By 芳姐 ( 9 2 月, 2011 at 6:55 上午)
· Filed under 保護視力/耳、鼻、喉疾病, 外感/頭痛/呼吸道病
今天介紹另外一味簡單易煮的花草茶,有預防流感之效.用料是夏枯草和金菊花.菊花分黃菊,白菊,野菊花三類,白菊花味甘,清熱力較黃菊弱,有平肝明目之效;金黃菊味苦,泄熱之力較强,同樣有清肝明目作用;野菊花味最苦,其清熱解毒力亦最强.三類菊花對細菌,病毒均有抑制作用.菊花加上有清熱瀉火,治目赤,頭痛的夏枯草同用,對預防流感有一定幫助.
用料是: 夏枯草1兩,金菊花3錢,紅糖適量.
做法: 夏枯草洗淨,先用5碗水煮成2碗,加入金菊,紅糖,煮約5分鐘即可供飲.
~ 小貼士: 此茶對能清肝明目,降血壓,預防流感.任何體質人士均可服用,但孕婦不宜飲此茶.
Permalink
clara:
馬友,三文魚,銀鱈魚,馬頭,紅衫,鱲魚,鱸魚,鯇魚,鯪魚肉,鯽魚等均可以食.但章魚(即八爪魚),墨魚,魷魚,塘虱,帶魚等無鱗魚則少食,因屬發物.黃花魚都屬發物,有些人一吃就皮膚敏感,故忌食.
芳姐:
很多謝您詳細的解答.
可否介紹邊隻牌子蘋果醋最適合我媽用,在那裏可買到?
我媽經常比馬友及三文魚煮南瓜,,或加菜,這些魚可食嗎?
可否建議那些魚適合呢
萬分感謝
Clara
芳姐:
很多謝您詳細的解答.
可否介紹邊隻牌子蘋果醋最適合我媽用,在那裏可買到?
謝謝
Clara
Clara:
在專賣外國產品的有機食品店可買到,歐美出品的就成.
CLARA:
蘋果醋極酸,不含糖份的.和一般超巿那款5倍濃縮很甜的蘋果醋不同.亨氐那種是否純米醋?如不是醋精製的可以用.止了痕可以塗潤膚膏.因為濕疹皮膚必須保持滋潤才成.疥瘡極度痕癢,患者全日癢到不得了,不會到傍晚才皮膚痕.牛肉,筍,蝦蟹,什菌,豬頭肉包括豬頸肉,無鱗魚等盡量少食為宜.
皮膚病多種多樣,並非單靠驗血就驗得出來.建議看中醫調理好身體較理想.因為體質好,作為保護屏障的皮膚都會健康些的.
謝謝您. 蘋果醋是甜的嗎?(亨氏那款可用嗎?橄欖油用初榨或任何一款都宜嗎?)若止痕后是否要搽cream?那些粒粒會退?
因我媽已86歲了,中風大約已4年,差不多每日都和她冲涼,並一定搽QV的潤膚露(防止亁燥而引痕癢),但她有時又起一粒粒而且到傍晚才發的!都不知她是不是濕疹?或是疥瘡?還是年紀大皮膚亁燥?定是不食物敏感影響(因有說濕疹唔可以食蛋,牛肉等)
芳姐請問驗血會否知道皮膚問題嗎?醫生只給止痕藥給我媽吃,但只治標唔治本!
實在太多問題,請見諒!
謝謝.
clara:
用芫荽6棵煲水作外洗劑,有助止癢,較夏枯草好.如果皮疹没有損傷,可以用純米醋1~2湯匙+橄欖油1~2湯匙拌勻作外塗,很快止癢.如買外國的蘋果醋療效更顯.夏枯草只能清肝熱,並不通大便.你可以用木瓜,雪耳,無花果,南杏各適量煲糖水供食用,飲湯吃湯料,有助潤腸通便.或用羅漢果半個,無花果4粒切開,3碗水煮成碗半供服,亦能通便.
芳姐:
請問夏枯草可否煲好抺身止癢?因我媽是全照護中風病患者
(我們經常扶她坐椅上的)每次癢都是晚上的,一粒粒有”突”起的,有時背部,有時手立
部,近日在腳內側,另我媽媽可飲夏枯草嗎(但她經常冇大便的,今天昰星3天了)?要加其他材料嗎?
謝謝
Cara
2016.1.9
芳姐, 你好!
請問煲夏桑菊和在另一版面你也提供夏枯草,馬碲,菊花都是一齊煲的, 但這個造法是菊花煲約5分鐘,何解?
真不好意思, 近來問題多多, 因為我很喜愛閱讀你的食療心得. 你真好好!
芳姐，我仔仔4歲，3歲時生眼瘡做左手術，但一個月左右又生過，直到依家經常都間唔中又經左，中、西醫都睇過無改善，請問煲D乜比佢飲好
多謝芳姐指導
欣:
你可以煲些番薯粥作早餐,有助潤腸通便.湯水可以用霸王花2兩,紅蘿蔔1個,無花果4粒,甜杏仁5錢煲瘦肉湯,有清熱通便作用.可連服2劑.
多謝芳姐回應, 唔好意思仲有問題一問. 我現有4個月身孕如果想清熱有咩滋潤湯水會合適? 因為不是經常有便便. 謝謝.
欣:
牙肉浮腫,如果是胃火或虛火上升引起,可以用大豆芽菜半斤,老豆腐2磚,雪耳2錢煲瘦肉湯供服,有滋陰清熱降火的作用.另外最好用很濃的鹽水(濃度最好達飽和點,即再也不能溶解鹽了),這種温鹽水用來嗽口最消炎降火,每含一口大約10秒,再含第二口….至全部用完,之後用温水再潄口就不會有刺脷的感覺.一日2次,可加快消除牙肉腫痛.如果是牙齒問題或牙周病引起,必須要看牙醫才成.
芳姐, 我女兒3歲半佢近期成日話牙肉痛, 應該可能自己咬親. 夏枯草和金菊花適合她飲嗎? 定煲羅漢果水好?
karen:
雞骨草要煲夠2小時,兩款食材都有清肝熱作用,對肝炎患者有益.我較少兩樣材料一齊煲,怕太寒涼.
芳姐你好，我想問有人用夏枯草、雞骨草煲涼草嗎？我係街市買嘅湯包。其實可以咁煲嗎？我聽同事講雞骨草要煲好內的，真的嗎？
EVA:
夏枯草偏涼,你可能脾胃受不了.只要不再肚瀉應該没事.
芳姐但我想知我係飲左d夏枯草菊花唔受得肚柯 或 身有濕熱柯返d濕熱出黎。係今朝起身柯左2次到現在都沒有柯了。謝謝！
eva:
眼瘡灌膿穿了很快好,但要小心保持清潔,不要受感染.可以單泡些菊花茶飲,用菊花渣敷眼.
（Eva:
你可以用桑葉,菊花,金銀花各3錢,3碗水煮10分鐘成2碗服,趁温熱可以用茶渣敷眼,有助消炎.連服2天。） 芳姐我尋晚得夏枯草丶菊花在手，所以煲左。今朝去左2次大便都有少少爛爛地，其實係柯在d濕熱出黎？定我寒涼唔受得呢？ 咁粒眼瘡今朝就大粒左出左農頭，（尋日就細細粒有1點白色) 我用針桔穿清左，現在無痛啦！好似飲完d野發出黎咁。
芳姐，今早起床發現生了粒眼瘡，煲甚麼好呢？可否介紹給我？謝謝！
Eva:
你可以用桑葉,菊花,金銀花各3錢,3碗水煮10分鐘成2碗服,趁温熱可以用茶渣敷眼,有助消炎.連服2天.
芳姐：
妳好呀，我本身係餵母乳既，但近日覺得好熱氣，熱氣到條脷都損佐，咁可否飲夏枯草或者菊花茶清熱氣呢？謝謝！
bee:
你可以飲夏枯草菊花茶清熱.或用些滋陰潤燥的湯水,如熟木瓜雪耳杏仁糖水,有助催乳,又清潤有益.
芳姐 :
妳好 ! 請問夏枯草水和雞骨草水可否長期飲.
雞骨草水要用多少雞骨草和要煲多久.
如膽固醇高有什麼湯可飲.
Joe:
夏枯草和雞骨草水可以飲用一段時間,如1~2個月,症狀改善就要停,因為不能長期依賴中藥,要自己身體工作的.雞骨草一次可以用3~4兩,煲夠3小時,分2~3天服,存放時要隔渣.膽固醇高可以沖些杜仲葉茶飲,或服生田七片成藥都有用.平時飲食宜多菜少肉.
芳姐:
妳好 ! 我的女兒出汗把內衣染成黃色是什麼原因 ?
有什麼食療可以改善 ?
Joe:
你女兒可能肝熱,體温高,故才令衣服成黃色,建議看中醫調理.可以煲些夏枯草水或雞骨草水飲.
芳姐,
謝謝妳……
芳姐:
妳好! 我想問夏枯草黃豆煲水要煲多久, 是否適合任何體質的人喝。
有G6Pd的人可否飲 ?
Joe:
夏枯草黃豆湯只要煲夠2小時,可減寒涼之性.全何體質人士飲用無妨.蠶豆症患兒可飲.
Joe:
夏枯草黃豆水性稍寒涼,可加紅棗6粒同煮2小時,就可減其寒涼之性,任何體質人人士可飲,包括G6PD人士.
芳姐 :
妳好!!! 我女兒13 歲有咳己一星期多,看了兩之醫生 , 初起時煲 雪梨 南北杏給她飲之後就日間及晚上都咳嗽非常厭重 啖綠色 , 朋友介紹煲 魚腥草 廋肉加蜜早 南北杏 煲1 小時, 請問是否適合她
IVYＬＡＭ：
魚腥草南北杏蜜棗水合你囡囡服，有清熱消炎，止咳之效．魚腥草不耐煮，滾１０分鐘就成．杏仁蜜棗可以煲半小時．
唔好意思,, 我講漏左,, 我飲完雲苓白朮扁豆衣薑棗水後,, 瀉左2次,, 到第二日個人就好攰及浮浮地,, 會唔會係我又再感冒?
今日頂唔順食左2粒感冒必理痛,,
但我煲左個湯,, 用左粟米,紅蘿蔔,淮山,蓮子,”時”實,蜜棗煲廋肉,, 仲飲唔飲得?
shirley:
你可能感冒未好.但雲白朮扁豆衣湯健脾袪濕,應該没問題的.感冒本來不宜飲補益湯水,但淮山,蓮子紅蘿蔔湯很平和,可以飲的,不要吃湯渣就成.
唔知阿仔係咪同我一樣有呢d感覺,, 所以噚日&今朝都有扭計@@
唔好意思呀,, 唔知點解,, 我飲完呢個湯後噚日及今日個人都浮浮地咁,, 會唔會係我唔受得,, 所以咁樣?
shirley:
夏枯草,金菊花都較寒涼,可能你和仔仔體質偏寒,故不宜多飲.可煲些生薑紅糖水,以袪寒暖胃.
唔好意思,, 我嘅意思係佢呻出嚟嘅鼻水係黃黃地,, 咁係咪可以照飲,, 不過要再煲過另一煲
shirley:
不用再煲過,可以飲用的.
芳姐︰
唔好意思呀,, 今朝我煲咗雲苓白朮扁豆衣薑棗水啦,, 但原來阿仔個鼻仔流出嚟嘅係透明鼻水,, 但叫佢呻出嚟嘅係黃黃地架,, 咁仲可唔以畀佢飲個湯呀?
shirley:
舌苔黃是濕熱之象,可以飲雲苓白朮扁豆衣湯,不要加生薑,紅棗就成.
芳姐︰
如果阿仔仲有少少透明鼻水,, 係咪都可以飲雲苓,白朮,扁豆衣,生薑,紅棗水? 另外想問有d咩係平補食療?
shirley:
你仔仔可以用雲苓白朮扁豆衣薑棗水.平補即所用材料性質平和,無論體質偏熱,偏寒人士都可以服用.例如淮山,蓮子,百合,杞子,沙參,玉竹,紅棗,南棗等.
芳姐︰
唔好意思,, 我噚日月事啱啱完,, 如果唔飲牛肉汁,, 食百鳯丸可以嗎??
shirley:
白鳯丸要外感完全清了才好服用.
芳姐︰
想請問,, 我同仔仔(3歲)啱啱傷風感冒好噃,, 2個都面青青,, 使唔使先飲夏枯草菊花茶清一清,, 之後再燉些牛肉汁飲? 另外阿仔食咗西藥後無咩胃口,,
shirley:
你們可以用雲苓,白朮,扁豆衣各5錢,生薑3片,紅棗6粒,6碗水成3碗,你一天2碗,囝囝一天服1碗,有助健脾袪濕.之後可以用平補的食療作調理,或燉些牛肉汁服都好.
明白了! 謝謝芳姐!
“吃得肥膩飽滯,可以用山楂,麥芽,谷芽,雞內金各3錢,陳皮1錢,煲老鴨湯服.能健脾和胃,消積滯”
– 如不落老鴨，只煮成茶可以嗎?
– 給2歲半小朋友飲可以嗎?
– 3人飲的話份量是否一樣?
– 用多少水煮幾耐呢?
不好意思太多問題!! 勞煩晒芳姐!
bertha:
可以不用老鴨,煲水代茶飲都有消滯之效.2歲半小朋友可以飲.份量加一倍就可以.
芳姐:
我囝囝有g6pd, 請問可飲用此方嗎?
rainy
Rainy:
G6Pd症可以飲此茶,但金銀花茶就忌服.
親愛的芳姐,
多謝解答 !
1. 請問以下消滯湯水是否味苦？可否加冰糖以便小朋友易入口？
“佛手,山楂,萊菔子各3錢,用5碗水煮成3碗供服”
2. “痰黃涕黃可以用桑葉,菊花,銀花各3錢,甘草1錢,用4碗水煮成2碗服”
小兒 (十一歲)上星期四開始咳嗽及重痰聲，而且痰黃涕黃，請問上述湯水是否適合他？是否一日要飲完兩碗 (早晚各一？)
Fifi:
佛手味苦,山楂味酸,萊菔子味辛,甘.這個湯加些少冰糖小朋友較易入口.
風熱咳用上述桑菊茶,一天分2次服.早,午或早,晚飲都可以.
芳姐:
多謝解答 ! 請問紅糖是不是指片糖? 另外，小兒半夜及清晨常有幾聲咳，維持了1個月，影響睡眠，請問有什麼湯水可以幫助? 時有給他川貝潡果皮加冰糖, 不知小朋友可否常服? (一星期三天, 每天兩碗). 謝謝!
Jose:
紅糖即片糖.你可以燉川貝陳皮糖水供你仔仔飲,有化痰止咳功效.一星期可飲3次,至症狀改善為止.
芳姐:
明白了.
多謝解答.
芳姐 :
衷心多謝解答!
請問乳鴿要用多少隻? 要落多少水煲? 要煲多少時間? 因工作關係, 可否煲多一倍份量,連飲兩日, 一星期煲兩次飲四日呢 ???
心急Rita媽
Rita 媽:
乳鴿用1隻,用6碗水煮1小時成2~3碗,一天服完.可以加量煲多些,分2~3天服,但宜去渣存放雪櫃,服時温熱.
芳姐:
我的女兒19歲,已生了數年暗瘡,面油好多,每次月經前便勁出暗瘡,粒粒都好似黃豆咁大粒, 全面都有,連耳窩內都生,耳珠背后生的最大粒,三四粒黃豆咁大粒, 紅色一大粒,看不到濃頭,見到都心痛,已看皮膚科醫生, 話她青春期及讀書壓力大,已食葯及早晚用護膚品洗面.效果不太理想, 有人話飲湯水會有轉機, 請問芳姐可否介紹適合她飲的湯水.
心急Rita 媽
Rita 媽:
你試用生地1兩,綠豆,薏米各1兩,紅棗6粒煲乳鴿湯供你女兒服,一星期服3次.並買些白果,去殼去芯後剖開對半,用來塗抹患處,每日兩次,每次數粒,很具療效的.(白果必須生用,煮熟無效.)
芳姐:
新年快樂!
很細少的菊花,不知是否胎菊,它的功效是不是沒有以上這些品種那麼好?
如果是胎菊,可以怎樣運用?
Cara
wyccara:
胎菊清香,但其清熱解毒力不及金菊.胎菊可泡茶飲,有清肝明目之效.
lala:
4人量份量加一倍,夏枯草先加水煮40分鐘,菊花放入煮5分鐘即成.
芳姐，你好，請問我想煲4人份量，是否夏枯草、菊花和水的份量加倍。時間是否又是5分鐘。謝謝！
親愛的芳姐,
您好! 首先祝你新年快樂。
請問沙參、玉竹、麥冬、雪耳、無花果乾螺頭湯是否適合小朋友及老人家(有糖尿)飲？可否用急凍螺頭？份量多少？此湯水有何益處？
另外，請問有什麼湯水給一家大細消滯，因新年吃得太多。
多謝解答！
Fifi:
沙參玉竹雪耳螺頭湯能滋陰潤燥,又有養顏功效.全家老少可服,糖尿病亦適合.急凍螺頭亦可以,但濕重人士用乾螺頭較好.新春吃得肥膩飽滯,可以用山楂,麥芽,谷芽,雞內金各3錢,陳皮1錢,煲老鴨湯服.能健脾和胃,消積滯.或用佛手,山楂,萊菔子各3錢,用5碗水煮成3碗供服.
玲玲:
沙參,玉竹煲的湯,最好外感好了才服,因為都屬補益湯水,怕病邪坐大.
芳姐﹕
我剛煲了沙參、玉竹、麥冬、雪耳、無花果乾螺頭湯, 但不知感冒未清可否飲嗎？
親愛的芳姐,
您好! 祝你新年快樂, 身體健康, 心想事成 !!
非常感謝你的指導, 請幫忙解答以下難題, 謝謝!
1. 小兒3歲, 早上有幾聲咳, 多眼垢, 舌紅, 不知是寒或熱, 可否飲用夏枯草和金菊花荼 ? 會否太寒涼 ? 家裹有白菊, 可否加小許同煮?
2. 另外小兒胃口不佳, 面青, 大便似不夠氣力, 有什麼湯水可以幫助健脾胃和吸收 ?
3. 先生是飲食業的, 經常睡眠不足, 食冇定時, 體重過輕, 眼紅, 疲倦, 有什麼湯水可以滋補和清肝火?
4. 另外，怎樣煲冬蟲夏草給小朋友和大人飲用？
對不起有這麼多問題！
Jose:
你仔仔可以飲夏枯草菊花茶,有助清肝熱,如怕寒涼,金菊改用白菊較好.
他胃口不佳,氣血較虛弱,日常可多用淮山,蓮子,芡實煲瘦肉湯.面青可以燉些牛肉汁供飲,一星期飲2次會有幫助.用4兩牛肉絞碎,隔晚用清水浸,第二天燉半小時服用.
你先生陰虛火旺,宜多用雪耳,杏仁燉木瓜湯供服.夏枯草馬蹄湯亦合他飲用.夏枯草1兩,馬蹄4兩.
冬蟲草宜配淮山,杞子,紅棗同燉雞/瘦肉湯.全家何飲,燉3小時後將蟲草撈出,剁碎混入絞碎豬肉中蒸肉餅,可以全部吃了,不浪費.