清潤除痰止咳—龍脷葉蘋果湯

  菜檔或山草藥檔經常有新鮮的龍脷葉賣,龍脷葉性質平和,味甘淡,對肺熱咳喘痰多,或口乾,便秘人士均適合,而且據藥理研究,其煎劑對金黃葡萄球菌、溶血性鏈球菌有抑制作用。配蘋果,紅蘿蔔等煲湯,對肺熱咳嗽,喉痛失音均有幫助。

  用料是:鮮龍脷葉1兩,蘋果2個,紅蘿蔔1個,南北杏1兩,瘦肉適量。

  做法:龍脷葉沖洗淨;蘋果、紅蘿蔔洗淨,去皮,切塊,蘋果需去核;瘦肉切片,出水;全部材料用8碗水煮個半小時即成。

  ~ 小貼士:此湯藥味不重,老少及孕婦可服。對小兒感冒後咳嗽,不知是寒咳還是熱咳,只要喉嚨微紅不適都適合飲此湯。

235 comments »

  1. Christy said,
    十二月 7, 2017 @ 9:11 下午

    芳姐您好!我女女15個月,之前有鼻水,而家好返但有痰,聽到痰聲加一兩聲咳,佢條脷有白色厚脷胎,請問有咩湯水啱佢?

    • 芳姐 said,
      十二月 7, 2017 @ 9:26 下午

      Christy:
      你可用茯苓3錢,白朮3錢,陳皮1塊,麥冬3錢,甘草1錢,3碗水煮成1碗供囡囡服,有助健脾化痰止咳.

  2. Hyyi said,
    十二月 1, 2017 @ 10:39 上午

    芳姐請問我大女兩歲半, 有咳有痰有鼻水,抖氣時有啲喘,睇咗醫生藥都就嚟食完,都仲係有少少未斷尾!已經煲過龍利葉吉餅枇杷葉青藍,請問仲有啲咩方法?
    另外我細女七個月有鼻水,飲咗洋蔥水都未有好轉,麻煩芳姐睇吓有冇咩方法?

    • 芳姐 said,
      十二月 1, 2017 @ 11:11 上午

      Hyyi:
      你試用白蘿蔔1個,雪梨1個,去核,葱白3~4棵,5碗水煮半小時供兩個囡囡服,葱白後下,連服2劑,看能否改善?

  3. 小南 said,
    十一月 24, 2017 @ 7:38 下午

    芳姐, 你好.
    我BB 8個月大, (餵母乳) 最近佢有鼻水, 所以鼻水倒流導致有痰咳,
    而且我最近都有些喉嚨痕咳及乾咳, 請問有沒一些湯水是我同BB都可以喝的呢?!
    (食過西藥仍未見好轉, 又不想再要BB食太多西藥)

    • 芳姐 said,
      十一月 24, 2017 @ 8:00 下午

      小南:
      你可以用辛夷花3錢,葛根5錢,芥菜半斤,6碗水煮成3碗,你和BB可以飲.連服2劑,看能否改善?

      • 小南 said,
        十一月 25, 2017 @ 11:34 上午

        明白, 謝謝你芳姐!

        我另外都想問問, 因為餵母乳, 依一兩個月, 月經已正常回復
        但就令奶量愈來愈少, 平時都有喝水及魚奶湯, 還有什麼湯水是可以增加奶水?

        感激!!

        • 芳姐 said,
          十一月 25, 2017 @ 12:24 下午

          小南:
          可用北茋5錢,通草2錢,王不留行3錢,無花果4粒,蜜棗2粒煲瘦肉湯服,有助催奶.

          • 小南 said,
            十一月 25, 2017 @ 1:00 下午

            謝謝你

  4. Ta said,
    十一月 14, 2017 @ 11:35 上午

    請問用晒乾的龍利葉代替新鮮的都可以嗎?thanks!

    • 芳姐 said,
      十一月 14, 2017 @ 11:43 上午

      Ta:
      可以用乾龍脷葉,用3~5錢.

      • Ta said,
        十一月 15, 2017 @ 5:36 上午

        芳姐你好:小女本身每朝起身咳同流鼻涕,日間只有幾聲痰咳,痰濃帶黃,昨晚最後用新鮮龍利葉煲此湯。服後佢即時有咳幾聲,半夜4點佢就開始不停咳,有吐穠黃痰,難眠…咁適合再煲此款湯還是什麼可以改善?謝謝!

  5. Agnes said,
    十一月 13, 2017 @ 11:31 上午

    芳姐 你好
    我女3歲半病完咳左成個月都未好
    本來好好多 但食完西藥啲痰又起返
    一早起身係乾咳 之後間中有啲痰咳
    啲痰咳係好多痰吐唔出 之前有飲開龍利葉吉餅青欖
    但飲完可能一路鼻水倒流所以無好到
    依家鼻水倒流應該好左 但訓覺都有小小鼻塞 呼吸聲大
    咁應該煲咩湯水好 真係咳太耐
    醫生話氣管同肺無事

  6. Helen said,
    十一月 12, 2017 @ 9:28 下午

    芳姐,你好,本人小兒返托兒所後不久就鼻炎,食西藥後好返,跟著咳,煲川貝海底椰鱷魚無花果南北杏湯,第二日無咳,但一星期仍然起床時有痰,咳清就無事,是否肺熱咳所以清不了痰?我見尼款湯熱咳寒咳都適合,見痰不清,昨天今天煲予小兒飲,但飲後有清鼻水和咳多左,晚上都咳,有時乾咳有時痰咳,是否不適合?應煲甚麼湯?

    • 芳姐 said,
      十一月 12, 2017 @ 9:40 下午

      Helen:
      我猜測你仔仔可能鼻水倒流引致咳,可用辛夷花3錢,葱白3條,生薑3片,滾瘦肉湯服,滾15分鐘可飲,有助解表,收鼻水.服2劑,看能否改善?

      • Helen said,
        十一月 12, 2017 @ 10:20 下午

        芳姐,你很厲害!鼻炎後就鼻水倒流咳,但實在不想服西藥,以為止咳化痰湯有用,怎知停服兩天後,昨晚又再鼻水倒流咳,將試服看效果,感謝!另請問鼻炎及返托有甚麼湯水可以增強抵抗力?病一星期好一星期…

        • 芳姐 said,
          十一月 13, 2017 @ 11:16 上午

          Helen:
          你可以試給仔仔服[玉屏風散],玉屏風散包括北茋,防風,白朮3味中藥材,有助增强抵抗力,減少傷風,感冒.在上環皇后道西149號我見有瓶裝的,一瓶只售35元,不貴的,給仔仔一星期服3次,有助減少發病.當然日常要飲食營養均衡,教他勤洗手,多去戶外活動以增强體質.

  7. said,
    十一月 11, 2017 @ 4:55 上午

    芳姐你好 :我個女2岁 早兩日嘔咗兩次 到第日就肚屙3次 的屎好酸臭 ,唔知係咪吃錯嘢 呢兩日瞓覺嗰時 個頭出好多汗 啲汗係淡嘅, 面色都唔係咁好 請問有啲咩可以幫到佢。 仲有佢個胃好似消化唔到, 佢嘔嗰日 夜晚六點鐘食咗飯 到凌晨五點幾嘔嗰時啲嘢全部都係原狀嘅冇消化過。 多謝你!

    • 芳姐 said,
      十一月 11, 2017 @ 8:10 上午

      愛:
      又吐又嘔可能患腸胃炎,如有發燒一定要看醫生.可以用蒜瓣6~8粒,生薑3~4片,青莧菜4兩,滾瘦肉湯,大約滾20分鐘供服,有助殺菌止瀉止嘔.連服3劑.

  8. 陳小姐 said,
    十一月 10, 2017 @ 4:04 下午

    我先生喉嚨痕咳了成個月,請問飲咩對佢有幫助?謝謝!

  9. 陳太 said,
    十一月 10, 2017 @ 4:03 下午

    我先生喉嚨痕咳了成個月,請問飲咩對佢有幫助?謝謝!

  10. 吳太 said,
    十一月 10, 2017 @ 1:18 下午

    芳姐,

    我仔仔感冒後,晚上咳得利害,引致睡眠好差。咳的時候有少少痰聲,可以煲咩比佢等佢止咳同睡好些呢?

    吳太

    • 芳姐 said,
      十一月 10, 2017 @ 5:14 下午

      吳太:
      你試用紫蘇葉3錢,生薑3片,甘草2錢,3碗水煮10分鐘供仔仔服,有助散寒止咳.

  11. zuki said,
    十一月 10, 2017 @ 8:52 上午

    你好芳姐!
    小女三歲多,剛上幼稚園,就咳了快兩個月,一直有痰聲,咳出的痰有時黃,有時白!一路不好!吃過川貝,雪梨,洋蔥萍果水,龍利葉湯水,連鱷魚肉湯都剛飲了,都未好!想問還可以怎做??西醫也看了兩個!又不知鱷魚肉是涼性還是熱性!都不知適合如否!另外,連猴早散也吃了也不好!多謝!!

    • 芳姐 said,
      十一月 10, 2017 @ 4:56 下午

      Zuki:
      鱷魚肉性温的.如痰黃就不適宜.中醫認為[脾為生痰之源],小朋友痰多皆因脾虛,所以最好多煲些健脾湯水,例如用淮山,蓮子,茯苓,芡實各1兩,陳皮1個,紅棗6粒煲瘦肉湯供服,一星期2~3次,煲2小時,全家可飲,囡囡最好吃些湯料,連服2星期,看能否改善?要繼續看中醫治理.

  12. Mrs Ho said,
    十一月 9, 2017 @ 12:19 下午

    芳姨你好!小兒3歲,上星期飲完龍脷葉蘋果湯,咳嗽有好轉。但返學後又嚴重了,前晚發燒,係睡覺先燒,咳嗽鼻水轉黃,已經看了醫生吃緊西藥,請問有甚麼湯水,可以舒緩病情?謝謝

    • 芳姐 said,
      十一月 9, 2017 @ 8:48 下午

      Mrs Ho:
      你試用枇杷葉,龍脷葉各5錢,辛夷花3錢,雪梨1個,去核,橘餅1個,5碗水煮成2碗供服,有助清肺熱,止咳,收鼻水.

      • Mrs Ho said,
        十一月 11, 2017 @ 9:23 上午

        早晨,芳姨!
        尋日仔仔飲了2碗茶之後,晚上睡覺已經沒有發燒和咳,今早起床還有點咳和鼻水,鼻水變白,此款茶可以繼續飲嗎?

    • said,
      十一月 22, 2017 @ 11:56 上午

      芳姐你好!囡囡三歲咳左成個月仲未好,有痰聲、西醫睇左兩次話氣管敏感,今次開左「青蛙仔」氣管藥、仲可以煲咩會對氣管敏感、去痰好、有咩湯水可以飲、大半個月冇煲湯水俾佢飲了。謝謝

      • 芳姐 said,
        十一月 22, 2017 @ 1:29 下午

        雲:
        你試用虎乳靈芝3錢,川貝2錢,雪耳2錢,百合1兩,陳皮1個煲鷓鴣或鵪鶉湯供服,8碗水煮成4碗,可分2天服,連服2劑(飲4天),看能否改善?此湯屬補益湯,平時可一星期1劑煲給囡囡飲,全家飲加些紅蘿蔔,及瘦肉同煮就成.

        • said,
          十一月 22, 2017 @ 4:21 下午

          謝謝回覆、依家有咳同痰、可飲止補益湯?

          • 芳姐 said,
            十一月 22, 2017 @ 7:46 下午

            雲:
            没有發燒就可以飲此補益湯.

          • said,
            十一月 22, 2017 @ 8:56 下午

            仲想問下同西藥隔幾耐?謝謝

        • 芳姐 said,
          十一月 23, 2017 @ 7:03 上午

          雲:
          和西藥隔2小時服.

  13. Naomi said,
    十一月 9, 2017 @ 11:17 上午

    芳姐您好,
    小女感冒後, 咳嗽氣促, 最近更經常咳嗽至嘔吐, 晚上又是鼻塞及咳醒。
    看西醫已有個多月, 但一直未見好轉。她又很怕食藥。
    請問可以煲甚麼湯水給她舒緩?
    謝謝.

    • 芳姐 said,
      十一月 9, 2017 @ 8:43 下午

      Naomi:
      你試用紅蘿蔔1個,切薄片,北杏3錢,紅棗6粒,去核,5碗水煮成2碗服,連服3劑,對久咳不好有幫助.

  14. Ms cheung said,
    十一月 7, 2017 @ 6:58 下午

    請問用龍梨葉乾或枇杷葉乾煲可以嗎?

    • 芳姐 said,
      十一月 7, 2017 @ 7:48 下午

      Ms cheung:
      龍脷葉,枇杷葉乾可以一齊煲,對熱咳,痰黃者較適合.

  15. 劉平 said,
    十一月 7, 2017 @ 11:54 上午

    芳姐您好,小兒氣管敏感,每次感冒氣管就收窄,自從兩個星期前感冒發燒,到現在還有咳,喝了几劑龍利葉桔餅蘋果湯,這幾天都是晚上睡一會兒,就開始咳,一晚要咳幾次,早上5點多咳得特別利害,有黃痰,在外面跑了跑,就咳不停,請問有什麼湯水可以幫助調理下,小兒三歲半,有蠶豆症,麻煩您了!多問一下,小兒有點燥底,玉屏風散都可以服的嗎,現在這樣能服嗎,還是等好了再服,中環華潤堂有賣農本方的,一尊3.4百,期待您的回覆,謝謝了!

    • 劉平 said,
      十一月 7, 2017 @ 12:03 下午

      補充一下有鼻涕,黃色的,這兩天沒那麼嚴重,不過還是鼻塞塞。

    • 芳姐 said,
      十一月 7, 2017 @ 12:52 下午

      劉平:
      你可以買川貝磨粉,配雪梨1個,去核,北杏2錢,2碗水蒸燉半小時供仔仔一天服,連服3~4劑,有助清熱化痰止咳.玉屏風散黃痰清了可以用.我在上環皇后大道西149~162號一帶見有磨成粉的玉屏風散,一瓶大約40~45元,不貴的.玉屏風散主要是北茋,防風,白朮三味藥製成,有助防治傷風,感冒,提高抗病能力.

      • 劉平 said,
        十一月 7, 2017 @ 1:42 下午

        謝謝芳姐!

        • 劉平 said,
          十一月 7, 2017 @ 4:23 下午

          芳姐您好,剛剛燉了川貝梨水,小兒不肯喝,請問可不可以加冰糖,或者用來衝奶粉喝,麻煩了。

  16. 訪客 said,
    十一月 5, 2017 @ 11:10 下午

    芳姐你好請問玉屏風散喺邊度可以買得到, 裕華話呢隻藥冇得賣了。

    • 芳姐 said,
      十一月 6, 2017 @ 8:41 上午

      訪客:
      我在上環皇后大道西149~162多間中藥店見有玉屏風散藥粉賣,35元~45元1瓶,不貴的.農本方的診所亦有售,質量會好些.

  17. 劉平 said,
    十一月 2, 2017 @ 7:00 下午

    您好芳姐,又來麻煩您了,請問小兒有蠶豆症可以服玉屏風散嗎,三歲半小童一次要喝多少了,每星期要服幾次,要介囗嗎,謝謝,麻煩了!

    • 芳姐 said,
      十一月 2, 2017 @ 9:06 下午

      劉平:
      玉屏風散主要成分是北茋,防風,白朮三味藥,蠶豆症小兒可服,每次服半湯匙左右,温水送服,一星期2~3次,有助增强體質.無需特別戒口,但少吃煎炸及生冷寒涼東西較佳.

  18. sara said,
    十一月 2, 2017 @ 11:18 上午

    芳姐, 你好, 仔仔鼻水沒有了~但不知為何早上起身會咳有痰聲~及晚上瞓時都有少許咳, 想問可以整咩比佢飲?THANKS玉屏風係有冇啲不是一樽樽買?因一樽好多~可以自制?THANKS~及冇病都可以飲?咩體質人都飲得?

    • 芳姐 said,
      十一月 2, 2017 @ 12:48 下午

      sara:
      裕華好像是一包包沖劑,你有時間去逛逛.仔仔冇病一星期可飲2~3劑,以强壯體質,減少傷風感冒.晚上睡有咳,有痰,可用蘇子,萊菔子,紫蘇葉各3錢,甘草1錢,4碗水煮20分鐘供服,連服2劑.

  19. Ling said,
    十一月 1, 2017 @ 1:45 下午

    你好芳姐,

    女兒2歲半,氣管敏感依家間唔中有幾聲咳,夜晚瞓覺咳得勁啲而且咳時好重痰聲,聽到鼻都塞咁,請問可以煲咩湯化痰止咳?好返後可以煲咩湯健體一轉天氣就會病

    • 芳姐 said,
      十一月 1, 2017 @ 3:31 下午

      Ling:
      你試用蘇子,萊菔子,紫蘇葉各3錢,甘草1錢,4碗水煮成2碗供服,有助化痰止咳.睡前用棉紙巾剪成條狀,沾淡鹽水後扭緊,幫囡囡通鼻,有助安睡.病好後用白果10粒,去芯,核桃肉1兩,南北杏1兩,紅蘿蔔一個,生薑3片,紅棗6粒煲鷓鴣或豬展湯服,一星期2劑,有助補益肺脾腎,減少咳喘.

  20. ToTo said,
    十一月 1, 2017 @ 9:34 上午

    芳姐你好!請問,小兒未滿三歲,感冒了將近一個月仍反覆發作,之前服西藥再加洋蔥蒜頭水共服三天,症狀改善多了也停服西藥,前天見他仍有少許咳,煲了龍利葉蘋果湯他飲,但飲後咳的比前頻密,咳出來的像痰又似口水,睡覺時仍有很重鼻塞情況,鼻涕帶少許黄,請問可以服什麼來改善?
    可能不舒服,近月睡到半夜就哭泣,有時又會大哭大叫一陳子,請問芳姐,這情況可有湯水可-併改善嗎?還是需要分開處理?

    • 芳姐 said,
      十一月 1, 2017 @ 3:23 下午

      ToTo:
      你仔仔可能屬寒咳,洋葱水温性較適合.龍脷葉湯稍偏涼,所以可能不適合.如鼻涕多可以用6朵辛夷花拍碎泡茶供服,可加少許蜜糖,連服3天,有助收鼻水.睡前可用棉紙巾剪成條狀,沾淡鹽水後扭緊,幫仔仔通鼻管,有助安睡.

  21. Ling said,
    十月 27, 2017 @ 1:01 下午

    芳姐您好!囡囡6歲,近幾日早上起床感覺有痰,食完野有1,2句痰咳,舌尖紅,是否熱氣,請問有什麼湯水可飲用?thanks

    • 芳姐 said,
      十月 27, 2017 @ 7:29 下午

      Ling:
      你可以用羅漢果1/4個,雪梨1個,去核,北杏3錢,4碗水煮成2碗供服,連服2劑,看能否改善?

  22. sara said,
    十月 27, 2017 @ 11:40 上午

    芳姐, 你好

    若佢仲有偒風感冒都可用玉屏風散?及佢有咳~早上起身, 晚上2-3點~~都有咳~有時有痰聲~有時冇~想問飲玉屏風散外還可吃什麼止咳?鼻水時有時沒有

    • 芳姐 said,
      十月 27, 2017 @ 7:22 下午

      sara:
      玉屏風散主要是北茋,防風,白朮三味中藥材組成,如小朋友體質差,咳及流涕不停可以服.可以用洋葱1個,去衣,放碗中,大火蒸20分鐘,用湯匙壓榨洋葱汁供服,洋葱可番蒸多1次,有助止咳.

  23. SARA said,
    十月 25, 2017 @ 1:16 下午

    芳姐, 你好

    我仔仔3歲半, 流鼻水斷斷續續, 早上起身會咳, 有痰, 吐出來的痰有黃色~~不知是否鼻水倒流~~~食左藥都仲有有咳及止不到鼻水~~想問我整太子參,麥冬, 龍眼肉, 甘草, 辛夷花, 焗茶比佢飲可以?請幫忙~~及我想幫佢調理身體~自番學後~~病一星期, 好一星期, 又再病一星期~~…..好苦惱~~我可以整啲咩比佢等佢身體好啲?THANKS~~

    • 芳姐 said,
      十月 25, 2017 @ 1:42 下午

      SARA:
      如果外感未清,不宜用補益湯水.建議你去裕華或農本方買[玉屏風散]沖劑,每次用1包沖服時加6朵拍碎的辛夷花同沖泡,有助增强抗病能加,收緊鼻黏膜,減少鼻水.病好後才用太子參,淮山,蓮子,茯苓,芡實,圓肉等煲瘦肉湯,以健脾袪濕,增强體質.

  24. said,
    十月 18, 2017 @ 7:51 上午

    芳姐,老公常年口氣很大很臭,請問是不是脾胃不好?有甚麼湯水可以介紹?謝謝。

    • 芳姐 said,
      十月 18, 2017 @ 7:27 下午

      睿:
      口氣可能牙的衛生不太好,有牙周病,脾胃有濕亦易有口氣,可以煲些雲苓,白朮,扁豆衣水作調理,連服3~4劑.

  25. 陳太 said,
    十月 17, 2017 @ 11:49 下午

    芳姐你好:請問囡囡2岁經常喉嚨發炎,之后就發燒咳、流鼻水請問有咩湯水可改善,她仲有濕疹平時可以煲些什麼可以令她身體強壯冇咁么易病。多謝!

    • 芳姐 said,
      十月 18, 2017 @ 7:25 下午

      陳太:
      你可以去裕華買[玉屏風散]沖劑,用1包,加羅漢果1/6個一齊沖泡,有助强壯體質,減少發病.玉屏風散主要是由北茋,防風,白朮3種中藥製成,主要預防傷風,感冒.一星期2~3劑.

  26. 訪客 said,
    十月 15, 2017 @ 4:37 上午

    芳姐你好:我小朋友2岁這两日打乞嚏同咳,佢啲咳好怪係一声一声咁咳好 清脆 有時會有痰,但大多數听唔到有痰,請問佢是感冒了,還是燥咳?有咩湯水啱佢飲。多謝!

    • 芳姐 said,
      十月 15, 2017 @ 4:42 下午

      訪客:
      你可以煲這款鮮龍脷葉蘋果湯供小朋友飲,很平和的,大人,小朋友肺熱咳都飲得.

  27. Nat said,
    十月 14, 2017 @ 11:03 上午

    你好芳姐,想問下如果喉嚨發炎 咳和 輕微發燒37.9
    此湯水可飲用嗎?!

    或者如果煲竹參 肉竹 蘋果 雪梨 南北杏 無花果 瘦肉湯
    這個湯水能喝嗎? 謝謝🙏🏻

    • Nat said,
      十月 14, 2017 @ 11:04 上午

      另外,有少少痰 !

    • 芳姐 said,
      十月 14, 2017 @ 7:35 下午

      NAT:
      喉嚨發炎,有燒,可以飲鮮龍脷葉湯,或沙參,玉竹屬補益湯水,不宜服,以免病邪坐大.

      • Nat said,
        十月 14, 2017 @ 10:33 下午

        芳姐!不知道我是否下午吃了點燕窩粥
        我晚上發燒嚴重了 38.8 度的還有咳和喉嚨發炎情況
        我已經吃了藥和退燒藥!
        我想問現在我的情況能煲點什麼湯水!?
        或者煮什麼粥?(想問下煲新鮮淮山瘦肉粥適合嗎?)

        謝謝你的意見🙏🏻

        • 芳姐 said,
          十月 15, 2017 @ 4:40 下午

          Nat:
          發燒表示身體正在打仗,如果你此時吃補益東西,病邪一樣會吸收,到時病邪坐大就未必夠牠打了!(人體吸收補益東西有節制,細菌,病毒是有幾多吸幾多的)所以燕窩就不宜食用了.應該多吃些清熱殺菌的食療,如羅漢果胖大海板藍根茶,枇杷葉龍脷葉雪梨水等較合適.

          • Nat said,
            十月 15, 2017 @ 6:20 下午

            好的! 明白了 謝謝芳姐~

  28. Olivia Wong said,
    十月 13, 2017 @ 5:25 下午

    芳姐,
    我個小朋友10個月大, 最近一直都咳同有痰聲,腳仔成日都冰冰凍凍咁。可以煲咩湯水適合佢飲啊?

    • 芳姐 said,
      十月 13, 2017 @ 9:54 下午

      Olivia:
      你試用蘇子,萊菔子,紫蘇葉各3錢滾瘦肉湯供飲,4碗水煮成碗半供一天飲,連服3劑,有助袪痰止咳,散寒.

  29. San said,
    十月 12, 2017 @ 12:18 下午

    女兒五歲,有小小鼻水但係成日咳,無論早上或晚上都咳。煲了龍利葉乾湯給她喝,好像無有好轉,還有她告訴我牙肉有點痛,請問有沒有有别的湯水可介紹始?謝謝妳

    • 芳姐 said,
      十月 12, 2017 @ 10:04 下午

      San:
      你試用桔梗,麥冬各2錢,甘草1錢泡茶供服,焗15分鐘飲,連服2劑,看能否改善?

  30. lily said,
    十月 7, 2017 @ 5:34 上午

    芳姐你好,小兒感冒咳,有淡,食幾日西藥後,現在仍然咳有痰,有鼻涕,請問些湯水合式嗎?

    • 芳姐 said,
      十月 7, 2017 @ 1:09 下午

      lily:
      你試用辛夷花6朵拍碎,羅漢果1/6個泡茶供仔仔服,連服2劑,看能否改善?

  31. Gigi said,
    十月 6, 2017 @ 3:18 下午

    芳姐你好!我囡三歲近兩日有幾聲咳、冇痰、請問可以煲咩飲?謝謝您

    • 芳姐 said,
      十月 6, 2017 @ 7:23 下午

      Gigi:
      你囡囡可以飲這款湯,連服2劑.

      • Gigi said,
        十月 6, 2017 @ 9:25 下午

        謝謝您

      • said,
        十月 11, 2017 @ 9:27 下午

        芳姐您好:仔仔呢兩有咳同鼻涕鼻水,咳無痰但咳到有啲想反胃,請問有咩食療介紹?

  32. janice said,
    十月 6, 2017 @ 12:08 上午

    芳姐你好:我兒子13個月,近3日吃完嘢就嘔,開冷氣手同腳都凍,但手臂同背都暖,請問俾咩佢食好?

    • 芳姐 said,
      十月 6, 2017 @ 2:07 下午

      janice:
      你試用紫蘇葉3錢,生薑3,4片,紅糖少許,3碗水煮10分鐘供服,有助散寒止嘔.

  33. said,
    十月 6, 2017 @ 12:03 上午

    芳姐,

    小兒感冒咳,食4日西藥後變了鼻塞多咳,食了2日川貝水,仍鼻塞有咳多痰。請問有何燙水可以改善,斷尾。謝!

    • 芳姐 said,
      十月 6, 2017 @ 2:06 下午

      雯:
      你試用洋葱1個,蒜瓣5,6粒,3碗水煮成1碗供服,有助通鼻塞止咳,連服3劑,看能否改善?

      • 一雯 said,
        十月 6, 2017 @ 11:54 下午

        芳姐,

        多谢你回覆!
        請問以上食療,食用時可以加蜜糖嗎?
        小兒不吃苦藥的!

  34. 芳姐 said,
    十月 5, 2017 @ 4:01 下午

    ada:
    你試用蘇子,萊菔子各3錢,辛夷花6朵,滾瘦肉湯供服,4碗水滾20分鐘可飲,連服2劑,看能否改善?

  35. ada said,
    十月 5, 2017 @ 3:04 上午

    芳姐你好;
    我小兒子近日被哥傳染,有咳,有鼻水,已經幾天了,食了西藥仍未見好轉,我奶奶煲了川貝水,亦無用
    他日間間中有咳,有鼻水,咳時好像打古一樣,晚上睡覺時亦會咳,有啖,有鼻水
    請問應煲什麼湯水給他喝呢?
    謝謝你

Leave a Comment