By 芳姐 ( 13 6 月, 2016 at 10:56 上午)
· Filed under 外感/頭痛/呼吸道病, 小兒常見病
川貝是潤肺止咳的名貴中藥材，但品種甚多，有松貝、珍珠貝、青貝、爐貝、平貝、岷貝等等，以松貝、珍珠貝、青貝質較優。川貝母不僅具有良好止咳化痰功效，而且能養肺陰、潤肺、清肺熱、減少氣管痙攣。對治療急性氣管焱、支氣管炎、肺結核病都甚有療效。
今天介紹這款「川貝陳皮燉雪梨」有止咳化痰、潤肺養陰功效，對痰多咳嗽、陰虛咳嗽、咯痰帶血、支氣管炎者均很有幫助。
用料是：川貝3錢，陳皮1個，雪梨1個。
做法：川貝、陳皮浸洗，陳皮切絲，雪梨去核，切塊。將全部材料放入燉盅內，注入開水，隔水燉1小時即可供食。
~ 小貼士：如小兒服食，可用川貝2錢研成末來燉雪梨，雪梨核有小毒，一定要去除。
Permalink
你好，芳姐，女兒連服三劑川貝加蘋果水，情況有改善，痰咳已減少，但當夜晚，或早上5，6點時仍會咳，走快少少亦咳，可繼續煲川貝飲嗎？或有什麼湯水？謝謝
芳姐，小兒15個月，咳了一個月，須不嚴重，但持續不好。試過川貝果皮燉雪梨/蘋果&紅蘿蔔紅棗果皮，但咳仍持續，怎麼辦好好?
Wen:
你試用紅蘿蔔1個,去皮洗淨切薄片,紅棗6粒去核切片,陳皮1小塊,4碗水煮半小時供服,連服3劑,對小兒百日咳有良效.
迷你:
你試用蘇子,萊菔子各3錢,辛夷花5朵,入茶包袋煲瘦肉粥供仔仔食,連服3劑,有助袪痰,收鼻水止咳.
急急急！
芳姨妳好！我兒得9個月，最近咳嗽咳得厲害，試過咳到嘔D白痰出黎，有鼻涕，最近胃口又少左，我應煲咩湯？
唔該晒芳姨,謝謝你!!
誼:
你試用桔梗,麥冬,菊花各3錢,羅漢果1/4個,甘草1錢,4碗水煮半小時供服,連服2劑,有助清肺熱止咳.
芳姨,你好?
有些問題想請教你,我先生呢幾曰咳,
尤其早上起床特別咳得嚴重,咳到呕,
試過蒸洋蔥水給他喝,但無乜幫助,另外
他説有痰,那麼煲D咩給他喝会好些呢？
呢个川貝雪梨和蘿蔔水首个可以給他喝吗？
麻煩芳姨!!!
Carie:
川貝性偏涼, 但只要加陳皮,配蘋果,寒咳都可以用.因為川貝能減少氣管痙攣.鼻寒多痰加6朵辛夷花用煮.
請問川貝有冇分寒咳熱咳？亞女剛－歲患感冒，鼻塞多痰多咳有鼻水,可飲這個？
Cat:
川貝燉梨對熱咳有幫助,你囡囡支氣管炎可能屬感受風寒引起,就不宜用川貝燉梨,燉蘋果,加塊陳皮,2片生薑可能更好.可加少許蜜糖.你試用白果10粒,去芯,核桃肉1兩,南北杏1兩,陳皮1個,紅棗6粒煲瘦肉湯供囡囡服,有助止咳定喘.8碗水煮成4碗,囡囡一天分服2碗.
芳姐您好，我女剛支氣管炎好返出院，原本已經冇乜咳，
但沉晚燉左個貝母梨比佢食完之後就勁咳，
咳到成晚訓唔到，今朝都仲係好咳，咳到有輕微喘，
我落左少少蜜糖落去燉，請問係咪唔落得蜜糖？
law:
你試用蘇子,萊菔子各3錢,桔梗3錢,辛夷花2錢,甘草1錢,4碗水煮半小時服,有助化痰止咳,收鼻水.
芳姐：
我仔仔兩歲半，個幾禮拜前發燒，喉嚨發炎，流鼻水，鼻水黃，食左4日西藥，前兩日間中都有鼻水，可能鼻水倒流引致有痰，而佢唔識咳痰出嚟，哩兩日咳得多左，請問可否煲哩劑湯水畀佢飲？可否再加1/4隻金羅漢果同一隻雪梨入去一齊煲？
Kam:
你仔仔可以用這款湯,加1/4個金羅漢果就夠.
芳姐：
仔仔已服3劑，未飲3劑之前，瞓覺發出好嘈的，似是呼吸不順暢，好多野卡住的聲音。現在呼吸聲較為順暢及聲量降低。但仍有咳，咳時有痰聲，可能鼻水倒流引致，佢一直都無鼻水，昨早咳完嘔左少量痰出嚟，顏色偏向透明，是否繼續飲此劑藥？如是，要飲幾多劑？還是轉飲其他？非常感激🙏
Kam:
可以用蘇子,萊菔子各3錢,入茶包袋,煲瘦肉粥供食,對小兒痰咳有良效,可連服2~3劑.
芳姐你好，阿女兩歲，發燒後開始咳嗽及流鼻水，日間夜晚都有咳，多痰，痰清，鼻水都係清，可以飲咩湯水，煲青欖桔餅得唔得？？謝謝
Ling:
你試用烏梅3粒,菊花1小撮,甘草4,5片泡茶服,可沖泡至淡,每日1劑,連服3,4劑,對風咳有效.餵完奶才飲.
芳姐你好！我咳左十日，日間咳，有痰，痰是淺黄色，有時大力吸氣時會咳，有D痰頂住甘。已食了5日西藥都不好，因為喂人奶，不想食太多藥，請問芳姐有咩湯水合適。謝謝！
魚兒:
出麻疹後可以用煲些茅根竹蔗紅蘿蔔馬蹄水清清臟腑熱,可連服3劑.用量隨意.
芳姐，
您好，请问小孩出麻疹可以喝什么汤水帮助他呢？
谢谢！
芳姐，你好，我女兒20個月，這兩天有點咳嗽，暫時沒聽到有痰聲，時不時就咳幾聲，夜晚睡覺也會咳，感覺是喉嚨乾癢，請問她適合喝羅漢果，蘋果，雪梨，菊花嗎？
同上
你好，我仔今日一轉天氣就成朝咳唔停，請問這款適合他嗎？
余太:
你試用辛夷花,桔梗,麥冬各3錢,羅漢果半個,甘草1錢,4碗水煮半小時服,連服3劑.另外用粉葛煲赤小豆薏米排骨湯服,對周身不適,頭痛有幫助.
芳姐:你好！本人咳左两个星期了，痰黄绿稠，鼻涕黄绿稠（早上起床最明显），声音嘶哑，日夜都有咳,周身攰，头痛！西药都食左两只抗生素無好轉！請問有乜湯水可以帮我止咳！唔該你！
ritachio:
我好像已回覆了你.鼻水倒流可用辛夷花6朵拍碎泡茶供服,可加蜜糖,連服3劑.如咳多可用桔梗,麥冬,辛夷花各3錢,甘草1錢,3碗水煮成2碗供一天服,痰太多加羅漢果1/4個.
芳姐妳好，我女三歲，已經病左成個月，中西醫都唔得，因為拒有鼻敏感，搞到個氣管唔好，夜晚有時會因多痰而咳兩聲，起身多鼻涕，鼻涕白色，少少黃之後都係白色，可能鼻水倒流的好多痰搞到成日喉嚨唔舒服，請問有無中藥介紹加埋中藥煲湯個d，謝謝你！
芳姐您好，
小兒約三星期前上呼吸道感染，亦曾感冒，基本上咳算好得七七八八，但仍有氣管敏感，早上起身，夜晚9點左右都會有輕微咳，有一星期每逢食野都咳，有d時間會有少量淡黃痰，亦間中較多”杰”及黃鼻水，已睇這西醫，中醫各兩次，請問他熟寒咳或熱咳？ 我可以煲什麼給他？另外，記得您曾介紹川貝蒸柿餅，此時，他合適服用嗎？
我自己都咳了兩個星期多，看過西醫，但礙於要番工及湊仔，日間我亦不能食藥，至今仍未好，也算嚴重，氣管嚴重敏感，近五天咳到嘔，晚上吃藥時亦未見有改善，請問有什麼能服舒緩苦況？ 川貝鱷魚肉可以嗎？多謝回覆及解答。
winnie:
你可以多煲些强肺氣的湯,如用木瓜1個,雪耳2錢,百合1兩,無花果4粒煲瘦肉湯;或用虎乳靈芝3錢,川貝3錢,南北杏1兩,紅棗6粒煲鷓鴣或鵪鶉湯服.簡單的用川貝末3錢蒸燉蘋果1個(去皮,去核),1碗水蒸半小時,飲時加蜜糖,一星期3劑.川貝可防治氣管痙攣.
多多:
小朋友退了燒可以飲推介的湯.如鼻水多可以加5~6朵辛夷花同用.
芳姐你好，多谢你百忙中抽空看我的信息，我的母亲多年前有肺积水，后面去医院看好了，到现在还有一些咳的声音，老感觉说透不过气来这样，咨询下芳姐这样的情况要煲些什么汤水喝啊？多谢
芳姐，多謝你回覆!
小朋友已經退左燒幾日，退燒後出左紅疹，
而加仍然有鼻水同痰咳，係咪可以煲上面你回覆既湯?
多多:
燒未退如有咳都可以飲.但燒不退最好看醫生,因為現在的細菌,病毒很厲害,高燒一定先看醫生.
芳姐，咁係咪退晒燒先好飲呀？謝謝
多多:
燒不退必須繼續看醫生.可用桔梗,麥冬,菊花各3錢,羅漢果1/4個,4碗水煮成2碗供一天服,連服3劑,有助疏風清熱止咳.
芳姐， 小朋友兩歲半，近日流鼻水有幾聲咳，聽落係乾咳
呢兩日開始發燒，燒完又退，退左又燒返，瞓覺燒得勁啲，有成40度!
我唔想佢成日食西藥，可煲啲咩飲下呢？
恩:
你仔仔可以飲這款茶.
同上問題，請問這款食療適合他嗎？謝
你好芳姐，我仔仔感冒後斷斷續續都有咳，聽到有痰聲，但佢又話咳唔到出嚟，請問呢款食療適合他嗎？
Pierre:
太子參烏梅甘草茶氣管炎可飲用.
芳姐，谢谢回覆！ 另想请問“太子參烏梅甘草茶”氣管炎其間可否飲用？
Pierre:
川貝會有少許苦味,可加少許蜜糖,好過蜜棗.
芳姐，你好，請問此川貝雪梨會否有苦味？因小兒2歲半，驚他抗拒，可否加麥棗之類？
BEE:
1杯是每次服用量,因為一個蘿蔔會滲出很多蘿蔔水,可以分3杯加温水供一天服用,不過隨量服就成,到底囡囡細個,飲得幾多得幾多.
感謝回覆。
想問係1杯分3次或是每次1杯?
Bee:
你可以用白蘿蔔1個,洗淨去皮,切片,用3湯匙蜜糖醃5小時,會滲出很多蘿蔔水,用半杯蘿蔔水,加半杯温水供囡囡服,一日3次,有助開,化痰止咳.
芳姐你好!
女女3歲，咳嗽有痰已經2星期，本來已好得7788，昨天開始又再有鼻水，咳及有痰，仲失埋聲，請問可以煲咩比佢飲。
Donut:
連服3劑,即每日服1劑,連續飲用3天.日間飲就成.川貝陳皮雪梨水化痰為主;洋葱水治咳為主,都可以用.
多謝芳姐您的回覆, 想問連服3劑係指連續3日每日飲1次? 係日頭定睡前服作用較好?因晚飯時間奶奶多會煲湯水俾仔仔飲, 仔仔睡前還要食奶, 另想問川貝末陳皮雪梨哥款湯水或洋蔥水仔仔呢個症狀可飲嗎?
Donut:
你試用蘿漢果1/4個,桔梗,菊花,麥冬各2錢,甘草1錢,4碗水煮20分鐘供仔仔飲,有助清熱熱止咳.連服3劑.晚上易驚醒,可以用蓮子連芯1兩,麥冬3錢,燈芯草6扎,4碗水煮半小時供服,連服3劑.
芳姐你好 !
仔仔差唔多兩歲, 上星期開始感冒,睇左西醫開藥後已好多了,但呢幾晚夜咳嚴重, 有痰,時黃時清,咳到睡不安寧,會喊,請問可用什麼幫佢化痰止咳? 請問此為熱咳?寒咳?什麼時候飲用最好? 另平時仔仔夜晚多會驚喊, 有什麼湯水可以令佢睡得好?
BIBI:
烏梅很耐存放,不用放雪櫃.太子參只要放陰涼處存放就成.如果你雪櫃空位多,中藥材可以放雪櫃的.
芳姐您好,
想請問太子蔘,烏梅是否應放在雪櫃𥚃,可存放多久