By 芳姐 ( 26 2 月, 2016 at 7:44 下午)
· Filed under 外感/頭痛/呼吸道病, 小兒常見病
早前患上流感，燒了很多天，吃藥吃到整個人情緒低落，一點胃口都没有，發燒真是頗辛苦之事。燒退了尚有點咳，於是想到用蘆根、馬蹄等材料清清肺熱，潤腸通便，因為中醫認為「肺與大腸相表裡」肺氣不宣，大腸也減少蠕動而易出現便秘，飲後果然舒服了很多。
蘆根有清熱退燒的功效，尤其是小朋友感冒發燒，可用些蘆根、薏米、淡竹葉等煲粥仔供服，藥性平和又安全。小朋友打防疫針前亦可以用蘆根、雪梨、薏米各適量煲水代茶服，可減少打針後種種不適。
此湯用料：蘆根5錢，馬蹄6粒，麥冬3錢，雪梨1個，無花果4粒。
做法：蘆根等洗淨；馬蹄去皮切片；雪梨洗淨，切塊，去核；將全部材料用6碗水煮1小時成2~3碗即成。
~ 小貼士：此湯甘甜可口，小朋友都不會抗拒。有清肺熱，化痰止咳等功效。適合痰稠偏黃，感冒咳嗽、發燒者服用。
Permalink
親愛的芳姐，小兒6.5歲，最近六合一測試，中左MP支原體肺炎佢有發燒，咳很厲害，夜晚咳到瞓不好，晏啲西醫開了一隻抗生素，但效果不明顯，照肺醫生說他有支氣管炎，想問可以煲什麼給他？佢咳有痰聲，但咳不出來，除了煲蘇子萊菔子可以化痰，有什麼可以改善他的問題？我見網上說肺炎要疏風清潔健脾去濕，小朋友脾胃又較虛弱，有什麼湯水可以舒緩呢？謝謝你
Angel:
你可用老黃瓜1個,赤小豆,扁豆,薏米各1兩,陳皮1個,茯苓5錢煲排骨湯,煲2小時,全家可飲,有助疏風清熱,健脾去濕.
芳姨你好，小兒六歲，兩星之前有點咳，感冒發燒，晚上鼻塞，看了西醫退了燒還有鼻塞流清鼻涕，未斷未，早前帶他看第一次中醫，可能虛不受補食完中藥當晚又發高燒😭，很辛苦，請問我可以煲淡竹葉蘆根俾小朋友飲？小朋友容易感冒，常常鼻敏感，身體可以怎樣調理？謝謝你，萬分感激❤️🙏🏻
Angel:
如你仔仔燒未完全退,可以用薏米,蘆根,淡竹葉水供服,鼻水多可加8朵辛夷花同煮,宜後下,連服3劑,有助清熱退燒收鼻水.平時可以用辛夷花加蜜糖泡茶供服,對容易鼻敏感小朋友有益.辛夷花是玉蘭花的花蕾,有少少苦味,故可加些少蜜糖,好味些.
芳姐你好，本人一家三口現身處澳洲，我們一家先後分別確診肺炎，燒已退，但尚有痰咳，可以煲此湯嗎？但這邊買到的材料有限，買不到麥冬和盧根，那可以怎辦呢？謝謝
Jessica:
可以用百合,杏仁代替蘆根和麥冬.
你好 芳姐，仔仔（4歲）一直低燒37.3-37.9之間，清鼻水帶點黃，冇胃口，冇咳同喉痛。已經試過辛夷花煲瘦肉，但不願意飲。請問此湯合適飲嗎？
ysandiks:
你可以煲此湯給仔仔飲,如燒不退,加5錢生石膏同煮,有助退燒.連服3劑.
買吾到蘆根，可以用茅根代替嗎？ 依家仔仔有喉嚨痛 需要再外加材料嗎？
Ysandiks:
蘆根清熱退燒,如無蘆根,仔仔又有喉痛,用半個金羅漢果同煮.
芳姐您好，我兒子10個月大，最近胃口唔好，牙癢難當，不願吃飯，請問此湯水適合嗎？謝謝
Yy:
小朋友出牙仔會胃口欠佳,可以飲此湯,以清清內熱.滾些番茄蛋花肉片湯供服,有助增加營養,及開胃.在湯料中加些煮熟的通粉都可以.
謝謝芳姐
如果想煲多些 家中大人也飲
是否所有份量連水多2倍都可以？
Yu:
一般家中大人也飲,蘆根1兩,馬蹄10粒左右,麥冬5錢,雪梨可以用2~3個,無花果4,5粒就夠.
你好芳姐，我仔今年就黎滿3歲啦！
佢發高燒！咳！帶痰！鼻水！
睇左三次急症都係咁樣！
一燒就38-39-40.1度！
我吾知點好！
我想知可以有咩辦法可以幫到佢！
又吾食奶吾飲！
我好驚好驚！
單親媽媽:
你試用洋葱1個,去衣切碎,蒜頭5,6粒拍碎,冰糖少許,4碗水煮20分鐘成2碗,一天供仔仔分服,連服3劑,有助殺菌抗病毒.要多飲暖水,幫他拍背,兩餐之間輕拍,拍到有咳表示該處積痰,要拍多兩下,然後飲水,希望將痰涎沖走.
你好芳姐
請問如果無馬蹄可以用什麼代替？身在英國，有啲未必即時買到，我小朋友4歲3個月，連續高燒3日，燒到40.5度，好擔心，另外聽到佢個鼻係”文文”地，呢個湯可以飲嗎？謝謝你！
Cherry:
你可以用紅蘿蔔代替馬蹄.鼻塞待燒退後用8朵辛夷花泡茶服,可加蜜糖.或在睡前用棉紙巾剪成條,浸温鹽水,扭緊幫小朋友通鼻.記得不是棉花棒,是棉紙巾,棉花棒容易損傷小朋友的鼻黏膜的.
芳姐，我仔仔低燒，38.2-38.5，有黃鼻涕同咳，無痰。今年3歲，可以煲咩？謝！
訪客:
你可以用蘆根5錢,雪梨1個,去核,淡竹葉3錢,4碗水煮半小時成2碗供仔仔服,有助清熱退燒.鼻水多可加6朵辛夷花同煮.
芳姐，有無話要煲幾耐？同埋辛荑花洗唔洗最後先落？謝謝！
另外，有食緊西藥，有無話要隔幾耐？
訪客:
煲半小時,辛夷花可以剪碎後下,服西藥後2小時飲.
芳姐，
你好，我女6歲，之前感冒完左，食左藥兩星期，之後有就有好多啖，我呢幾日比左3次喉早比佢食，係余仁生最貴同純個隻比佢食，但都係有啖，我都唔知點解，係有鼻水引起定點呀?但表面睇佢冇鼻水的，但咳時超多啖，又唔識咳吐啖。我而家又焗果皮水佢飲，已經食得好清了
Agnes:
你試用蘇子,萊菔子,辛夷花各3錢入茶包袋煲粥或滾瘦肉湯供服,連服3劑,有助袪痰.
芳姐，您好。我仔10歲，高燒第二天，最高39.4，食藥後38.5，過後又升番，有鼻塞，耳塞，喉嚨不適，但唔係痛，周身骨痛等，今日用4錢淡竹葉煲水飲，但我唔識分風寒定風熱感冒，還可以飲乜作退燒，唔該。
Wangma:
有喉痛多屬風熱症.伴周身骨痛,可用粉葛1斤,赤小豆, 薏米各1兩,陳皮1個,蜜棗2粒煲瘦肉湯服,8碗水煮成4碗,仔仔一天分服2碗,連服3劑,有助解表,止周身骨痛.
芳姐, 還有些問題，現在發燒中，可飲粉葛湯嗎?蘆根薏米煲雪梨合他現狀飲嗎?
wangma:
粉葛湯或蘆根薏米水發燒都可以服用.
芳姐，
您好。我仔10歲，高熱第二天，最高39.6，食藥後38.4，但過後又回升，有鼻塞，耳塞，喉嚨不適，又唔係痛，周身骨痛等，今天我用咗4錢淡竹葉煲水佢飲，但我唔識分佢係風寒定風熱
芳姐你好！我今天是感冒第六天， 只是偶爾咳兩聲 ，但覺得個人手軟腳軟面青青咁(口干， 舌苔白中有些黃 舌邊微紅)，這樣是餘毒未清嗎？ 請問煲什麼湯水好?(有胃口)謝謝！
Cola:
舌邊紅通常是有些肝熱,可能你睡得不好引致,可以用桔餅1個切碎,雪梨1個去核,4碗水煮成2碗服,連服2劑.
你好芳姐，女女感冒有鼻塞，黃鼻涕，幾聲痰咳，請問飲咩湯療？
Kayi:
你可用辛夷花6朵,白蘿蔔半個,雪梨1個,去核,4碗水煮20分鐘成2碗供服,連服3劑.
你好！芳姨，我妹妹懷孕8個月，近期患上感冒，請問可以飲咩湯舒緩？謝謝
Mrs Ho:
你試用紫蘇葉3錢,生薑3,4片,葱白3,4棵,紅糖適量,4碗水煮成2碗,一天分服,連服3劑,有助解表,安胎.
謝謝回覆！請問有什麼湯水，適合孕婦調理，也能一家飲用？
Mrs Ho:
你可以去大眾書局買我本《懷孕天書》作參考,內裡有70多款懷孕適合飲用的湯水及食譜.大多數全家可飲用.
無盧根，用茅根，可以嗎？
訪客:
蘆根在中藥店有售.茅根清熱利尿,涼血止血,蘆根清肺胃熱,生津止渴.兩者雖有不同,但都有退熱功效.可用茅根代替以消.
芳姐：
你好！小囡3歲，上兩星期已經看了兩次醫生，因為咳同流鼻水，起初鼻水由清變濁。今個星期仲發燒，鼻水同咳都未好，咳時有痰聲，但鼻水就變清，所以三星期連續看了三次醫生，現在還吃藥，想問問有什麼食療可給她吃？又可配合西藥。
Shan:
你試用洋葱1個,去衣切塊;蒜子5,6粒拍碎,冰糖少許,3碗水煮成碗半供服,連服2劑,看能否改善?食西藥都可以飲.
芳姐你好！ 小女早幾日發燒肚屙， 好返之後就咳同流鼻水， 睇過西醫啦食咗藥都 仲係咳得好勁同流鼻水， 佢通常係瞓醒咳得最勁同流好多鼻涕， 吐過一次痰出嚟係黃色， 佢而家夜晚咳， 瞓一陣又咳仲咳得好勁 咳到係咁喊 唔知係咪個喉嚨好痛 把聲都有沙， 早兩日見到你呢個湯我煲咗3日畀佢飲， 但係佢都仲咳得好勁， 請問芳姐 我可以煲啲咩畀佢飲？ 佢咳得好用力， 川貝燉雪梨啱佢嗎？ 謝謝！
芳姐，我仔仔歲半，有g6pd ，前排連燒四日高燒，之後出埋玫瑰疹，請問有咩可以增強返個抵抗力？唔該
Siub:
你可以用鮮茅根1扎,紅蘿蔔1個,生薏米1兩,馬蹄6粒,冰糖少許,6碗水煮成3碗供仔仔2天分服,隨量飲就成,有助清臟腑熱.
你好，芳姐，小兒１歲，低燒37.1～37.9之間，有小小痰咳，大喊同訓覺時先有幾聲，沒有鼻水＼
，請問可煲咩湯飲？謝謝
kayi456:
你可用蘆根3錢,生薏米5錢,淡竹葉2錢,雪梨1個去核,金羅漢果1/6個,5碗水煮成2碗,供一天分服,有助清熱退燒化痰止咳.
請問此湯可以連服幾天？
Jenny:
此湯可連服3天.
如果一次煲太多，隔渣放雪櫃第二天飲，可以嗎？
Jenny1010:
最多存放多一天,要隔渣存放,不宜煲3天量.
你好芳姐，仔仔2歲，發佐3日低燒，今日退佐燒，但仲有咳同有啲啖，咳時會咳到想噁甘，早上起身又會流鼻水（有同佢吸鼻水同聞蒸氣），可以煲啲咩湯水佢飲呢？
佢肯飲水，亦多尿屙，但就無屎屙
kiko:
如痰多咳,可用蘇子,萊菔子及甜杏仁各3錢,入茶包袋煲瘦肉粥供食,有助化痰止咳及潤腸.
芳姐你好，仔仔有便便屙，但仲有咳多痰，繼續飲果個湯定轉其他湯呢？
kiko:
多痰及咳可以繼續飲多兩劑.
今日有低燒，可以飲果個湯嗎
kiko:
低燒可用蘆根5錢,生薏米1兩,雪梨1個去核,淡竹葉3錢,5碗水煮成2碗供服,有助清熱退燒.
你好芳姐，我小朋友兩歲⋯⋯早前發完燒後依家好無胃口，咩都唔願意食，又唔肯飲水⋯⋯仲要好扭計⋯⋯請問可以飲呢個湯嘛？謝謝你！
Bernice:
你家小朋友可能餘熱未清,可以服這款湯,連服3劑,有助清臟腑熱,可以煲些小米瘦肉粥供食,小米很健脾胃的,但要加少許白米同煮,否則不夠黏稠.
明白⋯⋯謝謝芳姐
芳姐妳好：
小兒這次連喝3劑川貝陳皮蘋果水，不見起效，日夜都咳，半夜咳得特別利害，現在還有低燒，
在吃西藥，一吃點東西就吐出來，請問有什麼湯水可能幫助小兒，麻煩您了！
劉平:
你試用紫蘇葉3錢,生薑3~4片,甘草1錢,3碗水煮成1碗,連服3劑.有助止嘔,止咳.
謝謝芳姐，我明天去煲！
不好意思，想多問句，燒還沒退，可以喝嗎
劉平:
如燒不高可以飲.
芳姐妳好：
小兒剛剛有肚屙，昨天有做了流感測試，醫生說是普通感冒，麻煩晒！
芳姐妳好：
小兒前晚開始發燒，有點咳沒痰，有吃西藥，昨天早上煲了這款湯水加兩湯匙意米，分3次喝，昨晚不停的咳到嘔了，吐出來是白泡（一點東西都沒吃，只喝點奶）是不是這個湯太涼了，藥效一過又發高燒，上次咳得利害，我燉了川貝蘋果水喝了4次，沒咳了，請問發燒能喝川貝水嗎，或是有其他湯水，請妳幫幫我（小兒有蠶豆症）麻煩妳了！
劉平:
此湯偏涼,如寒咳不宜.可用川貝煲蘋果水,較有益正氣,發燒可飲.痰多加塊陳皮同煮.
謝謝芳姐！
芳姐 請問飲完是否要格兩小時飲?
bbwong:
你指這款蘆根湯?可以分上,下午飲.如服西藥就要和西藥隔2小時飲較理想.
謝謝
你好，芳姐
女女三歲，感冒流透明涕後發燒，現在又要食西藥了，還有燒未退，敏感咳兼感冒咳嗽，她寒底，現在情況能喝以上湯水嗎？康復後如果調理經常吃西藥的身體？最後，可煲什麼湯療提升她的扺抗力？
今次較多問題，謝謝解答！
kayi456:
外感未清,可以用蘆根馬蹄雪梨湯.連服3劑.病好後可以用淮山,茯苓,蓮子,芡實各1兩,陳皮1塊,紅棗6粒煲瘦肉湯,煲2小時,吃些湯料,全家可飲.有助健脾益氣,袪濕,强體質.一星期2劑.
芳姐您好， 我之前問過你小女喉嚨發炎 咳嗽有痰 你介紹 川貝雪梨 陳皮 蒸畀佢飲， 我之後仲有畀佢煲 蘇子、萊菔子、辛夷花佢飲，又煲過 麥冬紅蘿蔔 馬蹄水畀佢飲。 現在冇流鼻水了痰和咳都少咗好多， 係間中有一兩聲。 但係又出現咗其他問題， 佢而家有口氣 脷苔厚和白 同濕疹又發作， 我覺得佢好似仲未清曬咁 請問我仲可以煲啲咩畀佢飲 。萬分感激！
陳太:
口氣大你可煲些雲苓,白朮,扁豆衣水供服,各用3錢,可加麥冬4錢,陳皮1塊同煮,有助健脾袪濕,化痰止咳,連服3劑.
芳姐，本想㷛你介紹的北芪，防風，白术，桂枝湯給囡囡飲，但見她舌頭有厚脷苔及生了痱滋，她還可以現在飲這湯嗎？
囡囡常常生痱滋，而我並無給她煎炸物食用，有甚麼可以幫她嗎？
Margaret:
生痱滋除了熱氣,可能是身體缺乏維生素B族類,或虛火引起.試煲些皮蛋鹹瘦肉粥供食,連食3劑.北茋桂枝湯待痱滋消失才服.
芳姐，你好！我是貓骨。謝謝你之前的幫忙。女兒現已退燒，我想㷛些合適的湯水給她，可否提供一下。另外，她的手腳冰冷，秋冬是否有甚麼湯水可給她補補。
Margaret:
手脚冷可以用北茋,防風,白朮,桂枝各3錢,生薑3片,紅棗6粒,5碗水煮成2碗供服,有助增强體質,改善四肢冰冷.一星期2劑.
芳姐，你好。
想問問以上湯水是否也適合大人。我女兒19歲，患有腦癱。近日發燒，已吃完兩輪抗生素，醫生也認為是病尾。肺清但仍有咳，重痰聲（西醫說是鼻倒流），大便較硬。仍在服用化痰，止咳，收鼻水藥但這兩，三日（黄昏後）又有微燒。這湯水有幫助嗎？份量是否要改。
若有其他更好良方，請提供一下，謝謝幫忙。
Margaret:
此湯你女兒可服,蘆根可用夠1兩,如鼻水倒流加3錢辛夷花同煮.
芳姐多謝你呀， 我再帶咗佢去睇醫生醫生畀咗抗生素佢食 而家就冇發燒喇 但係仲係有好多痰同咳 啲痰 好難咳得出嚟， 同埋仲有少少鼻水 請問仲有啲咩可以煲畀佢飲。 食緊抗生素可唔可以飲， 萬分感謝你！
陳太:
你試用川貝未3錢,陳皮1塊,雪梨1個,去核,2碗水蒸半小時供服.連服3劑,有助清熱化痰止咳.
芳姐您好： 小女快兩歲4日前發燒带佢看咗西醫， 醫生話佢喉嚨發炎， 食咗藥之後 又有好多鼻水同咳， 鼻水係透明的 喉嚨有好多痰但係 又好似咳唔起， 夜晚咳到嘔係咁喊， 啲燒食咗藥就褪 唔食又發低燒 請問可以煲啲咩畀佢飲， 呢款水啱佢飲嗎？多謝🙏🙏
陳太:
這款湯水你可以煲給囡囡飲,有助清熱退燒,燒不退是病邪趕不走,體內作戰,飲此湯可幫助趕走病邪.可加1兩生薏米同煮,薏米能殺些少病毒,細菌.痰多無花果用2粒就夠.
你好芳姐， 小囡（22個月大）發燒持續已三天， 痰多咳不出，特別是夜晚咳得較厲害， 鼻水帶黃粘稠。 可否飲此湯舒緩？謝謝
Roxanne:
你囡囡可能是熱症,試用蘆根5錢,生薏米1兩,甘草1錢,雪梨1個,去核,5碗水煮成2碗供服,有助清熱退燒.
对不起我補充她鼻涕有黄色。谢