By 芳姐 ( 23 2 月, 2011 at 7:36 上午)
· Filed under 外感/頭痛/呼吸道病
經常會買粉葛來煲湯,因為粉葛有開鬱散火的功效.例如胃腸有熱滯,感冒頭痛,項背肌肉拉緊疼痛,血壓高等都可以用粉葛煲湯或煲粥作調理.
用粉葛煲粥能解表退熱,升陽止瀉,除煩止渴.對風熱感冒,發熱無汗,頭痛項强及小兒風熱嘔吐,壯熱頭痛等都有幫助.
用料是: 粉葛3兩,紅糙米(或白米)2兩.
做法: 粉葛去皮,切成小塊,與紅糙米加水煮成濃稠適度的粥便成.隨量服用.
~ 小貼士: 此粥甘香可口,對高血壓頭痛,冠心病心絞痛,脾虛泄瀉都有益處.
Permalink
Cola:
鼻塞可用辛夷花3錢拍碎泡茶服,可加少許薄荷葉同泡.不影響血功的.
芳姐你好,現在我是感冒中,鼻塞得好緊要,可以泡辛夷花茶飲嗎?血壓高陰虛內熱適合嗎?可加些其他什麼材料一起泡?謝謝!
芳姐你好
我女已經發燒5日,一直38-39上下,每日除藥之外,只敢比瘦肉粥同奶佢食,請問可以食粉葛粥嗎?需要加瘦肉嗎?仲有咩方法可以退燒?醫生話係喉嚨發炎,少少咳和白色痰,無其他病徴。
謝謝!
SAN:
粉葛粥有助解表發汗,可以加瘦肉.你可以用蘆根5錢,薏米1兩,雪梨1個,去核,生石膏5錢,5碗水煮成2碗供服,或取藥汁加瘦肉煲粥,都有助退燒.可連服3劑.
fion:
紅米必須浸3,4小時,才容易煲腍.置陰涼乾燥地方就成.
芳姐,請問紅糙米買回來後要如何處理?要浸3,4個小時才可以煲粥嗎?
你好芳姐:
想問為何我先生每次飲粉葛眉豆赤小豆㷛菱魚湯就周身骨痛又話肚痛?今次連阿女飲完都咳埋,仲好多痰,我同個仔都冇事,是否他們太寒底呢?又應該㷛咩湯比佢地飲好呢?
謝謝!
Teresa
teresa:
粉葛是偏涼的,但應該不會令人周身骨痛,因為粉葛能舒緩肌肉緊張疼痛的.痰多咳可以用川貝末2錢燉蘋果1個,加蜜糖少許,2碗水燉45分鐘服,能化痰止咳.
芳姐:
妳好.
小兒13歲,已發燒咳嗽,喉痛第8天,每4小時服退燒藥,第4天服擴生素,無精神,無胃口,昨晚更嘔吐.
請問芳姐,我可以煲以上粥給他食嗎?
我今天煲了淮山生熟意米粥給他食,請問是否合適?
又或者有甚麼食療可以幫助他康服嗎?
因為他現在全身乏力,無精神呢!
謝謝芳姐.
Zoe
zoe:
已在私人廻響中作了回應.
唔該晒芳姐! ^_^
Thanks!!!^^
芳姐: 不好意思, 你說如果白水參假冒花祺參就比較寒涼, 怎麼看得出是否白水參呀? 我買的是50元一兩, 同埋請問阿膠是否燥架?
priscilla:
最好去專賣美國花旗參的店買.揀好了才叫他們切薄片,就一定是正貨.阿膠不算燥,但較滋膩,脾胃虛弱者慎服.
芳姐,唔好意思,仲有少少問題。
我上個星期比阿仔吃左3日玉屏風,自己煲的,因為他好容易感冒,係唔係每個星期都要飲架?
ah ching:
如果你仔仔體虛,可以每星期飲2次.至少感冒為止.
芳姐你好呀!
我仔4歲半,有鼻敏感,呢幾日訓到半夜,大概3,4點就會鼻塞,招早個鼻有鼻屎黃黃地,但清潔完就無啦,就係朝早先有。同埋起身有幾聲咳,好少痰聲,仲有他話喉嚨痛,吞口水時痛,頸側兩邊有少少痛。好多問題,好想問問我可以煲的咩比我仔飲呀? thank you ar!!
ah ching:
你試用鮮龍脷葉1兩,羅漢果半個,紅蘿蔔1個,用5碗水煮1小時成2~3碗供服.有助改善喉痛咳的症狀.鼻塞可泡幾朵辛夷花供飲.
芳姐: 您好!
我近來幾日, 爤嘴角(右邊) , 張開口就會痛, 請問有什麼方法可以令它儘快痊癒呢?
是否身體出現問題, 所以爤嘴角呢?
麻煩哂芳姐! ^_^
Amy:
你可以去西藥房買枝德國出的治口瘡膏作外塗,很快會好.牌子’MERZ’ ad-muc .
有時陰虛火旺都會口舌糜爛的.可以煲些皮蛋,鹹蛋瘦肉粥服.
芳姐:
你好!請問免疫系統出現問題,免疫系統指數很高,聽講唔可以食金菇和燕窩,咁有什麼食物和湯水可幫助….謝謝!!!! yc
YC:
免疫系統指數高,不要食太補益,及能增强免疫力的食物或中藥材.你試每天榨杯鮮蔬果汁飲,如果受得,[五青汁]是很適合你的.即青瓜,青蘋果,西芹,青椒,苦瓜各適量榨汁.每天早上一杯,對癌病,紅斑狼瘡,免疫系統指數高都有幫助.
芳姐: 上次問過你,有個中醫教我用花祺參粉燉阿膠, 你也說可以行氣活血, 但我想問花祺參會唔會涼呀, 用中醫教我既份量都比較多, 500克阿膠加8兩花祺參, 燉出來後每天兩匙加水飲
Priscilla:
真正的花旗參不會寒涼,如果是白水參假冒的就較寒涼.既然你看了中醫,對方教的份量也可以試試,各人口味不同,你認為合口味就可以.
芳姐:
請問為什麼會有盜汗?另雞骨草一星期最多可飲幾次?飲得多又會唔會導致盜汗的產生呢?謝謝
琪琪:
通常陰虛就容易盜汗.雞骨草有清肝解毒之效,性涼,故一星期飲1~2次就夠.對盜汗没影響的.
芳姐:
如果只吃粥,沒有吃粉葛,功效是否都一樣呢?
大概煲一少時?
Cara
wyccara:
單吃粥都可以,但吃些粉葛療效更佳.
芳姐,
請問乾的海參應該點處理, 浸水多少天? 另外想拿來煲竹絲雞湯, 怕燥需加些甚麼好的呢? 多謝你幫忙 ?
apple:
海參先浸水半天,投入沸水中煮20分鐘,焗水1小時後用清水再浸1晚,第二天開肚去腸,洗擦乾淨後再投入沸水中煮20分鐘,焗水1小時,再用清水浸多一晚就可以分包入冰格存放.可以配沙參,玉竹,杞子煲竹絲雞湯,滋補養顏,不燥火的.
芳姐,
你好! 想請教粉葛, 蠔豉, 瘦肉, 淮山, 眉豆, 陳皮, 蜜棗, 薑. 這個配搭是否可以降火的. 因近排常夜睡又吃煎炸年糕, 舌的一邊又有點痛, 請問還需加些甚麼否 ? 麻煩哂你!
CC:
你提出的湯水能降虛火,也有利水袪濕之效.對口舌生痱滋有幫助.
芳姐: 請問唔用紅糙米可唔可以用其他米代替?
Amy:
可以用其化米代替,没問題.