By 芳姐 ( 23 4 月, 2017 at 1:41 下午)
· Filed under 小兒常見病
有些父母見到孩子食欲欠佳,含住啖飯久未嚥下,因而想到利飲食療法去改善小朋友體質,這種方法是可行的,但食療必須持之以恆,不能操之過急。
我見過不少老人家愛孫心切,會買些很補益及價錢昂貴的中藥材、保健品,希望短時間內調理好孩子的健康,却不知道孩子多屬「稚陰稚陽」之體,對一些大熱助陽之品,或過於滋陰厚味之品完全不適合,故最好用一些價錢不太貴,性質較平和的如:淮山、蓮子、茯苓、芡實、薏米這類食材煲粥或煲湯去作調理。
「淮山雞內金瘦肉湯」對孩子脾胃氣虛、食欲不振、面色無華、腹瀉等很有幫助。
用料是:淮山4片,雞內金2錢,紅棗4枚,瘦肉3兩。
做法:淮山、雞內金浸洗;紅棗去核;瘦肉切片,出水;將全部材料用5碗水煮1小時成2碗即成。一星期2~3劑。
~ 小貼士:此湯可常服,有補中益氣之效。亦可以加小米煲粥,當正餐供食。
小啓:抱歉近日網站出了故障,回覆的食療問題未必能出現在版面上﹗
Permalink
芳姐 :
想問如果唔落紅棗 轉落無花果可以嗎? 怕小朋友唔鍾意紅棗隻味🙇🏽♀️
豬仔:
可以用無花果3粒左右代替紅棗.
芳姐早晨,
我之前問過你但找不回留言。
我仔仔7個月大偏瘦,然後我有跟足你的方法服用牛肉汁7天。
另外忘了跟你說明,我仔仔有尿導倒流問題,所以長期服食抗生素以至吸收功能比較差。
請問有沒有方法令他吸收能力比較好?
感謝你的幫忙
Hilda
Hida:
小米最健脾,配些紅棗煲健脾又補血.可以去佐敦裕華超巿買些藕粉,因為小米煮後不黏稠,加些藕粉一齊煮好味及加强健脾胃功效,也可以配瑤柱肉碎煲小米藕粉粥食.隔天1劑,服兩星期試試,用量隨意,全家可食.
芳姐,
謝謝你🙏🏻
每次落大概多少藕粉?
Hilda:
如2人量放半包,4~5人量放1包.
芳姐, 你好! 小兒21個月大, 近排便便都比較爛, 有時會一1日排便3次都係比較爛. 呢個湯水岩飲嗎? 另外還有其他湯水/食療適合? 佢都肯食同肯玩, 精神都好. 但偏瘦, 食野好似唔太吸收。謝謝!
同埋頭髮生得好慢..好稀疏
Liz:
你可以用鮮牛肉3兩絞碎,隔晚用清水一大碗浸1晚,第二天牛肉連浸的水隔水蒸燉40分鐘供仔仔一天分服,連服4~5天,對脾胃吸收很有幫助,另外可以用芡實打碎或磨成粉煲粥仔供食,有助改善便溏.用2茶匙就成,可加其他仔仔喜歡的粥料同煮.頭髮少待營養吸收得好即可改善的.
謝謝芳姐
請問浸牛肉水需要放入雪櫃嗎?
Liz:
浸牛肉一定要放雪櫃才成.
芳姐唔好意思,全家都好多問題,感激你無私既付出。我女女好多野都唔肯食,自小徧食,食量少,最近食日urr氣,好似好多胃氣咁,三歲半都係得24磅。但人是精神的好活躍。請問有冇消胃氣既食物,山渣餅可以嗎?如果陳皮水同雞肉金湯都唔肯飲
訪客:
山楂餅不宜過食,因為可能含糖分高,或許是糖精製都未定.可以多煲些小米粥供食,很健脾胃.但小米黏稠度不足,煲時最好加藕粉煮,藕粉補益.在佐敦裕華超巿有獨立包裝的盒裝藕粉賣,小米粥煲好後加入調成糊的藕粉,煮至滾即成.粥料隨便調配,例如加些囡囡喜歡的肉,豆或蔬果.
芳姐你好
我仔7個月啦,由3個月開始厭奶,食依家加固又食得唔好,唔肯點食,近排仲見到奶樽就嘈,一日既奶量得500,大便有時糊狀有時就杰撻撻甘樣,偏綠綠地。我已經一星期煲4臣湯開奶俾佢飲,都飲左幾星期啦,但厭奶表現都仲有,會不會無生積?成個月體重都無增加又唔長肉。可以點做?
訪客:
你試用白蘿蔔1個,雞內金2錢,炒麥芽5錢,陳鴨腎2個煲瘦肉湯,全家可服,仔仔一天分服1碗,有助健脾消積滯.連服3劑.另外可以去點點綠等店買淮山粉煲粥仔供服,可以放任何BB喜歡吃的粥料.淮山很健脾胃,如果煲小米粥更佳.
想問下湯可唔可以用來開奶飲?我都煲左蘿蔔+小米粥俾佢食,佢都唔肯點食
訪客:
可以煲湯作開奶茶.
芳姐你好,小朋友發燒可以飲這款湯嗎?如果小朋友唔鍾意飲湯,放雞內金一齊煲飯(煲完拎走)有冇效?另外想問燉牛肉汁會燥熱嗎?謝謝你。
Joyce:
小朋友發燒就暫時不要用淮山之類補益食材,先退了燒才用.雞內金可以煲好拿走没問題,但飯會不好味.脾虛小朋友可以服用燉牛肉汁,不會太燥火的.
芳姐:午安!9個半月BB女,有時含住唔吞,無腹瀉,可以煲此湯嗎?謝謝
cherry:
你可以試給此湯囡囡飲,連服3~4劑,看能否改善?
芳姐,如果BB夜晚睡不安穩,小便重味尿比較黃,可以加咩或者其他食療嗎?
cherry:
你可以用蘆根5錢,生薏米1兩,燈芯草6扎,4碗水煮成碗半供服,連服3劑,有助清心安神,利小便.
芳姐,我女兩歲,呢幾日脾胃麻麻,今晚食完奶嘔。請問有咩食療或湯水呢?
Carrie:
如囡囡没有發燒,可以用芫荽葱各2棵,生薑3片,紅糖少許,2碗水煮成1碗供服,有助袪風止嘔.如發燒要看醫生.
一歲可飲此湯嗎
Miki:
1歲可以飲.
芳姐 你好 請問九個幾月BB可以飲這款湯嗎 同埋燉牛肉汁
訪客:
9個多月BB可以飲此湯,燉牛肉汁一星期可服2劑.
牛肉汁塞唔塞落其他嘢 會唔會好腥
Jacky:
用新鮮牛肉絞碎蒸燉牛肉汁味道鮮美,可加片薑,易入口的.
好 唔該曬
請問雞內金可係邊買?
Mimi:
雞內金在中藥店有售.
芳姐,你好!個仔兩歲,只有9.7kg,過去一年黎只重得1kg,頭髮黃(之前係黑色架),好瘦(佢一歲前都有d肉地架,可能副食個量太多,食壞左個胃),佢到而家仲好食得,好鐘意食野,睇過中醫話佢係消化不良導致營養不良,二個月內飲過三星期中藥,但唔見成效;現時有控制佢食量,一日三餐正常食,冇比零食,下午茶飲奶,有幫佢推拿,請問有咩湯水可以幫下佢?一星期飲幾多次?可持續飲幾耐?感謝回答!
Albee:
你可以煲這款淮山雞內金瘦肉湯,一星期2劑.另外用3兩絞碎牛肉,隔晚用清水一碗浸,第二天牛肉連浸的水蒸20分鐘供服,一星期2劑,能健脾開胃,長肉.
芳姐您好。我又要麻煩您了。我女兒2歲半多。前多一個星期六流鼻水。發燒。咳嗽。看了2次醫生。又吃了抗生素。但是鼻水一直都有。是透明的。又有幾聲咳嗽。又沒有什麼胃口。我應該煲點什麼給他飲好?是不是不可以吃魚肉同雞蛋?而且我自己又老咳嗽。痰多,是绿色。感覺老是卡在喉嚨那。晚上喉嚨裡面會很癢,一癢就咳得厲害。期待您的寶貴回覆。感謝芳姐。
芊穎媽媽:
囡囡鼻水多可用辛夷花6朵拍碎泡茶供服,可加蜜糖.你有炎症則要用鮮魚腥草2兩,北杏3錢滾瘦肉湯服,4碗水煮成2碗,連服2劑,有助清熱消炎止咳.
芳姐您好。先感謝您在百忙抽空看我的求助。我囡囡2岁半,脷苔中间好黄,周圍都好白,有点口气,早上起身都有眼屎,睡覺都睡的不好,胃口都不是好好。期待您的回复。感謝。
芊穎媽媽:
舌苔白中間黃是濕熱之象,雲苓白朮扁豆衣水要飲多幾劑,舌苔改善了脾胃功能都可以跟着改善.有眼屎也是熱象,加上睡不好,可能肝火及心胃火盛,可以用有芯蓮子1兩,百合1兩,燈芯草6扎,4碗水煮成2碗供服,連服3劑.
芳姐您好。先感謝您在百忙抽空來看我們的求助。我囡囡2歲半多,脷苔又黃又白。特別是中間那個位置都好黃。有點口氣。最近胃口又不好。睡覺老是踢被。拉便便都不是好好。幾日一次。又有2聲咳嗽,我想我應該煲點什麼給她飲好。期待您的回覆。感謝芳姐!
芊穎媽媽:
你要煲些雲苓白朮扁豆衣水供囡囡服,隔日1次,每樣用3錢,可加4粒無花果同煮,有助通便.
感謝您的回覆。期待你您出新書。
芳姐你好,
小女兩歳, 食野比一般小孩少, 但又唔吸收, 所以很瘦, 一路高但有重, 一年只重得一磅, 而家先20磅。請問我可以常燉牛肉水外, 淮山4片,雞內金2錢,紅棗4枚,瘦肉3兩, 都可以同時常服嗎? 加麥芽同唔加麥芽有什麼分別呢?
(小女自小易便秘, 每日要食水果才有便便, 菜不肯食, 沒有給她零食, 出汗少, 最近成日話咬親嘴嘴, 嘴嘴痛咁)
文:
你囡囡可能有點陰虛火旺,可以煲些鹹瘦肉皮蛋粥供食,有助滋陰降火.連食2~3天.燉牛肉水及淮山雞內金紅棗瘦肉湯可繼續供服,麥芽能消米麵食積,有消積開胃功效,可以加3錢同煮.
謝謝芳姐, 真是非常感激。
另外想問牛肉水會燥嗎, 麥芽是有分生熟麥芽嗎?
文:
牛肉對小朋友來說最健脾,如脾虛可一星期服3次,症狀改善就停.用生麥芽.
好的, 謝謝你呀芳姐。
芳姐
孫子3歳,自細小吃,只愛吃生果,青瓜,請問如何調理.
謝謝你!
李婆婆:
吃得生冷東西過多會影響脾胃功能,雖然生果,青瓜有益,但都屬寒涼東西,你可以燉些牛肉汁供服,用絞碎牛肉3兩,以涼開水一大碗浸一晚,第二天牛肉連浸的水蒸半小時,加少許鹽調味供孫仔飲,一星期3次,最能健脾胃,又補血.
芳姐,你好,我囡2歲9個月,最近胃口欠佳,成日作嘔作悶,反胃,有時食幾淡飯又會這樣,睇左兩次醫生都冇好轉,都係這樣,好似孕婦咁作嘔反胃,請問你我應該煲咩湯水佢飲,改善此情況?謝謝。
karenwong:
你試用白蘿蔔1個,雞內金2錢,陳鴨腎2個,陳皮1個煲瘦肉湯供服,7碗水煮個半鐘成4碗,全家可服.連服3劑.下午茶可以滾些紅糖薑茶供服,有助改善反胃.
芳姐你好
小兒5歳,身體瘦小,面色偏黃,經常咳嗽有痰,中醫說是小兒疳積,請問有什麼湯水可幫助改善?tks
Tam
Tam:
你可用淮山,茯苓,白朮,芡實各5錢,雞內金2錢,陳鴨腎2個,陳皮1個,紅棗4粒煲瘦肉湯,8碗水煮成4碗全家可飲,仔仔一星期2~3劑,有助健脾袪痰,消積滯.
芳姐,多謝🙏🙏
芳姐您好。我囡囡現在2歲1個月,這幾天又不肯吃飯。愛吃糖。又有點口氣。睡覺老是愛醒。昨晚睡覺還咳嗽幾下。我應該怎麼辦才好。等待你萬分百忙的回复。感謝。
芊穎媽媽:
小朋友都喜甜味東西,但必須有節制,否則易破壞胃口,引致長大易患糖尿病.父母要耐心引導,每天限制小朋友吃糖,你試用絞碎牛肉3兩,用清水1碗浸一晚,第二天牛肉連浸的水蒸燉30分鐘,加調味供飲,連服4~5天有助健脾開胃.剰下的湯渣可加水翻煲多一次作湯低,配其他材料淥粉麵給囡囡食.不會浪費.
感謝芳姐您在百忙之中的回复。感謝!
芳姨,你好!我個女就來18個月大,好瘦好細粒。佢一向都唔願食嘢,每日2奶(4-5oz咋)2麵(因為佢唔鍾意食飯同粥,仲要係大人食架有味道架麵,佢先願食半碗仔)平時都好少比零食佢,但就是唔知道點解佢咁討厭食嘢!試過開奶茶,七星茶,保嬰丹佢都是唔願食!。搞到我地好擔心好煩惱!請問我應該如何處理胃口問題?點樣先可以讓佢多d食嘢,長多肉呢?求幫忙!
toto:
你囡囡可能脾胃較虛弱,試用絞碎牛肉3兩,用大碗水浸一晚,第2天從雪櫃取出,牛肉連浸的水一齊蒸燉30分鐘,可加少許鹽調味,供囡囡飲,連飲3~4天,看能否改善?剩下的牛肉渣可以加水再煮,用來淥麵給囡囡食.不要吃公仔麵,因為包味料含味精等物質,對BB健康不利.
芳姐您好。感謝您抽空看看我的求助。我囡囡2歲,這幾天有點幹咳嗽。又不肯吃飯。現在有點出大牙。我應該怎麼辦!萬分感謝!
芊穎媽媽:
你試用桔餅1個切碎,雪梨1個,去核,陳皮1塊,4碗水煮成2碗供一天服,有助止乾咳.出大牙可以煲些紅棗小米粥供食,最健脾胃.
芳姐您好。萬分感謝您的意見!
芳姐:
你好,我小朋友歲半,近日作感冒鼻塞左3日,飲奶、訓覺都受到影響。有時候連帶幾聲咳!請問可以點幫到?
謝謝
芳姐,小女6歲,經常滿頭大汗,
晚上睡覺前也很容易出汗,有什麼簡易湯水可煲給她?謝謝
ManMan:
你可以用北茋3錢,黑豆1兩,浮小麥5錢,黑棗6粒,5碗水煮成2碗供你囡囡服,連服4~5劑,有助止虛汗.
芳姐您好!感謝百忙之中抽看我的求助,我囡囡差不多2歲,這幾天都拉爛屎,舌苔又有點黃又有點白,又不肯吃飯,又有幾聲幹咳。剛剛睡覺又好大汗的。這幾天晚上又睡的不好。我應該煮點咩好!期待您的回复。感謝!
芊穎媽媽:
你試用炒扁豆1兩,芡實1兩,浮小麥5錢,黑豆1兩,黑棗或南棗4粒煲瘦肉湯供囡囡服,8碗水煮2小時成4碗,可分2天服用,連服2劑,(飲4天,)看能否改善?
萬分感謝您的意見!感謝!
芳姐你好!小朋友快7歲男,常常肚子痛,有什麼建議湯水?
訪客:
小朋友常肚子痛,要留意是否過食生冷或飲凍飲?要看醫生作檢查.如果是脾胃虛寒,可以用胡椒粒1湯匙,生薑3片,鹹酸菜煲豬肚湯供服,有助暖胃袪寒,又好味.簡單的用乾薑2錢,紅糖少許,3碗水煮10分鐘服,連服3劑.
你好,芳姐,女兒2歲,唔長肉,可以煲咩比佢,另外,雞內金瘦肉湯剛已煲,但自己飲覺得有少少苦,如果女兒唔飲,可以煲咩?唔該
gigi:
你可以用淮山,茯苓,蓮子,芡實各1兩,紅棗6粒,陳皮1塊煲瘦肉湯,全家可飲,囡囡一星期飲2~3次,有助健脾胃,助吸收.
雞內金湯苦可以加滴蜂蜜嗎
Jacky_mm:
雞內金是有點苦的,可加兩粒蜜棗同煮,因為有瘦肉,加蜜糖很奇怪.
剛剛11月中小女兒7歲.大仔11歲剛出水荳…可以煲甚麼給他們回覆一下體質….謝謝
eva:
可以煲些綠豆,薏米,赤小豆水供服,各用1兩,可加冰糖,有助清體內熱毒.
芳姐:您好。我女儿9岁,近两日觉得肚仔唔舒服(平时都会有这种情况,我用万金油有所缓解)但这次用万金油都无效,但唔系肚痛,无胃口,无精神,咽喉痛,请问有咩汤药适合?谢谢。
Bobo:
你囡囡建議看醫生,可能感冒菌入腸胃都未定,不要塗萬金油了.咽痛可以用羅漢果1/4個,胖大海3錢,4碗水煮成2碗供服,有助消炎利咽.