By 芳姐 ( 7 1 月, 2013 at 8:20 下午)
· Filed under 家常食療
冬天的蓮藕特別粗壯清甜,無論用來煮餸,煲湯都很適合.有時我買了一大條蓮藕,頂端一段稱為[荷頭花],肉質脆嫩,清甜爽口,會用來清炒;第二節適合磨茸做[蓮藕煎餅];第三節用來煲老火湯最好味.而中間的一個個[節],也不用丟棄,可以川水後曬乾備用,對任何出血症皆有療效,小兒鼻出血,用之最佳.
[蓮藕栗子走地雞湯],清甜好味,有健脾補血,滋腎强壯作用.對小兒體虛,面青唇白,精神不振,或老人腎虛腰膝無力,泄瀉,便血等均有益處.
用料是: 蓮藕半斤,栗子4兩,紅棗6粒,生薑2片,走地雞半隻.
做法: 走地雞斬件,出水;栗子出水,去衣;蓮藕去皮,切厚片;將全部材料放入瓦煲內,用8碗水煮成4碗即成. 飲湯吃湯料.
~ 小貼士: 此湯滋補氣血,補腰腎,全家可飲.但患有感冒、發燒就不宜服用.
Permalink
ESTHER:
你無需担心,只要保持仔仔大便暢通,擦損的肛門很快癒合.可以煲些番薯粥,吃些新鮮蔬果多纖維質食物,多飲水就成.藍莓含花菁素,有助受損細胞修復,可以多食些,要用淡鹽水浸走農藥才食.
芳姐, 你好, 我仔仔17個月,
佢上星期唔舒服, 睇醫生後診斷為: 病毒性腸胃炎-似係沙門氏菌
(佢當時有發燒, 疴, 嘔, 便便有白色粘液及血絲情況), 醫生開左(共5天)的抗生素同抑生菌比佢,
而家佢已經無燒同嘔, 亦無咩點疴, 大約1天2次, 比之前有病時便便開始硬左D, 無咁水, 但仍然有血便情況, (形態似啫喱), 但每次都有血,
醫生話唔係腸套疊, 佢應該係用力排便而導致血便,(因為佢算精神, 胃口亦不錯, 但排便時佢個樣有小小扭曲同痛)
想請教一下佢應該做D咩可以改善?
芳姐, 請問這個湯1歲嬰兒是否適合飲?
芳姐：
您好!我老公近排工作忙個人好累，又唔夠瞓，請問我可以煲D咩湯水幫佢恢復體力呢!謝謝!
豆豆:
你可以用太子參3錢,沙參,玉竹,雪耳2錢,百合1兩,紅棗8粒煲豬展湯服,有助滋陰益氣,安神.
芳姐你好！你说小孩鼻出血可用莲藕节止血，请问怎样止血呢？是煲水喝还磨粉敷？
訪客:
小兒流鼻血,可用茅根1扎,鮮蓮藕節3個,馬蹄6粒,5碗水煮成2碗服,有助涼血止血.
芳姐，多謝妳的建議。他平常血壓正常，但我諗都應該check吓心臟好d。
黎太:
人到中年宜經常作體檢,如驗到有病就馬上醫,痊癒都快些.
芳姐妳好！ 我先生應屬燥熱體質，中醫曾話煲雞湯給他不宜煲多過2個半鐘。但他的手腳卻經常冰冷，冬天更甚。我自己是寒底的，手腳比他還要暖和得多。請問應煲什麼湯水平常多飲？
黎太:
你先生的情況其實有没有做過體檢?通常心力不夠會造成手脚微循環欠佳,而出現離心臟最遠的手指,脚趾部位麻痺及冷凍.試用黑豆1兩,南棗6粒,京杮3個煲瘦肉湯服,對心臟有益.建議看中醫.
謝謝芳姐！
芳姐你好︰
虎乳靈芝 3 錢、雪耳 2 錢、南北杏 1 兩、無花果 4 粒，是否一位小朋友天份量呢？及要用多小水煮多久呢？
蓮子 (蓮芯) 1 兩、燈芯草 3 錢，是 BB 一天飲嗎？要煮多久同多少水呢？
雞內金 3 錢、麥芽 3 錢、紅棗 6 粒，是小朋友一天飲嗎？是飯前飲或飯後飲呢？要用多少水又煮多久呢？
另外 BB 女要打一歲麻診針 及 水豆針，要煲什麼湯水給 BB 飲呢？
真的麻煩晒！謝謝！
思思:
虎乳靈芝湯可以是2~3人量.6碗水煮個半小時成3碗.蓮子燈芯草湯是bb一天的份量.4碗水煮成碗半,分2次服.雞內金湯是小朋友一天份量,5碗水煮成2碗.
你一次煲這麼多食療湯水?不要過份緊張,要一步步來調理的呀!
打水痘針前可以用薏米1兩,蘆根5錢,雪梨1個,4碗水煮成碗半服,連服3劑.打針前兩天開始服.
芳姐，你好，近段時間我經常頭痛，特別系翻風前，痛得最犀利，連手指關節，腳踝個D位都“冤”痛，唔知有無咩湯方可以改善下呢，唔該曬～～
芳姐,
你好! 在街上炒栗子的小販, 除了有栗子, 蕃薯外仲有白果, 請問炒白果有甚麼作用?
有聽說白果對婦女經痛有益, 如果是,想問是經前或經後吃才合適.
另想請教一點無知, 請見諒! 粉葛即是中藥店的葛根嗎? 新鮮土茯苓即是中藥店的茯苓嗎? 謝謝賜教!
Donna:
白果有止咳定喘,收歛止帶功效.另外對婦女白帶過多,小便頻者都有益,痛經就宜用益母草,艾葉這類温經中藥.中藥葛根即粉葛.鮮土茯苓與茯苓是兩種不同中藥,土茯苓清熱解毒為主;茯苓利水袪濕,及有健脾功效.茯苓多數一卷卷;土茯苓乾品白色薄薄一片片.
請問紅棗需要去核嗎？
hei:
如果本身濕重者,紅棗就最好去核.如果舌苔没有白膩濕重,不去核都可以.
婀有傷風感冒可否用豬肉代替雞
Joyce:
可以用瘦肉代替雞,有外感都可以飲.
芳姐早上！
我前日买到了,你那本:{坐月天书}好开心,封面设计的很有特色.芳姐你好叻！
meimei:
謝謝支持!^^