By 芳姐 ( 22 4 月, 2010 at 7:26 上午)
· Filed under 外感/頭痛/呼吸道病
近日天氣開始回暖,却大霧潮濕,這等忽冷忽熱的天氣最容易患上傷風感冒,而外感之後往往是咳嗽不止.以前曾介紹過用新鮮龍脷葉,石黃皮,杏仁煲雪梨湯作調理,今次介紹用石黃皮配羅漢果來煲水代茶飲,對痰多咳喘者很有幫助.
羅漢果能清肺,潤喉,止咳.而石黃皮除止咳外,尚有清熱利濕功效.它性微涼,但不算太寒涼,不傷正氣,最適合本地潮濕氣候,及濕熱型體質人士應用.
用料是: 石黃皮2兩,羅漢果半個,南北杏1兩.
做法: 石黃皮洗淨,用刀背拍扁;羅漢果,杏仁洗淨;將全部材料放入煲內,用5碗水煮約1小時成2~3碗即成.隨量飲用.
~ 小貼士: 石黃皮不是果實,而是一種蕨類植物的球莖,在山草藥檔有售.羅漢果則以形圓,個大,堅實搖之不響,色黃褐者為佳.此茶對風熱所致的咳嗽痰多者最適合.風寒咳嗽聲啞者不宜服.
Permalink
你好芳姐，我已飲薑，果皮，桔餅一星期，早晚1碗，但仲係咳，白色痰有泡，夜晚咳醒，已咳兩星期，本人有氣管敏感，每年都寒咳，請幫忙，謝
亞儀:
你試用五味子3錢,炙甘草1錢,生薑3片,4碗水煮成2碗服,連服3~4劑.對寒咳有幫助.
氣管敏感咳，有咩方法，夜咳，吾該
亞儀:
你試用桔餅1個切碎,生薑3片,甘草1錢,4碗水煮成2碗服,連服2~3劑.
我已煲，但訓覺咳醒，D痰白色
亞儀:
有痰改用桔餅半個切碎,生薑3片,陳皮1個,剪碎,4碗水煮成2碗服.
我已飲4次，但仲夜晚有D咳，白色泡痰，但已好好多，是否繼續煲，我早晚1碗，吾該
亞儀:
可繼續飲多2~3劑.
芳姐，你好！
我感冒未好，多數白天咳和有痰，痰是白色的，是寒咳嗎？還有有時咳到到勁，有時成日都唔咳！煲什麼湯最好！
Thx!
訪客:
痰白清稀多屬寒咳,可以用紫蘇葉,桔梗各3錢,生薑3片,甘草1錢,3碗水煮10分鐘服,連服2劑,看能否改善?
好，明白了，謝謝芳姐。
在此祝芳姐身體健康，新年快樂。
火馬駿星:
你無咳,煲羅漢果菜乾湯較佳.或煲大豆芽菜老豆腐雪耳瘦肉湯亦有助清肺胃熱.
芳姐，
因吃得太多煎炸食物，肺胃有熱氣(舌怠黃), 但無咳無痰，請問可以煲以上這個石黃皮羅漢果湯飲，以作清熱解毒嗎 ? 還是煲羅漢果菜乾湯會比較適合呢 ?
芳姐,
你好!乾咳有痰兩個月,但痰咳唔到出黎,有點氣喘,無乜氣講野,後背好攰,早上乾咳較多,眼睛乾澀,請問可以煲咩湯水止咳平喘?謝謝!
芳姐請問小女今年四歲，感冒斷斷續續發燒三天了，鼻涕濃痰是綠色色，咳得厲害，請問羅漢果加陳皮可以飲嗎，如果不可以，那煲什麼呢
文:
鼻涕綠色表示有炎症,要看醫生較佳.可以用羅漢果1/4個,菊花,桔梗,辛夷花,各2錢,甘草1錢,3碗水煮成2碗供服,連服3劑.
ada:
羅漢果如有異味,有潮濕,白色發霉現象就絕對不可用.不加羅漢果,利咽功效差些而已,如没有咽喉不適,可以不用.
芳姐，
多謝回應
怎樣才知道羅漢果已變，是顏色不同或是味道不同？
如不加羅漢果， 只放霸王花可以？
ADA:
羅漢果用剩不放雪櫃,要看你儲存地方是否陰涼夠乾燥,不然存很短時間都會變質.大便不暢,痰咳可以煲霸王花羅漢果湯.平時可以煲番薯粥作早餐供服,另外去超巿買美國西梅乾,每次吃4粒,然後飲水,有助排便.可以在兩餐之間幫囡囡搓揉肚仔,有些小朋友腸蠕動較慢,搓揉肚仔可幫助腸蠕動.平時要多吃新鮮蔬果,多飲水.
芳姐你好.
羅漢果開左, 剩半個, 但沒有放入雪櫃. 請問可以放多久?? 另外小囡(3 years) 近這幾天有鼻水, 有咳及痰, 及3天沒有大便. 煲羅漢果, 霸王花, 密棗, 南北杏, 瘦肉湯是否適合???
另外小囡近排經常2至3天才有大便, 是什麼原因?? 及有冇什麼食療適合. 小囡體型偏瘦. 已飲很多暖水及吃生果, 我每天都會煲湯. 以前天天都有大便. 就算現在有大便, 有些少硬.
不好意思, 太多問題.
孕婦26周可以飲用嗎？
KELLY:
感冒後有咳,痰黃,可以用霸王花2兩,羅漢果半個,紅蘿蔔1個,南北杏1兩煲瘦肉湯,有助清肺熱,化痰止咳.全家可飲,煲夠2小時.
芳姐你好
想問問傷風感冒後有咳有黃痰，可以煲什麼湯?
芳姐，請問煲出來的羅漢果水很苦，是否可以喝？本人用了一個羅漢果加大概2公升水煲，壓碎羅漢果時內心幹爽有白色粉狀，煲20分鐘焗10分鐘，但飲用時感覺很苦，為何？
芳姐你好，三個月前傷風，後餘有咳至氣喘，看了中醫半個月，咳和氣喘已好了很多，但仍有很多痰，在喉龍咳不出，和間中氣喘(已很少)，中醫亦未有太大幫忙了，所以想自己煲水飲，請問你這個羅漢果、石黃皮適合嗎？最重要想問，女性經期中可以飲用嗎？
羊:
痰未袪除,可用法夏,茯苓,白朮各3錢,陳皮2錢,生薑2片,甘草1錢,5碗水煮成2碗服,連服2~3劑可袪痰.來經期間可服.
芳姐:
妳好.
知道夏枯草, 羅漢果煲茶飲的好處.
請問寒底的人, 夏枯草, 羅漢果, 加上一嚿”薑”煲, 當茶飲可以嗎?
請回覆.
謝謝!
hope star:
夏枯草羅漢果茶加塊薑同煮没問題,但如果喉嚨痛就不宜加薑,加陳皮好些.陳皮都性温的.
謝謝芳姐
芳姐,此湯可否當去濕熱湯水？
Ma Ma milly:
此湯不宜作去濕湯水.你可用雲苓,白朮,扁豆衣各3錢煲水代茶飲,有健脾袪濕功效,加瘦肉可作家常袪濕湯.
請問此湯可否加枇杷葉？是否啱2歲小孩？謝謝
MaMa milly:
如風熱咳嗽,痰黃黏稠,可加枇杷葉同煮,2歲小兒可飲.
芳姐，
您好，請教剛剛懷孕又得了感冒而且有咳嗽。感冒好了但仍然有咳嗽，喉嚨痕有咳有痰（黄色），羅漢果茶是否適合呢？
bruin:
咳嗽有黃痰可以飲羅漢果茶,加4粒無花果及3錢北杏可減其寒涼之性,亦增加療效.
芳姐，唔該曬!!!!
芳姐，唔好意思，我個仔今年五歲呀。
芳姐：
你好，我真的好喜歡你個BLOG，你幫左我好多，多謝曬你呀。最近，我個仔咳(有痰，有少少黃色)左將近一個半月了，西醫中醫睇過很多次，亦都煲過很多你介紹的湯水，最後我用左川貝蒸柿餅，依家就只有早同晚有幾聲咳，但痰都仲係好多，有時講野都有痰音，請問依家我可以煲咩俾他清痰呢？(他有鼻敏感的)
軒軒媽媽:
你試每天用白果5,6粒,去芯,芡實2湯匙(先浸軟),鮮腐皮1/4張,北杏3錢煲粥供你仔仔服,隨量服用,連服一周,對痰多咳嗽有幫助.此粥主要是健脾袪痰為主,大人小孩都可以服用.仔仔5歲可吃白果5粒.
芳姐：
我打聽過海馬現要250一兩，貴了許多呀，有否其他代替品又比海馬為平的呢？真的麻煩晒你及多謝你呀芳姐。
Jessie:
海龍和海馬的功效差不多,海龍的售價應該較海馬便宜,你試問問.我都很少用海龍,要灰色,不要雪雪白的.
芳姐：
你好呀﹗又係我有事請較你呀，我氣管敏感引起咳，想買啲海馬平時煲湯，唔知現在大約什么價錢一兩呢？怎去挑選呢？麻煩晒你呀﹗
Jessie:
海馬有温肺補腎,定喘之效.我年初時買都要90多元1兩,現在高檔的可能更貴.肚要乾扁的才好,因為海馬售價越來越貴,不法商人就會在海馬肚中做手脚,塞些泥或魚膠等令海馬重秤.這些有填塞物的海馬吃了對人身無益.揀時要選乾身,没有異味,不是雪雪白,肚乾扁者為佳.
芳姐：
你好﹗我想問風賽咳嗽是否咳得比較長時間架，睇了西醫食了幾次藥都未好，有兩個幾月了，最近食中藥，但晚上還有時咳有時唔咳，如晚上咳我可以怎樣做呢？
jessie:
可以試用橘紅1塊,片糖適量,用4碗水煮成2碗供服,能散寒止咳.
芳姐
請問點先知自己是寒底或偏寒呢？如果唔啱体質飲左羅漢果茶會有咩反應架？唔該哂！
beebee1997:
通常寒底的人除了你虛之外,會畏寒怕冷,喜温,喜熱飲,面色較蒼白,滯暗或心跳慢等..飲了太寒涼的湯或茶會覺得口淡淡不太舒服.反之熱底的人多面色潮紅,口渴喜冷飲,心跳過快等.吃了辛燥食物會發熱氣.飲了羅漢果茶這類涼湯涼水會覺得很舒服.
芳姐
我喉嚨痕，有咳，無乜痰，但又唔係乾咳，只是日間喉嚨痕、咳，晚上睡眠 ok。咁算係寒咳、熱咳、定係氣管敏感咳 … ? 可否介紹些湯水/荼給我？另可以飲羅漢果茶嗎？現時秋涼煲雪梨無花果／天山雪連湯水飲可有幫助？麻煩哂！
beebee1997:
你可能是氣管敏感也未定.可以用白蘿蔔半個,生薑4,5片,加水煮好後調入蜜糖飲用,能止咳嗽.羅漢果茶能化痰止咳,但寒咳或體質偏寒人士不宜.雪梨無花果湯最合這個天時,可以加蘋果同煮,更好味有益.天山雪蓮水較寒涼,偏熱體質會適合.
芳姐,
就你上面提及以下的湯水介紹 涼不涼的, 我也有類似情況,
故也想試試煲來飲, 我是有甲狀腺瘤, 據醫生診斷九成九為良性, 建議觀察, 除非有突變;
經友人介紹煲夏枯草, 飲完確實喉嚨無咁”頂”或喉痛感; 但感覺非常寒涼, 因為白帶隨來.
[ 夏枯草1兩,生地1兩,陳皮半個,羅漢果半個,瘦肉4兩 ]
想聽聽你寶貴既專業的意見. 好鍾意你個 Blog, 好正呀 !!
另想請問, 最近常有飽滯感, 中醫成日都說我 “有濕” 且睡得不好
谷芽, 麥芽, 萊菔子, 茯苓, 白術, 柏子仁, 茯神 這個茶涼不涼呢 ?
芳姐粉絲:
甲狀腺瘤可以服夏枯草生地羅漢果湯,有良效.可以服用一段時間,至症狀改善為止.此湯屬微涼而不算太寒涼.
一般患甲狀腺毛病的人脾胃功能都會較弱,可以用一些黨參,淮山,蓮子這一類食材煲湯服用,以健脾胃.或用中成藥[香砂養胃丸],這個藥很平和,對脾胃功能差者很有裨益.
我現在試煲羅漢果湯, 如沒有時間, 就煲羅漢果茶飲, 多謝你, 芳姐。
Candy:
祝身體健康!
芳姐, 謝謝妳 !
ISP:
歡迎常來瀏覽!
芳姐, 多謝指導, 我每試下。咁如果只是煲羅漢果茶作每日飲用一杯, 有沒有用呢?
Candy Hung:
可以每日一杯羅漢果茶的,對消除淋巴結核有幫助的.
Candy Hung:
羅漢果是連核一齊煲的.有化痰散結之效,你可以多飲用,以消散淋巴結核.中醫認為淋巴結核多數是痰濕凝聚而成.你可以用夏枯草1兩,生地1兩,陳皮半個,羅漢果半個,瘦肉4兩,用6碗水煮約2~3小時成2碗供服.能清熱散結.要飲多幾次才見效.
Polly:
祝早日康復!
DEAR 芳姐:
謝謝妳!我會試下既啦.
Polly
請問煲羅漢果茶, 是否要連同核煲呢?
我大脾隙生了粉瘤近穿內褲之側邊位,即近淋巴附近, 很奇怪在2007年10月在左邊割了一粒, 在2009年10月在右邊再生又割了, 現在在2010年4月右邊差不多位置又生過, 都不知割不割好。每次也近月經日子生。上次問醫生, 醫生說免疫力低及油脂分泌過盛也會影響成日生。請問可以煲些甚麼湯或茶可以改善?
芳姐:
您好! 我已經感冒了成個星期未完全好返, 有咳但沒有痰, 夜晚瞓得不係幾好,呢兩天突然間耳鳴聽不清楚聲音,請問是否因感冒菌未清而引致我耳鳴,應該煲D甚麼湯水好呢?
Polly
Polly Hui:
你感冒未好又發生耳鳴,建議找醫生檢查一下比較好.因為以防感冒菌入耳.
也有因為腎氣虛,或暴怒,驚恐,胆肝風火上逆引致耳鳴的.你試用一個外敷法.就是用粗鹽炒熱,放入布袋中,以耳枕住,袋涼再將鹽炒熱,再敷,連敷3~4次見效.不妨試試.
芳姐,你好!
如果经常睡到半夜,被痰剌激至咳, 這是否风寒咳嗽? thanks
Isp:
如果晚上咳嗽,而痰又是白色清稀的,多屬風寒咳嗽.可以用紫蘇,杏仁生薑,紅糖各3錢,用4碗水煮30分鐘成2碗供服.能散寒止咳.
芳姐,你好!
我屋企有好多杜仲,請問可吾可以甘樣配來煲湯?
豬骨,杜仲,北其,黨參,紅棗or大棗(黑棗)好?曬吾曬再加巴戟??
有咩人吾適合飲??
仲有無其他煲法??
thx
大頭蝦:
杜仲有補肝腎,强筋骨,安胎,降血壓等功效.可以用你所提的方法煲湯,加巴戟更能補腎陽,强筋健絡.可以配合桃肉,南棗煲豬骨湯,對腎隔虛陽痿早泄,腰膝冷痛,小便頻等有療效.
但陰虛火旺者不宜用杜仲.