By 芳姐 ( 31 8 月, 2012 at 7:35 上午)
· Filed under 小兒常見病
很多小朋友一上學,就會感染上呼吸道疾病,如傷風,感冒,喉痛,咳嗽等,往往病癒不久又受感染,吃藥吃到體質越來越差,脾胃虛弱,不思飲食,面黃肌瘦,倦怠乏力.甚至睡不安寧,思維遲鈍.故小朋友必須在日常注意飲食營養均衡,不要偏食,加上適當運動休息,及多飲水,可減少疾病發生.
[淮山蓮子豬展湯] 有健脾益氣,開胃安神等作用.對小兒體質虛弱,容易生病,睡不安寧很有幫助.
用料是: 淮山1兩(鮮品3兩),蓮子1兩(鮮品2兩),紅棗6粒,陳皮1塊,豬展1個.
做法: 豬展切塊,出水;其餘材料浸洗;將全部材料放入煲內,用8碗水煮2小時成4碗.飲湯吃湯料.
~ 小貼士: 此湯對病後體虛人士亦非常適合,老少可飲.最好連湯料同食,療效更顯.
Permalink
請問一歲bb，可飲什麼湯？夜晚成日醒！
chun:
你試用淮山4片,雞內金2錢,紅棗6粒煲瘦肉湯,6碗水煮成碗半供服,連服5劑,有助健脾消滯.
芳姐：
我想問我囝囝15個月，食固體方面時好時壞，今餐食下餐又唔食😭
見佢咁有d擔心加上夜晚又瞓得唔好!唔知係咪出牙仔有影響❓❓❓
想問有乜食療可以幫幫囝囝令佢食慾好d,感謝!!!
LING:
可以用湘蓮子.2人分量每樣用5錢,紅蘿蔔1個,栗子6粒同煲瘦肉湯.
芳姐
請問蓮子用箱蓮子嗎？請問如果2人份量應該係多少？
LING:
你可以用蘆根5錢,薏米1兩,雪梨1個,去核,5碗水煮成2碗供囡囡飲,有助清臟腑熱,可連服2劑.平時可以煲些四神瘦肉湯供食,用淮山,茯苓,蓮子,芡實各適量+紅蘿蔔,栗子煲就很有益,可加肉或鮮魚同煮.
你好芳姐
囡囡1歲剛出完玫瑰疹發了3晚高燒，痊癒後無咩精神無哂力氣，請問依款湯水適合嗎?另外想請教一下我發覺囡囡學爬學行都好，但好似唔夠硬正咁，有無湯水係補根骨又適合佢飲？ 先謝謝
Mrs tsui:
服西藥後會損傷脾胃功能,可以煲淮山芡實鮮魚湯作調理.或加些蓮子,茯苓,紅棗,陳皮一同煮更佳.
芳姐你好！屋企人有流感，要食特敏福中。有朋友講食完特敏福身體會變得好虛弱，係咪復完後煲淮山芡實鰂魚湯補充？或有咩湯水補返？好似仲話面色會變得灰灰的？
COCO:
紅棗去核.煲2小時.
謝謝芳姐回答，請問紅棗要去核嗎？要煲幾耐?
COCO:
你可以用四神排骨湯作調理.即淮山,蓮子,茯苓,芡實各1兩,紅棗6粒,生薑2片煲排骨湯,全家可服,一星期2~3次,至面色改善為止.
芳姐你好，
小兒6歲，有蠶豆症及濕疹，臉色及嘴唇白，有什麼湯水可改善?
JAN:
如仔仔燒已退,可以用淮山,茯苓,蓮子,芡實各1兩,紅棗6粒,陳皮1塊煲瘦肉湯供服,此湯全家可飲,有助健脾益胃,增强體質.雞湯必須去皮煲,用雞胸肉煲會好些.
芳姐:
妳好!我仔仔13個月大,前幾天高燒了三天,用完西藥退燒後,身子變得虛了很多,無胃口,流汗,手腳容易冰凍,腸胃差,適合飲那些湯呢？可以飲雞湯嗎？期待妳的回覆,萬分感謝!!
你好，芳姐，我bb十一個月大了，這兩天天氣轉冷，bb就間中打噴涕，有鼻水流出，睡覺時，更會有鼻塞和咳，有時咳到嘔，請問有甚麽湯和食疗可以帮他增强抵抗力？ 另外，我朋友说咳可以碗半水煲蘆根和浙貝10多分鐘給bb喝，可以嗎？謝謝！
bb wong:
蘆根清熱退燒,如果BB有燒可以用,浙貝母清熱化痰,如BB熱咳痰黃及日間咳多可以用.但如果晚上咳多及鼻塞,可能鼻水倒流引起,加上寒咳多點,蘆根浙貝母茶就不適合.可以用蘇子3錢,辛夷花5朵,紫蘇葉2錢,肉碎適量煲粥供服,蘇子及辛夷花入茶包袋中,先與白米煮成粥,最後加入肉碎及紫蘇葉煮10分鐘,將茶包及紫蘇葉撈走即可供服,有散寒止咳,化痰收鼻水功效.可連服2劑.
PSMA:
只是飲湯,加上湯料都是一些很平和的食材,BB可以飲的,最重要是不要加任何調味,以免影響BB對味道的要求.
小兒bb 剛6個半月，開始食米糊，果蓉等等。奶奶昨天以此湯開奶俾bb 飲，說想佢開胃d，請問bb 咁細 是否合適？(湯亦加埋茨實蜜棗無花果)
小兒bb剛6個半月大，開始食米糊，果蓉等等，昨天奶奶以此湯水(淮山蓮子豬展湯) 開奶俾bb 飲，說等佢開胃d, 請問bb 咁細是否合適？
多謝芳姐的解答。妹妹已退燒，睇咗醫生，但總有幾聲咳，有痰，清吾到。哥哥就好易嘔同肚痛(肚臍對上)，請問有什麼食療適合他們？謝謝！
Elsa:
你試用蘇子,萊菔子各3錢入茶包袋,與白米,肉碎煲稀粥供妹妹服,連服2劑,有助清痰.哥哥可以用炒扁豆,芡實,白朮,茯苓各5錢,生薑3片煲瘦肉湯供服(或最汁煲粥亦佳),有助健脾,改善肚痛和嘔.
ELSA:
你試買去運動用品公司買條[魔術貼帶],這種像手表樣的貼帶中間包住一粒膠珠,只要讓仔仔戴在手腕上,粒珠在手腕橫紋中間對落些少(仔仔三隻手指打橫量處),即中醫稱的[內關穴],一下車感到頭暈,即按粒珠仔,很快止眩暈.平時可以用法夏,茯苓,白朮各3錢,陳皮2錢,生薑3片,甘草1錢,5碗水煮成2碗供服,連服3劑,看能否改善?
細女如發燒要看醫生,因為已經咳了三星期,必須看醫生,看肺部是否有炎症?
芳姐您好！我大仔六歲經常暈車浪，易嘔及肚痛，係咪多食淮山會有幫助？另外，細女兩歲咳咗三星期，而且好多痰，昨日有少少燒，有咩湯水適合她？謝謝！
PEONY:
如湯味酸,多數因為淮山等材料有硫磺薰過,要先浸水1小時,將水倒走才煮就没事.因硫磺極易溶於水的.
芳姐,我今日跟著煲了,但不知什麼出錯,好像帶點酸味。
多謝芳姐回覆，2錢是不是大约l匙左右？
LISA:
2錢川貝末大約1湯匙左右.
芳姐你好，女兒21個月大，有啖聲久久不去，但冇病，冇咳，n冇燒，只係有時咳1聲半聲知道佢有啖。。。之前時常吃磨菇，聽說濕，停吃之後好了，現在又有啖。。。她平時食南瓜，節瓜，波菜，西蘭花，藍莓多，會不會有影響？點可清呢？
LISA:
中醫認為[脾為生痰之源],小兒脾虛就易生痰,故首要是健脾.平時可以浸些芡實(約5錢),煲粥時投入一齊煮,可以將芡實磨成粉,煮粥時或煲湯供服時加入2~3茶匙一齊煮供食,常食有功袪痰.現時可以用川貝末2錢燉蘋果食用,蘋果去皮,去芯,2碗水蒸半小時食,可加些少蜜糖.吃的食物没問題.
芳姐，你好，仔仔現在十四個月，流很多口水和晚上睡得不好，偏瘦和比身體不夠結實，請問可飲此湯和有湯療可介紹嗎？？另外他晚上睡得不好是心火嗎？紅棗會不會助長心火。萬分感謝你
ALLY:
流口水太多可以用益智仁3錢,茯苓3錢,白朮3錢,淮山,蓮子,百合各5錢煲瘦肉粥供服,一星期2~3次,服一段時間會有助改善.此粥健脾胃,長肌肉,助安睡,可常服.
芳姐
我仔仔四歲，三歲時生左一粒眼瘡，做手術放濃，但隔左一個月又生過，直到依家間唔中都生，但已介晒熱氣嘢，經常飲涼茶都唔得，中、覀醫都睇過好多次，無改善，現在只有晚晚同佢敷熱毛巾，請問可以您D乜湯水比佢飲好，仔仔又係食極唔長肉，又經常咳同有痰。
HING:
仔仔眼皮生眼瘡位置由於防禦薄弱了,故一發病這個位置會最先受侵襲.可以用金銀花,菊花各1小撮泡茶供服,可加些蜜糖,好味些.茶渣可用紗布包住,趁温敷眼,不要太熱,只要温暖就可敷,一星期3次.脾胃可以用淮山4片,雞內金3錢,紅棗6粒煲瘦肉湯服,一星期2~3次,可服用一個月.
星昇b媽咪:
你可在湯料中加茯苓,芡實各5錢,以加强健脾袪痰功效.另外可以用川貝末3錢燉蘋果2個,去皮,去核,3碗水蒸燉半小時,可加些少蜜糖,供兩個仔仔服,有助化痰止咳.可連服3劑.
好彩睇到芳姐食療介紹，我有個大仔2歲，同細仔6個月，2個都咳後，有好多痰，哥哥冇胃口食飯，只偏愛零食，病幾次瘦曬，飲呢個湯係咪會好D？果皮水可以俾佢地飲用嗎？
星昇b媽咪:
果皮水加蘋果(要去皮,去核)煲水供仔仔服,有助健脾胃,止咳.可連服3天.
TARO:
辛夷花川貝枇杷雪梨排骨湯可以服.蘿蔔薯仔魚湯可以服.痱滋好後可以用淮山,茯苓,蓮子,芡實百合各5錢,益智仁3錢,圓肉3錢煲瘦肉湯,有助健脾,改善面色,安眠.但痱滋未好不宜服.
另外想問一下，上網見到一款湯(辛夷花，川貝，枇杷，排骨，雪梨)是否啱飲?謝謝
您好，小女4歲，經常鼻塞，現在有清鼻涕，睡覺時有流口水情況(有泡沫)，有痱滋，所以夜晚睡眠也比較差，之前睇中醫話她脾虛，臉黃，比較瘦，請問此款湯水適合嗎?如果吾用葯材，可否煲蘿白薯仔魚湯?謝謝!
JESSICA:
辛夷花各體質都可用.
請問芳姐辛夷花茶是否各體質也適合服用？謝謝！
JESSICA:
如感冒未清暫時不宜飲此湯.你可以滾些芫荽葱生薑魚片水供服,有助解表.如鼻水仍流,可用辛夷花5朵泡茶供服,連服2天.
芳姐你好,
如小兒正流清涕可飲此湯水嗎?還有，小兒1歳，近期發覺他鼻頭黃黃的，是什麼原因及有何食療可改善呢.
謝謝,
你好！芳姐,
小孩冬天手腳凍,但身體暖,早上及晚上有時要穿襪子,請問可以改善 。
謝！
問題多多
問題多多:
如果你摸小朋友頸項部分是暖的,就算手脚凍些應没問題.可以用北茋,防風,白朮,桂枝各3錢,生薑3片,紅棗6粒,5碗水煮成2碗供服,一星期2次,有助增强體質,改善四肢寒冷.
請問食西葯可以飲淮山湯嗎,因為我很多時都要服西葯的
訪客:
淮山性平,服西藥都可以用,没問題.
ANNIE:
骨質疏鬆宜用炒黑豆1兩,杜仲5錢,淮山1兩,杞子5錢,南棗6粒,煲豬骨湯或鮮魚湯都可以,煲個半鐘,全家可飲,一星期3次.可連服3個月.平時早上及黃昏可曬半小時太陽,適量用米醋煮食,有助鈣的吸收.
Hello,芳姐妳好.想問芳姐我有骨質疏鬆症係去到最差但唔知飲咩或者食乜好呢?謝謝妳,
thx!
karmen:
可以加紅蘿蔔,没問題.
請問這湯可加紅蘿蔔嗎？
yoko:
蓮子用有心蓮子較佳.新鮮更好味,鮮品要用2兩.平時可以用淮山4片,雞內金2錢,紅棗6粒煲瘦肉湯供囡囡飲,一星期2~3次,有助健脾開胃.鮮淮山亦佳,可以壓成茸供食.
芳姐你好，
謝謝妳，等我煲比囡囡試下先，想問蓮子係咪藥房買定係買新鮮果d？煮咩可令bb開胃？thanks!
Yoko
yoko:
你試用蓮子連心1兩,燈芯草6扎,4碗水煮半小時餵幼兒服,有助清心火,安神,可連服3天.出牙仔會扭計,都是飲這款茶就成,可加粒蜜棗,甜些少可能肯飲.
芳姐你好，
想問飲此湯水係咪可以令小朋友訓得好些？我囡17個月大(餵母乳)，夜晚訓覺成日醒，佢又唔鍾意飲水，七星茶又麻麻地，湯水也飲少少，好味就飲半碗，會唔會熱氣訓得唔好？還有可以煮什麼比佢可以令佢開胃？佢呢排出牙仔，唔好意思，太多問題，我好想改善佢訓得好d，thanks!
Yoko
fong:
對濕重者紅棗要去核.
請問紅棗要先去核嗎?