By 芳姐 ( 18 1 月, 2011 at 8:12 上午)
· Filed under 外感/頭痛/呼吸道病
急性支氣管炎患者如果没有妥善治理,會轉化為慢性支氣管炎.患者會反覆咳嗽,痰多,每年發病至少持續兩三個月.由於經常咳嗽,至肺腎兩虛,出現咳嗽,氣喘,乏力,腰酸膝軟,喉間時有哮鳴等症狀.
[雙果核桃湯]有益肺補腎,歛肺定喘之效.對肺腎俱虛的支氣管患者十分適合.
用料是: 白果10粒,羅漢果1個,核桃肉1兩.
做法: 白果去殼,去芯;羅漢果打碎;核桃肉洗淨;將全部材料用5碗水煮約1小時成2碗,飲湯吃白果,核桃肉.
~ 小貼士: 白果有歛肺定喘之效,但芯有小毒,必須去除.此湯對小兒經常咳嗽不止亦有裨益,用量減半.
Permalink
芳姐，阿女４歲，２星期前發燒， 感冒，咳， 醫生話氣管炎，好番，但星期一開始流鼻水，咳嗽，痰多帶白泡，難咳出痰，咳到氣喘，想問有咩食療可幫助？可以燉川貝果皮蘋果嗎？還是蘇子，白果，南北杏好呢？一日內可食川貝，白果嗎？食西藥後要隔幾多小時先可食蘇子白果，川貝呢？請指教，想阿女咳嗽氣管不再番發。
MAN:
可以用川貝末3錢,蘋果1個,去皮,去核,2碗水蒸20分鐘,調入蜜糖供服,連服3劑.吃西藥後2小時服.川貝能減少氣管痙攣,但不再番發很難保証,因為最重要是囡囡要改善體質,平時多飲水,多做戶外運動,飲食營養均衡,少吃生冷及甜食.
扯蝦，咳，怎樣好？
飲紫蘇，辛夷花，都仲有扯，怎樣好？
補肺有什麼好食療
成晚扯虾点算？
基:
可以用超巿的肉桂粉.
惠康果D肉桂可以嗎
基:
你可以用肉桂1塊,蘋果1個煲水代茶服,可加蜜糖.肉桂粉温熱,可以磨粉加入任何熱飲,麥皮或熱粥中進食.
以前無咁怕凍，現在就怕了，有無什麼方法可改善呢？
個鼻無問題，係個肺好似吸唔到氣
基:
你買一兩紫蘇葉,將其分開3份,每次用1份就差不多3錢啦.辛夷花蘇葉薑茶有助散寒止咳收鼻水,鼻塞通了可能吸氣好些,如服3劑不見功效最好去看醫生,了解是否肺部有其他問題.
吸氣好像落唔到肺
三錢紫蘇是多少片？ 另外辛夷花，紫蘇，生薑，可治透不到氣同咳？
基:
可以用辛夷花6朵,拍碎泡茶服,可加蜜糖,每日1劑,至症狀好為止.
每天起床都因鼻敏感而打幾吓噴嚏，可以怎樣做
芳姐，我仔仲洗唔洗沖辛夷花茶飲啊，佢依家吃左收鼻水藥，鼻水好返好多，淨係咳多，痰有d黃，除左紅蘿蔔馬蹄麥冬水之外，吃白夢蘿蔔蜜糖水可以嗎中，我見你有寫白蘿蔔蜜糖水對咳都幾好，蜜糖係唔係百佳買一般就得啦。😊😊😊
BECKY:
紅蘿蔔馬蹄麥冬水可以飲多幾劑,至症狀好為止.
多謝芳姐，我仔因為吃左西藥胃口同精神都好差，仲係咳，而且仲係咳極都好難咳出來,但我仔好喜歡飲紅蘿蔔馬蹄麥冬水，我可以日日煮俾佢飲嗎
becky:
紅蘿蔔馬蹄麥冬水仔仔可以飲.
芳姐，我今日煲左紅蘿蔔馬蹄麥冬水，俾我仔飲可以嗎😮
BECKY:
辛夷花用6朵,拍碎後泡茶服,可加蜜糖.一劑可沖泡2次.服西藥後2小時服.
Thx, 芳姐😃，佢依家吃緊西葯，可唔可以飲辛夷花茶，份量係幾多，一日應該飲幾多，唔該晒
😊😊
becky:
仔仔如痰多遲些才煮紅蘿蔔北杏紅棗水,不如先用辛夷花茶,讓其收鼻水先,可能鼻水倒流飲仔仔咳都未定.
我仔昨晚好咳，我今日會同佢去睇西醫，我想請問吃緊西藥可唔可以飲紅蘿蔔北杏紅棗水啊
佢今日飲左紅蘿蔔北杏紅棗水兩碗，分兩次飲，但佢訓覺時都仲係好咳，好似好多痰係喉嚨度，仲有鼻水，點算啊，我仔仲係有蚕豆症
仲有我見到芳姐介紹紅蘿蔔加紅棗北杏有助醫久咳，咁我仔應該飲双果核桃湯定係紅蘿蔔紅棗北杏湯，紅蘿蔔紅棗北杏湯係唔係一日一碗，連服三日啊，之後如keep 住飲可否？
芳姐，你好，我想問我仔六歲經常咳，中西醫都睇唔好，佢早上嘅痰有d黃，日頭又唔多咳，但到半夜一點左右就係咁咳，大概咳幾分鐘到，之後又唔咳，仲有我仔應該有鼻敏感，早上或一吹到風個鼻就會有鼻水，我想問双果核桃湯我仔可以飲嗎，係唔係一日一碗？
謝謝你
SUM:
淨煲羅漢果水都可以,但偏寒涼,可以加塊陳皮同煮.陳皮温性.
芳姐，咁淨係煲羅漢果呢，可以的嗎？
sum:
羅漢果1/4個,牛蒡乾1湯匙泡茶服,對防治咽炎好.羅漢果半個煲菜乾陳鴨腎瘦肉湯,清熱潤肺,是很好的秋冬保健湯水.
請問羅漢果水點樣整呢？ 煲或者焗都可以，對嗎？ 希望指教指教下方法，謝謝您
芳姐：
你好！我小朋友2歲半，約2-3星期間段咳，有少少氣管炎，又肺多痰，少少喘！請問可煲什麼湯水？已睇西醫生，食藥中！3天反覆發燒！
YUKI:
你可以用白果5粒,去芯,南北杏1兩,馬蹄6粒,麥冬3錢,陳皮1塊煲瘦肉湯服,有助止咳定喘.
只用五味子同甘草？但3錢同1錢系幾多？
基:
你去藥房買1兩五味子,分3份,每次用1份就差不多.甘草就分10分,每次用1份.
基:
你朋友試用五味子3錢,甘草1錢,五味子搗爛,4碗水煮半小時服,有歛肺止咳作用.
我朋友去完旅行返來又咳，我煲紫蘇茶都無咩用，深夜訓時咳最勁
基:
胃氣多要看醫生,了解是否胃炎或其它毛病.可以去裕華買[香砂養胃丸]服食.
仲有好多胃氣
基:
你可能胃火熾盛,可以煲些綠豆粥食,或用豆腐,絲瓜滾魚片湯飲都有助清胃火.
我食量大，但我不肥胖，食飽好快餓，係咪個胃有事？
小便黃
飲生雞蛋，另外抵抗力差，又想補腎
基:
生雞蛋含沙門氏菌,真的不宜生食.腎差可以用巴戟,杜仲,肉蓯蓉各5錢,黑豆1兩,紅棗或黑棗6粒煲豬尾骨湯服,有助補肝腎,强筋骨,壯腰膝.8碗水煮2小時成4碗,分2天服,一星期2劑(即飲4天),服一個月應可見效.
基:
你想補什麼呢?是什麼地方出毛病需要補?雞蛋有益,不明飲雞蛋何解?其實飲食營養均衡,睡眠充足已經可以很健康.
我想補吓，有咩簡單方法？有人話飲雞蛋
好的，明白，謝謝芳姐！
多謝芳姐介紹！過幾天有空就試試！醫生還說我是支氣管炎，聽到我肺有點雜聲，不知你所介紹我喝的是否合適？
CCHOI:
支氣管炎,如痰濃稠可以用枇杷葉5錢煲粥服;如痰白清稀可以飲這款紫蘇葉茶.
CCHOI:
你可以用鮮橙一個,洗刷乾淨橙皮,切開頂部,灑入少許鹽,隔水大火蒸半小時,用湯匙壓榨汁來飲,有助止咳.主要是橙皮素能化痰止咳.生吃反而惹痰,很奇怪!如晚上咳很厲害,可以用紫蘇葉3錢,生薑3片,2碗水煮10分鐘,飲時加少許蜜糖,臨睡前一小時飲,有散寒止咳,安胎功效,可放心用.那就早上飲鹽橙汁;晚上飲紫蘇茶.試兩天,看能否改善?
芳姐，
本人已懷孕3個半月，上個月開始感冒咳嗽，一直持續咳了一個月也未好，晚上咳得最厲害，一訓低，喉嚨就非常痕癢，咳個不停，晚上咳的是白痰，早上起來咳的是黃痰，平常時間咳的是半白半黃的痰，中西醫都看過食過藥，可是懷孕關係，每個醫生都不敢下重藥，所以一直不見好轉，每晚不能好好入睡到天光，不但影響自己和胎兒，更加影響老公和家人。本人寒底，吃熱一點不行，吃寒一點又不行，奶奶已經沒主意了，見上面介紹的雙果核桃湯適合我這個孕婦喝嗎？謝謝幫忙解答！！
謝謝
應該說現在氣管炎，已退了燒，只有咳，可飲這個湯嗎？
ANGEL:
如果只有咳,已退了燒,可以飲此湯.