有幫助.燒不肯退表示病邪未能趕走,要多飲水,多休息.待咳嗽好了,用北茋,防風,白朮各3錢,生薑3片,紅棗6粒,5碗水煮成2碗服,一星期2次,有助增强體質,減少感冒.g6pd患兒不能用金銀花,牛蒡子,黃連,這些中藥材,其他應可用.
芳姐，
您好！
我兒今年3歲2個月，現佢發緊燒同成日咳及有痰，還有流透明鼻水（日夜都咳，有時咳到嘔，咳埋d痰出嚟），比左退燒水同止鼻水藥水佢食。
食左就退燒，藥力過左又燒番。佢本身有G6PD，我可以煲d 咩比佢飲。其實佢d牌成日都感冒發燒，我又可以煲d咩比佢飲呀？謝謝
芳姐，我女每逢訓醒（午睡同早上）都咳. 醫生話係敏感咳. 多數乾咳. 間中有痰不過好快就清. 咳十分鐘左右停. 有咩湯可以煲比佢飲？謝謝.
Tracy:
你試用紅蘿蔔1個,北杏3錢,紅棗6粒,5碗水煮成2碗服,有助止咳.
你好
我仔15個月，岩岩有鼻涕同咳，咳好像有小小痰。
佢月頭先又係甘，吾想比太多山西藥佢食，有無咩煲可以代替呢
平時可以煲什麼增強抵抗力？
謝謝
你好
我仔15個月，岩岩有鼻涕同咳，咳好像有小小痰。
佢月頭先又係甘，吾想比太多西藥佢食，有無咩煲可
Vanessa:
你可滾些芫荽葱生薑魚片水供服,有助發汗解表.另外可用桔梗,麥冬,菊花,甘草各1錢,3碗水煮10分鐘供服,有助止咳.
芳姐您好 ，
小兒22個月，日頭及夜晚君有咳，及不斷流鼻水，可煲咩飲呢？
j媽:
你試用紫蘇葉2錢,生薑3片,葱白3條,辛夷花5朵,片糖少許,2碗半水煮10分鐘供服.有助止咳,收鼻水.
芳姐，
仔仔流鼻水鼻塞咗三日，加訓覺同清醒時都好咳，有啲痰聲，食緊西藥，不過好好無咩好轉，可以食啲咩？
PHIBE:
你試用麥冬,桔梗,辛夷花各3錢,羅漢果1/4個,甘草1錢,4碗水煮成2碗供仔仔服,連服3劑,有助改善.服西藥後2小時飲就成.
芳姐，你好！
小女15個月，每晚一到12點就咳過停，咳到不能
入睡聽到有好多痰，這種情怳已持續一星期，佢呢幾日間中有流鼻水！應該飲什麼可以舒緩！
judy:
你試用紫蘇葉2錢,生薑3片,片糖適量,3碗水煮15分鐘供囡囡飲,有助宣肺散寒止咳,可加辛夷花4朵同煮,有助收鼻水.
請問有沒有湯可煲？
小兒9個月，時常咳嗽多數晚上睡時同早上起床。日頭沒有咳，只有喘氣聲。每當咳時都有喘氣聲，要常吸氣。請問有什麽湯可飲用？有什麽粥可煲?
Jasper’mum:
你可用白果3粒,去芯,核桃肉1兩,南北杏1兩煲粥供服,隨量食就成,有止咳定喘作用.可加仔仔喜吃的肉類粥料同煮.
芳姐你好,
bb1歲半, 感冒食藥後鼻涕收得7788, 係有時間唔中有少少清鼻水, 但係咳有好多痰, 半夜完全冇咳, 係朝早一起身哥一小時咳得最犀利, 全日就間唔中咳下, 請問現時煲咩較適合? 謝謝解答.
Leong:
你試用蘿蔔5片,生薑3片,北杏10粒,紅棗4粒,3碗水煮成碗半供bb一天服,有助散寒止咳.
芳姐：
我囡囡2歲，早排流鼻涕咳嗽，食左幾日西藥，鼻水少左好多，但仲咳，聽到有好多啖，但吾識咳出來，主要係訓醒就咳，連咳一兩分鐘，面都紅晒，想嘔咁，食飯又會咳幾聲，有時會咳到嘔。請問煲咩好？謝謝！
CECI:
你試用菊花,麥冬,桔梗,甘草各1錢,羅漢果1/4個,2碗半水煮10分鐘供服,有助化痰止咳.
芳姐：
阿仔2歲尋晚開始咳,成晚不停轉身,到今朝飲第一啖奶就唔飲,又指住口入面,我諗應該係喉嚨痛~暫時未有痰,淨係咳,可以煲咩佢飲/食?
芳姐您好：
小兒15個月大，前兩天發燒及流小量清鼻涕。昨天燒已退，但仍有清鼻涕及開始咳嗽，日夜都有咳，但沒有痰的。看見他咳得也辛苦，有時咳得面也紅起來。脷有白色脷胎，胃口不好。
請問芳姐可以煲什麼給他？
謝謝！
SL:
仔仔感冒後咳,可用桔梗2錢,麥冬3錢,羅漢果1/4個,甘草4片,4碗水煮半小時供服,有助清肺火,止咳嗽.
芳姐:
你好，我仔仔今年三歲半，在今年九月頭有過肺炎及氣管炎，已食了抗生素一星期，之後已好了，照肺也清了，也不用繼續食藥，但咳嗽情況好反覆，停了兩三天沒咳，這幾天又有咳，之前咳時有痰，但現在又沒痰和咳時比較短，我已經不想他再食西藥，想請教一下現情況食些什麽可改善，謝謝！
fiona:
令兒肺氣較弱.可用虎乳靈芝3錢,川貝末2錢,雪耳2錢,百合1兩,南杏1兩,紅棗6粒煲鷓鴣或鵪鶉湯服,有助補益肺氣,化痰止咳.一星期2次.8碗水煮成4碗,你仔一天服2碗.此湯全家可服.簡單一點的,可用紅蘿蔔1個,切薄片,紅棗6粒切片,4碗水煮半小時供服,對小兒久咳不癒有良效.
芳姐。個仔琴晚成晚咳到醒。有無方法可以等佢舒服啲？
Toby:
可以用兩隻橙擦洗乾淨表皮,切開,灑入些少鹽,隔水蒸燉半小時,用湯匙壓汁供仔仔服,有助止咳.鮮橙反而惹咳,故咳嗽不可吃新鮮橙,燉熱加少許鹽就有療效.或用紫蘇葉3錢,生薑3片,紅糖適量,2碗半水煮10分鐘供飲,對夜晚咳有益.
你好，芳姐。我個仔今年3歲，2個星期前發燒感冒。好反後仲有咳，試過咳到嘔，有痰但又咳唔出，夜晚會特別咳得勁，會咳到醒。今日再睇醫生。話佢氣管敏感，我唔想食太多西藥，所以
只係聞氣，但聞完無好到，但咳多左，夜晚試左燉橙，食完有嘔到痰出黎，但一陣又咳過。。
同埋佢個人都好熱氣。幾日都便秘，又生眼瘡。請問可以飲咩？唔咳
Toby:
痰多咳嗽,宜用蘇子,白芥子,萊菔子各3錢,火麻仁5錢,火麻仁要搗碎,用5碗水煮半小時,用篩隔去渣,取汁用來煲粥供仔仔服,可加些少冰糖,好味些,連服3劑.有助化痰止咳,潤腸通便.生眼瘡最重要不要讓仔仔用手捽眼,你可以用金銀花,菊花入茶包袋,泡茶飲,趁温熱將茶包袋取出替仔仔敷眼,有助眼瘡快些痊癒.
芳姐 退
我囡囡已三歲.早幾天開始有聲咳.第三日開始有痰.
已看了三次醫生都唔得.痰係咩色睇唔到.因為囡囡
每次會吞返落喉嚨.想知可以煲什麼飲? 及食珍珠未有冇功效.
Sze:
你可用川貝末2錢燉蘋果1個吃,連服幾天可袪痰止咳.蘋果要去皮,去核,切粒,加些少蜜糖會好味些.2碗水燉40分鐘即可食.
芳姐
小兒21個月大, 1星期前發燒,有痰咳, 而家無再燒, 但痰咳一直有,特別早上較多,
平時偶爾咳嗽, 都有很多痰在喉嚨,但又咳唔倒出黎….食西藥後無大改善,總不能斷尾…
另外佢有時食得太多就會痾屎, 而且唔止一次,屎軟,有點爛,但又不是水…明顯泥黃色的,
正常嗎? 我膽心佢吸收唔倒足夠營養….佢以前都唔係咁,唔會痾咁多, 而家一食得多就痾
2次,都唔明點解…..
最大問題係小兒有蠶豆症, 有咩食療可以幫助改善? 川貝末可以嗎~? 請指教!
謝謝!!!
Cindy:
仔仔痰多可煲些三子粥袪痰.蘇子,白芥子,萊菔子各2錢,入茶包袋,與白米煲粥供服,連服2~3天.仔仔細個,故減了些少份量.吃得多痾得多不是問題,最重要是大便不是惡臭,溏薄就成.蠶豆症患兒可用川貝,用2錢燉雪梨或蘋果食都有助止咳化痰.
芳姐:
您好！小兒4個月大.咳左十幾曰了！咳到面紅耳赤.還嘔妞！初頭只是咳.沒有其他症狀.睇西醫話氣管敏感.但前幾日開始有聲沙.鼻涕白色.大便稀.再睇醫生又話感冒.
日日都咳到嘔曬奶！夜晚尤其嚴重！真系心都痛埋！
BB是食人奶的.這麽小有什麼食療適合他呢？
萬分感激！
ANN:
BB太細個,你試用手(手背微微拱起成空心樣)替他拍背,輕輕拍,拍至有咳時要在該處多拍兩下,然後飲水,有助將積痰排走.兩餐奶之間拍.試用川貝末2錢,燉蘋果一個,去皮,去核,切塊,2碗水燉40分鐘供服,有助化痰止咳.可連服3天.
芳姐，請問小孩咳嗽要戒食魚星和雞肉嗎？
Selene:
小朋友咳嗽最重要是少吃生冷寒涼及冰凍冷飲.雞和魚適量吃没問題.
恩!明白啦!麻煩曬..
仔仔飲完一杯之後第2日冇喉嚨痕,咁仲洗唔洗連飲2日?
佢好奇怪,一時就喉嚨痕,咳到好厲害,但過一陣又可以唔痕冇咳..
另外,仔仔今年5歲,有鼻敏感同氣管敏感,咳已經纏繞左2-3年,眼袋紅紅黑黑,轉天氣,凍既時候無論係訓著定係起身都會咳同成個日頭會打噴嚏鼻水直流,有時會喉嚨痕。
睇左好多中西醫都醫唔好,我睇唔到光明既路係邊度..我仲有咩可以幫到佢?
sinfan:
如飲後有改善可以多飲兩天.小朋友體虛易受感染,要花點時間改善體質,最重要飲食營養均衡,多飲水,多做些戶外活動.游泳是最好的運動之一,不妨在夏天多帶他游泳以强壯體格.
仔仔1岁了，每次喝奶后都会咳嗽几声。有时睡醒，也会咳嗽几声。有什么方法可以痊愈吗？
芬芬:
你試用沙參,玉竹,麥冬各3錢,紅棗6粒煲瘦肉湯供服,有滋陰潤肺,止咳功效.
芳姐:
您好！女兒4歲.自從上幼稚園後就經常感冒.吃了很多西藥.看到她面色差了很多！以往吃完西藥如還有痰.再吃猴棗散都可清到！但今次吃了6日西藥再吃猴棗散都唔得！已咳了成個月！她早晚同半夜咳多.日頭都有時咳到面紅出汗.咳完要抖大氣.真系睇見都辛苦！今日又帶他看了另一個醫生.要食抗生素.又說她可能有哮喘的症狀！
無意中看到你個網頁就想請教下您！因我都不想囡囡成日食咁多西藥！請問有哪條方適合我個女呢？紅蘿蔔那個可以嗎？還有平時可煲什麽湯水增強她的體質呢？
萬分感謝！
Ann:
你可以用白果肉5粒,去芯,核桃肉1兩,北杏3錢煲粥供服,可加瘦肉同煮.有助補益肺脾腎,減少咳喘.臨睡前1小時可以用紫蘇葉2~3錢,北杏3錢,生薑3片,紅糖少許,碗半水煮8~10分鐘供服,有宣肺散寒止咳功效.
平時可以買些蘇子,北杏仁,黃岑,桑葉,稍有咳嗽即每樣用3錢來煲水供服.這款小兒咳茶很有效的.一患感冒即可煮來供囡囡飲.大約2碗半水滾15分鐘就成.
謝謝你。
我仲想問,係要用邊隻菊花?
我係藥房買既菊花會有D黑色細細隻既虫虫,要點樣整走佢?
萬分感激..
sinfan:
菊花易生蟲,可以將菊花放在篩中篩幾下,將蟲趕走,然後稍蒸8分鐘,待涼透存放,可存放一段時間都不生蟲.我覺得杭菊最易生蟲,雪白的貢菊較少生蟲,你可用這種貢菊的.胎菊也有些會生蟲,我早前買的細細朵胎菊存放至現在都没有蟲患,故買時最好揀很乾身及花蕾捲得密密那種買.
謝謝您芳姐!
芳姐,你好,
我試比仔仔飲左2日紅蘿蔔紅棗湯,飲完之後會喉嚨癢,請問咁係咪唔岩佢飲呢?
等待你既回覆,謝謝!
sinfan:
喉嚨癢,試用烏梅2粒,甘草1錢,菊花1小撮泡茶供飲,對風咳喉癢有療效.可連服2天試試.
芳姐，我最近感冒后喉咙痛，干咳有时有痰绿色，饮好多水都觉得口干口渴，而且又生飞滋，想问下煲什么汤水好？
yanfong:
你試用玄參,麥冬,北杏各3錢,無花果4粒,4碗水煮半小時飲,連服2天,有滋陰降火等功效.
芳姐：您好!
小女10歲，開始是傷風小小鼻水，至今己咳了差不多兩個月了，（還有少少鼻水）西藥、中藥、鼻敏感藥己吃了不少但咳嗽還是斷不了尾，而且咳得變幻多端，最厲害的是晚上上床后咳一個多鐘頭累了才睡；現在是白天咳的多，痰好像從來都咳不起來，請問我可以煲D什麼湯水給她喝呢?萬分感激!
Doris:
你可以用紫蘇葉,北杏各3錢,生薑3片,片糖適量,2碗水煮10分鐘供服,對風寒咳,夜咳多有療效.另外可用烏梅2粒,菊花3錢,甘草1錢沖水焗茶供服,對風咳,敏感咳有效.兩款茶可一天服.日間飲烏梅茶,紫蘇茶晚飯後飲.
芳姐，真是感謝您的紅蘿蔔紅棗湯！小女(九歲)的咳嗽問題到今天已改善許多,她今天也終於有咳出來一口又黃又濃的痰,(她向來都一直無法把痰咳出),她已服了三天的紅蘿蔔紅棗湯,我還可繼續煲給她服嗎?最多可服幾天?(我一天都讓她喝2碗.)再次謝謝芳姐幫助！每次看到女兒好小好痩又面色不好的臉,真是心疼,都不知該怎麼幫她補身體?!真的很謝謝您的無私賜教！
======================================
May:
紅蘿蔔紅棗湯專治小兒久咳不癒.你試用紅蘿蔔1個,切薄片,紅棗6粒,北杏3錢,5碗水煮成2碗供服,連服3天,看能否改善?此湯幾好飲的.
May:
紅蘿蔔紅棗湯你囡囡如果飲了有所改善,可再服多一個療程,即再多飲3劑,没問題的,不會有副作用.
芳姐，您好！我照您的建議去看中醫治理我的咳嗽（已咳了二個多星期，痰聲很重，白痰有泡沫有點黏稠）。中醫提到我有虛火，也說我脾虛，想請教芳姐有無適合的食療湯水也可同時來調理這二方面的問題？因為我怕冷，手腳常是冰冷，但一吃有點辛辣、燥的食物，舌頭就開始不舒服。小孩脾虛可飲牛肉茶，不知大人可服什麼？虛火，脾虛可同時調理嗎？再次謝謝芳姐幫忙！
芳姐，想再請教您一個問題，我讓女兒服紅蘿蔔紅棗杏仁湯來止咳化痰的同時，是否也可給她服牛肉茶或其它更合適的湯水？因為她的臉色很不好，不但看起來暗淡黃黃的，我今天還發現她眼眶都凹下去，出門一下好像就很疲憊。是不是這幾個月-從1月至今,陸續生病不斷，導致傷脾？麻煩芳姐再次幫忙賜教。謝謝！
May:
牛肉茶一星期可服2次,飲紅蘿蔔紅棗杏仁茶都可以服用.囡囡可能脾胃虛弱,吸收不足,故要飲牛肉茶,先健脾胃,希望體質及面色能改善.
感謝芳姐！
謝謝芳姐!
芳姐,請問妳介紹的陳皮核桃薑水或粥, 是否吃起來是苦的? 我煮的皆是苦苦的, 不知有沒有問題?
May:
如果你用陳年的陳皮,味就不太苦,年份少的會較苦,但化痰療效佳.暫時不要煲了,試服紅蘿蔔紅棗湯吧!我加了北杏3錢同煮,有助化痰.
芳姐，謝謝回覆！二個回覆我都有看到，沒有不見。我明天就想和我九歲女兒去看一下中醫；因為小女比我咳的更久，已近一個月，且她的痰還是黃色的，只是她每天咳嗽的次數並不頻繁，一天只咳幾次但就是無法痊癒！想請教芳姐有沒有適合小女這種情況的食療湯水可以治咳嗽去黃痰；她可以不用去吃抗生素，而且她也很怕吃難入口的中藥。謝謝芳姐的時間和耐心回覆！
May:
紅蘿蔔紅棗湯專治小兒久咳不癒.你試用紅蘿蔔1個,切薄片,紅棗6粒,北杏3錢,5碗水煮成2碗供服,連服3天,看能否改善?此湯幾好飲的.
芳姐您好，大人咳嗽若大約有二星期是否就成為內傷咳嗽？我咳到胸骨都會痛，痰是白色，有點黏稠和泡沫，但不太容易咳出來，精神也不好，因前幾天半夜咳的睡不好。所以我今天喝了核桃薑陳皮水，可是晚上有點頭痛，舌頭也有些許刺痛不舒服，是不是這湯水対我太燥？請教芳姐有沒有較適合我的湯水？另我也有奌鼻水。但擤鼻涕時又擤不出多少，不知是否是過敏？謝謝您的幫忙！
May:
久咳未癒,建議看中醫作治理.你試用紫蘇葉,桔梗,防風,蟬蛻各3錢,烏梅2粒,甘草1錢,5碗水煮成2碗供服,連服2劑,看能否改善?這款湯有歛肺及袪風作用,對咳嗽頻繁有幫助.有鼻水可用6朵辛夷花泡茶飲.
May:
剛才寫好了回應,忽然不見了!你試用紫蘇葉,桔梗,蟬蛻,北杏各3錢,烏梅2粒,甘草1錢,4碗水煮成2碗服,連服2天,看能否改善?如不改善,要看醫生了.
我女兒2歲半上次氣管炎,咳有痰声,食完西藥飲左幾日龍利葉好返,但返左5日學,又黎過,今次瞓午晚覺先勁亁咳,間中流清鼻水,佢吾肯飲紫蘇3錢,生薑3片,北杏2錢呢款,可否提供另一款?thx!!如果佢成日容易咳流清鼻水,應該平時咩会好d?吾該你….
candy:
乾咳可用沙參,玉竹,麥冬各3錢,雪耳2錢,北杏3錢,紅棗6粒煲瘦肉湯飲,有滋陰潤燥止咳之效.流鼻水可另外泡些辛夷花茶供服,加些蜜糖,好味些.
芳姐 我姨甥現在9個月 晚上經常哭 有什麽湯水可寧神
yaya:
幼兒有時可能心經積熱,會夜睡不寧,試用蓮子(連芯)1兩,百合5錢,燈芯草6扎,5碗水煮成2碗供服,連服3劑,有清心安神功效.
我女兒2歲半,剛食完西藥,仲有透明鼻水(少許),睡時鼻有声,講野声音有好多痰声,少咳,我可以整川貝燉雪梨或海底椰川貝湯嗎?边款好d?麻煩晒!!
candy:
如果囡囡仍然痰多,可以用川貝燉雪梨,加少許陳皮更佳.海底椰川貝湯過兩天康復得七七八八服較適合,有補益作用.
芳姐，
你好，小兒十九個月大，上星期五開始發燒，咳有痰，有鼻水，半夜咳醒很多次，keep住低燒，100度多些，食退燒藥就退燒，藥過又再燒，咳得很辛苦，聽到有痰在喉嚨，但他不懂吐，鼻塞流鼻水，鼻水係透明無色，睡覺要抬高，才可睡長久一些。醫生話佢感冒，鼻水倒流令他咳，半夜多次咳醒，很辛苦，我住在加拿大多倫多，這裏的醫生，吾見議比咳藥水，比六歲以下小童，因為對幼兒不好，所以發燒就食退燒藥，用生理鹽水清洗鼻子，但他咳得很辛苦，請問可以怎樣令他停咳，我不知他是寒咳，還是熱咳，不敢亂煲。
Clara:
你仔仔因鼻水倒流,所以咳嗽不止.痰多咳嗽可以幫他拍痰,整個背部輕拍,拍到有咳嗽時,表示該處積痰,要拍多幾下,飲些温水,有助將痰排走.由鼻水是透明無色,加上晚上咳多,似風寒咳嗽.可以用紫蘇葉3錢,北杏3錢,生薑3片,紅糖適量,4碗水煮35分鐘成2碗,加入紅糖煮溶供服,服退燒藥後2小時飲,一天分2~3次飲都可以,温服.如果鼻寒嚴重,可在湯料中加3錢辛夷花同煮.你那邊能夠買到這些材料嗎?
芳姐：
您好!又要麻煩你了!我囡囡星期六發高燒看了急診吃了西藥,退了燒，反而呼吸呼呼聲，咳不出痰，咳到面紅額頭出汗，又嘔，痰是白色有泡，第二天又看醫生雖然有幾聲咳但咳痰聲重，白色帶少少黃，她是屬於哪種咳呢?她現在還在吃抗生素，有氣管敏感，之前已經咳一兩個月了，薏米檸檬是否繼續喝?我看過你話健脾可以化痰，懷山欠實蓮子湯是否适合她?因平時吃很少!謝謝了!
豆豆:
現時囡囡外感未好,不宜用淮山,芡實這類健脾補益食療.先化痰為要,可用蘇子,白芥子,萊菔子各3錢,入茶包袋,與白米煮成粥供服,有助袪痰.服西藥後2小時食用.可加瘦肉同煮.檸檬薏米水暫時不用煮,此茶有助抵抗疾病,作預防用.現時已發病,就先服西藥治療.痰黃表示炎症未好,要多飲水,及替囡囡拍背,助她將痰排走.
Sinni:
粥的作用是讓藥汁黏稠些,暖胃及可停留在腸道久些吸收更多,你可以用上述材料加1湯匙炒米同煮就可以,不是粥,但有少許黏稠度,且有暖胃作用.