By 芳姐 ( 24 10 月, 2011 at 7:11 上午)
· Filed under 外感/頭痛/呼吸道病, 小兒常見病
有些小孩很容易傷風感冒,又易咳嗽,屬敏感咳,久不久便咳一次,咳的時間頗長,又不太肯飲有苦味及有異味的藥茶.今天便推介這味[三棗茶]給大家,供支氣管敏感及氣管敏感,容易咳嗽的小兒作調理.
棗類都有抗過敏作用,用紅棗,南棗,蜜棗一同煮茶飲,味道清甜可口,補益得來不會太燥火,對體質較弱的小兒較適合.
用料是: 紅棗6粒,南棗2粒,蜜棗1粒.
做法: 紅棗切片,去核;南棗切片;蜜棗切開;將全部材料放入煲內,用3碗水煮成約半小時即可飲用.
~ 小貼士: 將三棗切片煮較容易出味.此茶有補血養顏功效,常服能令面色紅潤.適合上班一族將材料放入真空壼中沖泡飲用.
Permalink
謝回覆，那兩碗是同一天喝完？小兒4歲
Sybil:
2碗一天分服.
Zoe:
你可以用白蘿蔔1個,洗淨去皮切條,用3湯匙蜜糖醃5小時,用半杯蘿蔔水,加半杯温熱水兌服,一日2~3次,有助止咳.剩下的蘿蔔可以加陳皮煲水飲,能通利二便.
Sybil:
可以用燉的方法.
芳姐，
你好! 小兒2歲7個月大，最近他睡到半夜便咳不停，但沒有痰，日間時間沒有咳，亦沒有痰或鼻水，看了西醫說是因為天氣影響有敏感咳，請問可以煲什麼湯水給仔仔? 謝謝
Zoe
芳姐，以上說的川貝末的藥方可以用燉的方法煮嗎？
Jo:
你試用川貝3錢,蘋果1個,去皮,去核,陳皮1塊,4碗水煮成2碗服,連服4~5劑.仔仔鼻涕綠色表示有炎症,要繼續看醫生.可以用羅漢果1/4個,辛夷花6朵,拍碎泡茶供服,連服3劑,有助化痰收鼻水.孕婦不能用辛夷花.
你好芳姐，
現在懷孕20週，最近一個月氣管敏感鼻水倒流引致每晚咳，咳到醒，看了一次西醫沒有好轉，仍然夜晚咳得嚴重些，現在白天時都有咳，還有輕微喘，痰稀白，請問有什麼湯水適合我呢？
另外，兒子2歲半，早前也是感冒發燒流清鼻水咳嗽，看了一次醫生，現在只有咳嗽，很多痰，每天早上都會打噴嚏，最近兩天打噴嚏流出來的是綠綠的很杰的顏色，請問有什麼湯水適合他呢？
謝謝
多多:
你試用北茋,防風,白朮,桂枝各3錢,生薑3片,紅棗6粒,5碗水煮成2碗供囡囡服,連服3劑,如有改善,一星期2劑.有助增强體質,改善畏寒肢冷.
早！芳姐,
今早小女兒起床說凍,但今天天氣十分和暖,是否血氣不足? 她手腳凍及身體, 已叫她飲暖水, 過一會兒手仔仍然凍,要用熱包包取暖才好些,因她有哮喘及吸氣療程。請問有什麼簡單已煲的保身健湯水或茶包之類調理身子。
謝！
多多上
27-3-2017
芳姐，女儿夜晚咳几次，有小小痰，日头無乜咳，煲的咩汤水好？甜甜的佢先肯饮。
仲有我老公，夜晚咳得好犀利，有痰黄黄的，日头無乜咳。吃紧西药效果唔不见效。麻烦哂您
Heung:
玉屏風散主要是强健體質,減少傷風,感冒的,你可以加蜜糖,滋潤些及不易引起便秘,如風重引致眼睛癢,可加菊花1湯匙同用泡.黑豆芝麻黑棗湯可以服用兩,三個月,每星期2~3劑.
問題補充:我試過讓他吃玉屏風散，但吃了兩天就上火，大便不太好了，就停了。
芳姐，多謝你的回覆，仔仔現在晚上11點開始睡一直到凌晨三點都出好多汗，衣服都濕了，從小就有這個問題，現在越來越厲害，出太久風癩是不是令到身體越來越差，而且晚上整晚睡覺經常不停地捽眼。請問有咩湯水可以改善這樣的情況？還有黑豆，芝麻，黑棗可以長期煲給他飲嗎？長期飲對他身體有幫助嗎？十分感謝！
芳姐，上次煲的麦冬小小苦，囡囡唔肯饮。夜晚咳几次，有痰，日头好点。早晨起身多眼屎。麻烦您再介绍别的汤水，麻烦晒
多謝芳姐回復，我一直有留意芳姐介紹的湯水，第一次試試送出問題，沒想到芳姐這麼忙竟然這麼快就回復了，十分多謝！！！
Heung:
感冒如没發燒仔仔可以飲.
芳姐，我仔仔14歲，出風癩3個月，喝了黑豆，黑芝麻，黑棗水八天，有見效，現在感冒可以飲嗎？
Lilian:
你試用桑葉,菊花,麥冬各3錢,甘草1錢,3碗水煮10分鐘供服,有助清肝熱,明目止咳.
芳姐，上次飲咗三劑川貝蘋果水，而家仲有小小咳，尤其是朝早起身咳得厲害，有痰，有眼屎，是咩熱氣呢，煲咩好?唔該哂
訪客:
此茶孕婦可飲.乾咳無痰,試用鮮橙一個,連皮洗擦乾淨,切開頂部,加少許鹽,用筷子插幾下,置碗中,大火蒸半小時,用湯匙榨汁飲,有助止咳.主要是橙皮素能止咳.但不要生吃鮮橙,或桔橘,會惹痰惹咳.
芳姐，此茶孕婦可飲嗎？或者有咩岩孕婦飲，本人咳左成個星期，無痰干咳，訓低就更加咳，睇過中醫話胃寒，之前食中藥感冒就好了，但咳依舊，有咩湯水或茶岩我飲，謝謝！
Lilian:
你試用川貝末3錢,蘋果1個,陳皮1塊,4碗水煮成2碗供囡囡服,有助化痰止咳.連服3劑.
Winnie:
三棗茶最好是病好後作保健茶.現時感冒,氣管敏感,可用川貝末3錢,蘋果1個,去皮,去核,4碗水煮成2碗,飲時可蜜糖.連服3劑.
芳姐，我个囡囡2岁半，日头夜晚都不停地咳，都瞓唔到，有痰，清鼻涕，有小小喘，气管小小发炎。煲的咩汤水好。仲有小小发热。
囡囡呢排感冒+氣管敏感咳, 請問可否喝三棗茶呢？
thx 芳姐
vanessa:
你試用川貝末3錢,蘋果1個,去皮,去核,4碗水煮成2碗服,可加蜜糖,連服3劑.
芳姐你好我一星期前開始係感冒咳，現在感冒已好但仲係咁咳，喉嚨有點收縮既感覺，，我可以煲咩飲😊thx
多謝芳姐！
Kevin:
川貝能減少氣管痙攣,你可用川貝末3錢,蘋果1個,去皮,去核,4碗水煮成2碗供仔仔服,可加少許蜜糖,連服4~5劑,有助止咳.如外出玩就咳,可能有點風咳症狀,可另外用烏梅2粒,菊花1小撮,甘草4,5片泡茶供服,連服3劑,看能否改善?兩款茶都可以同日飲.
補充—點，現時晚上睡著是不會咳的，謝謝芳姐
因為不熟操作，寫出來又不見了，先發出来，不知收到沒，想請問芳姐我兒子這情况需要注意什麼，現時可煲些什麼湯水配合調理，還有他是寒底，萬分感謝！
芳姐您好！
小兒７歲半，氣管敏感咳１個幾月，現在用緊長效氣管藥，本來咳少著，但下午在公園少許運動後又咳密着，有時１分鐘幾下，有時幾分鐘１下或幾下，都是很大聲，突然暴發出來那種
我仔1月30號開始流鼻水，睇左醫生話係普通傷風感冒。氣管同肺都無野。但流鼻水流左成個月都仲流緊，一直都流清鼻水。到最近呢個星期反而咳多左，特別臨天光咳得最勁，有幾次咳到嘔，一咳就咳好耐先順返條氣咁，反而日頭就咳得小同鼻水都無乜，但一到臨訓d鼻水就泥料，每晚臨訓就好多鼻水。仲未好既😩😩😩見佢一咳起上來就好辛苦咁，咳成10幾下先停。再去睇醫生話有小小支氣管炎，開左青蛙仔食左兩次好d，但而耐唔耐都有兩聲咳，特別清晨咳得比較多，一咳開就連續咳10幾下先停，鼻水就時多時少咁流。請問有咩食療適合佢呢？🙏🏻🙏🏻仔仔而加9個月。另外我有燉鱷魚肉無花果百合南北杏果皮湯比大女飲。仔仔可以一齊飲嗎？
kapo:
你試用辛夷花6朵,拍碎,葱白4,5條,生薑3片滾瘦肉湯供仔仔服,有助止咳,收鼻水,連服3劑,看能否改善?
芳姐您好，我經常坐後起來覺得頭暈，有時睡在床上久了也有這個問題，來經時特別嚴重，請問有什麼湯水療法可改善？另外我面色不夠紅潤，看起來沒有血氣，可以怎樣改善呢？謝謝。
Fnc:
建議你最好看中醫,了解自己是否氣血不足,或其他原因引致頭暈,及早治療.如果是氣血不足,食療可以用黨參3錢,杞子3錢,圓肉4錢,紅棗6粒煲瘦肉湯服,一星期3次.
Lilian:
你可以用麥冬5錢,蘋果2個,紅蘿蔔1個,無花果4粒,南北杏1兩,陳皮1塊煲瘦肉湯,全家可飲,有助潤肺止咳.
芳姐，琴日煲咗都几好飲。呢兩天天氣凍,不停咁咳，睇醫生話是氣管炎，又流鼻水（清），又有痰，適宜煲咩湯水好呢？麻煩您
Lilian;
你可以用川貝末3錢,蘋果1個,雪梨1個(蘋果,雪梨都要去皮,去核)煲瘦肉湯供服.
多谢。芳姐，我可唔可以煲的川贝之类嘅汤水？琴日朝早发觉佢有小小鼻水，晏小小又冇哂，鼻水黄黄的
Lilian:
如果小朋友日間咳多,簡單的用絲瓜1條,去皮切塊,放碟中,隔水大火蒸20分鐘,用湯匙壓絲瓜汁供服,有助化痰止咳.如晚上咳多,試用白蘿蔔1個,去皮切塊,生薑3片,陳皮1個,4碗水煮成2碗供服.都好味的.
芳姐，蒸橙之前有整俾佢食。唔见效果。麻烦您再介绍点汤水之类嘅。唔该晒
芳姐，之前您介绍的我煲咗两剂，哄哄下都饮哂，好彩唔苦。盐蒸橙子之前有蒸俾
佢食，冇乜效果。之前睇私家医生开咗青蛙仔药，惊有副作用食咗一星期停咗。芳姐，仲有
冇其他办法。麻烦您了
芳姐，盐蒸橙子之前试过了。连续两晚蒸都唔见效果。之前私家医生开咗的青蛙仔药，担心有副作用，食咗一星期唔见效果，就停食了。。真系冇晒办法。
問題多多:
你試用白果10粒,去芯,核桃肉1兩,南北杏1兩,陳皮1塊,無花果4粒煲瘦肉湯服,有助止咳定喘.鼻水多可另外用6朵辛夷花拍碎泡茶飲.可加蜜糖.
Lilian:
小朋友很多不肯飲有藥材的東西,你可以試用鮮橙1個,連皮洗擦乾淨,切開頂部,灑入少許鹽,放大碗中,隔水大火蒸半小時,用湯匙壓榨橙皮,橙肉的汁供服.當中的橙皮素能化痰止咳,小朋友肯飲.鮮橙反而不能生食,會惹痰的.
你好！芳姐,
小朋友此星期內連續2天在4-5點咳醒了, 再有鼻水加痰及咳(紙巾已有一大渣),問他咳時有冇痛,他說心口有些痛,他有哮喘,鼻敏感等等。
可能天氣轉(潮濕),令病發出? 請問可不可以介紹湯水或燉湯可調理一下, 希望不可再半夜起床。
謝！
多多上
21-2-2017
芳姐，個囡飲咗兩劑唔見效果，可能無乜味，不太肯飲。琴日保健，醫生睇佢喉嚨又唔紅，但夜晚都系咳得犀利。朝早見小小鼻水，一陣間又冇了。点算好？唔該曬您
Lilian:
只要和西藥相隔2小時才飲,完全没問題.
芳姐，食緊西藥，可唔可以飲呢？多謝您及時回覆
Lilian:
此湯幼兒可飲.