By 芳姐 ( 24 10 月, 2011 at 7:11 上午)
· Filed under 外感/頭痛/呼吸道病, 小兒常見病
有些小孩很容易傷風感冒,又易咳嗽,屬敏感咳,久不久便咳一次,咳的時間頗長,又不太肯飲有苦味及有異味的藥茶.今天便推介這味[三棗茶]給大家,供支氣管敏感及氣管敏感,容易咳嗽的小兒作調理.
棗類都有抗過敏作用,用紅棗,南棗,蜜棗一同煮茶飲,味道清甜可口,補益得來不會太燥火,對體質較弱的小兒較適合.
用料是: 紅棗6粒,南棗2粒,蜜棗1粒.
做法: 紅棗切片,去核;南棗切片;蜜棗切開;將全部材料放入煲內,用3碗水煮成約半小時即可飲用.
~ 小貼士: 將三棗切片煮較容易出味.此茶有補血養顏功效,常服能令面色紅潤.適合上班一族將材料放入真空壼中沖泡飲用.
Permalink
芳姐 我女女3歲 天氣開始乾燥 小朋友早上起床便咳得利害
但中午同晚上都無咳 請教可以煲什麼飲？
Yuki:
你試用鮮龍脷葉1兩,桔餅1個切碎,南北杏1兩,無花果3粒煲瘦肉湯服,7碗水煮成4碗,全家可飲,連服2~3劑.
你好芳姐，想請教，囡囡平常呼吸正常，但運動後都會干咳不停，喉嚨痕，和有少少呼吸不太順，應該是氣管敏感，平日煲甚麼，可以更治，感謝。
Vicki:
你試用烏梅2粒,菊花1湯匙,甘草4,5片泡茶供囡囡飲,有助袪風止咳.平時可以用海玉竹5錢,雪梨,蘋果,無花果各適量煲豬展湯供服,全家可飲,有助潤肺防燥咳.
感謝 🙇♂️
芳姐：
請問，小女早上起床經常打噴嚏，一打就留鼻涕，鼻水，醫生話氣管敏感，所有毛公仔都收起，我可以煲這個茶給她嗎？另外，她經常積食的，舌頭偏白，平時我都有煲下山楂雪梨谷芽麥芽水，這三枣可以和山楂谷芽麥芽一起煲嗎？要每天喝嗎？還有請問紅棗不燥熱嗎？ 太多問題，麻煩您！
訪客:
如果你囡囡鼻敏感,可用6朵辛夷花拍碎泡茶供服,歲半以上可加蜜糖.三棗茶合用不燥熱的,一星期2劑就成,可加谷芽,麥芽同用.
好的，謝謝🙏
你好！芳姨，小兒上星期剛開始便感冒了，食西藥後鼻水沒有，但現在一到晚上睡覺便咳，本身沒有痰咳出，昨天我煲了灸麻黃燉雪梨，尋晚睡覺咳出白痰，請問有什麼藥療可以止夜咳？
Mrs Ho:
你試用紫蘇葉3錢,生薑3片,桔餅1個切碎,4碗水煮成2碗供服,有助散寒止咳.
謝謝回覆！請問能同三棗茶同服？
Mrs Ho:
三棗茶是病好後作保健茶飲,現在有痰咳不適合.
早晨芳姨！昨日飲完紫蘇葉茶，昨晚咳少左，今天可再飲嗎？
我自己亦被傳染了，晚上喉嚨痕有干咳，請問有什麼止咳止痕湯水，可以一家服用？先謝謝你
Mrs Ho:
紫蘇茶可連服3劑.乾咳加個桔餅.一家飲可以用枇杷葉,龍脷葉各5錢,金羅漢果半個,紅蘿蔔1個,南北杏1兩煲瘦肉湯.
芳姐你好, 女女2歲幾, 剛剛返學一個月就咳不停, 有痰聲, 夜晚更嚴重, 同時有好多鼻水, 已經食左十幾日西藥都無改善, 西醫話係氣管敏感, 最近仲有微燒100-101度。精神唔錯, 食慾亦無太大影響, 因為唔識分係寒咳/ 燥咳/ 熱咳, 唔敢亂用藥材怕病情加劇, 請問有咩野食療可以改善呢個情況?感謝。
penny Ip:
你可用川貝末3錢,蘋果1個,去皮,去核,陳皮1塊,4碗水煮成2碗服,連服3~4劑,如見效,停2天再服3劑.川貝有助減少氣管痙攣,蘋果有益正氣,陳皮化痰.
芳姐你好，小兒8歲，喉嚨癢左一個多月，食左好多次中藥，又睇西醫，醫生話佢氣管敏感，如果唔想再食藥，可以點好？？
訪客:
你試用烏梅2粒,菊花1湯匙,甘草5,6片泡茶供服,可沖泡2次飲用.連服3劑.
唔該，我想問下氣管敏感係埋一定要食藥啊
訪客:
烏梅,菊花,甘草對氣管敏感,風咳患者有益,既是藥物亦屬食物.當然滾些洋葱蒜頭水都可以有幫助.
你好 芳姐
本人剛懷孕6周，近派喉嚨有些確確地，有些鼻水鼻塞（晚上鼻塞嚴重些）本身有鼻敏感。
請問三棗茶可飲用嗎？另外有咩湯水/焗水 平時做日常保健飲用？桑寄生旦茶？
謝謝
另請問 孕婦可以飲用 雪梨蘋果虎乳靈芝雪耳南杏水 或羅漢果菊花金銀花水 嗎？
大k:
三棗茶有助抗過敏,但如有痰不宜.喉嚨乾涸可以用金羅漢果1/4個,麥冬1湯匙泡茶服.金銀花孕婦不宜用.桑寄生雞蛋茶有安胎作用,可以用.
謝謝芳姐
另請問金羅漢果是否比普通羅漢較有效？
請問懷孕初期可服用羅漢果嗎？會否好涼？
泡茶焗保溫杯大約需要焗多久？謝謝
大K:
金羅漢果所含維生素,礦物質由於低温烘焙關係較普通羅漢果高,懷孕期可適量用,會偏涼.焗15分鐘.
你好芳姐
小女2歲4個月，近派感冒醫生說氣管敏感，燒左五日今日開始沒燒了，但仍有透明鼻水，有咳聲時帶很重痰聲，但佢唔識吐痰所以看不到痰顏色，每天只吃節瓜豬肉百合粥或通粉菜心豬肉，生果也沒有吃了，所以這幾天沒有大便。有食緊西藥同醫生開左善古寧（青蛙糖）氣管藥要食14日療程，請問現階段可以煲三棗茶俾佢飲嗎？還是所有西藥（包括氣管藥）停止了才可飲用？
另外還有咩湯水/焗水煲俾佢飲好些？是否也需要停西藥才可飲用？
另請問 煲 雪梨蘋果虎乳靈芝雪耳南杏水 或羅漢果菊花金銀花水 可以嗎？
小k:
雪梨蘋果虎乳靈芝雪耳杏仁水可以,如便秘加3粒無花果更佳.羅漢果菊花金銀花水主要清熱利咽,痰多咳如屬熱咳可以用,如不清楚屬哪種咳,不妨用川貝末3錢,蘋果1個,去皮,去核,陳皮1個,4碗水煮成2碗供服,連服3~4劑,能清痰止咳,蘋果有益正氣.
芳姐你好，
小兒10個月大，敏感咳了三個月看了五次西醫，依家無痰但每日都仲係有咳，請問有什麼食療啱佢
Crystal:
你可用紅蘿蔔半個~1個,去皮切薄片,紅棗5粒,去核,4碗水煮成1碗供服,連服3~4天,對幼兒百日咳有良效.
芳姐，您好。囡囡3岁几,喉咙时不时几声干咳，持续左两星期
了。平时气管易敏感，炖川贝雪梨得唔得呢？唔该您
Lilian:
如果囡囡痰多可以用川貝燉雪梨,如晚上都有咳用川貝燉蘋果更有益正氣.
芳姐，您好。呢排整日都有燉川贝雪梨或者苹果，但是唔見効果。時不時干咳几聲，無痰。持續干咳都比較長时间了。點算好呢？唔該
Lilian:
你試用海玉竹5錢,雪梨,蘋果各2個,去核,無花果4粒煲豬展湯,全家可飲,有助潤肺止咳,連服3劑.對乾咳有效.
芳姐你好，我女女4歲半，現在白天只有咳幾聲，已經成一星期了，晚上咳得比較嚴重，1至2點，4至5點比較嚴重，多痰，咳出小小黃色，小小鼻水，已睇西醫。都有咳，可能食得太多西藥個人流得比較多汗,謝問芳煲什麼飲好謝謝芳姐。
欣欣媽媽:
你試用鮮脷葉1兩,蘋果1個,去核,南北杏5錢,桔餅1個切碎,4碗水煮成2碗供囡囡服,連服3劑,看能否改善?
謝謝你芳姐，大約煲多久呢？謝謝你。
欣欣媽媽:
煲30分鐘可飲.
你好，我仔仔經常留鼻水同咳，睇左兩個月醫生都唔得，好快又咳返，氣管好敏感，可怎样處理
？
馬媽媽:
你試去裕華或農本方買[玉屏風散]沖劑,每次沖泡時加6朵拍碎的辛夷花一齊沖,如仔仔歲半以上,可加蜜糖.有助增强免疫力,收鼻水.
仔仔一歲十個月，主要係氣管敏感，鼻水好了，但都係不停咳，晚上瞓覺仲咳到嘔，玉屏風散係咪都可以？同我想問問有無湯水可煲，始终唔想仔仔食太多藥，感谢芳姐解答
馬媽媽:
你可以用洋葱1個,去衣切塊,隔水蒸20分鐘,用湯匙壓洋葱汁供服,大約得2~3湯匙,有助止咳,可連服3劑.
芳姐
你好，醫生話我氣管敏感，及收窄左，所以咳嗽左成個月有多，食完西藥，早上還有好多痰咳出來，下午及晚上少咳了，但一早起床還多白色痰地咳，點好？
Angel:
你試用川貝3錢,蘋果1個,陳皮1塊,5碗水煮成2碗服,連服4~5劑,有助清痰止咳.蘋果有益正氣,但要去核.
芳姐，您好，囡囡夜晚干咳話喉嚨痕，日頭時不時干咳一声，可唔可以煲羅汉果水飲呢？唔該
Lilian:
可以煲羅漢果雪梨水飲,雪梨要去核.
芳姐：
我想問現在氣管炎，痰多唔識咳痰，氣有點喘痕癢。食左6日抗生素氣管藥，聞緊擴張氣管藥。不知是不是身體弱，畏冷虛汗。是否可食上述食療？謝謝
訪客:
三棗茶是平時没咳作保健用途,有咳氣管炎就暫時不宜服用.你試用法夏,茯苓,白朮,桔梗各3錢,陳皮2錢,紅棗4粒,甘草1錢,5碗水煮成2碗服,連服2~3劑,有助袪炎止咳.服西藥後2小時飲.此茶不寒涼的,你體虛可以飲.
那可否用川貝末3錢,蘋果1個,去皮,去核,陳皮1小片,4碗水煮成2碗水？
訪客:
川貝蘋果陳皮水有助化痰止咳,要多服幾劑才見效.
芳姐你好，我女女17個月大，上個月傷風咳，醫生話佢有少少支氣管炎，一直持續了大半個月，而家仲不停咳，咳時有痰聲，有咩湯水較適合？謝謝
Tammy:
你可用川貝末3錢,蘋果1個,去皮,去核,陳皮1小片,4碗水煮成碗半,供一天飲用,連服3劑,看能否改善?
女女5歲，咳都有成個半月，睇過醫生有好過，醫生話佢氣管敏感，食完所有成藥都仲有咳，有痰聲，有啲咩湯水啱佢飲，我已經成日煲鱷魚肉川貝湯比佢飲有少少好轉，但啲咳都係清唔到
milka:
你試用枇杷葉,龍脷葉各5錢,桔餅1一個切碎,雪梨1個去核,南北杏1兩,5碗水煮成2碗供囡囡飲,連服3劑,有助清肺熱止咳.
芳姐你好，家人自從感冒後一直咳唔停，無痰的那種，每次喝完凍飲，食完甜食就會咳，喉嚨會好痕，請問應該煲什麼湯水有作舒緩？感激～
Hida:
你試用烏梅2粒,菊花1小撮,甘草4,5片泡茶服,可沖泡至淡.連服4~5天,對風咳有幫助.少飲凍飲及甜食,要稍為戒口.
謝謝你芳姐，另外家人亦每晚睡覺時大汗到全身濕透，就算開了冷氣亦一樣，有否什麼湯水可以對此有幫助呢？是否要去濕呢？
Hilda:
晚上盜汗,可用青仁黑豆1兩,浮小麥5錢,黑棗或南棗6粒,5碗水煮成2碗服,連服3~4劑,應有改善.
謝謝芳姐
芳姐你好，我個女20個月，有痰咳左半個月有多，前兩天再睇第三次西醫，在服西葯(包括氣管敏感)，但好像沒有好轉跡象。仍然痰聲好重，未識自己咳痰。試過煲過鱷魚肉、川貝雪梨、非州海底椰、洋蔥水。。(已有點亂石投林!)。之前一般1-2am 同埋清晨5-6am咳，現在只有5-6am咳。我已不清楚是寒咳或熱咳。請問芳姐我應煲咩比佢飲？火龍果、木瓜是否站時不適合？希望芳姐百忙抽空。謝謝🙏
Linda:
痰多咳,但清晨時間咳,試用川貝末3錢,蘋果1個,去皮,去核,金羅漢果1/6個,4碗水煮成碗半供一天服,連服4~5劑,有助清痰止咳,用蘋果有益正氣.金羅漢果化痰又好味.如買不到,用普通羅漢果都得.木瓜性温,可以吃.
多謝芳姐，今日會開始煲🙏🙏請問川貝末係咪買川貝整碎？跟西葯要否分開時間飲？大約煲幾耐？sorry 我係新手媽媽😓
Linda媽媽:
川貝磨成粉易吸收,小朋友較適合用川貝末.服西藥後2小時飲就没問題.大約煲40分鐘.
萬分感謝芳姐🙏🙏
芳姐，您好，我仔仔2歲，好容易咳，最近咳了兩星期仍未好，特別一早一晚同開冷氣咳得好犀利，食過猴棗末，有好轉但都清唔到，可以煲d 咩湯水？陳皮水可唔可以？或者鱷魚肉等湯水得唔得？謝謝。
邵小姐:
你試用紅蘿蔔1個,去皮切薄片,紅棗8粒,去核切片,陳皮1塊,5碗水煮成2碗供仔仔一天服,連服3~4劑.對小兒百日咳,久咳有效.好味的.
謝謝芳姐， 如果咳，紅棗怕唔怕會燥？
邵小姐:
棗類含有一種物質,能抗過敏,如果痰不多可以用.或用黑棗及南棗代替.
芳姐，你好，个女差唔多四岁，日头夜晚小小咳，沙声，無鼻水
晚上3:几咳好耐先瞓着，医生话佢喉咙痕，作感冒，第四日了。煲
咩汤水可以改善呢，麻烦您
Lilian:
你試用烏梅2粒,菊花1小撮,甘草5片,3碗水煮成2碗供一天服,可連服3~4劑,對風咳有助.
芳姐，昨日囡囡鼻塞塞，今日又流清鼻了，都系夜晚咳多的，煲返乌梅汤得唔得？唔该您
Lilian:
如鼻塞流涕,可用烏梅2粒,菊花,辛夷花各2錢,甘草4,5片,3碗水煮成2碗供一天服,有助收鼻水,舒緩喉癢咳.
芳姐，今日咳好小小了，不过小小发烧，流黄鼻小小，鼻塞得厉害，瞓觉鼻鼾声好重，小小痰
Lilian:
你試用葱白4棵,金銀花3錢,辛夷花3錢,3碗水煮10分鐘服,有助清熱解毒,收鼻水.連服2劑.
芳姐，你好，我仔仔3歲4個月大，容易感冒咳嗽，一咳就咳很久，有痰，但不懂吐痰，請問三棗茶適合她嗎？蜜棗會不會更起痰？
Joyce:
三棗茶要平時没有病時飲用,小朋友痰多,可以用紅棗6粒,去核,紅蘿蔔1個,去皮切薄片,5碗水煮成2碗供仔仔飲,一星期2次,有助減少咳嗽.
好的。謝謝芳姐！
芳姐,我仔仔14個月,最近一個月每日起身就咳,咳聱有帶啖,其他時間又無點咳,應該飲咩湯,應該都屬於敏感咳,睇左醫生,飲左藥都無好轉><
Kristy:
你試用蘇子,萊菔子各3錢入茶包袋,煲瘦肉粥供仔仔服,連服3劑,有助袪痰止咳.
一日一服嗎?還需要煲什麼湯水一齊飲嗎?
kristy:
一日服一劑,連服3天.可以煲些龍脷葉羅漢果雪梨瘦肉湯供服.全家可飲.暫時不要吃橙,桔類,荔枝,龍眼惹痰食物.雪梨,枇杷,蘋果等都可以食.一般蔬菜可食.
同埋有無話唔可以食邊種菜同水果呀?
芳姐你好 ，本人 涼冷氣鼻敏感， 喉嚨痕， 眼睛痕，有什麼方法可舒緩？之前食開蟲草丸就改善，但停左就 早晚打乞嚏.
mandy:
你可用防風3錢,蟬蛻2錢,桑葉,菊花,辛夷花各3錢,甘草1錢,4碗水煮成2碗服,連服3劑,有助疏散風熱,改善各種敏感.
芳姐好
小女6歲長期咳嗽尤其晚上。西醫說有小兒氣喘。咳起來會喘
也有白痰。需要吃什麼能改善的呢
小兒1歲半感冒流鼻涕咳嗽有痰咳不出
有沒有吃什麼比較能改善
芳姐你好
想請問我女兒6歲咳嗽咳起來會喘。醫師說小兒氣喘
藥吃不停。有沒有吃什麼可改善
兒子一歲感冒流鼻涕。痰多咳不出。咳到有喘聲
需吃什麼能立馬可改善的
彤媽:
你女兒如果痰白,可用白果6粒,去芯,南北杏1兩,生薑2片,紅糖適量,4碗水煮成2碗,飲湯吃白果;如痰黃黏稠,可用白果肉6粒,冬瓜仁1兩,北茋3錢,冰糖少許,4碗水煮成2碗服,連服3劑.仔仔可用辛夷花6朵,羅漢果1/6個,3碗水煮成1碗供服,連服3劑.
芳姐，你好，我咳左成個月都唔好，我本來是感冒引起鼻炎，後來感霧和鼻炎已好很多了，可是現在變成氣管敏感咳，喉嚨不痛不癢，晚上也不怕咳，就是說話和在冷氣房的時候會咳嗽會喘，而且講話的時候口裹會一直在冒泡沫，也有一點痰，也是白色的，其實我也分不清那是痰還是鼻水倒流的東西了。芳姐，我應該怎麼辦？上班要一直說話，，可以一說話就咳嗽，很恐怖。
Ruby:
你試用法夏,茯苓,白朮各3錢,陳皮1個,烏梅2粒,甘草1錢,5碗水煮成2碗,連服3劑,看能否改善?全部材料在中藥店有售.
芳姐你好，另外本人不時會喘和抖吾到氣，所以有氣管收窄，呼吸非常困難，同時間咳嗽和有啖咳出，怎可以醫治？看西醫已十次以上，亦有聞哮喘药都不能治好！
nancy:
建議你去幾間大學設有中醫門診看經驗好的中醫師治理咳喘問題.食療只能作輔助治療.這款白果核桃肉杏仁湯合你用的.可連服4~5劑,看能否改善?要吃些湯料.此外如經濟能力好,可用7條冬蟲草燉瘦肉湯服,飲湯吃蟲草,隔日1劑,服1個月試試.如用蟲草花孢子頭2湯匙,加川貝3錢燉瘦肉都有點效果的.川貝能減少氣管痙攣.
芳姐非常多謝你的建議，我今晚已煲來試飲了！謝謝您！
芳姐，本人感冒完後引發了氣管敏感咳了3個月，食西药時可以止咳，但停西药時再咳，且聞到刺激氣味和說話時咳過不停，有時鼻水倒流至喉嚨痕癢引至咳，有白色啖咳出，晚上睡時鼻塞，加上小時候有哮喘病，非常害怕再患哮喘，請指教如何醫治，謝謝您
nancy:
你試用白果10粒去芯,核桃肉1兩,南北杏1兩,百合1兩,無花果4粒,陳皮1個煲瘦肉湯,8碗水煮成4碗,全家可服,你一天分服2碗,連服3劑,有助潤肺止咳.不寒不燥的.
另外家人說煲枇杷葉水 /燉川貝水 又合適我囡囡嗎？ 謝謝
山你好，請問囡囡23個月，証實支氣管炎在家聞左7日手動聞氣，氣條雖然已經順左，沒有雜音，準備停止聞氣了，西藥都食了差不多11天，食埋今天想停止了，但都仍然有咳但比之前咳少了，咳到聽到有重重痰聲，和仲有好多白色狀和伴有少少透明鼻水，黏黏結結的的在鼻子。
請問呢段時間可以 飲湯水嗎？如果可以飲湯，甘可以煲咩幫助到 痰咳，鼻水？雪梨雪耳南北杏水無花果/青欖吉餅龍脷葉加南北杏煲/鱷魚肉湯/果d岩飲嗎？因為我怕未好返晒有咳唔飲得？
另外想問問湯水可放雪櫃隔夜飲多一天嗎？
請提供意見，謝謝 你。
Kyky:
你可以用枇杷葉,龍脷葉各5錢,桔餅1個,辛夷花6朵,雪梨1個,去核,4碗水煮成碗半供囡囡一天分服,連服3劑.另外可用蘇子,萊菔子各3錢入茶包袋,煲瘦肉稀粥供囡囡食,隨量食就成,對幼兒痰多最有幫助.
多謝你寶貴的意見，芳姐：） 請問此階段可以食不冷的生果嗎？ 蘋果會不會好些？
另外請問茶包是可以一日焗一小壺 每次飲少少 服用，直至康復？
訪客:
可以食室温的生果如蘋果,枇杷,藍莓.太寒涼或太甜的蜜瓜,芒果,火龍果,橘,柑,橙都不適合.雖然橙等維生素C豐富,但較惹痰,暫時不宜食.
明白 十分謝謝你 感謝你快速的幫忙
芳姐不好意思 想問清楚這個湯說是要連續三劑，意思是要連續煲3天 ？ 還是說 一天煲了一天內分三次服用？謝謝
Kyky:
是每天煲1劑,要連續煲3天,總共煲3劑.
好的 謝謝你
芳姐：
我懷孕已經31週，咳嗽已經兩個星期，但只係夜晚先咳，可以煲d咩湯水止夜咳？
Joanne:
你可用紫蘇葉3錢,生薑3片,桔餅1個切碎,4碗水煮成2碗服,連服3~4劑,有助止咳,安胎.
謝謝，芳姐
早晨，芳姐
囡囡5歲。佢上星期傷風，起初流綠鼻涕帶黏，兩日之後每朝起床第一次既鼻涕淺綠色，打後全是白鼻水帶少黏，伴痰咳。直至到依家，鼻水唔算多，清鼻水，但未清哂，而每朝一起身變左就會例牌痰咳，之後日間同夜間就好少聽到咳，加埋可能得3聲咳，訓覺時無咳的。應該飲啲咩好？唔該芳姐
Grace:
你試用辛夷花3錢,麥冬3錢,桔梗3錢,甘草1錢,4碗水煮成2碗供服,有助收鼻水,止咳,連服2劑,看能否改善?
芳姐，謝謝你答覆。
剛才睇到你俾我的食療，但因為依家佢已無哂鼻水，只欠早上一起身就有痰咳問題，昨天整個早上都有痰咳，但去到晚上聽到佢喉嚨有啲痰痴住，女女會cam cam聲，但佢無咳出黎。係咪可以照用你俾我既食療，但減去辛e花就可以？
而仔仔三歲，佢初起乾咳，第二日就綠鼻涕加咳，唔知係咪同家姐俾家姐傳染？病初起既徵狀都好似。仔仔又可以飲乜野？
Grace:
如没有鼻水可以去辛夷花不用就成.乾咳都可以用.但鼻涕綠色有炎症,最好看醫生.
多謝芳姐你既答覆
仔仔前日流左綠鼻涕，昨天流時綠時白鼻水，到今日已經變左透明稀既鼻水，但仍日夜有咳，少痰，訓覺間唔時都聽到有咳，請問可以煲咩俾佢飲？
Grace:
你可用洋葱1個,去衣切塊,蒜子5,6瓣拍扁,3碗水煮成1碗供仔仔服,有助解表殺菌,止咳.連服3劑.如痰少可加少許冰糖,好味些.
芳姐，
您好, 個仔5歲，之前感冒好返 (睇中醫)，但現在食水果(包括蘋果)或者凍野會咳，
請問可以煲咩湯水？唔該！
kenny:
你試用北茋,防風,白朮各3錢,生薑3片,紅棗6粒,5碗水煮成2碗供仔仔飲,連服3劑,有助改善.
芳姐，您好。个囡3⃣️岁半，流清鼻，夜晚瞓觉咳得犀利，日头小小，有痰，食咗整个星期西药都冇效果。医生话是气管敏感。可以煲咩汤水好呢？唔该晒。
Lilian:
你試用蘇子,萊菔子,辛夷花各2錢,生薑1片,甘草1錢,3碗水煮成1碗供囡囡服,連服3劑,看能否改善?
芳姐，你好！小兒15個月大，已咳了好幾每月，有氣管炎，有痰聲，晚上訓教又咳，屬氣管敏感，睇了很多次醫生都未能治癒。請問可否介紹湯水及食療給我？
Mugi:
你試用川貝末2錢,蘋果1個,去皮,去核切塊,陳皮1塊,4碗水煮半小時成碗半,供一天服,連服4~5劑,有助化痰止咳.此湯有益正氣,服多幾劑没問題.
芳姐：
我想問現在氣管炎，痰多唔識咳痰，氣有點喘痕癢。食左6日抗生素氣管藥，聞緊擴張氣管藥。不知是不是身體弱，畏冷虛汗。是否可食上述食療？謝謝
芳姐:
請問，三棗茶可否加桑椹同煲？
份量多少？
Joanne:
三棗茶加桑椹子3錢同煮亦可以.
芳姐你好,我女咳了兩星期,睇3個西醫都無好轉,多痰有鼻水,夜晚訓得好差,佢係氣管敏感,試過你介紹的燉川貝蘋果陳皮都無改善,我可以煲呢個茶比佢嗎? 謝謝你!
Gloria:
三棗茶最好病癒後才作保健之用.有痰更不宜用.你試用桔餅1個切碎,蘋果1個去皮,去核,陳皮1個,4碗水煮成2碗供一天服,連服3劑.如鼻水多加6朵辛夷花同煮.
芳姐
我仔十個月，可飲三棗茶嗎？謝謝！
Janice:
10個月仔仔可以飲半碗,一星期最多1~2次就夠.
小朋友有咳，咳到第三日發高燒，聲沙左。之後第四日退至低燒。第五日體溫已變正常，但咳仍有，日夜有咳，少痰，聲沙。感覺晚間訓著時（2，3點左右，5點左右係咁咳）好似咳得多過日間。請問應該煲什麼？謝謝芳姐
Grace:
你試用枇杷葉,龍脷葉各5錢,北杏3錢,桔餅1個切碎,5碗水煮成2碗供服,連服3劑,有助清肺熱止咳.
北杏同南北杏一樣嗎？
另外，佢有流清鼻水，可加乜野同煲？
Grace:
如用南北杏,用5錢.流鼻水可加6朵辛夷花同煮.
芳姐，
你好！請問鼻敏感+中耳炎+鼻竇炎，可以飲三棗茶嗎？
Mei:
有外感不宜飲三棗茶,好了才飲.現時可以用辛夷花,蒼耳子,白芷各3錢,甘草1錢,4碗水煮成2碗服,有助舒緩.要看醫生服藥才會好.
芳姐：您好！小兒二歲大，感冒了約一星期，常流鼻水，清色間中有黃色，咳，痰多，請問這三棗水能喝嗎？如不能，那應煲什麼改善症狀？？感謝感謝！！！
Kate Pun
kate:
感冒未清不宜飲三棗茶,好番才飲.現在可用桔梗,麥冬,辛夷花各2錢,羅漢果1/4個,4碗水煮成2碗,供一天服,連服3劑.
芳姐你好，請問一歲大bb可飲此茶嗎
man:
一歲大BB可以飲小半碗.
你好 芳姐 小兒4歲現在感冒流鼻水 收不到鼻水 一到晚上和早上狂咳不到 咳到痰出來 .西藥已食一星期 效果五得 ‘請問可以㷛甚麼比他飲 謝謝芳姐
Wen:
你試用辛夷花3錢,紫蘇葉3錢,桔梗3錢,甘草1錢,4碗水煮成2碗供服,連服3劑,有助散寒止咳收鼻水.
要㷛幾耐丫，2碗是否分開飲？
Wen:
煲20分鐘就成.
芳姐 你好 小兒咳好了 鼻水還是收不到 可以㷛些什麼給他喝？
鼻水白色的
Wen:
可用辛夷花3錢滾瘦肉湯供服,滾10分鐘可飲.
芳姐，請問高血壓可以飲三棗茶嗎？另外，高血壓是否禁飲甘草茶呢？我女兒兩歲多，現在正傷風感冒有咳，請問可以飲三棗茶嗎？還是要病好才飲呢？謝謝
心急人:
三棗茶對糖尿病者不宜,高血壓可飲,甘草有益,但對心臟病者不宜長期應用,間中飲没問題.感冒咳有痰不宜飲三棗茶,病好後才飲.
早晨，芳姐
麻煩您可幫忙睇睇我小朋友可用乜野食療嗎？謝謝您！
佢大傷風左一個星期有多，流好多黃綠涕，好黏的，仲有咳聲重，多痰（睡覺無咳）。
之後睇中醫，好似話佢肺熱，平常只能飲潤既湯水，不能補，因本身體質易燥熱。
咁依家呢兩日開始鼻涕慢慢少左，但有時仍見到夾雜著黃鼻涕，黏，咳聲仍重，痰多（睡覺無咳）。
Grace:
你試用桔梗,麥冬各3錢,羅漢果1/4個,辛夷花3錢,3碗水煮10分鐘供服,連服3劑,有助止咳收鼻水.
多謝芳姐答覆
佢昨晚啲鼻涕已變回白色，唔再見到有黃色，但仲係黏，好重痰咳聲
係咪可照飲你俾我果個食療煲俾佢飲？
Grace:
你可以煲2劑供小朋友服,看能否改善?雖然痰變白,但黏稠都未好得晒.
好，咁我試下先。
芳姐，我少入廚，借問聲羅漢果要1/4，只需洗淨，連皮煲？咁餘下3/4個可冷藏定係室溫留反第二天用？
Grace:
羅漢果1個分4份,每次用1/4個,稍為沖洗,連皮連核一齊用.剩餘的放保鮮袋置陰涼處就成.
芳姐，飲左一劑，第二天好似好左
但第二天當日我再煲第二劑佢飲，當晚佢訓覺果陣係咁咳，係痰咳（之前訓覺時無咳，只有日間同夜間）
係咪佢唔可以再飲羅寒果？太寒？
Grace:
羅漢果偏寒涼,晚上咳不宜.試用洋葱1個,去衣切塊,蒜瓣8粒拍碎,3碗水煮成1碗供服,有助止咳,對感冒咳最好.連服2~3劑.
芳姐,
我很喜歡喝紅棗茶但每次喝完都會長暗瘡，已經用了去桃紅棗仍是這樣（南棗沒這問題），有方法解決嗎？如想做這三棗茶又到可以怎樣？或是只下其他2種棗，也有同樣功效？
廸比:
如認為紅棗不適合,可改放南棗6粒,蜜棗2粒就成.
芳姐你好，我女女4歲半, 最近經常咳(特別是睡前同醒後,咳得最嚴重),睇左醫生話佢氣管敏感,整咩可以令到佢舒緩返?
Mic:
你試用洋葱1個,去衣切塊,蒜瓣5,6粒,4碗水煮成2碗供一天服,有助止咳.
芳姐你好，日夜都很多啖的
家樂媽媽:
日夜都多痰,可用蘇子,萊菔子各3錢入茶包袋,陳皮1塊煲瘦肉粥供食.連服3劑.
家樂媽媽:
如日間多痰,痰黃稠,可用絲瓜1條,去皮切塊,隔水蒸20分鐘,用湯匙壓絲瓜汁供服,每日1條,有助清痰;如痰白清稀,可用洋葱1個,去衣,隔水蒸20分鐘,用湯匙壓洋葱汁供服,一日一次.連服幾天,有助化痰.
芳姐你好，我仔仔2歲半，5個月大有鼻炎，氣管炎，經常咳多啖流鼻水，啖咳不出來，現在要點做，讓他舒服點？怎樣化啖？看醫生也看不好！