By 芳姐 ( 3 5 月, 2017 at 3:49 下午)
· Filed under 家常食療, 手術後調理
石崇魚外形頗為醜陋，身體圓厚皮有點像蟾蜍，形態恐佈，但肉質鮮美細嫩，蛋白質含量很高，具營養滋補、生津潤肺、健脾補腎、養顏等功效，對手術後深層傷口癒合很有幫助。
有見休漁期來臨，海魚價格定必提高，今早去海魚檔逛逛，竟然見到較難買到的石崇魚，80元1斤，頗大條，一點不貴，連忙買了一些，可分包雪藏，隨時取用。配沙參、玉竹、百合同煲，滋陰養顏；配北茋、杞子、紅棗同煮能提高免疫力；配北茋、黨參、紅棗、陳皮、瘦肉同煮，藥味不重，最合做完手術的產婦、老人家出院後飲用。
圖中的是石崇魚，是手術後進補佳品。但網絡出現故障多天，登出的圖片未必能顯現出來﹗
Permalink
家人做完傳統手術切子宮肌瘤己有10日，請問幾時可以煲石崇魚湯？或其他湯水補身？
Candy:
手術後10日可以用北茋,黨參,杞子各3錢,生薑3片,紅棗6粒煲石崇魚湯,以加快深層傷口癒合.亦可以用淮山,杞子,蓮子,南棗燉有機雞或豬展湯服.
芳姐你好：我先生寬關節有腫瘤，剛剛做完人工關節手術，請問幾時可以飲尼個湯，還有什麼湯可以介紹，謝謝
K.K:
手術後3天可以煲此湯飲.如尚有些疼痛,可用田七3錢,雞血藤5錢,紅棗5粒煲瘦肉湯服,有助鎮痛及活血袪瘀.有胃口可以燉些花膠或海參湯服.
芳姐你好
我在太剛剛膊頭割咗肌肉瘤，請問煲什麼湯水畀佢飲，同埋幾時可以飲得，怕生肉仔。
Lun:
北茋能加快傷口癒合,可以在手術後2~3天用北茋5錢煲瑤柱陳皮粥供食.石崇魚湯可配北茋,黨參各3錢,生薑,紅棗各適量煲湯服,一星期後服用,不會長肉芽.生魚,山斑魚,田雞這類細胞活加强,劏後肌肉仍會動的食材表面傷口未埋口前不宜服.
唔該曬芳姐
請問湯怎樣煲，是否一次過擺落去煲。
謝謝
Lun:
魚湯最好將魚稍煎香才連其它食材一齊煮.一般食材如供苦味,凍水落煮至大滾,改用中慢火煮1~2小時就成.西洋菜,野葛菜一類蔬菜要滾水放,否則會有苦味.
初期乳癌，開刀手術後應該適合煲什麼湯飲？
Sum:
乳癌手術後頭幾天飲食宜清淡,例如煲些紅菜頭紅蘿蔔薯仔瘦肉湯服,用北茋5錢煲瑤柱陳皮粥食,第三天可以煲石崇魚湯飲,有助加快傷口癒合.
芳姐，
1) 請問以上這些湯和粥怎樣煲？有冇影片可以睇？
2) 手術後有什麼食物要介口？
3) 乳癌有什麼以後都唔食得？
謝謝!
Sum:
你可以在網頁中分類一欄按一下[家常食療],大約可知道一般湯水的煲法.
乳癌患者要戒高脂肪食物,以及用激素飼養的快大家禽,包括乳鴿.最好買有機的家禽,如嘉道理農塲的嘉美雞,康保雞等;或外國進口的急凍有機家禽(店鋪會標明的),用激素養的快大塘魚,超大個的蔬果,肥肉,以及發物如筍,鵝肉,無鱗魚,蝦蟹,豬頭肉(包括豬頸肉),芒果,菠蘿等.
芳姐，
你好呀，請問做了切除子宮肌瘤及水瘤2手術後，大約什麼時候可以飲湯水。我好怕生肉芽，而且有新增疤痕體質。唔該芳姐😉
Jess:
你可以用北茋5錢,黨參3錢,杞子2錢,紅棗5粒煲瘦肉湯服,手術後3天可以飲,暫時不要用魚,尤其是生魚和山班魚,由於其細胞活力强,容易誘發長肉芽,待表面傷口長好才用魚煲湯.
芳姐你好！
想請教，24/8 剛做完拇指外翻手術，7/9 才拆線，幾時飲石崇魚湯才合適？魚湯需要落甚麼藥材呢？份量又是多少？
盼回覆！感謝！
Psyche 上
Psyche:
你可以用北茋,黨參各3錢,杞子2錢,紅棗5粒,生薑3片煲石崇魚湯服,有助加快傷口癒合.
谢谢芳姐回覆，我24/8 做完腳部手術，7/9才拆線，請問需要等拆線後才可飲湯？或是現在就可以飲呢？
盼覆，謝謝
Psyche:
未拆線都可以飲的,没問題.
收到，今早已經煲了，謝謝芳姐！
芳姐你好！爸爸80歲做完腎切除手術，請問第幾天可以煲石崇魚湯，可否每天飲？
Shirley:
手術後3天可煲石崇魚湯,飲3~4劑就成.
父親做完切膽手術，本身有糖尿病，可否飲石崇魚湯？如果可以，石崇魚湯要包含什麼材料？
訪客:
糖尿病者手術後3~4天可飲石崇魚湯,可以配淮山,杞子,紅蘿蔔,粟米等煲石崇魚湯,有助穩定血糖,加快傷口康復.
老人家手術換波籬蓋，煲咩湯水好？
chris:
如果老人手術後尚有疼痛不適,可用生田七3錢,雞血藤5錢,紅棗5粒,雞胸肉1塊,6碗水煮1小時成2~3碗,供一天分服,有助活血袪瘀及鎮痛,可連服2~3劑.
芳姐想問下妳，老人家做咗菠蘿蓋手術除咗可以飲呢個湯之外，仲可唔可以飲石崇魚湯？
Cathy:
老人家手術後可以飲石崇魚湯,有助加快傷口愈合.
謝謝妳
芳姐你好,
家人做全子宮切除術+雙側輸卵管及卵巢切除手術, 以及切除近主動脈的腫瘤,
請問煲甚麼湯水好?
材料份量要多少? (包括水的份量, 不好意思, 因很少煲湯)
我想預先煲來練習下、自己試下先, 沒有做手術的人可以飲嗎? 有沒有說甚麼體質不可以飲?
謝謝!
訪客:
做這類大手術要好好調理,可以用姬松茸6朵,杞子1湯匙,蘆筍6支滾瘦肉湯,6碗水煮30分鐘成3~4碗,患者可飲2碗.你可以在網頁左邊分類[癌症]一欄按一下,即可看到95款有關癌症調理的湯水,可按患者喜好揀喜歡的食療,每款皆有詳細講解份量及煮法的.癌症患者不宜吃高脂肪,糖及牛奶食物,以免癌細胞滋長.
謝謝回覆, 請問做完手術後幾耐可飲這個湯? 每日飲2碗嗎?
另外石崇魚湯適合嗎? 還是因大手術, 所以 “姬松茸杞子蘆筍滾瘦肉湯” 會較好?
(暫時未知是良性還是惡性, 到時候做手術切下來再驗才知道)
謝謝!
訪客:
手術後4天左右可以飲石崇魚湯,能加快深層傷口癒合.無論良性瘤或惡性瘤,姬松茸湯都可以飲的,全家飲材料加倍,一來增加營養,二來有助抑制癌細胞.
芳姐 我媽右腳兩條骨都斷晒 術後幾耐可飲呢個石崇魚湯？仲要加啲咩煮？煮幾耐？謝謝
Cally:
令堂骨折後4天可煲石崇魚湯,有胃口燉些淮山杞子花膠雞湯服亦佳.如傷口痛,可用巴戟,杜仲各5錢,川牛膝3錢,雞血藤5錢,南棗5粒煲豬展湯服,煲2小時,可供2天服,有助鎮痛及康復.
芳姐你好，
我將會做微創切除輸卵管手術，請問適合飲呢款湯嗎？
手術後多久開始飲？要配合什麼藥材？要飲多久？
謝謝
CC:
手術後4天可以飲,主要北茋能加快傷口癒合,可用北茋5錢,黨參3錢,杞子3錢,陳皮,紅棗適量來煲石崇魚湯服,一星期2~3劑,有助深層傷口加快康復.
謝謝芳姐🙏🏻
芳姐你好
我 20/4 做子宮，輸卵管及卵巢全切手術，請問是27/4 可以煲石崇魚湯還是4/5 才可以煲來飲？謝謝？另外需要D加埋瘦肉？
annechow:
手術後一星期可以煲石崇魚湯服,配用北茋,杞子,生薑及瘦肉,有助加快傷口癒合.
你好，小朋友1歲前二日跌倒鼻，留小小血，今日又有小小鼻血，可以煲什麼比她傷口快好？謝謝。
wong:
小朋友鼻膜薄,跌傷了鼻會經常流鼻血,要他十一,二歳鼻膜長厚了才不易流鼻血.可以一個月煲一些鮮茅根藕節雪梨水供服,有助防治流鼻血.現時可以連服3劑.鮮茅根1扎,鮮蓮藕節3個,雪梨1個,5碗水煮成2碗.
你好，芳姐，小朋友细，未肯飲到2碗，當水饮?
Wong:
可以濃縮成1碗,一天分服.
買左竹蔗茅根蓮藕節可以嗎？感謝問題比較多？
Wong:
竹蔗2段，破開成4片,易出味.鮮茅根用1兩,蓮藕節3個.
可不可以作開奶茶用？謝謝
Wong:
此湯無藥味,可作開奶茶用.
你好，小朋友1歲前二日跌倒鼻，留小小血，今日又有小小鼻血，可以煲什麼比她傷口快好？謝謝
芳姐你好
我弟婦尋日做完子宮切畸形瘤手術，請問佢幾時可飲石崇魚？要飲幾耐，一星期飲幾多次？要用幾多石崇魚，搭咩藥材？
謝謝？
Polly:
手術後一週可以用北茋5錢,淮山1兩,杞子2錢,紅棗或南棗4粒,生薑3片煲石崇魚半斤服.有助加快康復.一星期2~3次,服半個月就成.
芳姐：
我個妹要做切除子宮手術，手術後多久才可服用石崇魚湯？
石崇魚配什麼材料同煲？
一人份量，石崇魚同材料份量要多少？
一星期飲幾多次？
成個療程要飲幾耐？
謝謝🙏
Ms Ho:
石崇魚湯大約手術後第二週可以飲,用半斤,配北茋3錢,黨參3錢,紅棗5粒,生薑或陳皮適量煲1小時,一星期3劑,連服2劑,已經有助加快深層傷口癒合.
芳姐，
謝回覆！
此湯每星期飲多少天？大約飲多久比較好？
芳姐，您好
患乳癌須要切除兩邊乳房，隨即做埋重建手術。請問手術後多久才可以飲石崇魚湯？及點樣煲石崇魚才有功效？謝謝
Bo:
石崇魚可在在手術後第二週服用,配北茋,黨參各3錢,杞子2錢,生薑3片同煮能加快深層傷口癒合.石崇魚叫魚檔劏好,去鰭(鰭有毒,刺傷極痛),可以買多些例如兩斤,分3包,不用可放冰格.魚要稍煎香才煮,大約煮1小時可飲.
芳姐，
謝回覆！
此湯每星期飲多少天？大約飲多久比較好？
Bo:
一星期3劑.飲兩週試試.
明白！
請問為何此湯要待手術後兩週才可以飲用? 如果在手術後隔天開始飲此湯可以嗎？因為想傷口復原得快啲！
Bo:
因為有些人本身體質易長肉芽,雖然石崇魚不像生魚,山斑魚及田雞般細胞活力太强,但為免傷口有機會長肉芽,第二週開始服較理想.
芳姐～請問面部割傷手術，幾多日可飲石崇魚湯？（第3天面部未取消腫）
Yau:
面部割傷,最好去西藥房買矽膠貼貼住,以防傷口長疤.石崇魚是對深層傷口癒合有益,你表面傷口,只需要用北茋3錢煲些瑤柱陳皮粥食已可加快傷口癒合.暫時不要用生魚,生斑魚,田雞這類細胞活力强的食物,以免長肉芽.
明白，唔該
芳姐你好，
女兒剛在尾龍骨做了手術，因為每日要洗傷口，傷口沒有聯線請問可以煲石崇魚給她飲嗎？
訪客:
你可以多用北茋煲湯,因為北茋能加快傷口癒合.可以用北茋5條煲瑤柱陳皮粥供食,或煲石崇魚湯都有益.
請問婦科手術後多少天才可飲石崇魚湯丸
Ivy Ko:
剖腹生產出院後第二週可以煲來飲,有助加快深層傷口癒合.
謝謝
80蚊斤點可能係石祟，睇個樣都係石獅啦，作為有經驗專家又教人嘅，係時候去學下點樣分魚類，我都唔識，早排先係網上請教別人。但80蚊斤唔識分都知道一定唔會係
Cherrie:
石崇另有一些學名,石獅是其中一個名稱.圖中那個白色碟其實不大,圖片放大了,三條魚都不大,手掌般長而已,80元1斤合理.我平時買的較圖中那些大約2/3長度賣56元1斤.大條的石崇起碼200多元一斤.
石祟石獅唔同一樣野黎架，個樣係好似但真係唔同一樣野。唔識就去學下，我都唔識驚比人呃先去請教別人，你去啲 魚類群組問下人，嗰度好多叻人識分，虛心請教下別人實會有人答你。
$200一斤都係冰鮮嘅，游水嘅$400以上閒閒地
Cherrie:
我的確不是魚類專家,但你去街巿買這種細細條石崇魚,你問魚販,他們絕對不會對你說他們賣的是石獅魚,一定會說是石崇魚,這種細條的石崇魚的確有助深層傷口癒合,大條價貴的石崇在魚檔並不多見，既然大,細條都具傷口加快癒合的功效，爭拗就没有多大意義.我的網頁對的大多數是普羅大眾,並非人人都可以花錢買二百多元的冰鮮石崇魚,或四百多元的游水石崇魚的.
勝哥講嘅你都好信，係唔係都寫海魚海蝦，你都識講唔係魚類專家啦，你講緊嘅係教人傷口癒合，唔係一般家常湯水，要有功效，人家跟左你但無效嘅就害左人啦，平嘅但無效送比你都嘥柴火啦！如果你教緊人普通湯水鹹蛋滾節瓜我就唔會同你講咁多，但你記住煲呢個湯係身體有需要嘅食用人比較多。唔係想同你爭拗，但留言問呢個湯嘅真係大多術後、生仔嘅人，你作為食療專家人地睇你頭架，你一句說話人地信到足，麻煩你去請教下人，三人行必有我師，專家都可以不恥下問，我講嘅係咁多，睇嘅人信唔信就自己去資料蒐集下
芳姐你好,媽媽剛做完切一半甲狀腺手術10天左右 想問除了煲石崇魚湯外,還有其他魚湯可以幫助傷口愈合嗎？還需要什麼配料？因為不是常常有石崇魚可以買得到,謝謝,以及什麼蔬菜及肉類是手術後可以食的？謝謝你！
PL:
除了石崇魚,海鱸魚也有助傷口加快愈合.已經手術後10天,表面傷口已埋口,任何新鮮蔬菜都可以食,紅菜頭補血,西蘭花,菠菜,茼蒿,枸杞菜等都對患者有益.肉類只要不肥膩都適合食用的.
明白,還有什麼湯水也可以作日後進補？需要什麼材料一起？份量應該是怎樣？謝謝你芳姐！
PL:
你可在我網頁左邊分類處,找[手術後調理],按一下,有關手術後的湯水即可見到,有32款,找你認為合適的就成.
芳姐你好，想問下太太係剖腹產子，傷口有發炎，，請問要點樣煲石崇魚才有功效？
芳姐你好, 我老公剛做完椎間盤突出手術9日, 但脊髓發炎,水腫壓住神經線影響雙腳無力, 我跟你方法煲陳皮水, 陳皮粥, 亦煲過石崇魚北茋赤小豆湯, 請問仲可以煲咩湯? 另外, 石崇魚湯可以飲幾多劑?
Joey:
可以用赤小豆,薏米各1兩,茯苓5錢,陳皮1個煲粉葛排骨湯供服,有利水消腫作用.石崇魚湯可一星期2~3劑.
芳姐你好
配沙參、玉竹、百合同煲，滋陰養顏；配北茋、杞子、紅棗同煮能提高免疫力；配北茋、黨參、紅棗、陳皮、瘦肉同煮，如1-2人服用，各分量多少？謝謝。
Mrs H Chan:
如果1~2人份量,各用3錢就成.陳皮用1個,紅棗5粒左右.
芳姐。請問我生有蠶豆症，儆完膽囊切除微創手術已8天了，要否煲紅蘿蔔果皮水佢先飲，再煲石祟魚湯，但要加什麼材料才適合佰飲呢？謝謝。
訪客:
手術已多天無需飲蘿蔔陳皮水,可以用北茋3錢,黨參3錢,紅棗4~5粒,陳皮1個煲石崇魚或海鱸魚湯服,有助加快傷口癒合.
謝謝芳姐回覆，再請問蠶豆症有什麼中藥材不能吃呢？另外可煲燉鮮奶花膠加紅棗杞子佢飲嗎？
訪客:
你可以在網頁右上角[搜尋]的空格內打(蠶豆症)三個字,再按一下搜尋,即可看到不關患者不能碰的中藥材及香精油.花膠紅棗杞子都可以食用.
謝謝你芳姐！
芳姐，您好
我妹妹做完乳房手術3星期，一直都有飲石崇魚湯，想問可以飲幾耐？如果佢之後做化療期間又可唔可以繼續飲？？謝謝你回覆
Polly:
石崇魚湯營養豐富,化療都可以飲,一星期1~2次没問題.
原來佢仲食緊薄血藥,咁仲有乜湯水加石崇魚,啱佢飲呀 ?
芳姐,
你好!我奶奶佢入左院做完腦部手術,但發現傷口有水腫要抽水,想問下呢款石崇魚,丹蔘,北茋湯可以照飲嗎？謝謝你
訪客
由於長者做腦部手術,丹參,北茋這類行氣中藥材未必合適,但石崇魚湯可以服,例如用合掌瓜或冬瓜,粟米,紅蘿蔔,陳皮,紅棗煲石崇魚就富營養,更有利水消腫作用.
謝謝芳姐!早前我煲左瑤柱北茋粥比佢食,又煲左黨參北茋加石崇魚瘦肉湯比佢飲…
醫生怕佢血壓低,又話唔敢食涼野,而家傷口又水腫要抽水..
有邊款湯水可以幫佢傷口快 d 好呀?我仲買左好多石崇魚,點煲比佢飲好?
訪客:
用北茋5錢,赤小豆1兩,陳皮1個煲石崇魚湯,有助加快康復及消水腫.
謝謝芳姐!要煲幾耐?要加瘦肉或只用石崇魚都得?
訪客:
石崇魚湯煲1小時就成.可加瘦肉以增加鮮味.
如果加海參或花膠煲石崇魚,得唔得?
訪客:
都可以用鮮魚煲花膠或海參湯的,但要留意煲時防膠質重的食材黏底.
明白,咁要煲幾耐呀?謝謝你
芳姐，
我終於買到石祟魚。
因為家姐剛做完切子宮及卵巢手術，我想用石祟魚煲湯。
魚檔已經幫我清好內臟。想問下
1） 每次煲大約要落幾多條石崇魚？
2）困不是時常有，我買了兩斤，未用的可以放入冰格雪藏嗎？
3）如何，大約在冰格雪藏多久？
4）另外，我需要用清水洗乾淨魚才可放入冰格嗎？
還是不用洗，直接放入冰格，用時才清洗？
謝謝芳姐！ 感激！
陳太:
2斤可分4次煮了.用剩的要放冰格.用時才清洗.可存放10天左右.
芳姐，田七、鷄血滕、紅棗湯五碗水煲成二碗是一天早晚飲晒？還是分開二天飲？
請問24歲要全身麻醉做個手指骨折手術，可以即時飲石崇魚湯嗎?還是等拆缐和拆鋼針後才飲會合呢？謝謝
Lam:
手指骨手術可以飲石崇魚湯,幾時飲都得.如因為傷口不太大,可以去西藥房買些[矽膠防疤貼]在手術後貼住,以防有疤痕.
芳姐，切除子宮手術後第三天是否可以飲石崇魚煲湯？買回來的石崇魚是否可分袋放雪箱分幾次煲不怕嗎?
J:
石崇魚買回來最重要剪去魚鰭,因為那些刺有毒,洗淨後分包放冰格,隨時取用.手術後第3天可用.
請問如找不到石崇或海鱸魚，何否用牛鰍魚代替嗎？
芳姐！請問順產後第幾日可以食石崇魚湯，但傷口未好！🤔請教🙏🏾
KK:
順產後第4~5天可以食石崇魚湯,不會長肉芽的.
芳姐您好
剛做完手術一星期，但傷口有痕癢，已經不太痛，還可以飲湯水嗎？
我是做乳房纖圍維瘤手術，您上次教我，手術後可以4至5天煲石唇魚湯，但街市難找到，可以用海爐魚代替嗎？
謝謝～芳姐
Yannes:
可以用海鱸魚代替,一樣有助深層傷口癒合.傷口痕癢可以煲些金銀花水揩抹,芫荽水都可以.
芳姐, 請問石崇魚d魚鰭魚刺是否有毒？係咪只要唔好比佢刺到手就可以？ 魚檔職員幫我劏好 但點解仲見到有魚刺ge? thx~
hc:
石崇魚的鰭有毒,一經刺到可痛到入醫院,故一般魚販會替僱客剪去或切走.如果魚販忘了要提對方.但煲湯不會有毒.
芳姐, 謝謝回答~
芳姐:我朋友開刀產Ｂ,約一星期拆線后煲了石崇魚湯(黨參,淮山,杞子,百合,無花果,紅棗,陳皮),飲后發現皮膚痕癢,請問是否過敏? 請指教,謝謝！
Jam:
照理石崇魚不屬發物,可能天氣翳焗又熱引致皮膚痕癢.可以暫時停服魚湯,換瘦肉煮看能否改善?
請問開刀生bb，幾多天可以飲石崇湯，打薄血針可去落北茋嗎？
Vlai:
剖腹產5天後可以飲石崇魚湯,打薄血針可以放北茋.
請問開刀生bb，幾多天可以飲石崇湯，但現要打薄血針，可去落北茋嗎？
芳姐，請問做完脊骨手術，可以飲咩湯呢？謝謝。
Chan:
手術後可以先飲些蘿蔔陳皮水以加快排走麻醉藥,之後用北茋4,5片煲瑤柱陳皮粥食,有助加快傷口癒合.如過兩天有胃口,可用北茋4片,杞子3錢,紅棗6粒,瘦肉適量燉花膠或海參湯供食,可連服2~3劑.
請問小朋友做割包皮手術，請問煲什麼湯好，石唇魚湯可不可以？
請問3歲小朋友要全身麻醉做個手指手術，可以即時飲石崇魚湯嗎?謝謝
匿名訪客:
小朋友做全身麻醉手術,最重要是手術後可以飲水時煲些白蘿蔔陳皮水供服,小口小口飲,盡量飲多些,可加快排走麻醉藥,此藥會影響腦細胞,故要先排走麻醉藥.之後用北茋3條煲瑤柱陳皮稀粥供食,能加快傷口癒合.石崇魚湯第2~3天飲.
想問下做完吸宮手術幾時可以飲石崇啊？用咩材料煲啊？謝謝！
Lee:
手術後第3天可以飲石崇魚湯,如果不用藥材,配薯仔,番茄,紅棗,陳皮煲1小時可飲,營養豐富.如配北茋,黨參各3錢,紅棗6粒,陳皮1個煲1小時,對加快康復會有很大幫助.
芳姐
家人剛做完開胸切除胸腺瘤可以煲咩食?
Fungtsan:
已作答覆.你去石崇魚那篇文章下可見到.
今天在荃灣街市見到游水石崇魚賣320元一斤？頗貴。鰂魚可代替嗎？媽媽剛做完大腸癌手術2星期，傷口癒合中，可以飲魚湯嗎？
JL:
你可以用海鱸魚代替石崇魚,海鱸魚便宜,魚檔又易買到.因為海鱸和石崇魚皆有助深層傷口癒合.鰂魚有益但没有此等功效,如用鰂魚要買貴一點的白鰂,黑鰂不太好,泥味重又不夠乾淨.
芳姐， 謝謝解答
請問進行吸宮手術後第一週可煲咩湯飲？
Yee:
可以煲些石崇魚湯服,如有胃口,可以用淮山,杞子,紅棗燉些花膠瘦肉湯飲.
芳姐
你好！
媽媽（65歲），有高血壓，今天做膝關節的換膝手術，請問手術後第一天可吃甚麼？及何時才可飲用石崇魚湯？可放甚麼材料？
謝謝🙏🏻
Sa:
手術後可以煲些白蘿蔔陳皮水以加快排走麻醉藥.之後可以吃半流質食物就用煲瑤柱陳皮粥供食.石崇魚可配北茋5錢,黨參3錢,杞子3錢,紅棗6粒,生薑2片同煮,有助加快康復.出院後可以飲.
感謝芳姐🙏🏻
請問要煲幾耐？及魚是否需要煎一煎先？
Sa:
魚要煎才能去腥味.煲1小時就成.
芳姐， 謝謝解答🙇🏻♀️
你好，芳姐
請問老人家大腿骨折手術後，可以煲咩湯水幫助復原？
家父有痛風及腦退化，謝謝你
MI:
你可以用田七3錢,雞血藤5錢,紅棗6粒煲雞胸肉湯供服,有助活血袪瘀鎮痛.服3劑後可以用北茋5錢,黨參3錢,紅棗6粒,陳皮1個煲瘦肉湯,一星期3劑,有助加快康復.
你好芳姐，
我媽媽要做乳房切除一邊手術，請問手術後應該要食什麼好？
我是新手入廚，什麼也不𢤦，希望你可以指教一下？🙏🏻
芳姐！你好
屋企人要做腦部去腫廇手術，請問手術後可以有咩食療可以幫到佢加快回復！
還有什麼食物是不能吃，多謝
Yammi:
手術後可以煲些蘿蔔陳皮水以加快排走麻醉藥,之後可以用北茋3錢煲瑤柱陳皮粥供食,3天後可用黨參,北茋各3錢,杞子2錢,紅棗5粒煲石崇魚或海鱸魚湯供服,能加快傷口癒合.筍,鵝肉,無鱗魚,豬頸肉,蝦蟹等發物不宜食.
Yammi:
手術後可以煲些蘿蔔陳皮水飲用,可加快排走麻醉藥.用4片北茋煲些瑤柱陳皮粥供食亦佳,出院3~4天後可煲些石崇魚湯以加快傷口康復.忌吃辛辣煎炸食物,發物如筍,鵝肉,無鱗魚,蝦蟹等亦不宜食用.
芳姐想請問可唔可以用南棗代替紅棗
Crystal:
可以用南棗代替紅棗,没問題.
芳姐，我2星期前做了割除朱古力瘤手術，中医話我脾和氣弱。朋友又介紹了我飲牛鰍魚湯，可惜行均全街巿都無賣(魚檔話反冬天先有)。
請問我煲石崇魚湯飲合適嗎？還是有其他推介?
加加:
牛鰍魚現在鮮魚檔非常多,我在西營盤正街街巿,灣仔街巿都見有細細條非常新鮮的牛鰍魚賣.你可以用石崇魚或海鱸魚煲湯,其它海魚仔都得.
芳姐你好，想問下太太係剖腹產子，傷口有發炎，，請問要點樣煲石崇魚才有功效？
Edwin C:
傷口發炎要小心不要用生水洗澡,可用薑水用毛巾沾水揩抺就成. 石崇魚可配北茋5錢,杞子3錢,紅棗5粒,陳皮1個同煮1小時服.石崇魚要先用少許油煎香才煮.連服3劑,有助加快傷口癒合.
芳姐你好：老人家講啱啱做完小腸氣手術，但係呢位老人家腎問題，請問可以煲啲乜嘢飲嗎？
May:
可以用淮山,芡實各1兩,紅棗5粒,陳皮1個煲石崇魚湯服,對腎病者有益.
芳姐, 請問這個湯水需要煲幾長時間? 謝謝!
EVA:
煲1小時就成.
芳姐請問那個街市多石崇魚買？
Lee:
我在正街巿政局街巿地下第二層,對住自動步梯的魚檔,長年有石崇魚賣,58元1斤,你要問檔主才有.放在她身前的.