By 芳姐 ( 4 6 月, 2010 at 7:09 上午)
· Filed under 婦科病／產前，產後／不孕
凡是月經的周期或經量出現異常者,稱為月經不調.月經量少是指月經周期基本正常,而經量明顯減少,或行經時間縮短,甚或點滴即淨.
[雞血藤雞胸肉湯] 功能補血行血.對血虛經閉,或月經量少者很有幫助.
用料是: 雞血藤5錢,紅棗(去核)10枚,雞胸肉1塊.
做法: 雞胸肉切塊,與洗淨了的雞血藤,紅棗,用5碗水煮成2碗供服.來經前服,每日1次,連服5天.
~ 小貼士: 此湯對面色蒼白,血虛頭暈人士亦有裨益.
Permalink
你好，芳姐
我月頭黎月經延續七日都係咖啡色血液，但是冇流出黎，係要抹先到咖啡色血液，七日後就冇黎經，依家13號又黎月經到依家，不過又係粉紅色血液少量都係冇流出黎，本人每日都三點至四點先訓，咁請問可以煲咩黎調理身體令月經正常黎🙇🏼♀️🙇🏼♀️🙇🏼♀️
儀:
如果你工作必須捱夜就没辦法,如果不是的話最好晚上11點前入睡,否則肝膽功能失調,身體無法好起來.建議看醫生作調理,中醫這方面是不錯的.食療可用益母草5錢,小米適量,紅棗5粒,先將益母草加水煮20分鐘,取汁煲小米紅棗粥食,一星期3劑,服一個月,看能否改善?
我都有三個月情況都係黎月經量少，不過正常經期都遲黎，黎得五至六日，但是第四個月經期量少又無正常黎月經，甘可唔可以飲呢款湯水？🙇🏼♀️
yuri:
你適合飲此湯.
芳姐你好，請問我月經後期喺咖啡色，喺咩原因?Thanks
Grace:
可能有些氣滯血瘀,可以用山楂5錢,生薑3片,紅糖適量,3碗水煮15分鐘成2碗飲用,一星期2劑,來經停服.
唔該曬芳姐
芳姐，請問睡眠不足，有點心火，舌頭有點紅，可以使用雞血藤嗎？
Kitty:
有點心火可用雞血藤,加1兩百合清心火,紅棗改南棗試試.
芳姐您好,我上个月22号来经期,月經量不多.这個月就13号来经期,月經量好少.少到可憐.而且脸黄唇白,睡眠都不好.想請問下芳姐煲點咩食療可帮助调理经期！感謝芳姐！
吳太:
你試用益母草5錢,山楂3錢,紅棗5粒,紅糖適量,4碗水煮20分鐘飲,一星期2劑,來經停服.
感謝芳姐.想多問一下.月經期後可以煲點什麼湯水調理身體.因為面好黃！感謝！
吳太:
你可以用四紅湯經期後服用,一星期2劑,有助改善面色.在網頁右上角[搜尋]空格內打四紅湯4字,再按一下搜尋就可見到該文章.
非常感謝您的回覆！
芳姐你好
我38歲，經量越來越少，只有三四日，第二日量多d換兩三次，第四日無了。深色伴塊狀，結婚十幾年未試過懷孕，但檢查兩個都正常。請問點可以調理？
Sun:
經量少可以服這款雞血藤雞肉湯,一星期2劑,另外用益母草5錢,小米及紅棗適量煲粥食,亦有助調經,也是一星期2劑,來經停服,用1個月,看能否改善?
芳姐你好，
我的女兒現在13歲，黎經就快1年（上年3月第一次來經）但她每次來經都會好長量很少，差不多每次停2-3日就會繼續來。試過60多日未停過。請問可煲什麼給她吃呢？謝謝🙏🏻
mabel:
你囡囡初經一般都會出現來經混亂情況,可用益母草5錢,生薑3片,紅棗6粒,紅糖適量,4碗水煮成2碗供服,一星期2劑,來經停服,至改善為止.
謝謝回覆，但佢好少停經，所以如經期內可煲什麼呢？
Mabel:
來經可以煲些紅豆杞子紅棗水供服,有助補血.
謝謝🙏🏻
你好芳姐 想問經量越來越少，呈啡色，有咩可以飲用調理呢?
兒:
你可用這款雞血藤食療,或用山楂3錢,益母草5錢,紅糖適量,4碗水煮成2碗服,一星期2劑,來經停服,看能否改善?
芳姐您好。住在馬來的表妹已婚30+嵗，將在24號做切除子宮肌瘤(7cm)手術. 我在昨天已經郵寄她您的有個食療書，但是因爲時間的關係·勞煩您賜教手術前後的調養食療讓表妹有充分的時間調理身子。謝謝您。
蘇太:
手術前可以多吃些蛋白質豐富的食物,如牛奶,雞蛋,豆類,魚肉,瘦肉等,配合新鮮蔬菜,可多飲米湯,豆漿,奶及乳製品,少食多餐.手術後可以飲水時就飲蘿蔔陳皮以加快排走麻醉藥,這點很重要,麻醉藥傷腦,故必須用食療加快排尿排走藥物.之後可以食半流質食物就用北茋5錢煲瑤柱陳皮粥食,可連服3劑.之後吃些小米粥以加强脾胃吸收功能,雜菜湯,米湯,軟爛麵食亦適合.
感恩 🌹
芳姐:請問這兩天可以吃嗎？謝謝
訪客:
可以一星期服2劑,服一個月試試.
你好芳姐:阿女現二十六歲，經期一直都很少，但也有四至五日。可上個月開始，第一天只有幾滴，之后就沒有了。昨天來經期又是幾滴今天又沒有了！我很是擔心！這種情況能否煲鳥雞或者是雞血藤雞胸肉湯調理？謝謝
訪客:
你可以煲這款雞血藤雞胸肉湯供囡囡飲,平時可以滾些菠菜豬肝湯,或用淮山1兩,黨參3錢,紅棗6粒煲烏雞或豬展湯供服,對血虛來經少有幫助.
芳姐，
請問，我每次黎經前7天都會頭重又赤，到來經前一天緊加辛苦，個頭好似d血上唔到去非常頭赤，只要經期出來第一天就好d，但來經第三天又開始頭赤同心口唔太舒服，我是腎虛脾虛又容易上火，請問我經前同經期間可以飲咩調理，唔該。
May:
你可能血虛或精神緊張,建議看中醫調理.試用川芎2錢,白芷3錢,菊花3錢,紅棗4粒,生薑2片煲大魚頭湯服,一星期1~2劑,到下次來經看能否改善?都要看中醫了解原因較佳.
唔該芳姐，中醫我都有時時睇的，睇完食中藥好咗，但要長期睇，所以想自己煲下調理身體，可以經濟些，但自己身體又虛不受保，所以唔知點煲才調理好身體，真的多謝芳姐指教，謝謝芳姐。
芳姐，你好,本人今年38歲，經期準時，最近3次來經量很少,但每次大約4-5日才乾淨,同時在洗髮時甩多左頭髮,請問我應如何調理?
謝謝!
訪客:
你可用制首烏5錢,桑椹子3錢,紅棗6粒,圓肉10粒,5碗水煮成2碗服,一星期2劑,有助黑髮防脫髮,同時有補血作用,對經量少有幫助.
謝謝芳姐回答
芳姐，你好
本人今年43歲，年輕時經期算準時，但近兩年周期提早，約3星期就來一次，每次3-4天左右，頭尾兩天經量不多，因往時喜飲綠茶，懷疑引致體質寒凉，近數月停飲後上個月周期變回正常，但今個月周期出現異常，一個月來了3次，每次都極少經血，請問雞血蕂湯是否適合我飲用？還是直接去睇醫生較好？謝謝賜教
Mei:
建議你看醫生了解原因.可以用這款雞血藤湯,一星期2劑試試,服兩,三個星期.
芳姐 今個月來月經嚟咗8日 頭一兩日都係1點點1_2號， 之後 3.4號三四日就好多 而家第7第8日 都係少少未停！有冇咩方法止停血？我中醫教煲阿膠止血？
Mandy:
阿膠有助止血,但售價貴.試用鮮蓮藕節3個,黑木耳2朵,紅糖少許,5碗水煮成2碗服,連服3劑.
你好芳姐，若我月經量很少，頭3日護墊就可以，第4日正常，第5日之後已經好少，但時間要7-8日先完，我體質好易熱氣喉嚨痛，中醫話我脾虛腎虛，請問可以點調理？謝謝！
Cat:
你可以用北茋,杞子各3錢,淮山1兩,陳皮1塊,南棗6粒燉/煲烏雞湯服,一星期2劑,能補肝腎,健脾益胃,改善經量少.
謝謝🙏
芳姐，你好
我今年35歲，上年流產2次，第二次人流後驗到子宮發炎，最後都整走左積水，月經回覆正常，但明顯呢2個月既經量減少左，第一，二日都少左好多，但係經期都仲準的，可以飲返的咩湯水可以調養返個身體呢？因為我想要BB,睇中醫話我係子宮濕熱，唔該曬。
Annie:
子宮濕熱,可以多用赤小豆,生薏米,陳皮煲粥食,一星期2~3劑,服一個月試試.
芳姐，用普通粥米加埋赤小豆，生薏米，陳皮一齊煲就可以嗎？
Annie:
用普通白米就成.
芳姐，你好
有無赤小豆，生薏米同陳皮份量？煮一碗粥？
Annie:
一般赤小豆,生薏米各用1兩,白米1小撮就成,煲好後起碼2~3碗,可分2天服.1碗粥很難煲.
你好，芳姐，本人今年29歲，經期第一日非常少，只有二滴在護墊上，之後第二日才正常排經，有些少血塊，沒有經痛，近這一年才有這種情況出現，請問可以煲什麼湯調理?謝謝您。
annie:
你可用益母草5錢,山楂3錢,紅棗6粒,紅糖少許,4碗水煮成2碗服,一星期2劑,來經停服,試一個月,看能否改善?來經前後不要吃生冷食物及飲凍飲.
你好,芳姐，請問如果啲M 黎得1日，第日就無血，但之前食過白鳳丸，好熱氣，牙肉爛哂，
請問除左呢個湯水，仲有咩可以有幫助？
Sandy:
你可以用這款雞血藤+瘦肉湯服,一星期2劑.不過建議你看中醫調理,因為月經少有多種原因引起,看中醫知道自己是哪種原因,才可推介食療.
謝謝你，中醫其實有講過係腎虛，所以咁，但反覆睇中醫覺得作用不大呢
Sandy:
腎虛月經量少可以用肉蓯蓉5錢,杞子3錢,煲蠔豉粥食.或羊肉都可以.一星期2次.平時可以多用韭菜蝦仁炒蛋食用.
好的，等我試下先，謝謝芳姐
芳姐你好，我太太每次在經期期間都頭痛，位於兩邊太陽穴。經期前喝了兩個星期的八珍湯，但沒有見效。有冇方法試試，謝謝！
Kevin:
你試用川芎2錢,白芷3錢,天麻3錢,黃精5錢,紅棗4粒,去核煲大魚頭湯服,經前3天服3劑,有助改善.
芳姐，謝謝你！
芳姐， 小女第二個月，跟據提議，吃:香鳳丸，八珍湯，和雞血滕後，這次月的月經的量，顏色，和時間(有6-7日)， 大大改善了。 能否減去白鳳丸？ (見她第一個月吃完後，面色比前淡白)。
Tiff D:
可以減去白鳯丸.
芳姐， 好的， 謝謝你
芳姐，
補充一点， 小女當來經期間和跟著完後天，人
很易攰困， 當吃完白鳳丸馬上精神。有点擔心， 有甚麽湯水可幫幫她呢？謝謝。
芳姐， 小女吃用完一個月的白鳳丸，月經量稍為多了一点， 日數仍是1-2稍為好些，3-4日便差不多未了。在這個月除吃白鳳丸外，可同事吃當歸、八珍湯、黨參北芪之類保湯， 和在來經前5天飲用雞血藤雞胸肉湯嗎？謝謝賜教！
Tiff D:
你可以一星期煲2次八珍雞湯給囡囡飲,雞血藤湯來經前5天飲3劑,再試一個月,看能否改善?
芳姐你好！
我今年36歲，月經多數準時，有時會推遲幾日，五六年前開始已經出現月經量少，前幾年都有不斷搵中醫調理，但無任何改善；最近一次月經，頭一日基本無咩經血，第二日小便時稍微排出，其他時間耐唔中先感覺流出，第三日基本就停。
PS: 另外，近兩年下巴長年生暗粒（類似堵塞毛孔嘅黑頭，有時候會有紅腫疼痛的暗瘡），眉頭之間經常有紅腫暗瘡，多夢，近幾個月便秘，經前十日出現乳房脹痛，希望兩年內有BB, 請問有咩湯水或茶適合我飲可以調整翻經量正常？萬分感激！
Sunbrela:
經前乳房脹痛多屬肝氣不舒,可以去華潤堂或裕華買蘭州藥廠出的[舒肝丸],一星期服3次,服1~2瓶應可改善.經量少,下巴長暗瘡應是腎虛引致,試用莬絲子,杞子各3錢,茯苓4錢,肉蓯蓉5錢,南棗6粒煲羊肉湯服,煲1小時,一星期2劑,服一個月,看能否改善?暗瘡可以用生的白果肉切開塗擦,15分鐘後清洗,每日1次,有助消暗瘡.
芳姐，
多謝你的建議，我比較容易熱氣(唔知道系虛火定系實火) 萬一我受唔到羊肉的溫補，有無其他肉類代替呢？另外，上面雞血藤雞胸肉湯我嘅情況適合替換飲嗎？
感謝！
Sunbrela:
不用羊肉,改用雞胸肉吧.雞血藤湯你可以飲.
芳姐多謝你 😉
謝謝芳姐！
謝謝芳姐， 北京同人×教食早晚一次，一日食两次， 每日共食10克， 會過燥嗎?
Tiff D:
試將份量減半,如没任何不適,才一日食兩次.暫時每日食5克,星期日停服.
芳姐， 小女今年20， 血氣偏低， 已跟提議煲紅豆花生湯飲用， 精神已大有改善。 但月經量仍偏少。 經後能飲用八珍湯，或四物湯嗎?
在月經期間， 可以煲紅糖、紅棗、薑飲用來幫助嗎？
Tiff D:
你可以待女兒經停後煲些四物湯或八珍湯供服,或買細細粒的烏雞白鳯丸,服一兩個月試試,應有改善.來經期間可飲糖薑紅棗水.
芳姐， 小女(今年20 歲)血壓偏低，氣血偏少。已定時煲紅豆花生水飲用。精神已有頗大改善，但經血量仍偏少。每次月經約4天， 第一天稍為正常， 其如都不多。。適合飲用八珍湯或四物湯之類的湯水嗎？用月經期間可以飲紅糖紅棗紅棗水嗎?
芳姐，你好，我女16歲，來經4年仍然未準，每次都是很少量，而且維持多天，有時超過10天，睇中醫多年都不見太大好轉。請問有什麼湯水，食療幫忙呢?謝謝你！
芳姐你好：
小女今年20歲，最近有月經失調問題如下：
1、月經量少
2、平常手腳冰冷
3、平日常讀書至深夜
4、飲水少，唇乾
5、常有胃氣
6、經期前1、2天睡不到
前幾天我煲了益母草丶紅棗水比佢飲，經血流量有好轉，但因為她是住在宿舍，每星期回家一次，請問我應如何為她調理。
麻煩哂🙏🙏🙏
家家:
你試用八珍湯燉雞供服,八珍湯主要是由補氣的四君子湯+補血的四物湯組成,你去中藥店執一劑可分2次煲,每次煲半隻雞,加生薑3片,紅棗6粒同燉3小時供服,一星期2劑,服1個月,看能否改善?
唔該哂芳姐，又想知如果平日可焗花旗參杞子紅棗水飲用嗎？她舌胎重，不知是否適合！麻煩您🙏🙏🙏
家家:
舌苔重可以飲花旗參杞子紅棗水.但一星期可煲2次雲苓,白朮,扁豆衣水健脾袪濕.
芳姐，你好，我女16歲，來經4年仍然未準，每次都是很少量，而且維持多天，有時超過10天，睇中醫多年都不見太大好轉。請問有什麼湯水，食療幫忙呢?謝謝你！
Sam:
你試用這款雞血藤湯,材料易買又便宜,但要服用一段時間才見效,一星期2~3劑,來經停服.
芬姐，想問月經延後，量少 可以有什麼食療改善？本人想調理懷孕
你好芳姐，如果易上火，可用什麼取代紅棗？
Fiona:
易上火可以用南棗代替紅棗,或改用無花果3~4粒代替亦可.
芳姐 我今個月D經期顏色係暗紅色，請問係咩原因？同訓醒第二日口苦
apple:
經血暗紅色,口苦可能血熱引起,可以用芹菜1/4棵,金針3錢,木耳2朵滾瘦肉湯服,滾20分鐘可飲.
若我月經還未來兩個月到，我平常可以飲烏雞湯、雞酒嗎？
另外，白鳳丸是否不可隨便服用？
Dorthy:
月經後期,如氣血虛引起,可飲烏雞湯,飲雞酒,白鳯丸可以服,有助調經.
您好芳姐，
如我月經上幾個月只有幾滴，但已在還未來，這個可作月經前飲用？或是有其他湯水可作調理？
謝謝！