By 芳姐 ( 24 10 月, 2011 at 7:11 上午)
· Filed under 外感/頭痛/呼吸道病, 小兒常見病
有些小孩很容易傷風感冒,又易咳嗽,屬敏感咳,久不久便咳一次,咳的時間頗長,又不太肯飲有苦味及有異味的藥茶.今天便推介這味[三棗茶]給大家,供支氣管敏感及氣管敏感,容易咳嗽的小兒作調理.
棗類都有抗過敏作用,用紅棗,南棗,蜜棗一同煮茶飲,味道清甜可口,補益得來不會太燥火,對體質較弱的小兒較適合.
用料是: 紅棗6粒,南棗2粒,蜜棗1粒.
做法: 紅棗切片,去核;南棗切片;蜜棗切開;將全部材料放入煲內,用3碗水煮成約半小時即可飲用.
~ 小貼士: 將三棗切片煮較容易出味.此茶有補血養顏功效,常服能令面色紅潤.適合上班一族將材料放入真空壼中沖泡飲用.
Permalink
芳姐你好
兒子1歲7個月咳左3個星期，晚上有咳，日間都有，跑步咳得仲勁，睇左兩次西醫未見好，請問我煲咩好？
謝謝芳姐！
JJ:
南棗,蜜棗可以一齊煲,不用去核.紅棗才要去核.
芳姐，您好！南棗;蜜棗的核是否可以一齋煲？謝謝!
芳姐你好,請問南棗及蜜棗核是否可一齋煲? 謝謝!
Carrie:
你可用紅蘿蔔1個,去皮切薄片,紅棗8粒,去核切片,北杏2錢,5碗水煮成2碗供服,對小兒百日咳,久咳有幫助,可連服3劑.
芳姐你好,
阿仔2歲1個月, 咳了成2個月, 間中有痰, 半夜經常有咳, 睇了好多次醫生說是氣管敏感咳, 用了很多方法都止不到, 可否用來煲湯給他? 謝謝!
kelly:
你試用辛夷花,蒼耳子各3錢,葱白4棵,綠茶1小撮,3碗水煮成2碗供仔仔服,連服3劑,有助收鼻水.
芳姐您好！
仔仔6歲，本身患有鼻敏感+氣管敏感。上兩個星期鼻子發炎，西醫配以抗生素+敏感藥水治療，停藥後，黃黃綠綠鼻涕還是不停，早上起床還伴有頻密的咳嗽（西醫說是鼻水倒流，中醫說他肺虛）。現在看了中醫吃緊中藥，暫時未見效果。請教芳姐可有良方建議。
tks
kelly
唔該曬！我會留意一下！
陳太:
可以用黑棗代替南棗,但黑棗煮熟後肉甜者為佳,如肉味酸的,是產自東南亞的馬牙棗假冒,療效大減.
若常感疲倦，此茶可以用黑棗代替南棗嗎？
約經常疲倦，此茶可以用黑棗代替南棗嗎？
芳姐，
請問傷風感冒未清晒可以飲嘛？
謝謝
Carrie:
感冒未清如果没發燒都可以飲.
芳姐，想請教你，朋友送我新鮮自家種黃薑，我只識可用來炒飯，但好想用來煲湯，或茶飲，請你教吓我，謝謝你。
請問可以用南棗代替紅棗嗎？因為囡囡一向體温偏高
Wendy:
你試用蘇子,萊菔子,辛夷花各3錢入茶包袋,紅棗4粒,去核,煲瘦肉粥供服,有助化痰止咳收鼻水,連服3劑,看能否改善?
cecilia:
你可用川貝末3錢蒸燉蘋果1個供服,一星期2次.可加蜜糖.川貝能減少氣管痙攣,小朋友可以服此食療一段時間.
囡囡咳同流鼻水已經個幾星期，睇咗醫生食咗西藥都無好轉，尋日同今日咳會咳出d白色的痰，鼻水是透明的，晚上會咳醒，佢好鍾意飲紅蘿蔔南北杏羅漢果蜜棗湯，飲咗3次都無好轉，可以飲什麼幫助？
芳姐，我囡囡4歲，體質弱，易傷風感冒，感冒後一般咳好耐，呢排轉天氣夜晚訓覺會係咁咳，好似氣管敏感抽住條氣個種乾咳，煲咩野俾佢食比較好？
Christy:
你試用蘇子,萊菔子各3錢,麥冬3錢煲瘦肉粥供仔仔食,有助化痰止咳.如鼻水多,可用6朵辛夷花拍碎泡茶供服,如一歲以上,可加蜜糖調味,連服3劑.
芳姐你好，
囝囝咳咗個多星期，睇咗兩次醫生都未好，已經食緊氣管藥，日夜都仲咳，一咳就會咳唔停，有黃鼻涕，咳時有痰聲，藥差不多食晒，只剩3天青蛙仔，請問可以煲什麼食療呢？感謝
芳姐：
兒子剛5歲，一直有鼻敏感，三星期前感冒後，就開始咳嗽，早上天光開始咳嗽，吃完早餐好少少，上學時仍有咳，但每逢下午6時黃昏開始一直不停咳嗽，聽到有痰聲。喉嚨有痰聲，但很難咳出来，咳出來也是像口水般。看西醫兩星期一直吃抗過敏藥，止喘止咳藥。但一停藥又開始咳起來。請問可煲什麼食療？
Rainbow:
你試用紅蘿蔔1個,洗淨去皮切薄片,紅棗8粒,去核,陳皮1塊,4碗水煮成2碗供服,連服3~4劑,看能否改善?三棗茶可一星期3次.
小朋友三歲半一轉天氣就 成日咳 瞓到半夜五點零鐘差唔多天光呢就不停咳睇醫生食嗰啲收氣管藥就好啲但係一轉天氣嘅時候都係咁樣咳喉嚨又有長期有痰塞住應該煲啲乜嘢好 啲痰係黃色嘅 三棗茶啱唔啱佢飲呀！
Sarah:
你試用紅蘿蔔1個,紅棗8粒,辛夷花3錢,4碗水煮成2碗供服,連服3劑,看能否改善?睡前可用棉紙巾剪成條狀,沾淡鹽水,扭緊通鼻管,有助改善鼻塞.
芳姐想請教一下女兒兩歲, 咳左成兩個月, 現時鼻內好似成日有鼻涕塞住流唔出, 睇左成4/5次醫生都唔得. 早排比左位元堂喉棗散食左兩次可能燥, 有啲想發燒及眼屎, 唔敢再比佢食, 但夜晚鼻塞住鼻涕瞓得好差, 又成晚咳醒, 唔知點算. 可以煲咩比佢飲呀~~求救
POE:
三棗茶是没有咳時作保健茶飲,一星期3次.有咳用川貝燉蘋果食.
我囡囡 2歲一到轉天氣就會開始咳, 西醫說她是氣管敏感, 我是否可以比3棗茶她服用, 一週服幾多次?
川貝到氣管敏感有幫助嗎?
謝謝~
孩子四歲半，有鼻敏感，氣管敏感，天氣轉了，沖涼後，晚上睡覺前和早上睡醒，也會不停咳半小時，有什麼可煲來給她飲？
芳姨，你好
我1歲bb ，前日流鼻水，昨日就開始發燒，不停咳+氣促，最後因為氣管收窄，呼吸不順，入院治理，用藥舒張氣管後，情況改善，我想問宜家有咩湯水可以幫到佢，謝謝
芳姐
本人每年呢個時候就咳,昨日又開始,氣管敏感,夜晚咳不停,早上好D,現食西藥,可飲那種湯水或焗茶呢?
Fan:
你試用烏梅3粒,菊花1小撮,甘草4,5片泡茶服,可沖泡至淡,每日1杯,連服一星期,對風咳,敏感咳有效.
訪客:
洛神花水不能化痰止咳的.絲瓜偏涼,但熱痰要用清熱食材.日間咳多,痰黃稠,或喉嚨紅都可以用.
有人介绍我煲烙神花水，这个可以吗？？还是丝瓜怕五怕太过寒凉，因为我家婆系紧张大师，整日都话呢样寒个样寒，小朋友甘细五知受得么？？
訪客:
你試買條大一點的絲瓜,去皮切塊,放碟中,大火蒸20分鐘,用湯匙功絲瓜汁供兩個仔仔服,能清熱化痰,好好味的.如果見効,可每日蒸1條,至痰咳少,喉嚨好為止.另外可用川貝末3錢,蘋果1個(大個,去皮,去核切粒),用4碗水煮成2碗供兩個仔仔服,可加些少蜜糖.每日各1碗,連服1週.能減少氣管痙攣咳.
芳姐你好！！我大仔二岁半，细仔8个月，两兄弟都咳，流鼻涕，已经持续有二十几日，睇左好多次医生！吃左d止咳药，化痰药，抗过敏药都无效！大仔的情况系痰多，日头久五久咳两扭，夜晚无咳，但每朝七点靓起咳得好西利！细佬呢就干咳多，日头都系久五久咳两扭，但每半吃奶（人奶）后就咳得好西利！医生话渠地两兄弟都气管敏感，只系一个条气管松d痰多咳，一个就像紧d干咳，所以呢种情况下我煲乜俾渠地饮好！仲有渠地喉咙都有点红，阿哥严重点！！！
芳姐你好！！
wendy:
蘇子這款湯主要治痰咳,老人,小孩都合飲.服3~4劑,看能否改善?蘇子其實是紫蘇的種子,萊菔子是白蘿蔔的種子,都很平和的,不怕用一段時間.白果湯能補益肺脾腎,止咳定喘,可以用.
請問平時都會咳, 會唔會係敏感咳? 或者可唔可以煲哩款湯?
白果10粒,去芯,核桃肉1兩,南北杏1兩,雪耳2錢,百合1兩,無花果4粒煲排骨湯
謝謝芳姐回覆 !
請問 蘇子,萊菔子,紫蘇葉各3錢,生薑2片,甘草1錢, 80歲老人家啱飲嗎 ? 平時會1-2日咳一次5-10分鐘, 上月感冒開始咳得好緊要, 睇左12次醫生, 食足一個月藥, 依家仍然夜晚有一兩次咳, 每次咳都會咳5-10分鐘, 同埋始終有块痰痴住喉嚨, 請問芳姐煲咩飲? 謝謝 !
Winnie:
你可以試用白果10粒,去芯,核桃肉1兩,南北杏1兩,雪耳2錢,百合1兩,無花果4粒煲排骨湯服,有助補益肺脾腎,止咳定喘,防敏感咳.
芳姐你好，同上問題，謝謝
芳姐，我仔經常有敏感咳，一瞓落牀又咳，平時一咳可以咳半個鐘就突然唔咳，試過烏梅甘草成效不大，請問仲可以煲什麼給他呢？
Nat:
濕熱體質不宜常服三棗茶,間中一次没問題.
請問濕熱體質可否飲三棗茶？
Angel:
三棗茶加虎乳靈芝伙1小時可以.不過我很少這樣配搭.
芳姐，三棗茶可加虎乳靈芝煲一小時嗎？
芳姨，小兒13個月大，可唔可以飲三棗茶?
christy:
幼兒可以飲半杯三棗茶,一星期2次左右,以免幼兒嗜甜.
mayjade:
你可用蘇子,萊菔子各3錢,紫蘇葉2錢,辛夷花6朵,甘草1錢,4碗水煮20分鐘供囡囡服,有助散寒化痰止咳.
恩:
3劑即是3次.