利咽消腫—青欖雪梨乾金羅漢果茶
天氣乾燥，如果加上多吃煎炸食物，很容易引致喉痛不適，尤其是一些患有慢性咽炎的人，不妨多用青欖、羅漢果這類利咽生津，又能清熱解毒消腫的食材作茶飲。
秋天雪梨當造，而雪梨乾較易收蔵，所以我會經常買備些雪梨乾，泡茶又得，煲湯又可以，清甜滋潤，能化痰止咳。
今天就用這些材料煲水代茶服，有助防治咽喉發炎，肺燥咳嗽。據研究，青欖含有的一些微量元素，有助防治酒毒，所以飲用此茶對經常飲酒的人亦非常有益。
用料是：青欖10粒，雪梨乾6~8片，金羅漢果半個。
做法：青欖洗淨，用刀背拍鬆；雪梨乾浸洗後去核；金羅漢果拍碎；全部材料用7碗水煮半小時成3~4碗即成。
~ 小貼士：羅漢果我喜歡選用低温烘焙的金羅漢果，它味道清甜可口，小朋友都不會抗拒，而且它所含有的多種維生素及微量元素因低温烘焙而不會消失。此茶為秋冬季節的食療佳品，老少可飲。
此食療適合幼兒歲半嗎？ 初起感冒有發燒可飲用嗎？
心:
感冒初起幼兒可服,隨量飲就成.
你好芳姐，
我由上年12月開始受鼻竇炎困擾（鼻水倒流），個時食左2劑抗生素好返，但今年5月又返發（都係同上次1樣左邊單邊鼻水倒流），左邊鼻入面feel 到有野腫左，今次左面同左耳入面有d 塞，醫生開了2個月唔同抗生素都清唔到底，照了CT 同抽血又正常，但到而家都未清哂（由倒流黃痰1個月變回透明白色），間唔中就會因為鼻水倒流搞到左耳痛同喉嚨痛,好煩惱
回想返第1次鼻竇炎係因為我煲了阿膠湯飲，之後幾日訓唔到覺，覺得個人好熱同頭重，之後就病左。而家都間唔中有呢d 感覺，一飲d 雞湯同食薑就會頭重，覺得個面好熱訓唔到覺，但又會手腳凍，舌頭長期好肥，白同有齒印，大便一係比較硬，一係就好軟身，同成日覺得條脷好”鞋”
請問我應該食/煲d 咩可以清底好返，唔好意思打咁多長🙏🏻
Miya:
鼻敏感很多時都是因為身體較虛弱引致,但你又虛不受補,所以最好用較平和的中藥材調理,例如北茋,杞子,紅棗,麥冬,蘋果煲水代茶服,一星期3劑,如舌苔厚可以煲些雲苓,白朮,扁豆衣,蜜棗水作調理,也是一星期3劑.少吃生冷及肥甘厚味的食物.北茋等各用3~4錢,紅棗5枚左右.蜜棗2枚就夠.煲半小時可飲.
謝謝芳姐，如果成日覺得頭重重，個人有d 熱（明明外國得幾度），但又有d 鼻水同鼻耳倒流，可以煲菊花/羅漢果水清熱嗎？
miya:
你可以煲羅漢果菊花水,加8朵辛夷花可改善鼻水倒流.連服3劑,看能否改善?
芳姐：
你好，請問金銀花煮雞蛋，如寒底是否適合？或加什麼中和?謝謝!
Kitty:
金銀花屬寒涼之品,可加個陳皮.
芳姐早晨請問上次推介艾草生薑粉浸腳,生薑粉在哪裡可買到或自己可否制做呢？因我膝蓋每到打風便痛有沒有幫助，另外艾草可在哪裡買到.
Amy:
艾葉鮮品在一些售賣新界菜或山草藥的檔口有售,乾品在中藥店有售,用5錢就夠.薑粉我在售賣台灣食品的店買的,有種加了蜜糖,有種純生薑粉.
你好芳姐，這幾天咽喉不適，亦感乾澀，進食及吞口水感痛，非常難受… 昨天去看了西醫，只說我似咽喉受損，只能慢慢等它自己復原。 想請教一下芳姐，有咩食療可以加速康復？謝謝回覆。
六六:
你可以飲圖中這款湯,或用青蘿蔔,雪耳,杏仁,無花果煲瘦肉湯服亦對咽喉乾不適有益.平時說話不要太大聲也有幫助.
謝謝芳姐回覆，另外想問飲蜜糖水有用嗎？
六六:
飲純正蜜糖水有幫助的,最好有(10+)左右含活性物質那種更佳.
芳姐你好
請問有沒有推介的純正蜂蜜可買呢？
另外想知道”林柿”是不是濕熱的呢？
謝謝芳姐
玲上.
玲:
我只是去超巿買香港出的蜂蜜,據了解是純蜂蜜,荔枝蜜、龍眼蜜都不錯的.
芳姐 : 你好,
如果 沒用青欖 ,可用什麼代替 ? 謝謝.
姥姥
姥姥:
無青欖可用無花果4~5粒切開用.