慢性濕疹調理—桑椹百合青欖大棗湯
深秋及入冬以後是濕疹的發病高峰期.慢性濕疹患者多見於血虛風燥體質,症見濕疹患處皮膚粗糙變厚,苔蘚樣變,搔癢,血痂,病程日久,反覆發作,或伴昏乏力,腰膝痠軟。宜用滋陰養血,滋補肝腎,清熱解毒的食療。
[桑椹百合青欖大棗湯]有滋陰養血,補肝腎等作用,對慢性濕疹反覆發作者有幫助。
用料是: 桑椹子1兩,百合1兩,紅棗10枚(去核),青欖6粒。
做法: 將材料浸洗,用8碗水煮成4碗,分2天服.
~ 小貼士: 青欖在山草藥檔有售.此湯有補虛安神作用,可加瘦肉同煮,濕疹患者最好連服10天.
芳姐你好 ，想請問幼兒皮膚乾燥的濕疹 適合飲用赤小豆扁豆薏仁的湯水嗎？ 這些去水食材會令到身體水分增加流失，皮膚更加乾嗎？ 如煲這個這個百合青欖湯 黑桑椹的效果是否相同呢？
Daisy:
幼兒皮膚濕疹一樣可以飲些健脾袪濕的湯水,没問題的.但主要是保持皮膚滋潤,要塗些少化學成分的天然潤膚膏或乳霜作外塗.青杞黑桑椹湯適合幼兒服用.可一星期1~2劑.
芳姐你好，
我個女8歲，佢濕疹經常返發，我煲你講呢個 [桑椹百合青欖大棗湯]無問題係咪呀?我今朝煲左俾佢當水飲，諗住學你講俾佢連飲十日，係咪可以呀?
另外第二日飲係咪煲返熱就得?
Winnie:
此湯很平和,屬清潤湯水,可以連服10天,第2天煲熱就可以.
芳姐，你好呀，我跟你方法煲，但小朋友覺得好酸，不太肯飲，請問濕疹不停反覆返發，仲有咩方法可以舒緩呢？唔搽類固醇就止唔到，搞到我好頭痛
Winnie:
如果小朋友受得寒涼,可以用鮮地老鼠,鮮土茯苓各2兩,赤小豆,薏米各1兩,蜜棗2粒煲排骨湯,煲夠2小時,味清甜可口,小朋友肯飲,有清熱解毒,消濕疹功效.
我唔知佢受唔受得寒涼喔😔
請問濕疹反覆發作，全身都有， 一粒粒分散的水泡，水泡穿了久久不能埋口，手有主婦手，體質偏寒，胃寒，經常有虛火，請問飲這款湯水可以嗎？
芳姐你好 ：小女快兩歲， 4、5個月嗰時有濕疹 一直都未好， 近期仲好嚴重 開始喺條頸度有濕疹 之後肚仔 手腳 多有， 每次佢一瞓醒就係咁拗好痕 尤其係出咗汗仲拗得勁， 皮膚乾燥紅之後就變黑 我已經日日都幫佢搽潤膚膏 但係都舒緩唔到， 請問有啲咩方法可以幫佢止痕 同埋平時可以煲啲咩畀佢可以減少濕疹。 多謝！
晴媽:
你可以煲些綠豆薏米糖水供囡囡服,連服3劑以清熱解毒.平時可以用淮山,茯苓,蓮子,薏米各1兩,陳皮1塊,紅棗6粒煲瘦肉湯,全家可飲,有助健脾袪濕,減少發病,一星期2劑.現時可以用土銀花1兩煲水作外洗劑,以止癢.如無土銀花,可用金銀花代替.
、
芳姐唔好意思撳錯掣， 好多謝你嘅回覆呀 想問下我 囡囡唔太喜歡食綠豆渣， 可唔可以淨係飲绿豆薏米水， 同埋嗰個土銀花要煲幾耐 加幾多水 可加片糖一齊煲嗎？ 聽講片糖可滋潤皮膚係真的嗎？ 同埋我見到你講 純米醋加橄欖油 攪勻查身 對濕疹有效 我個女都可以用呢個配方嗎？
晴媽:
可以只飲綠豆薏米水,煲濃些隔渣後供服.土銀花煲15分鐘可用,5碗煮成4碗,一天可分2~3次用.可加片糖滋潤些.純米醋橄欖油作外塗,或李斯德林潄口水作外塗都有止癢作用,但只能止2~3小時.
芳姐：你好，想問下，小朋友1歲適合飲這湯嗎？還是你教的鮮地老鼠,鮮土茯苓赤小豆,薏米排骨湯會較好？
唔該哂
Josephine:
你指的是哪款湯?地老鼠湯較寒涼,小兒不宜.
請問有濕疹，但又氣血不足，飲咩湯水好呢？
Alice:
氣血虛濕疹,可以用生熟地1兩,當歸3錢,防風3錢,白蒺藜3錢,甘草1錢,5碗水煮成2碗服,連服3劑,看能否改善?
謝謝芳姐。
我女兒皮膚乾燥，你建議用海玉竹3錢,雪梨2個,雪耳2錢,百合1兩,無花果4粒煲瘦肉湯是否因為她陰虛，津液不足呢? 如是的話，請問這湯一星期要喝多少次呢? 需要天天喝一段時間嗎?
除了這款湯之外，還有那款湯有類似功效? 我在這網站用「陰虛」 找到「養陰潤燥湯」， 「沙參玉竹二果瘦肉湯」，「 沙參海玉竹瘦肉湯」等等是否也適合我3歲女兒? 不好意思，問那麼多，因為想有時轉換一下湯的款式給我女兒喝，但不肯定網站的湯是否也可以喝。
priscilla:
陰虛可以服你講的湯水,但最緊要買料要好,例如沙參幼條好過粗條,幼條是北沙參,粗條是南沙參,療效不及北沙參好.海至竹不要買大大塊像薑片那種,買細細粒野生那種才佳.我推介的湯一星期2~3次.
priscilla:
一般中藥店賣貴些的漳州雪耳,顏色米黃乾淨,多數清香無硫磺燻過,包好入膠袋的很多時都有硫磺燻過,所以你最好買貴些那種,同時買前拿些來聞聞,有香氣的才買.
芳姐，清香味既雪耳同有硫黃燻過既雪耳在外形上點樣分辨呢？
priscilla:
海玉竹你最好買野生細條那種,如果大大片像薑片一樣的,必須浸水1小時將水去掉才煮.野生細條那種才有效.雪梨最好用鮮品,怕乾品用硫磺燻過,有酸味.雪也一樣,最好買清香味那種,有酸味的都用硫磺燻過,都要浸水1小時才用.7~8碗水煮個半小時可服.
芳姐，你之前建議用海玉竹3錢,雪梨2個,雪耳2錢,百合1兩,無花果4粒煲瘦肉湯，請問係幾多碗水煲幾耐呀?因為我煲左但係味道偏酸，我雪梨已經去核，所以唔肯定係咪因為海玉竹酸定係水份比例唔對
謝謝芳姐
Priscilla:
大便較乾,日常必須多飲水,多吃纖維高的食物,土茯苓湯利尿袪濕,不影響便秘.反而淮山,蓮子,芡實便秘者不宜食.生果檔有美國西梅賣,很通便又益正氣,可以每天供女兒吃多些.
芳姐，謝謝你解答。
唔好意思，想問多少少。如果我女兒大便較乾，平時唔多汗（就算運動過後都唔會好多汗），咁綠豆、土伏苓，扁豆，薏米，赤小豆 呢類去濕利尿材料適合她嘛？會不會令大便更乾？謝謝
芳姐：
您好，小女現時2歲半，自2個月開始便有濕疹，全身，四肢已被被抓到受傷，而且皮膚已十分粗糙，十分㾗癢，請問這個湯啱小女飲用嗎？除這個湯可止幫目助濕疹外，還有什麼湯水可減少濕疹？可一家大細飲用嗎？謝謝！🙏🏻
Priscilla:
米醋是白米醋.你可以試煲些綠豆薏米海帶糖水供囡囡飲,能清熱解毒又好味,稍為寒涼而已.
芳姐你好，請問米醋是白米醋嗎？
還有，因為我女兒紅疹（濕疹）喝完桑椹百合青欖大棗湯後變多了，那是否這湯不適合她呢？
如果一些健脾去濕，清熱解毒的湯水適合她嗎？謝謝。
Priscilla:
你可以用海玉竹3錢,雪梨2個,雪耳2錢,百合1兩,無花果4粒煲瘦肉湯,可全家飲,有滋陰潤燥及改善皮膚乾燥作用.紅疹可以用米醋及橄欖油各適量拌勻塗患處,有助消疹.
芳姐，
我女兒3歲腳上有紅疹，皮膚較乾燥，反反覆覆時好時不好，唔肯定係食物敏感定係天氣問題
女兒的紅疹無滲液，只有少少痕，平時大便較乾。先兩日試了這款湯水，但青欖只落了4粒，南棗落了6粒
女兒飲了兩次，但紅疹好似多了，所以想問一下此湯水會否不適合她（南棗燥熱？），或是多了紅疹只是排毒（因青欖解毒?)
除了此湯水，可否介紹其他湯水？謝謝
Priscilla:
用鮮桑椹都得,用2兩.乾品在中藥店有售.
芳姐 ，请问是否一定要用干的桑椹子去堡这个呢？干的桑椹子在那里有得买呢? 如果用新鲜的桑椹子可以吗？份量又是多少呢？ Thanks!
katrina:
可以計劃懷孕,通常3個月前開始注意吸收足夠葉酸,鈣質,飲食營養均衡,不要塗類固醇藥物,3個月後懷孕能孕育健康寶寶.可以飲這個桑椹湯.
我有看中醫，最近1個月飲緊中藥調理，醫生話我氣血虛，濕重，飲左1個月中藥後無左甘嚴重，但依然有小水泡長出來。
可否飲你的桑椹百合青欖大棗湯？
咁系咪要停用一段時間（兩三個月左右）才懷孕會比較好呢？
katrina:
你應該是主婦手,你試用新鮮蘆薈,切一小段,去皮作外塗,塗後半小時內不要濕水.建議看中醫調理.類固醇會令皮膚變薄變弱,如用一段時間未好就不要用.
芳姐，你好！
我2012年生完BB後患上濕疹，主要集中在兩只手的手指，首先會起一粒粒水泡，會痕癢，然後會自己爆左、潰爛、流膿水、結咖，就這樣不斷地循環，已經4年了，去過好多間醫院都睇唔好，一直唔斷尾（我平時一直有搽藥膏），請問有什麼方法可以醫治，最好就可以根治。
另外，如果一直這樣搽藥膏（類固醇），可否懷孕？對BB會否有影響？
謝謝您！
煩惱人:
主婦手都屬濕疹類,如嚴重要看中醫治理.袪濕湯可常服.
謝謝你芳姐，我會照你的建議去做，請問是否可煲你推介的去濕湯飲用，主婦手是否屬於濕疹類？謝謝！
煩惱人
芳姐：
您好！我患有主婦手已多年，两對手都有，看過很多西醫，都只是給類固醇搽，皮膚都變薄了，請問是否屬於濕疹，現在經常好痕癢，抓到流血，又紅又脫皮，請問飲什麼湯水好？和怎樣止痕癢？可否盡快替我解答？謝謝你！
祝安好！
煩惱人
煩惱人:
你試去山草藥檔買新鮮蘆薈,每次切一小段,去皮後按摩雙手,1日2~3次,耐心用幾天,看效果如何?有朋友用了見效.
謝謝芳姐！
訪客:
你試用橄欖油,純米醋等份調勻塗患處,半小時後用濕布抹淨,1日2次.另外可以用鮮土茯苓2兩,赤小豆,薏米各1兩煲排骨湯,全家可服,有清熱消疹功效,連服3劑.
請教芳姐，我的濕疹已有兩個月了，非先天就有，而是近幾個月才有的。已用了很多天的慮顧唇，也有效的，但手部的濕疹不斷番發。請問應該吃甚麽好呢？
SICK A:
謝謝你!^^
多謝芳姐, 祝您母親節快樂!!! ^^
SICK A:
有濕疹可以吃北茋瑤柱粥及飲果皮水,没問題.
芳姐, 請問有濕疹能否吃 “北芪瑤柱粥” 及飲 “果皮水”? 謝謝!
訪客:
西瓜對濕疹没太大幫助.綠豆薏米臭草糖水反而更適合.
多吃西瓜對濕疹有幫助嗎？
請問現在4月天可以服此湯嗎？我是頭皮濕疹。
angel:
頭皮濕疹服此湯不知有没有效?反正有益正氣,服幾劑試試.
TOBY:
你可以用生的薯仔,洗淨去皮,切薄片,浸在涼開水裡,得閒取幾片貼在囡囡濕疹患處,有助舒緩.另外可以煲些赤小豆,薏米粥供食,可以煲好後用迷你攪拌機攪拌成糊仔供食,隨量就成,有助健脾袪濕.BB太細不宜用太多藥,赤小豆,薏米可以用.
芳姨你好
我女兒6個月大，人奶B,開始食固體，可飲此湯嗎？女兒面上，身上濕疹嚴重，皮膚會發熱，出水，什至出黃水，有什麼方法可以幫助她去濕疹?