By 芳姐 ( 22 8 月, 2012 at 7:05 上午)
· Filed under 皮膚病/暗瘡
敏感體質的人往往會對一些食物或毛塵、油漆等物料影響而出現過敏反應.而每個人的致敏源都不盡相同,故如果出現蕁麻疹(即俗稱的風疹塊,風癩等)過敏性皮膚病,就需留意發病前一、兩天吃過或接觸過的致敏東西,以後避免接觸才可減少發病.
急性蕁麻疹治療以袪風,清熱,袪濕為主,可用生薑4,5片,紅糖2兩,米醋1碗,加水煮5分鐘,早、午、晚服,每次1湯匙,温水送服.蒜醋對風疹塊亦有療效,可內服兼外用.內服每天服3次,每次1茶匙,温水送服;外用以藥棉沾醋汁塗患處,很快可消疹.
蒜醋製法簡單,用料是蒜、米醋和冰糖.蒜去衣切片,不用清洗,直接放入玻璃瓶,倒入純米醋及冰糖碎即成.浸4個月即可飲用.蒜與醋的比例是1:2; 冰糖可按個人喜好用量,放入後隔天搖晃幾下玻璃瓶,很快可溶解.
~ 小貼士: 經常患蕁麻疹人士平時飲食宜少肉多菜,因為多吃肉類,體質會偏酸,發病機會就會增加.
Permalink
寶寶:
過敏體質通常是體質變虛了,所以治本之道是强壯體質,並遠離致敏物.可以用北茋, 防風,白朮各3錢,甘草1錢,紅棗6粒,5碗水煮成2碗服,一星期2次,有助增强體質.
芳姐：
你好, 想問問
本人原本不是敏感體質的, 但今年二月食了石班海鮮就出了急性蕁麻疹, 馬上看西醫要打針食抗敏藥, 之後一兩日好了.
以為沒事, 但之後發現從此體質變了, 變為敏感體質!
往往會對一些食物( 奶類, 芝士, 牛肉, 海鮮 等) , 同接觸某一些物料, 如做家務膠手套, 出現過敏反應, 痕養出現在頸後同手掌心,
食抗敏藥就好了. 但本人想找方法治本.
想問問我現在是慢性蕁麻疹嗎?免疫系統出問題嗎?
可以煲啲咩湯水 治本 ? 提升免疫系統, 改善敏感體質, 解決這問題呢??
多謝你,
寶寶
jj:
糖薑米醋水用2碗水就夠.
芳姐：
sorry, 係指蒜醋飲內水的份量,係加多小水煮5分鐘, 謝謝！
(芳姐提供的份量 ,生薑4,5片,紅糖2兩,米醋1碗,加水煮5分鐘).
jj:
你問什麼加幾多水?你指綠豆薏米甘草水? 5碗水煮成2碗.
芳姐：
請問加幾多水,謝謝!
芳姐你好，
請問加幾多水！
謝謝！
芳姐你好:多謝解答疑難!非常實用和及時,非常感謝!
pinky:
如果可以忍到痕癢的話,盡量少用類固醇藥.單用樟木碎煮水作外洗,一日兩次便成.米醋亦能止癢,可單用米醋.但最重要是找出致敏源,以後避免吃或接觸.你要記下這兩天吃過及接觸過的東西,想辦法找出來才成.綠豆加薏米加兩,三片甘草煲水能有效解毒.
芳姐你好：
睇咗你嗰blog幾年，食療食譜非常實用。
今次有些問題請教，我前日開始皮膚痕養以為蚊咬，點知夜晚開始在背和頸起癩。第日起到手腳都係同好痕。去睇醫生話係皮膚敏感（似生風癩）開咗一種抗敏藥和一支類固醇藥膏（我係第一次風癩，從來都無食物敏感）。食咗擦咗但都係痕，我就去買咗樟木碎（片）煲來洗，洗完好些。本來啲癩係比較紅和細块，今朝起身睇變淺色和好大块，仲出咗好新粒粒。請問是否正常反應，另外想請教芳姐前面回網友擦米醋止痕，係凈米醋定係浸過蒜的米醋才有效？（我有煲綠豆糖水飲）
文:
你如果能去一些老店買到樟木碎,用1兩煲水沖洗風癩患處,半小時內消疹,很靈的!平時可以煲些綠豆薏米海帶糖水服,有助改善.或用鮮土茯苓2兩,赤小豆,薏米各1兩煲豬骨湯服,清熱解毒力較佳.一星期2次.
芳姐你好，我近三個月來不斷出風癩，發作時間大部份都是下午起床後，因為我上班時間是夜晚，通常都會起床才洗澡，本來以為沐浴露、洗頭水是致敏源，但好幾次起床後甚麼都沒有做都會發作，通常都是兩條腿大範圍地出，手都試過幾次但只是局部位置，看了幾次西醫都只開抗敏感藥，藥效過了就一樣照出。早幾日看了中醫，開了防風通聖散等等的藥，但依然照發作，今日甚至一起床就出，洗澡後就更嚴重，甚至兩腮都有痕癢感，待了很久才退了少許。請問芳姐有甚麼建議的食療呢？
芳姐，
你指是風癞定是濕疹不再發病，煩麻你再覆！
十分謝謝！
高太:
風癩其實主要是吃了或接觸了致敏物引起,必須避免再吃或接觸才不會發病.土茯苓湯主要是治濕疹.
高太:
土茯苓湯如見效,可以一星期1次(飲2天),至完全不發病為止.
芳姐，土茯苓湯飲了6天，今天已是停了3天無再出風癩那是否不需再飲土茯苓湯？還是再飲？因我有慢性濕疹。
8月2日桑椹青欖湯3天
8月5日 三黑湯2天
8月8日 土茯苓6天
據以上我應飲咩來調理我的慢性濕疹？
謝謝！
高太:
土茯苓湯其實是2天(即2劑)的份量來啦,因為不想你太浪費柴火,所以才建議這樣子煮法.不用加份量了.再服多3劑,即可停服3天,如已改善就不用服,因為都屬寒涼湯水.
芳姐, 謝謝你這麽快回覆！
即是6劑後停3天，是不？
2劑一齊煮分量是否一倍？
感謝。
芳姐
8月2日桑椹青欖湯3天
8月5日 三黑湯2天
8月8日 土茯苓2兩,赤小豆,綠豆,薏米各2兩,蜜棗2粒煲瘦肉湯,8碗水煮2小時成4碗,分2天服,連服3劑，
我飲了3天（1.5劑），在晚上都有出風癩, 但好像小了, 正常嗎？ 連服3劑後要停多小天再飲？
2劑一齊煮分量是否一倍。
謝謝你。
高太:
如有改善,可繼續飲多3劑,停3天又再服,讓身體自己工作.
芳姐, 謝謝您!
蔡蔡:
服西藥後2小時飲就成.不相沖的.
但如果我有食中藥的話，會唔會有衝突？？定還是食中藥後隔幾小時可飲此湯？
毛毛:
你試用鮮土茯苓2兩,赤小豆,綠豆,薏米各1兩,蜜棗2粒煲瘦肉湯服,有助健脾袪濕,消疹.可以用芫荽5,6棵煲水作外洗,有助止癢.
高太:
你試我給蔡蔡的食療.
蔡蔡:
你試用鮮土茯苓2兩,赤小豆,綠豆,薏米各2兩,蜜棗2粒煲瘦肉湯,8碗水煮2小時成4碗,分2天服,連服3劑,看能否改善?此湯有清熱解毒,消疹作用.
芳姐您好!
我今年27歲, 由去年開始身體手腳經常出現風癩, 特別手掌心, 腳掌位置布滿紅點, 痕養不止. 睇西醫/中醫均只開一些過敏藥如撲爾敏, 每次都只說過幾天就好了. 請問有什么可以調理的嗎? 每天每夜都痕癢不止就快令人崩潰. 感激不盡!!
芳姐你好，
我飲了三黑湯2天同時有吃抗敏藥，但今早醒來看見雙腳又出了風癱， 點好？
好煩惱！
芳姐，你好，近半年每日不断出風難之餘，仲會口腫面腫，連手掌都腫！我知呢啲唔係水腫既腫，因為每次發痕，我唔食抗敏藥之後，一個小時左右慢慢出難既地方唔痕，但咀唇同手掌開始有啲痺痛，慢慢就會腫左出黎，咀唇可以腫到好似潤腸咁，好誇張，腫左既時間一定要食抗敏藥！如果唔係就會持續一日都唔退，咁請問有咩食療可以好快而方便咁俾我使用解決，因為浸醋要等四個月，我要發慌了，現在呢一刻我都是眼腫咀腫中！感激萬分！
芳姐你好！
謝謝你！
雯雯:
樟木碎煎水作外洗完全没有毒性,飲入肚當然不行!小朋友可以作外洗劑,對風疹十分有療效.
芳姐你好！
小孩能用樟木碎煲水冲涼嗎？因樟木好像有毒性
高太:
黑豆,黑芝麻,黑棗湯對慢性風疹,濕疹都有幫助.飲湯吃湯料就成.無需特別吃黑棗.連服3天.
芳姐，我想可能不是桑椹湯而是停了葯又出風疹。我還在服這湯。
那是否煲黑豆，黑芝麻，黑棗湯好，定每天食黑棗好？要食幾天？
又要麻煩你回覆，謝！
高太:
青欖,桑椹都不屬發物,一般較少食用後出現不適.但無論如何,既然你服後不適就以後不要再用.黑豆,黑芝麻粉沖劑服用有幫助,最好吃些黑棗,用熱水泡片刻食用,因為棗子中有些物質有抗過敏作用.每天吃4~6粒試試.八珍甜醋賣的蘆薈精華油是gel來嗎?我一向以為是油來的.應該對皮膚搔癢有幫助的.不如買瓶純米醋塗患處更好,起碼便宜很多.
以上更正 ‘停葯時我有服桑椹青欖湯，，即是停了3天西藥， 服了3天湯之後有出幾粒風疹。“
芳姐你好！
本人自小有濕疹現在中年。 在2星期前出了好嚴重風疹，連續4 晚都出到紅腫痕癢，塗米酒/酒精/大麻子油都沒用。之後要看醫生要吃類固醇葯。这个是急性风疹定慢性的？停葯時我有服桑椹青欖湯，但服了3天湯都有出幾粒風疹。之後去覆疹又要吃抗敏葯。
我有貧血但中醫話我是操底，那这个鮮魚腥草,生薏湯是否適合我？我怕这西葯停了又出風疹，應該如何好？買不到樟木碎，你講的99%純蘆薈精華油八珍甜醋店話是gel，這个各gel可以嗎？外塗會消疹嗎？
我看有黑芝麻黑豆粉的沖劑，这个有用嗎？
謝謝！
高太
雯雯:
你試用鮮土茯苓2兩,赤小豆,薏米各1兩,綠豆1兩,蜜棗2粒煲瘦肉湯服,連服3劑,看能否改善?
芳姐:
我女兒今年10歲，每天晚上睡前開始頭痕身痕，半夜3點左右又開始痕，中醫診斷為蕁麻疹中醫西醫針灸都試過，未見效果，請問芳姐有咩方法?
這個蒜醋制成後要放入雪柜嗎？未可用這蒜醋前可用咩代替來塗風疹？我用過米酒同酒精都晤得！
高太:
蒜醋不用放雪櫃,置陰涼處就成.如風疹太癢,有一急止癢方法,就是用藥棉沾[李斯德林潄口水]塗患處.其實最好是用樟木碎煎水洗患處,半小時內可消疹.
soccerlover:
如果你左右手都有這些小水泡,即是濕疹,因為濕疹是對稱性的,右手有,左手必有.可以煲些綠豆薏米海帶糖水服用,連服3劑,看能否改善?
芳姐, 我之前問過有關我慢性蕁麻疹的問題; 最近英國天氣比較熱, 我的手,特別是手指, 出現了一些突起的粒粒, 小小的, 我覺得它們似是’水泡’. 上年五月我在香港時手指也出了這樣的水泡, 到天氣開始清涼才退. 請問這是否濕疹的一種? 有沒有湯水可以幫助?
明女:
我是在報章見有位作者提過她用過很多方法都無法治好濕疹,是一次無意中去刮沙,拔罐竟神奇的好了很多,故她去了多次,就將纒擾她十數年的濕疹治好了,我覺得有道理的,刮沙,拔罐,能將體內濕毒拔出來,當然要找個經驗好的中醫師才成.
謝謝芳姐解答! 想問詳細少少, 煲薑,紅糖,米醋, 我唔想甜, 可以不用任何糖嗎?
刮沙,拔罐, 你提及過有人因此好返, 想問下, 他有無詳細說明, 大約做了多久才好返呢?應該多久做一次?每次做幾耐?因為我未做過, 問過出便店鋪時間又不一樣
明女:
其實風疹最重要是找出致敏源,避開致敏物就不會發病.建議你看港大,中大或浸大的中醫師,他們經驗豐富,先去確診一下你自己體質,先作調理.一般容易出疹者多屬虛性體質,强健之人甚少發病.所以調理好身體才最重要.食療方面,你可以先健脾胃開始,用淮山,茯苓,蓮子,芡實各5錢,,加黑豆1兩,黑芝麻3錢,黑棗6粒煲瘦肉湯,8碗水煮成4碗,可分2天服完,連服3劑,即服6天,有助健脾胃,防慢性濕疹/風疹.
芳姐, 我患风疹己半年有多, 中医看了3個, 一個食到我入急症,
一個令我發到不行, 一個還可以, 但十分慢, 葯都食左三十幾日,唔太有效果。
佢地3個講野都唔同, 不過有2個都叫我唔好食咁多水果, 要食肉, 話我唔夠血, 虛, 我都覺得係, 因有一排我食節瓜, 果排就頭暈。
但你話要多菜少肉, 咁我應該如何呢?
我己看哂所有之前你和风疹患者的解答, 我的病徵和大部份患者一樣, 痕痛都算了, 最痛苦的是易累, 肥左好多, 個肚不合比例地脹, 做幾多運動都無用, 好煩惱, 我比較想解決呢個問題先。
你話急性风疹可以煲薑,紅糖,米醋, 咁慢性的有用嗎?我唔想甜, 可以不用任何糖嗎?
因為食太多葯有點怕, 之前我都有諗過刮沙,拔罐, 而你也提及過有人因此好返, 想問下, 他大約做了多久才好返呢?應該多久做一次?我之前未做過的。謝謝!
soccerlover:
蒜頭去了衣,最好切了些少頭,有爛要削深些,最好不用,要來煮餸就是.浸後一兩週開始起化學反應,蒜子會變得藍藍綠綠,不要緊的,待幾個月後回復正常就可以用.
芳姐, 我今天弄了蒜醋! 我想問, 將蒜頭去衣後, 要不要切去頭? 另外, 有些蒜頭有少許’爛’, 是否可切去爛的部份繼續用?
芳姐你好，我試試吧～謝謝你！！但我男友現在睇左中醫，日日都要飲兩次中藥，可否飲土茯苓？至於用橄欖油加米醋問題，佢全身都痕，恐怕用藥棉都唔夠，用毛巾抹又可以嗎？無限感激！！！
library:
飲中藥都可以飲土茯苓湯,隔1~2小時飲就成.外塗醋油不要用毛巾,毛巾會[索]走太多油和醋.應該將橄欖油醋倒一點點在手心中,兩手搓揉一下塗在你男友身上,可先試試没潰瘍的地方,我怕醋對潰瘍的地方會太刺激會疼痛都未定.
may:
你試用藥用橄欖油(在西藥店有售),拌純米醋,每樣等份調勻,用藥棉沾汁塗患處,有助止癢.你可以用鮮土茯苓2兩,生地5錢,綠豆,薏米各1兩,黑棗6粒,8碗水煮成4碗,分2天服,一星期3劑,即連服6天.看能否改善?
芳姐你好，我男友有嚴重濕疹，慢性蕁麻疹，和免疫系統出問題，全身痕癢，好多地方已又爛又含膿，昨晚開始已漫延到個頭都痕，請問可以煲啲咩湯水，搽啲咩可以令佢冇咁辛苦？
芳姐, 我想再請問, 你說可以煲”黑芝麻5錢,黑豆1兩,黑棗6粒,5碗水煮成2碗服, 一星期3次” – 2碗水是否一次過飲, 還是分開不同時間飲? 月事期間, 是否仍然可以飲用?
訪客:
2碗是一天早,午或早,晚分服.月事期間可以飲,没問題.