By 芳姐 ( 24 10 月, 2011 at 7:11 上午)
· Filed under 外感/頭痛/呼吸道病, 小兒常見病
有些小孩很容易傷風感冒,又易咳嗽,屬敏感咳,久不久便咳一次,咳的時間頗長,又不太肯飲有苦味及有異味的藥茶.今天便推介這味[三棗茶]給大家,供支氣管敏感及氣管敏感,容易咳嗽的小兒作調理.
棗類都有抗過敏作用,用紅棗,南棗,蜜棗一同煮茶飲,味道清甜可口,補益得來不會太燥火,對體質較弱的小兒較適合.
用料是: 紅棗6粒,南棗2粒,蜜棗1粒.
做法: 紅棗切片,去核;南棗切片;蜜棗切開;將全部材料放入煲內,用3碗水煮成約半小時即可飲用.
~ 小貼士: 將三棗切片煮較容易出味.此茶有補血養顏功效,常服能令面色紅潤.適合上班一族將材料放入真空壼中沖泡飲用.
Permalink
芳姐你好！
我濕重 陰虛火旺，可以飲三棗茶嗎？
Sunny:
濕重不宜多飲三棗茶,可以煲些雲茯,白朮,扁豆衣水飲袪濕,一星期2~3劑,如見症狀改善才可以飲三棗茶.
thank you芳姐🙏請問份量是否各3錢？煲半個鐘頭，夠嗎？
Sunny:
是各用3錢,煲半小時可飲.
芳姐你好，我有甲狀腺結節，需要加減其中材料嗎？
芳姐，唔好意思，忘記講，呢排好難入睡，可以煲呢款湯水嗎？
Sunny:
可以加3錢浙貝母,2錢陳皮,百合1兩,以改善症狀.
芳姐你好。
我仔剛好一歲，打完針後無發燒（唔知係未有煲佢飲三豆湯同竹庶粟米紅蘿蔔水佢飲），依家我仔就開始咳，乾咳，仲會好似扯蝦咁，唔知係未氣管敏感呢？
咁我應該煲咩湯水佢飲比較好？都咳左兩三日啦。
之前佢咳我煲過蘋果洋蔥水佢飲都好有效，今次似乎唔啱咁。
呱呱:
你試用雪梨1個,去核,百合5錢,冰糖少許,4碗水煮成1碗供仔仔服,對乾咳有幫助.
芳姐你好
我個仔啱啱一歲，從兩個幾月前感冒之後，就開始時不時有咳，佢咳無痰，天氣轉冷又會咳多咗及食生果果汁完又會咳多咗，請問有咩湯水可以改善 ?謝謝🙏🏼
Sarah:
川貝能減少氣管痙攣咳嗽，你可以用川貝末2錢,蘋果1個去皮,去核,冰糖少許,3碗水煮成1碗供仔仔服,一星期2劑,至症狀改善為止.蘋果止咳又有益正氣.如有痰就不要加冰糖.
感謝🙏🏼
我仔仔4歲，有鼻敏感，自從年前一次氣管炎後，天氣一變化就會夜晚瞓覺時咳，早上沒有的！請問適合飲甚麼湯水？
sure:
可能你仔仔鼻水倒流引致晚上咳,可用辛夷花6朵拍碎,桔餅1個切碎,4碗水煮成2碗供服,連服3劑.
感謝你的答覆！剛剛睇左醫生，小朋友抖氣he he聲… 朋友媽媽提議燉鱷魚肉川貝，4歲是否適合呢？還是三棗茶或龍利葉可以了？
Sure:
如果小朋友痰白清稀,晚上喘多適合鱷魚肉川貝湯,如果痰黃黏稠難咯出屬熱性的,較適合龍脷葉湯,如無痰或病快好後可用三棗茶作調補.
小朋友冇痰的！感謝你的意見及分享！
請問我仔仔2.5歲，每日會連續咳約1小時，有時深夜4~5點，有時朝早或下午，可否喝此湯？感謝！！
natsumi:
你仔仔咳有没有痰?或有鼻塞等情況,如果没有,可以用桔餅1個切碎,桔梗3錢,蘋果1個,去皮,去核,4碗水煮半小時供服,連服3劑,有助止咳.
痰時有時冇，但佢每次咳大多數都會咳到嘔之後就會停，吾知係咪有痰咳出來。
natsumi:
有痰加個陳皮同煮,試用3劑,看能否改善?
感謝！我試試！
請問BB未夠一歲可以飲嗎？
baby:
BB未夠1歲可以飲小半碗,因為味甜也不宜給太多,以免BB嗜甜味東西.
你好
仔仔2歲半
痰同鼻水已經持續了差不多3個月了，上個月中睇醫生，已睇了1個月，情況有些少改善，但仍有痰和好黏好黏既鼻水。醫生話係氣管敏感。
仔仔早上起來，有一兩聲咳，帶痰。其餘時間都少咳。
請問可以飲啲咩湯水比較適合?又或者什麼食療可改善?
食了成個月西藥了，希望可以有其他方法改善
謝謝
Ruby:
你試用川貝末2錢,蘋果1個,去皮,去核,陳皮1塊,4碗水煮成2碗供仔仔服,連服4~5劑,有助袪痰止咳.如鼻涕多,加5朵辛夷花同煮.
謝謝。
我之前已用川貝，陳皮，蘋果燉了2星期比仔仔飲。
但情況好似都係一樣。
請問川貝末是磨粉嗎？
Ruby:
川貝售價貴,買優質的川貝,磨成末可以讓仔仔全部吃下,以加强療效.如果能吃埋燉好的蘋果,效果較淨飲湯水好很多.
好。謝謝你。
我再試試
我女女一樣係早晚咳得較多， 睇咗幾次醫生都係話氣管敏感，有痰！ 我也可以煲川貝、蘋果、陳皮？
Hee:
你可以煲川貝蘋果陳皮水供你囡囡飲,要服3~4劑才見效.
芳姐你好🙏🏽
芳姐，你好。我個囡6歲了，气管咳咗整个月，
食西药都止唔到咳，冇其他症狀，喉嚨痕痕，
咳唔停。平時煲咩湯水可以改善呢？
Lilian:
你試用烏梅3粒,菊花2錢,甘草5片,3碗水煮成1碗供囡囡服,連服3劑,如有改善,再服3劑,有助袪風止咳.另外可以用虎乳靈芝3錢,雪耳2錢,南北杏1兩,紅棗6粒煲鵪鶉或鱷魚乾湯供服,有助强肺氣,減少咳嗽.此湯全家可飲.
芳姐
小兒4歲，近來早晚會咳，但下午沒有。
又時候早晚沒有，是否氣管敏感？可否介紹湯水？謝謝
Cherrie:
你試用紅蘿蔔1個切薄片,紅棗8粒去核切片,5碗水煮成2碗供仔仔飲,好味的,有助過氣管過敏咳.但如果痰多就不適合.
謝謝芳姐，今晚就試試
芳姐：妳好，請問川貝燉蘋果，蘋果需要去皮嗎？
Anne:
其實蘋果皮有益,只要先浸入熱水中,再用鹽洗擦去農藥及果蠟用就成.
芳姐：
你好，小兒一歲十個月。
半個月前中了甲流。沒有徵狀，只係發高燒入院。
甲流好返後，一直夜咳。氣管敏感咳。
日間完全無事。但半夜咳到訓唔到。
無發燒，沒有流鼻水。但有時有鼻塞&鼻寒聲。
已經睇左第三次西醫。醫生話氣管敏感。
連續食左一個月藥都斷唔到尾。
有煲過幾次鱷魚肉海馬湯。鄧瘦肉汁。陳皮水。無花果蘋果雪梨水
但都依然每晚咳醒。斷唔到尾
請問仲有d 咩可以煲比佢飲？？
感激！！！
Spy:
你可用蘇子,萊菔子各3錢,辛夷花5朵入茶包袋煲瘦肉粥供仔仔食,連服3劑,有助袪痰止咳通鼻.
你好芳姐，
小兒已連續服了三天蘇子，萊服子，辛夷花。但情況未見好轉。
半夜依然會氣管敏感咳。和鼻塞有聲。日間完全沒有咳。
已經有吃了西藥一個月，醫生開了止咳，氣管敏感藥。仍然未斷尾。請問仲有什麼方法幫助他？
Spy:
你試用紅蘿蔔1個去皮切薄片,紅棗12粒,去核,5碗水煮成2碗供仔仔一天分服,有助抗氣管敏感咳及小兒百日咳,連服3~4劑.
芳姐你好，
小兒現已停了服西藥。因為食了足足個半月。怕壞了身子。想停一停。
他連續服了4-5天紅蘿蔔+12粒紅棗。
情況好像沒有轉壞。但仍然不能斷尾。
入睡後，隔了一兩小時，就會不停咳。
還有鼻塞鼻寒聲，訓覺有時有鼻水聲，但日間完全無咳。
從無鼻水流出來。只有鼻垢。
請問還有方法嗎？？
因為實在咳了太久，不知道應該怎樣辦。感謝！
Spy:
你仔仔可能鼻水倒流引致咳,可用桔餅1個切碎,陳皮1個,辛夷花6~8朵,4碗水煮成2碗供服,連服3~4劑.
芳姐，我老爺有肺纖維化同糖尿病，這幾日有夜咳同白痰，請問煲咩湯水可以止咳化痰，同埋平時有咩湯水可以幫助佢增加肺部功能？
Kelly:
你試用法夏,茯苓,白朮各3錢,陳皮2錢,烏梅2粒,生薑3片,5碗水煮成2碗供患者服,連服3劑,有助袪痰止咳.病好可以多用虎乳靈芝,雪耳,南北杏,陳皮,無花果各適量煲鷓鴣湯供服,如無鷓鴣,用豬展都可以.
芳姐，你好！
兒子兩歲兩個月 是早產兒！氣管不是太好！最近看醫生說冷親氣管，已吃多天西藥！咳嗽已有改善 日間偶然會有咳嗽。但一到晚上就會咳嗽 特別在他睡著時 咳嗽更見厲害 咳嗽時好似有點痰聲 又有點鼻塞般 該煲什麼水讓他整天飲用 可以令他晚上咳嗽次數減少 令他睡眠質素有所改善！謝謝你！
Carman:
你可用蘇子,萊菔子各3錢入茶包袋煲瘦肉粥供仔仔食,有助袪痰,如鼻塞重加5朵辛夷花同煮.連服3劑.
芳姐，我有對孖仔，大仔有鼻敏感日日朝早起身就會好多鼻水，食咗抗敏感藥好返一段時間又來，這两日又挨肚痛冇胃口，請問煲咩湯水比佢飲好？另外依家沖玉屏風散可以比佢飲嗎？
細仔就氣管敏感，日日朝早會咳，要煲咩湯水比佢飲好？
Kelly:
你可以滾些糖薑水,加6朵辛夷花同煮10分鐘供仔仔服,有助散寒止肚痛及收鼻水,連服2劑.玉屏風散如體虛易傷風,感冒可服,一星期2次,鼻敏感加6朵辛夷花同沖泡.氣管易敏感,可用虎乳靈芝3錢,雪耳3錢,紅棗6粒,核桃肉1兩,南北杏1兩煲鷓鴣湯供孖仔服,有助强壯肺氣,減少過敏.此湯全家可飲.
芳姐 小兒3歲 早上無咳 淨係夜晚訓教先咳 不知是否氣管敏感 三棗茶可以有幫助嗎
yan yan:
三棗茶最好咳好後才飲,作調理之用.如果仔仔有痰咳,就用蘇子,萊菔子各3錢入茶包袋煲瘦肉粥供服,連服3劑.
芳姐， 小囡20歲，常常面青口唇白，尤其月經前後，三棗茶如用無花果代替蜜棗可每天飲用嗎？
小囡健康不錯就是面色不好，請問怎樣可改善？無花果可否用土耳其即食㷛（即優品360賣那款)？還是買美國較好？唔該晒！
Dong:
三棗茶可用無花果代替蜜棗,一星期4~5次已足夠,都要讓身體自己工作的.土耳其那種頗甜,不錯的,美國那種品質較佳.
芳姐，你好。囡囡5歲，呢排時不時夜晚會咳，日头無
野，朝早起身會小小，鼻痕痕，整日抹鼻又無
鼻水。臨瞓俾左點姜水飲驅寒，効果唔太，唔知
煲咩野好？
仲有我自己呢排夜尿兩三次，好煩？咩野食療可以
改善下。唔該曬
Lilian:
你可以用洋葱1個去皮切片,生薑2片,4碗水煮成2碗供囡囡服,有助止咳.你可以用白果10粒,去芯,核桃肉1兩,芡實1兩,覆盆子3錢,紅棗5粒煲瘦肉湯,8碗水煮個半鐘成4碗,全家可飲,你一天分服2碗,連服3劑,有助補腎止夜尿.要吃些湯料.
芳姐，你好！
小兒22個月大
一個月前醫生說有些氣管炎，現在醫生說是氣管敏感，一直咳唔斷尾，清晨咳得厲害，有時像有些痰，有時像乾咳，同埋胃口差左好多，可以煲咩比佢飲？
Jasmine:
你試用桔餅1個,切碎,陳皮1個,蘋果半個至1個,去核切片,4碗水煮半小時成1碗半,供BB一天分服,連服3~4劑.有助化痰止咳.蘋果有益正氣,能健脾胃.
請問可否食這些水果：啤梨、無花果、火龍果、藍莓
Jasmine:
火龍果稍為寒涼,如果BB没有便秘就少食些.
芳姐，您好！请问孕妇久咳不好能喝桔饼陈皮姜枣茶吗？
璇:
桔餅陳皮薑棗茶孕婦可以飲,連服3劑.
谢谢🙏
三棗茶8個月BB可飲嗎？
Grace:
BB一歲之前最好盡量少給太甜的食物給BB食,三棗茶太甜了,BB飲完三棗茶,其他淡味湯水或涼開水BB未必肯飲,故歲半後才供飲,等BB習慣淡味飲品才供服好些.
芳姐您好，囡囡5岁，呢排朝早起身咳，日头夜晚都
好少咳，今朝咳左成半个钟，喉咙有点痕，有少许痰，煲咩
汤水可以令喉咙舒服的呢？唔该晒
Lilian:
你可用桔餅1個切碎,陳皮1個,蘋果1個去皮,去核切塊,4碗水煮成2碗供囡囡服,連服3劑.
芳姐你好,我囡囡咳咗好耐,睇咗兩次西醫食藥都無乜好轉
佢尤其係夜晚同剛起床咳得嚴重,日部時間好少聽到佢咳!
應該煲咩比佢飲呢?
Miss Fung:
你可用蘇子,萊菔子各3錢,紅棗4粒滾瘦肉湯供服,連服3劑,看能否改善?
芳姐，你好。小寶寶一歲一個月，感冒流黃鼻，又眼泪，打噴嚏，，瞓覺鼻塞得厲害，
瞓覺好差，煲咩汤水好呢？唔該曬
Lilian:
你可以用洋葱1個,蒜頭3粒拍碎,3碗水煮成1碗供服,連服2劑,看能否改善?記得要寶寶多飲水.睡前可以用棉紙巾剪成條狀,沾淡鹽水然後扭緊,替BB通鼻管,有助改善鼻塞.
芳姐，你好。
我女女1歲半，已有痰2個月，間中有鼻涕，沒有其他病症，有時幾聲咳，咳到痰又吞返入去。睇左2次西醫，都未有好轉，請問有冇辦法可以幫佢化痰呀？有時呼吸有聲
Yumi:
你可以用蘇子,萊菔子各3錢,辛夷花5朵滾瘦肉湯供囡囡服,5碗水煮成碗半供一天分服.或將材料入茶包袋煲瘦肉粥仔供食更佳.連服3劑,能袪痰收鼻水.
芳姐，你好，囡囡5歲，呢排天氣熱一吹空調就流鼻水，到了室外又冇事了，夜晚睡覺鼻塞塞，
唔知點好
Lilian:
建議開冷氣開冷間房,之後開窗熄冷氣讓囡囡睡,就不會因太冷而流鼻水.如怕房太熱可以開小風扇,不要直吹囡囡就成.先開凍間房,再開風扇會睡得舒服.
芳姐，我仔仔三歲半，咳唔斷尾，斷斷續續咳了差不多兩個月，好了，又再咳，有時候夜晚咳，佢曾經有嘶嘶吼症，我應煲什麼給他飲？
Katherine:
你試用桔餅1個切碎,陳皮1個剪碎,北杏3錢,4碗水煮成2碗供服,連服3劑,看能否改善?
你好👋🏻芳姐
我女兒病了個幾月，就是不停咳，後期間中聽到痰聲，喉嚨紅，已經不停密密睇醫生，求賜教，謝謝
lingling:
久咳必虛,最好看中醫調理.你試用花旗參,桔梗,杞子,麥冬,甘草各1錢,用3碗水煮10分鐘成2碗供一天服,連服3~4劑,有助清肺虛火止咳.
我想請問我咳左差不多一個星期，開始是喉嚨乾，無痰，後來有少少痰，食左傷風咳丸，化痰素有飲茶涼茶，夜晚都咳得多，宜家有時覺得喉嚨癢就咳，請問有咩湯水可以幫忙
Maria:
你試用烏梅3粒,菊花1湯匙,甘草4,5片泡茶服,對風咳喉癢有幫助.
hihi
我係大人由1號感冒到衣家，感冒好左八九成，但夜晚同早上都會咳到停唔到，有痰但冇色有少少泡，有鼻水但衹限咳得好犀利時，冇色透明狀，有少少似氣管敏感，可以煲咩飲下舒緩？
Paris:
你試用桔餅1個切碎,陳皮2個剪碎,蘋果1個,去核,4碗水煮20分鐘成2碗,一天分服,連服3~4劑,看能否改善?
hihi,我女兒剛兩歲，之前感冒，由黃色鼻涕轉左透明，仲有鼻塞，有痰有咳，日有咳夜有，但未算太嚴重，keep住有幾聲，西藥巳食完，但食野冇乜胃口，比較痰多，可以煲咩有改善下病情？
謝謝你，我飲左明顯氣管冇gum喘同痕，如果我今晚凌晨兩點捱過左，冇乜咳就好喇，我之前有一次都好嚴重，要食蛇膽先冇再咳，衣家夏天冇蛇膽食，西醫針都打埋同好多偏方都試哂，但根左你指引煲黎飲真係有改善喎
Paris:
有改善就好,因為氣管問題有時要耐心服藥及用食療才會好.祝身體早日康復﹗
hihi,我女兒剛兩歲，之前感冒，由黃色鼻涕轉左透明，仲有鼻塞，有痰有咳，日有咳夜有，但未算太嚴重，keep住有幾聲，西藥巳食完，但食野冇乜胃口，比較痰多，可以煲咩有改善下病情？
Paris:
你可以用鮮淮山4兩,茯苓5錢,百合1兩,芡實1兩,陳皮1個煲瘦肉湯,8碗水煮個半鐘成4碗,全家可飲,有健脾胃助吸收,袪濕,止咳等功效.
芳姐你好，我女女自上年10月中過肺炎後，經常氣管敏感，引起鼻敏感和敏感咳，剛剛我女女才收了鼻水，日間也沒有咳，不過她訓落床到差不多睡著就咳，通常有痰聲，咳到訓著，半夜一兩聲咳，睡醒了又咳幾聲，這種咳法重複了好幾天，請問有什麼可以飲呢？謝謝你
芳姐你好！我個女啱啱6個月，發燒，鼻涕（結結地白色），咳喘，西醫話佢小氣管發炎，開曬葯，但冇食葯。因為阿B太細，醫生都建議如非必要可以唔食。宜家冇燒，有鼻涕，咳喘比較勁，雖然醫生有講話會有個高峰期，但聽到佢咳喘都好難受，想問下咁細可以食D咩減輕咳喘。 謝謝！
Jiuli:
你試用洋葱1個,去衣切片,放碗中,太火蒸30分鐘,用湯匙壓榨大約2~3湯匙洋葱汁供囡囡服,可用針筒型餵服器,一日蒸2個洋葱,會有幫助.
唔該芳姐，想問下用紫色定白色較好？
Jiuli:
用白色洋葱就可以.
萬分感謝！！
芳姐！我個仔二歲四個月！月頭支氣管炎入過院呢幾日又可能轉天氣鼻敏感又發作不停流鼻水有咳有咩解決方法？
訪客:
你可以用辛夷花6朵,桔餅1個切碎,陳皮1塊,4碗水煮成2碗供一天服,連服3劑,有助止咳收鼻水.
芳姐，我個仔4歲，佢 朝頭早 流鼻水打乞嗤 眼痕 都夜晚 鼻塞 幾聲咳 可以煲啲咩飲
Sarah:
你可用桑葉,菊花各3錢,辛夷花6朵,甘草1錢,3碗水煮7分鐘成2碗供仔仔服,有助改善眼痕,鼻塞.連服2劑.
芳姐，請問三棗茶歲半幼兒可飲用嗎？謝謝回覆！
Alam:
三棗茶幼兒可以飲小半碗,不宜過多,以免BB嗜甜.
芳姐，兒子歲半，醫生說他氣管敏感，他會不定時咳，有時在半夜，有時在清晨，一咳便咳大概一小時多，有時有痰聲，有時又像乾咳，請問有甚麼湯水或食療可幫助他呢？謝謝回覆🙇🏻♀️
Alam:
你試用洋葱1個,蒜頭5,6粒,冰糖少許,4碗水煮成2碗,供一天分服,連服2劑,有助止咳.
謝謝芳姐，另外，想請教你早前曾介紹過的虎乳靈芝湯水，兒子適合飲用嗎？
芳姐您好，我來經前及來經期間晚上睡覺時會感到手痹，可以食什麼調理？之前還有試過經期耳嗚，經前失眠，謝謝您🙏🙏🙏
Ling:
你可能心力不夠,微循環不太好,最好作個體檢.可以去裕華或華潤堂買[複方丹參片],服1瓶,看能否改善?
謝謝芳姐，之前有做過心電圖，驗血無事
Ling:
驗血没事最好,趁末有病先防,可以試丹參片.
芳姐你好！
我仔9歲，因喉嚨痛聲沙睇左西醫食僅藥的，早上起床時眼睛好多眼屎及黐住眼睫毛，有什麼食療可以改善呢？
另外想請教芳姐，本人好喜歡煲湯飲的，亦經常睇你的食譜，煲老伙湯飲得多會引致痛風症這個說法嗎？或者每星期可以飲幾多次老伙湯為適合？麻煩芳姐回復🙏🙏
玲:
通常老火湯意即煲3小時以上為老火,我教網友煲湯最多1~2小時.通風症患者本身新陳代謝出了問題,健康人士不會因飲煲湯而患痛風.一星期飲煲的湯2~3次没問題.你可以用夏枯草1兩,菊花3錢,金羅漢果半個,5碗水煮成2碗供仔仔服,連服3劑,有利咽,清肝明目去眼垢功效.菊花最好後下滾5分鐘即成.
多謝方姐回復！明白了你真好好人呀！我因為右腳拇指公眼部位間中有酸痛，但唔理會自然會好，不知道這樣是不是痛風證跡象呢！我之前每星期都有4一6天都有煲湯飲一般煲2小時左右，燉鮑魚湯才用三個小時，我會不會飲湯過量左呢？我本身人血氣不足，常有胃氣，食少少熱氣食物很容易喉嚨痛的，煲那些湯水比較適合調理我身體？
玲:
痛風症初期最易出現脚趾公痛,你可以多煲些赤小豆薏米粥食.赤小豆是唯一痛風患者可食之豆,能利尿,加快尿酸排走,可隔日1劑.另外可用青木瓜仔1個,連皮洗淨切塊放燉盅內,加入一瓶純椰子水,另外加1小撮綠茶,隔水燉1小時服,連服2星期據說可治好痛風.痛風患者少用貝殼類食材,包括鮑魚.
多謝方姐回復，青木瓜仔燉湯是不是隔日一次？響螺是否貝殻類？海參及花膠可以食嗎？咁多問題麻煩曬方姐了🙏🙏
玲:
青木瓜湯可隔日1劑.響螺,蜆,青口,帶子,蠔等都是有殼貝類食品,海參,花膠都屬含嘌呤高海產,痛風症人士少食為宜.
芳姐你好，
我女女岩岩四歲，一個星期前食左雪糕，乾咳到依家都有咳，半夜咳得比較多，有鼻敏感同氣管敏感
Heiley:
你試用桔餅1個切碎,生薑3片,紅棗5粒去核,4碗水煮成2碗供服.如鼻水多加6朵辛夷花同煮.氣管敏感不要吃雪糕及凍飲.
辛夷花係藥房買嗎？
同埋煲幾耐倒？thx
Heiley:
大約煮20分鐘可飲.
Heiley:
辛夷花在中藥店有售.
佢已經食左兩個星期西藥，乾咳都未停，依家變成流鼻水、咳好密又有痰，甘係咪可以照用依個配方？
Heiley:
如半夜咳多可以用我推介的桔餅茶.
請問桔餅茶係咪陳皮、紅棗、薑、桔餅，四樣野？
Heiley:
是的,就是這4樣材料.
芳姐你好，
小兒2歲半，近3、4個月常說肚痛，常是吃完飯和睡前，但日間大便正常，活動正常，應如何調理？
Mandy:
你仔仔可能肚有風,試在兩餐之間幫他搓揉肚仔,可在肚臍周圍塗些保心安等藥油,順時鐘方向搓揉,有助袪風.如兩三天不見效,最好看醫生.少吃甜食及不要飲超巿的甜味飲品.
芳姐：
你好！小朋友4歲，日頭夜晚都有咳無痰，鼻塞有間唔中有清鼻水，凡轉天氣都容易咳，係未屬於敏感咳？可以煲d咩藥療？謝謝！🙏🏻
Chan:
川貝能減少氣管痙攣咳嗽,故你試用川貝末3錢,蘋果1個,去核,辛夷花5朵,冰糖少許,4碗水煮成2碗供服,連服3劑,看能否改善?
芳姐你好！我儿子7岁气气管敏感，他就是白曰干咳无痰
訪客:
你可用川貝末3錢,雪梨1個,去核,冰糖適量,4碗水煮成2碗服,連服3劑.
你好芳姐，我兒子不間斷地咳，睇左多次醫生仍不見效果 ，有醫生說是氣管敏感咳，有些痰聲和鼻敏感問題，可以煲什麼給他飲？
Joyce:
你試用桔餅1個切碎,陳皮1個,辛夷花6朵,4碗水煮成2碗供服,連服3劑,看能否改善?
你好芳姐，我仔仔咳咗幾個月都未好返， 夜晚瞓之前會咳幾聲，日頭間中都有咳，唔定話咩時間咳得多， 中醫西醫都試過，有話氣管敏感有話鼻敏感 可以用啲咩食療對佢有幫助？
Joyce:
你試用川貝末3錢,蘋果1個,去核,甘草3片,4碗水煮20分鐘供服,連服3~4劑,看能否改善?
芳姐，你好， 我女2歲4個月， 傷風咳嗽1個月，睇咗3次西醫，依家食猴棗未，咳嗽都清唔到，特別是晚上咳得嚴重d, 早上幾聲咳，日間唔多咳，我唔知佢屬寒咳定熱咳，想請教下有乜野湯水啱佢?鱷魚肉是否適合?陳皮水?
謝謝
劉太:
你囡囡應屬寒咳,可用紫蘇葉3錢,生薑3片,甘草1錢,4碗水煮成碗半供一天分服,連服3劑,如痰多可加蘇子,萊菔子各3錢同煮.鱷魚肉湯咳改善可以飲以補肺氣.陳皮水亦可以飲.
我的女兒和以上所描述的很似，但她有發燒，可飲用？
張太:
你囡囡有何症狀?總之有發燒表示病邪未趕走,不宜用補益食療,三棗茶病好才飲.
芳姐
您好! 我女兒3歲，有氣管敏感，常咳，咳時聽得到有痰聲，可以飲用三棗茶嗎？是否天天當水飲呢？飲到不咳為止嗎？謝謝
kaka:
三棗茶没痰才宜飲用.你先用蘇子,萊菔子各3錢入茶包袋煲瘦肉粥食,連服3劑,清了痰才服三棗茶,一星期2劑.
芳姐，您好，個女4歲几，感冒咳，日頭好似干咳，一落咳唔停，有痰咳唔出。夜晚又唔
怕咳，煲咩湯水喉咙會舒服的呢。唔該
鼻小小塞
Lilian:
你試用金羅漢果1/4個,麥冬3錢,3碗水煮10分鐘供服,有助化痰止咳.
谢谢您
芳姐，囡囡气管敏感，日头不停咁咳，睡觉又唔怕，饮咗罗汉果唔见改善，食西药又唔见效，点算好？
Lilian:
氣管敏感可用川貝末3錢,蘋果1個,去皮,去核,陳皮1片,4碗水煮成1碗供囡囡服,連服3劑.
懷孕7個月，喉龍痛，乾咳，冇痰，但咳唔停，夜晚訓唔到覺，可以煲咩湯水？
已經煲過桔餅青欖果皮蜜棗南北杏瘦肉湯，但冇效，咳得仲勁
kwokyee:
你試用白蘿蔔1個,去皮切條,用3湯匙蜜糖醃5小時,會有很多蘿蔔汁,用半碗,加温水調勻服,一日3次,有助改善喉痛,止咳.
芳姐你好
小朋友4歲，自從上星期冷襯，有傷風，到現在後期變了仍有少量白色黏鼻涕，而早上一起床後，總聽到佢咳幾聲帶有痰，但之後一整天就再聽不到再有咳聲，但有時晚上訓覺時，時咳時唔咳。為什麼會這樣？而我可以煲什麼改善這種情況？
希望芳姐能解答，謝謝！
Grace:
你家小朋友可能是鼻涕影響,致晚上睡覺會聴到痰聲有咳,所以試用6朵辛夷花拍碎泡茶供服,可加蜜糖,晚飯後服.
謝謝芳姐解答
那是否可用熱水泡辛e花放保溫杯焗也可以？
另外，辛e花需拍碎嗎
Grace:
辛夷花如拍碎易出味,因含揮發油,拍碎就藥效易出來.可放保温杯.
芳姐，佢鼻涕已沒有了。可惜每朝早上起床，就咳，很重痰聲，但日間再很少聽到佢咳，之後晚上或睡覺時會聽到一兩聲咳。
我煲過陳皮，杷枇葉，桔餅俾佢飲，但都清唔到佢啲痰。其實佢係寒咳嗎？啲痰咳應該煲什麼較適合？
謝謝芳姐
Grace:
痰咳可用蘇子,萊菔子各3錢,入茶包袋煲瘦肉粥供食,連服3劑.
我個囡5歲，咳左一個月，醫生話氣管敏感，她咳得好密又輕力咳，全部都係乾咳，冇痰，但訓教唔咳，請問我煲咩湯水比較好？
芳姐你好，
我仔仔23個月大，已經咳了一個幾月都唔好，流鼻水，鼻塞，睇左三次醫生，醫生說鼻敏感，氣管敏感，請問應該煲什麼湯水比仔仔飲較好？
Sharon:
你試用枇杷葉,龍脷葉各3錢,辛夷花6朵,桔餅1個切碎,4碗水煮成1碗供服,連服2劑,看能否改善?
芳姐 請問小女 一有風吹佢（例如家裡開門 一有風吹一陣） 就會咳唔停 適合飲三棗茶嗎？孕婦亦可一起似此養生水嗎？
Jenie:
如果你囡囡屬風咳,可以用烏梅2粒,甘草4,5片,菊花1小撮泡茶服,可沖泡至淡,對風咳有幫助.三棗茶没咳時才飲,孕婦可服.
芳姐你好,
我仔仔已經咳左成個月喇~(20個月大)
睇過西醫，醫生話佢係氣管敏感加有痰，所以會咳，食埋化痰素，痰清左喇。
氣管要閔氣，閔完好左D，但夜晚臨瞓都仲會咳不停。咳時冇乜痰氣速咁咳，日頭都有兩聲但唔多。
請問我可以煲咩湯水佢飲呢？謝謝
Mandy:
你試用紅蘿蔔1個切薄片,紅棗6粒切薄片,4碗水煮成碗半供1天分服,連服3劑,對小兒百日咳有療效.
芳姐你好,
我個仔8個月, 已經咳左3個星期, 有醫生話氣管敏感, 又有醫生話鼻敏感, 但食晒藥都唔得, 猴棗散都唔得. 佢日頭咳好少, 夜晚多D, 請問可以煲咩湯水俾佢飲呢？
Terrie:
你試用洋葱1個,去衣切片,放碟中大火蒸20分鐘,用湯匙壓洋葱汁供仔仔服,大約2~3湯匙,有助改善.
芳姐 我女女3歲 天氣開始乾燥 小朋友早上起床便咳得利害
但中午同晚上都無咳 請教可以煲什麼飲？？