皮膚瘙癢—鮮土茯苓綠豆薏米湯

 

   皮膚瘙癢的問題很困擾人,尤其是老人家,皮膚瘙癢起來一定要抓到皮膚破損才能止癢,心情難免煩躁,更會影響日常生活.

   新鮮的土茯苓味甘,性平,有清熱解毒,除濕通絡的功效. 鮮品配合綠豆,薏米,果皮同煮湯,對皮膚瘙癢症很有幫助.

   用料是: 新鮮土茯苓四兩, 綠豆2兩, 生,熟薏米1兩,果皮1塊.

   做法: 鮮土茯苓削去外皮,切塊; 綠豆,薏米,陳皮浸洗; 將全部材料放入煲內,用8碗水煮約2小時成4碗即可供飲.

   ~ 小貼士: 菜檔或生草藥檔常有新鮮土茯苓賣,以肉色白者為佳.但頗易氧化,去皮後皮色會迅間變鐵锈色,鮮品較乾品療效佳.

210 comments »

  1. 高太太 said,
    十二月 7, 2017 @ 11:56 上午

    如有風癲可唔可以飲,小兒8歲,已出風癩3個幾月,日日出,眼,頭,勁,前後身出,手腳無,通常都係夜晚8,9點後出,可以煲咩俾佢飲,人都癲!

    • 芳姐 said,
      十二月 7, 2017 @ 9:14 下午

      高太太:
      你要找出致敏源,例如記錄仔仔發病這幾天吃過或接觸過的東西,逐樣試,試到致敏物,以後戒吃或不去接觸就不會再發病.可用青仁黑豆1兩,黑芝麻3錢,黑棗6粒,5碗水煮成2碗供服,連服3~4劑,有助改善.

      • 高太太 said,
        十二月 8, 2017 @ 12:20 上午

        有留意過食咩會出得嚴重啲,例如當日食左豆腐,芝士,晚上就會出好多,但當日無食亦會有出,本身小兒對雞蛋敏感,不能食蛋的,已經睇左醫生,醫生只係俾抗敏藥佢食,都係治標唔治本,我想從中醫方面入手,小兒身型比較瘦小,成日面青青,晚上睡覺會出汗,有時會話肚痛,便便正常,有睇過中醫,中醫話佢血虛,食左好多劑藥後,情況有改善,但無睇兩星期後,出得比之前更利害,當然這兩星期中也有出,見到佢咁,真係情願出個個係我,已經煲過好多野佢飲,都係咁,好頭痛呀!幫下我喇!

        • 芳姐 said,
          十二月 8, 2017 @ 8:15 下午

          高太太:
          你試從健脾着手,例如用紅棗6粒煲小米瘦肉粥供仔仔食,一星期食3劑,小米有腦黃金之稱,最健脾,加紅棗有助抗過敏,瘦肉提鮮,食1個月,加三黑湯(黑豆,黑芝麻,黑棗),服一段時間,看能否改善?

  2. 芳姐 said,
    二月 28, 2017 @ 12:45 下午

    老虎:
    土茯苓很少配馬蹄,紅蘿蔔,配赤小豆,薏米,扁豆適合些.馬蹄紅蘿蔔配鮮茅根,薏米同煮,亦有助清臟腑熱,消疹.

  3. 老虎 said,
    二月 27, 2017 @ 9:32 下午

    如加馬蹄,甘筍煲土茯苓當水飲,又得唔得?

  4. 芳姐 said,
    二月 27, 2017 @ 8:23 下午

    老虎:
    囡囡細個,宜用土銀花1兩煲水作外洗劑,一日洗2次.這款土茯苓湯囡囡一天飲半碗就夠,不宜太多.

Leave a Comment