By 芳姐 ( 14 8 月, 2012 at 7:09 上午)
· Filed under 婦科病／產前，產後／不孕
益母草是調經聖藥,婦女月經不調,痛經,產後惡露不盡,瘀滯腹痛等都可用益母草作調理.
[益母草山楂紅糖水] 對痛經屬寒濕凝滯,氣滯血瘀,症見來經或經前小腹冷痛,喜暖,月經色黯有塊,畏寒便溏;或經前或來經時小腹脹痛,拒按,經量少或不暢,經色紫黯有塊者均有療效.
用料是: 益母草1兩,山楂5錢,紅糖適量.
做法: 益母草,山楂洗淨,用5碗水煮1小時,加入紅糖煮溶即成.
~ 小貼士: 患痛經婦女來經前或來經期間忌吃生冷寒涼食物及冰凍冷飲,會容易引起痛經.此湯可於來經前一週開始服,連服5劑.
Permalink
芳姐早晨，請問行經期間，可否飲用益母草？謝謝🙏
May:
益母草最好來經前或經後服,但如果來經不暢或經痛可適量服.
芳姐你好
我今次經期比平常提早了七日 舌尖有紅 少少痛 面上有一些暗粒 平時甚少出現
本身體質應該是陰虛火旺 而且剛到新環境生活十分忙碌 適應頗大 欠缺休息
請問我可以如何調理體質？謝謝
Yy:
舌尖紅有刺痛是心火及肝火盛引起,可以用天冬,麥冬,百合各5錢煲粥食或加些瘦肉煲湯服,連服3劑.
芳姐您好，感謝您的回覆，我煲了您 建議的湯水真的有改善睡也比較舒服 想請問我這種體質（陰虛火旺）每次來經後我可以喝什麼調理？謝謝
Yy:
來經後可以煲些木瓜雪耳杏仁花果糖水服,以滋陰潤燥.用量隨意,全家可飲.天冬,麥冬,百合湯亦適合飲2劑.
芳姐你好，
我40歲，
每次經期時，都偏頭痛。
請問可以怎調理?
謝謝~
Elly
Elly:
你可用川芎2錢,白芷2錢,天麻3錢,紅棗5粒,生薑2片煲大魚頭湯,煲1小時,飲湯吃魚頭,來經前一星期連服3劑.
謝謝芳姐，
燥熱體質適宜嗎？
Elly
Elly:
燥熱體質不放紅棗就成.
經前有4-5天流極少量啡血，沒有經痛，經期及經血亦正常，可以煲什麼呢？謝謝
Carol:
紅血啡色可以簡單的用山楂,生薑,紅糖煲水代茶服,煲15分鐘可飲,連服2~3劑.
芳姐你好
小朋友平時煲什麼湯水唔會寒涼
Ella:
小朋友當生當長,只要少用生草藥這類寒涼食材,一般就算微涼的瓜果蔬菜菌類湯都適合的,因為寒熱温涼的食物都要適量服用才合營養.只要在湯料中加些生薑,陳皮,紅棗就可以抑制瓜果的寒涼之性.
芳姐你好
小朋友寒咳煲什麼好
Ella:
小朋友如果細個,寒咳可以蒸個洋葱,蒸半小時,用湯匙壓汁液飲用.或蒸個鹽橙無服.或用紫蘇葉3錢,生薑4片,葱白3棵,紅糖少許滾湯10分鐘供服.連服3劑.
芳姐，你好，我有子宮肌瘤，大約1cm，我想問益母草可否令子宮肌瘤縮細或消失？我
同埋過多一年，我想準備懷孕，可以點調理身體，令子宮機能更好？謝謝
Apple:
你可以用益母草加黑木耳煲紅糖水飲,有助防肌瘤增大.中醫治理能消肌瘤,但要有耐性吃藥.你想備孕可以去三聯或商務印書店買我本著作《調理好體質‧想要懷孕，就從吃對食物開始》一書作參考.書名特長,但內容充實.
芳姐，謝謝你解答，
有耐性食藥，係唔係煲你所講既就足夠？
煲幾耐？份量幾多？一星期飲？定日日飲？^_^
Apple:
中醫中藥才能消肌瘤,可以去幾間大學設有中醫門診的地方看經驗好的婦科中醫師,如經濟問題,可以去政府設有中醫門診的地方預約看診.因為現在中醫費用也不便宜,但的確要服食一段時間的中藥才能消除肌瘤.食療只能作輔助治療,可以防肌瘤發大而已.
芳姐你好
月經量少，來一兩天應該煲什麼好
Ella:
可以用益母草5錢,山楂3錢,紅糖適量,4碗水煮成2碗服,一星期2~3劑,來經停服.
請問每次月經有經痛，但陰虛火旺是否適合服用益母草？謝謝回覆。
Polly:
時常經痛,最好作體檢是否子宮內膜異位等毛病?陰虛火旺都可以用益母草,無需加山楂,可配南棗5粒,紅糖適量來煮.
芳姐, 你好, 我現在48歲, 已沒有來經差不多10個月, 期間都試過2次連續看中醫一個月, 但都沒有來經, 我想延遲收經, 請問這茶飲有幫助嗎? 食白鳳丸如何? 謝謝芳姐!
kaka:
建議你看醫生驗血,如果雌激素分泌很少應該是停經了,可以多吃海參養顏補充雌激素,較服藥更佳.
此茶可於產後第一天開始服用嗎？
Leung:
此茶產後3天才服較佳.
芳姐，你好，請問這個益母草可否用新鮮的？
米雪:
可以用鮮益母草,用2兩.
芳姐您好，我今年30歲，平時手腳冰冷，由細到大月經量十分大，因此有缺鐵性貧血，要食鐵片。每次經期有兩三日痛到咩都做唔到，好暈，最痛個日有時甚至痛到想嘔。同埋有時有一兩日會好多血塊。我月經通常係7日左右，直至一年半前突然變成10-11日，頭三四日好少血，之後7日就好似以前咁，之後檢查發現有子宮息肉，已於4個月前切除。但之後仍然冇好轉，依然係頭幾日好少，之後再7日經期。我係外國，睇西醫，西醫話冇乜大問題，話每個人身體都會隨著年齡不斷變化。同埋我月經有時隔26日就黎，有時28日，有時30日。請問芳姐我平時可以食d咩改善呢種情況？10-11日真係好長時間，唔知點解一年前突然變成咁。同埋黎月經前，月經期間，月經後，可以如何調理？多謝芳姐。
Gina:
你試用山楂15克,肉桂3克,紅糖適量,4碗水煮成2碗服,一星期2劑,來經停服,服一個月,有助改善手脚冷及來經量多情況.
多謝芳姐。請問是否肉桂粉和桂皮都可以？同埋有冇食療可以調理我提到既經期變長既情況？
Gina:
這款食療是針對經量多及經期延長的.如用肉桂粉,用1克就夠.
多謝芳姐迅速的解答🙏 今日已經煲佐一劑黎飲🥰
你好，芳姐， 我經前有少少偏頭痛， 月經第一二天頭痛持續，第一天開始血是深啡色的，不多，期後血量正常，血是紅色的。 覺得易凍， 特別是背脊。 有湯水調理頭嗎？
陳小姐:
你試用川芎2錢,白芷3錢黃精5錢,生薑3片,紅棗5粒煲大魚頭湯服,有助防治偏頭痛.如有暈的感覺,加3錢天麻同煮1小時.