By 芳姐 ( 17 9 月, 2010 at 7:30 上午)
· Filed under 小兒常見病
近日開學後很多小朋友患上感冒,皆因天氣還十分熱,但乘搭校巴或交通工具的空調却開得太冷,幼稚園課室的亦是有空調的,一個不小心就容易着涼,患上風寒感冒了.
風寒感冒的特點是惡寒重,發熱輕,無汗,頭痛,時流清涕.今次介紹這款湯簡單易者,味道又佳,對風寒感冒,伴有咳嗽的患兒很有幫助.
用料是: 生薑5,6片,葱白4條,梨2個(水晶梨,豐水梨1個就夠),雞蛋1個.
做法: 生薑,葱白洗淨;梨去皮,去核,切厚片;先將生薑,梨片用碗半水煮20分鐘,加入葱白及蛋漿,大滾片刻即可供飲.趁熱服,服後蓋被休息,汗出後不適症狀即減.
~ 小貼士: 此湯大人,小孩都可服,尤其是體質較差的小兒,有解表理肺的功效.
Permalink
APPLE:
如果痰黃色,可以用龍脷葉1兩,石黃皮1兩,南北杏1兩,蘋果2個(要去核),紅蘿蔔1個煲瘦肉湯供服,全家可飲,可連服2劑,看能否改善?
芳姐，想問問是否要等小女沒鼻水才可服玉屏風散呢？
芳姐，謝謝你的指導，小米在哪裡買呢？
你好，小兒3岁，自中秋到而家睇左三次醫生感冒咳氣管敏感，上星期又再次病，有黄鼻涕鼻水，日夜不停咳，成晚無覺好训，係甘咳，咳時略有痰声，呢兩日仲發燒，而家食左退燒藥無咩燒，想請可以煲咩俾仔仔飲，最重要可以止咳，等仔仔無甘辛苦!!另外想问仔仔是寒咳定熱咳，同米龍利葉枇杷葉石黄皮呢个湯岩唔岩飲，thx
李太:
感冒未清可以飲肉湯,只要不肥膩就成.因為感冒期間脾胃功能較弱,吃肥膩東西會增加腸胃負担.如果吃補品更會令病邪坐大,故盡量不要太補.瘦肉湯可以飲.你貧血最好煲些紅棗小米粥常服,紅棗用8粒,小米2兩,可加1把白米同煮,黏稠些.如感冒好後加10粒桂圓肉更加補血.月經不調,試用益母草5錢,紅棗6粒,生薑3片,紅糖適量煲粥食,一星期2次,有助改善.
芳姐，中醫曾講過感冒未清不可飲肉湯，是真的嗎？若不落肉可以嗎？本人44歲，半年前看中醫話有腎虛(頭暈，耳嗚)剛驗血有貧血，但食不到保鐵丸，食後想嘔，月經日數十日之久，有時第五，六日才多，但其餘八日是少量的，有冇食療幫到呢？感謝你的回覆
李太:
粉葛性涼,但扁豆,赤小豆都微温,只要煲夠2小時就不寒涼了.可加蜜棗及陳皮同煮.
芳姐:多謝你的回覆，我試下買給她吃，我想問小女有時會頭暈,頭痛，月事完後可否飲粉葛赤小豆扁豆排骨湯，會否太涼呢
李太:
你可以去裕華或華潤堂買玉屏風散供女兒服用,有助減少傷風,感冒.感冒未清又月事,可以煲些粉葛赤小豆扁豆排骨湯服.
芳姐，你好，小女13歲，經常患感冒，長達兩，三個星期，痊癒後不久又再次感冒，想問感冒未清月事完可飲咩湯水呢？
LINGLING:
你可以煲這款湯,生薑放多幾片,有助發汗解表.
芳姐，你好！小女7個月大，近日都流清鼻涕，有痰，有d咳，請問可以飲這款湯嗎？謝謝
KITBIRD:
應該不關北茋浮小麥湯事,但可以煲些番薯粥,給多些水飲,吃些木瓜,火龍果,西梅等都有助通便.
芳姐
想問問飲了這個(北茋3錢,浮小麥5錢,紅棗6粒,辛夷花6朵,5碗水煮成2碗),是否會令大便變硬,因見bb最近大便比較硬及去到辛苦
芳姐您好！
我經常喉嚨痛，請問有什麼利咽止咳的良方呢？
謝謝！
Zoe
ZOE:
你可以買些牛蒡乾泡茶服,可加些少羅漢果同泡.如津液不足口乾,可加少許花旗參同泡.可經常服.
芳姐,
請問可以用此(北茋3錢,浮小麥5錢,紅棗6粒,辛夷花6朵,5碗水煮成2碗),當水開奶比女女
飲嗎？因整左粥佢唔食?剛剛用黎開奶比佢,佢肯飲
KITBIRD:
可以作開奶萊,囡囡肯飲就是.
芳姐
而家亞女還有些鼻水未清,請問還有什麼方法或食療可令佢快啲好返呢？可以煲什麼粥比佢食呢？另外同佢出街或佢訓時頭同背部都會出汗,可以點做呢?唔好意思有好多問題,謝謝
KITBIRD:
你試用北茋3錢,浮小麥5錢,紅棗6粒,辛夷花6朵,5碗水煮成2碗,用藥汁煮粥更佳.有助增强體質,改善流虛汗及收鼻水功效,可連服3劑.
kitbird:
感冒bb可飲此湯,一天不宜用太多食療,又湯又開奶茶不太好,隔天用可以.
芳姐,見bb似感冒,有流鼻水,訓時少咳同鼻塞,同有流眼水,此湯岩佢飲嗎？她16個月大,
另外感冒期間可飲開奶茶嗎？
CHERRY:
你可以薑葱梨蛋湯供服,連服2劑,看能否改善?
芳姐，囝囝又感冒，不停打吃嚏，有少少鼻水，體温輕微偏高，37.5度左右，早2日都煲紫蘇葉䓤白紅糖水比佢，但未有改善，請問現在可煲咩比佢呢？
芳姐
你好！
請问如何分别風寒或風熱感冒？
上文提到悪寒重是什么意思？
谢谢！
Anita:
請看我待會登載的文章,就會知道各種感冒的分別.惡寒重即患者會非常怕冷.
同埋我被佢傳染左，今日開始不停流鼻水同打乞嚏，可以飲d咩湯水幫到？謝謝！
謝謝芳姐回覆。
Bb已連飲2劑羅漢果辛夷花水，已冇喉沙同咳，但鼻水仍然好多，而且訓覺時頭同頸後出汗，請問應該點處理？
CHERRY:
你可以滾些芫荽葱生薑魚片水飲,連服2劑,趁温熱飲.仔仔可以用黑豆1兩,浮小麥5錢,辛夷花6朵,5碗水煮成2碗供服,有助止汗,收鼻水.
謝芳姐回覆，想問問煲粥比佢可以比蕃薯嗎? 已煲左2日蓮子百合豬肉粥，但佢唔想食，都係食2啖就算
cherry:
可以煲番薯粥供服.有潤腸通便及健胃之效.
CHERRY:
不好意思,電腦[食]了一些字.是辛夷花6朵,胖大海.不寒涼的.可連服3~5劑.鼻水問題改善自然睡得安穩.
謝謝芳姐，請問辛夷花要用多少？
胖大=胖大海嗎?
此湯宜飲多少次？會唔會寒涼呢?
因昨晚發覺佢手腳都唔暖，驚佢係寒咳，此湯是否都適合？
同埋佢訓唔到，半夜醒左一直要玩訓唔反，可以點調理？
唔好意思，較多問題，謝芳姐解答！
cherry:
你試用羅漢果1/4個,辛夷花朵,胖大4粒,3碗水煮15分鐘供,有消炎利咽,收鼻水作用.
芳姐，今早發覺囝囝鼻水杰左少少，同開始咳，喉沙，應該煲咩比佢飲呢? 謝謝！
芳姐，我囝囝而家10個月大，前日開始有鼻水，清稀的，食左2日保嬰單但未見效，佢冇燒冇咳，正係鼻水，但越來越多，夜晚醒好幾次，呼吸聲大，可以飲咩湯水幫到佢呢？謝謝！
KITTY:
你試用麥冬2錢,羅漢果1/6個,桔梗,辛夷花各2錢,甘草1錢,4碗水煮成2碗服,連服2劑,看能否改善?此茶有助清肺火,止咳嗽,收鼻水.猴棗散能化痰止咳,如食療不見效,可買來服.
芳姐，
我仔两岁半，有鼻敏感。早几日发烧，睇医生吃药两日后烧退，又开始鼻塞流濞。食咗医生开嘅伤风药，一直冇改善，仲咳痰。因鼻塞，入睡时间较长，但瞓熟后都未至于咳嗽甚至醒番。另外就係好容易扭计，无论冲凉、刷牙、食饭、喝药都令到我哋费尽心机，伤透脑筋。我谂都係因为仔仔身子不适所致。
不知芳姐有何建议，我老公已经叫我俾仔仔食猴枣散，但其实我认为唔对症，又唔知点样好，唉…
謝謝你。
芳姐, 你好!
小兒20個月, 之前四天發輕微的燒, 鼻塞，看了醫生指喉嚨有紅腫，但四天後昨天情況嚴重了, 晚上咳多了，睡夢中有咳聲，有少許痰，另亦開始流鼻水，令他睡不穩，他今日亦已看了醫生，另平時他睡覺情況都不太好，容易醒，或在睡夢中哭醒，請問這個湯可以給他喝嗎? 需要喝多少天?
Wai:
你可以用這款湯供仔仔服.可幫仔仔拍背,飲多些水,有助將痰排走.
芳姐,你好啊!
小兒持續流鼻水、咳嗽了好幾個月了,我應該煲咩給他飲好? 請指教,謝謝!
ting:
你試用北茋,防風,白朮,辛夷花各3錢,桔梗3錢,北杏3錢,甘草1錢,5碗水煮成2碗供服,有助止咳,止鼻水.
為何小兒兩個月又來一次發燒,次次唔舒服的時候,就有發燒,點解唔該方姐
sindy:
小兒如果上學後,接觸細菌,病毒機會高了,就易受感染而發燒,要小兒體內[儲]夠一定抗體,才能減少感染.發燒時可以用蘆根5錢,生薏米1兩,雪梨1個,去核,蜜棗2粒,5碗水煮成2碗供服,能清熱退燒.
芳姐, 你話可以加少少陳皮煲粥俾BB食, 1/3個新會柑既皮會唔會太多呀?
你話小兒1歲只可吃一粒白果, 但你之前教我可以用5粒白果+陳皮+馬蹄+鮮腐皮1/4張煲粥,究竟我可以放幾多粒呢?
BB感冒時唔可以食魚,咁可以用咩煲粥呀? 可唔可以用淮山煲粥架?
THX
Clara:
小兒用1/3個陳皮已夠.我之前教你用5粒白果,是因為一粒同來煲粥實在起不到作用.但由於白果有小毒,小兒解毒臟腑未發育完善,安全計只能一歲吃一粒,兩歲吃兩粒…..至15粒為止.感冒時可以用瘦肉,紅蘿蔔等蔬菜煲粥服,以清淡為主,淮山最好感冒後才用.如果BB感冒發燒,魚,雞等肉類就不宜食.
芳姐,
我平時煲粥俾阿b (16個月), 可唔可以常常加果皮1塊? 有咩功效架? 成日食會唔會唔好架? 加左果皮係咪唔使加薑架?
我可唔可以煲淮山,茨實, 白果粥俾阿b呀? 有咩功效架? 白果會唔會好寒涼架?
仲有, 紅棗, 南棗, 黑棗同大棗有咩分別? 邊隻bb食好0的? 邊隻我食好0的呢?
thx so much ^_^
Clara:
煲粥可以加陳皮,有下氣止咳,化痰健胃功效.放少少就可以,不用加生薑.淮山芡實白果粥有健脾益氣,補腎,止咳等功效.但白果芯有小毒,小兒1歲只可吃一粒,芯必須去掉.紅棗,南棗,黑棗都屬棗類,有健脾補血等功效.其中以南棗最有益,可壯胃氣,健脾腎.黑棗則有滋潤養血之功.
芳姐,
我阿b15個半月, 上星期感冒流鼻,食左幾日保嬰丹同猴棗未, 已經好返, 但呢兩日又布少少青鼻同瞓覺有0的痰聲, 我既問題係:
1) 奶奶見阿b有0的流鼻水或感冒, 就會俾阿b食保嬰丹同猴棗未, 其實正唔正確架? 保嬰丹真的可以醫感冒嗎?
2) 我上網睇到0的資料話猴棗未好寒涼, 仲寒涼過牛黃, 係唔係架? 阿b咁細個食怕唔怕太寒呀?
3) 上網仲話猴棗未係急症既藥, 普通病係唔好用, 咁咩情況下先好用? 真係要急症先可以用? 定係病完仲有痰已經可以食呢?
4) 上網仲話要小心用藥份量. 但我0係位x堂買既猴棗未都好大支, 如果阿b食晒一支會唔會有問題架?
5) 保嬰丹同猴棗未有無話邊邊牌子好0的架?
thx……………
Clara:
你試用陳皮1個,紅棗6粒,南北杏5錢,鮮腐皮1/4張煲粥仔供服,有助化痰止咳.感冒初起,滾些生薑葱白魚片水服用就能發汗解表.
保嬰丹較適合小兒感冒服用,猴棗末是適合小兒高熱,驚風,痰多服用,其性較寒涼,對寒痰咳喘絕對不適合.你不知你家小b是寒咳定熱咳,就不宜亂服猴棗末.兩餐之間餵飲多些開水,有助將痰排走.
Clara:
你試用白果5粒,去芯,陳皮1塊,馬蹄6粒(去皮切片),鮮腐皮1/4張煲粥供你小b服用,有助清熱化痰.可以煲稀些,及讓bb飲多些水,有助將痰排走及快些康復.
芳姐, 好多謝你既回覆呀……………….阿b無發燒啦, 日間都ok,無乜流鼻水同噴嚏,但夜晚瞓著之後, 都仲係聽到好重鼻涕聲同痰聲, 所以都仲有醒幾次同咳幾聲, 我今日叫奶奶俾猴棗未阿b食, 請問可否教我一0的去痰, 清鼻涕既食療, 我唔想阿b食咁多中藥呢(例如猴棗未,保嬰丹等), thx………..
芳姐你好,
阿b 15個半月, 兩日前開始流鼻水,打噴嚏, 流眼水, 多痰, 有0的咳, 成日用手摔眼同鼻, 瞓覺每1-2個鐘醒一次, 因為聽得出有好多鼻涕同痰塞住左, 呼吸唔順所以佢成日醒……..今朝仲38度tim
佢已經食左2日保嬰丹, 一日2次, 每次一樽, 但都好似無乜效, 如果佢無再發燒, 我應唔應該繼續俾佢食保嬰丹呀? 食得多會唔會唔好?
同我尋日煲左蔥白蜜梨水(因為買唔到雪梨), 唔知0岩唔0岩佢飲呢?
其實點分佢係風寒定風熱感冒呀? 同使唔使介口, 食唔食得生果(例如蘋果,提子, 皇帝蕉), 魚同雞蛋架?
謝謝你.
Clara:
你家小兒有發燒,要多給飲水,如果燒不能退,建議去看醫生.通常風熱感冒除了發燒,流涕咳嗽外,多伴有咽喉紅腫.而風寒感冒會痰多清稀,惡寒發熱.葱白梨水應該合飲的,橙不宜吃,以免咳嗽加劇.蘋果,提子,皇帝蕉可適量吃些,雞蛋黃都可以吃,不要蛋白.魚類最好等外感好後才吃.保嬰丹可繼續吃一兩樽,不過如果燒不退,必須看醫生治理.
你好,芳姐~~~如果小朋友只是流清涕,有咳嗽可煲咩湯好呢?
訪客:
可以試用紫蘇葉3錢,杏仁5錢,生薑3片,紅糖適量,用3碗水煮成2碗供服.對流清涕,咳嗽有幫助.
芳姐,
好多謝你的回覆 !
這個實在是好得無比的部落格, 真好! 您真好 ^^
金太:
歡迎常來瀏覽!^^
芳姐,
十分多謝您的回覆及幫忙!
老桑枝功效是否同桑寄生相彷 ?
豬骨有否指定是豬的那一種骨, 或隨意就行 ?
豬尾骨 / 西施骨 / 唐排 / 豬扒骨 ?
那種煲湯會沒那麼油的呢 ? 對不起 ! 一問再問再麻煩了您, 謝謝 !
金太:
桑寄生屬補益藥,能補肝腎,强筋骨,安胎等;而老桑枝就能袪風通絡利關節.你現時情況用老桑枝較桑寄生好.西施骨不太多油,豬尾骨煲湯就好味些.隨便你用哪種.
芳姐,
想論教一點意見, 有勞, 感激 !
近個多星期都感到腰背椎骨捶捶痛 (經前多些, 經後還有陣陣痛)
另外頭頸背後有個凹位處開始至頸下都有捶捶痛, 這是甚麼原因 ?
是感冒 ? 可提供甚麼良方舒緩嗎 ? 謝謝您!
金太:
你有没有檢查過骨質密度呢?有些骨質疏鬆患者會經常有腰骨痛毛病.頭頸後痛有可能是長期對着電腦或坐姿不良引起,患感冒都會出現項背强痛的情況,但會伴發燒,流涕等症狀.
你可試用粉葛半斤,老桑枝1兩,生薏米1兩煲豬骨湯服,用8碗水煮成3,4碗.對周身痛有幫助.
你好,芳姐…小兒今年5歲, 每次感冒都會有頭痛, 痛到用手打頭, 痛的位置近頸對上頭枕位置, 會否感冒未清? 應煲什麼去解?
訪客:
你仔仔是外感未清,在後枕耳後髮際的[風池]穴位疼痛.你可以用兩隻手的拇指在痛位(即風池穴位置)幫他用力按揉50下,頭痛即可舒緩.
食療可用粉葛3兩煲粥服,粉葛能舒緩肩頸,頭肌肉拉繄引致的疼痛.或用白芷3錢,菊花1小撮用4碗水先將白芷煮成2碗,加菊花焗片刻即可供服,能治感冒頭痛.
芳姐,
你好! 我個囡2歲半, 性格活潑, 無時停, 又不至於唔食嘢, 但體重半年都沒有增加, 得28磅, 食極都唔肥, 最近覺得她面色蒼白, 腸胃唔好, 3-4日才一次大便, 有時都幾辛苦, 想問吓有咩湯可以令佢身體同腸胃好D, 面色紅潤D呀? 仲有食D咩會令佢肥番呀? 謝謝!
Y:
有些小兒腸蠕動較慢,故會有便秘情況出現,日常必須要多吃纖維質食物,如新鮮蔬果,此外飲多些開水亦同樣重要.
可以用紅菜頭煲番茄,紅蘿蔔薯仔瘦肉湯服,飲湯吃湯料,常服能令面色紅潤.如果脾胃功能弱,可用牛肉4兩絞碎,加水浸1晚,第二天將牛肉汁煮滾供服,能補血及對脾胃有保護作用.
在兩餐之間,宜食一些像木瓜,火龍果,西梅,蘋果或奇異果等生果,之後飲1杯水,有助排便.
芳姐，如有輕微靜脈曲張及間中會脚趾抽筋，可飲用甚麼湯水？
謝謝！
Irene HO:
靜脈曲張要留意不要久坐或久站,要經常做些伸展活動.可以用雞血藤1兩,紅糖適量,用5碗水煮成2碗供服.有補血活血,行血通絡之效.常服可改善症狀.
你好,芳姐…小兒4 yrs,剛剛氣管炎好返,食了很多西藥,請問現在可煲什麼湯水給他
飲?thx^^
cathy:
如果你仔仔已没有外感,可以用正非洲海底椰3錢,雪耳2錢,南北杏1兩,無花果4粒煲瘦肉湯服,能强壯肺氣,化痰止咳.必須買有[狗牙邊]果肉紋的海底椰才是正貨.坊間邊緣滑溜的是假貨冒充.或用核桃肉2兩,陳皮1錢,生薑2片,紅棗6粒,用5碗水煮成2碗供服.能補脾腎,强壯體質.