By 芳姐 ( 26 10 月, 2011 at 7:05 上午)
· Filed under 外感/頭痛/呼吸道病, 老人病/骨傷/關節病
年紀老的人容易痰多,尤其是有吸煙習慣的人,多數會患上慢性氣管炎,甚或肺氣腫,症狀是胸悶氣喘,噯氣,腹脹等.
萊菔子是蘿蔔的種子,有消食化積,袪痰下氣功效.對咳嗽痰多氣喘者甚為有益.配芝麻煲粥,有化痰行氣,止咳平喘,消食等功效.適合老年性慢性氣管炎者服用.
用料是: 萊菔子5錢,黑芝麻5錢,白米2兩.
做法: 萊菔子,黑芝麻白鑊炒香,研末,與洗淨,加了少許油,鹽的白米同煮成粥,隨量服用.
~ 小貼士: 此粥對痰多咳嗽的小兒都適合,小兒每天吃一碗便夠.
Permalink
芳姐妳好,请指教
我家人医生话氣管擴張,有菌,白血球過低,
要在医院里 七日抗生素治療,
咁之後有什麽湯水調理呢?
麻煩芳姐了🙏🙏
Yan:
家人出院後可以用北茋,黨參各3錢,雪耳3錢,南北杏5錢,無花果4粒陳皮2個煲豬展湯服,有助增加白血球及對氣管有益.
多谢芳姐
真是辛苦了👍👍
芳姐老師好呀!吾好意思
原來係白血球高
不是低呀😅麻煩了芳姐了
訪客:
身體出現炎症很易白紅球偏高的,就不宜用黨參,北茋一類補益中藥了.有咳,氣管擴張,可以用鮮魚腥草1兩,桔餅1個煲水20分鐘代茶服.
芳姐老師
谢谢妳👍👍
芳姐你好,90歲老人家年年身體檢查身體一向幾好,無三高問題,係有時冷親吓會咳嗽成個月,今次痰多咳嗽了成差不多兩個月,西醫睇了兩次都話佢個肺無事,醫生开了咳藥好少少姐但就好倦成日瞓,所以家人吾想佢食咁多西藥,請問芳姐有咩介紹可以幫到佢?佢好多白痰咳出黎,已經吾比佢食生果。謝謝🙏
Wong:
你試用法夏,茯苓,白朮各3錢,陳皮2錢,生薑3片,紅棗5粒,去核,5碗水煮成2碗供服,連服3~4劑,有助袪痰止咳.
芳姐,
阿仔最近成日翻發氣管炎/敏感, 有咩日常湯水或食療可以改善, 外出都有常備外套圍頸, thanks!
豆丁媽:
川貝能減少氣管痙攣咳嗽,你可用川貝末3錢,蘋果1個,去核,陳皮1塊,4碗水煮成2碗供仔仔服,連服3劑.
芳姐,啱啱陀 b 幾周感冒,食乜好呀?本身底寒架。喉嚨又痕,鼻水時白少黃又流,謝謝你
訪客:
你試用紫蘇葉3錢,生薑4,5片,紅糖少許,4碗水煮成2碗服,有助止咳,安胎.
謝謝芳姐
芳姐,我照你方法用蘇子萊服子煲瘦肉粥,bb 肯食,但食緊粥都成日咳,搞到佢自己都唔想食太多粥。跟住,我就用蘇子、萊服子、麥冬、甘草、羅漢果、菊花銀花少少、辛夷花、桑葉嚟煮水沖奶佢飲,佢又肯飲,但無落瘦肉,可以嗎?
因為佢成日捽眼,鼻水流過不停,成日鼻水倒流打鼻鼾。而家一瞓醒朝早同半夜咳,半夜咳有痰聲,又成日瞓唔到,又出汗,咁仲可以飲啲乜呀?
洋蔥蒜頭都有飲過。同埋佢唔識吐痰,見佢啲痰到口又吞番落去,有乜方法可以咳出痰呀?
蘇子、萊服子、麥冬、甘草、羅漢果、菊花銀花少少、辛夷花、桑葉嚟煮水係咪可以繼續煲呀?飲左都有3日啦!謝謝你。
佢日頭長流鼻水,我煲過辛夷花,bb 唔肯飲,佢不留少飲水,唔肯飲,呢啲天氣17、8度,好熱都好,佢手仔都係凍。
鮮龍脷葉石黃皮青㰖蜜棗湯,唔肯飲
再轉鮮龍脷葉枇杷葉烏梅湯,都唔肯飲
陳皮1塊,白朮4錢,茯苓5錢,生薑2片煮粥,都肯食。
而家俾蘋果雪梨水,佢都抗拒飲。夜晚瞓覺又打鼻寒,嘈到連我都瞓唔到。
仲有咩湯水可以幫佢呀?謝謝你
訪客:
你試用洋葱1個,蒜子5,6粒,4碗水煮成碗半,供一天服,可加少許冰糖,好味些.試看BB肯不肯飲?
芳姐,想問下蒜子5粒,係買一個蒜頭,切左出嚟要5片?定係我買5個蒜頭呀?我通常唔用蒜頭,所以唔知5粒意思,謝謝你
訪客:
是5瓣蒜子.如獨子蒜用2~3粒切片就成.
謝謝芳姐回覆,芳姐好勤力,咁早覆我,我琴晚走去買左5大粒蒜頭,好彩未煮,問左先咋
芳姐,我照你方法用蘇采萊服子煲瘦肉粥,bb 肯食,但食緊粥都成日咳,搞到佢自己都唔想食太多粥。跟住,我就用蘇子、萊服子、麥冬、甘草、羅漢果、菊花銀花少少、辛夷花、桑葉嚟煮水沖奶佢飲,佢又肯飲,但無落瘦肉,可以嗎?
因為佢成日捽眼,鼻水流過不停,成日鼻水倒流打鼻鼾。而家一瞓醒朝早同半夜咳,半夜咳有痰聲,又成日瞓唔到,又出汗,咁仲可以飲啲乜呀?
洋蔥蒜頭都有飲過。同埋佢唔識吐痰,見佢啲痰到口又吞番落去,有乜方法可以咳出痰呀?
蘇子、萊服子、麥冬、甘草、羅漢果、菊花銀花少少、辛夷花、桑葉嚟煮水係咪可以繼續煲呀?飲左都有3日啦!謝謝你。
訪客:
你講的材料可以用,繼續飲2~3劑.你bb可能是過敏體質,有鼻敏感,眼敏感,如果bb已歲以上,可以用玉屏風散沖劑,加少許菊花,辛夷花6朵一齊沖泡,一星期2劑,有助增强體質, 改善敏感.裕華,農本方有[玉屏風散]沖劑賣.主要材料是北茋,防風,白朮3味中藥材.
你好,芳姐,bb 15個月大,佢之前睇完西醫,食完氣管消炎藥,醫生話氣管無再發炎,啲痰出返條氣管,佢話而家病情減輕左,係普通傷風感冒咳嗽,有食西藥。但夜晚半夜有時咳醒,日頭都有咳,bb 唔識吐出痰,聽得出勁多痰
訪客:
你可以用蘇子,萊菔子各3錢,入茶包袋煲瘦肉粥供BB食,有助袪痰止咳.如咳多亦可用洋葱1個,去衣切塊,放碟中,隔水蒸20分鐘,用湯匙壓榨洋葱汁供服,亦有助止咳.
等我照住整俾 bb 食,謝謝芳姐
青檸:
你試用川貝3錢,蘋果1個,去皮,去核,陳皮1塊,4碗水煮成2碗服,連服3劑.
想問下氣管炎,有鼻水有痰飲咩湯水好,痰時黃時白,日間有咳,晚上咳得勁連睡覺都會咳醒!
已經食緊西藥,但都係咳得好多!
Thx~芳姐
POE:
肺炎可以用木瓜雪耳湯供服,小朋友用半個木瓜,或煲好全家服,囡囡一天分服2碗.
芳姐仲想問多些,我朋友囡囡肺炎康復中 ,是否煲同一個木瓜湯比佢飲?
Poe:
你可以用木瓜1個,雪耳2錢,百合1兩,南北杏1兩煲瘦肉湯,全家可服,有助潤肺,清肺熱.
芳姐
我囡囡岩岩氣管炎康復,想問我可以煲什麽比佢補下,同防預
謝謝
MAN:
你指烏梅這款茶?由於廻響太多,你必須講明是哪款推介的湯或茶才成!這款茶主要是止咳,收鼻水為主,如只是氣管炎,無需加辛夷花.川貝能減少氣管痙攣,可以用川貝末2~3錢蒸燉蘋果(去皮,去核)1個,2碗水蒸半小時,可加蜜糖,一星期2~3次,至氣管毛病改善為止.
芳姐
係吾係大人,小朋友都可以飲得,我家姐個仔,五歲都氣管炎,天氣一變就好敏感會不停咳,中,西醫生都睇過都冇好過,都會成日會咳
MAN:
你試用烏梅2粒,菊花,桔梗,麥冬,辛夷花各3錢,甘草1錢,5碗水煮成2碗供服,連服3劑.有助袪風止喉癢,收鼻水.
你好芳姐
我先生這幾天不停咳嗽,睇左醫生話喉嚨發炎,但是又似氣管炎,一訓落床就會咳得好勁有流鼻水,成日話喉嚨好痕想咳,不停食西藥冇效,請問有咩湯水係可以適合距飲,Thanks
yan:
你試用北茋,防風,白朮,桂枝各3錢,浮小麥5錢,甘草1錢,紅棗6粒,5碗水煮成2碗服,一星期2~3次,至症狀好為止.此湯能增强免疫力,袪走寒氣,止虛汗.
補充:我還會覺得寒,氣喘,起床標汗。
你好芳姐,
我有氣管擴張,生完第二胎後,反復咳嗽、有看中醫一年多了,時常好了8成,又感冒,又咳番
中醫說我身體差,現在長時間吃中藥,但效果反復,想問有什麼食療或湯水,對我有幫助。我還有睡眠差,有便秘。謝謝
新手媽媽:
有微燒表示病邪未走,要看醫生吃藥,不宜用補益品.可以用老黃瓜1個,赤小豆,扁豆,薏米各1兩,陳皮1塊煲瘦肉湯,全家可飲,仔仔一天飲一碗.可連服2劑,待燒退了可以用淮山4片,隔晚浸軟,加雞內金2錢,生薑2片,陳皮1塊,紅棗6粒煲粥供食,一星期3次,有助健脾强身,開胃消滯.
有什麼食物應注意, 如果小朋友反覆咳, 好佐啲又返轉頭. 唔該!
細仔9個幾月, 近個月經常病, 人好弱又瘦。不是傷風感冒就是肚潟, 現在仲有慢性支氣管炎, 無食欲, 一咳止嘔, 有微燒, 可以我什麼的食療或湯水介紹比我,病後又應如何療理? 謝謝
訪客:
你試用川貝3錢,白果10粒,去芯,南北杏1兩,陳皮1塊,無花果4粒,雪梨2個,去芯,煲瘦肉湯服,有助止咳化痰定喘.
芳姐: 您好!
我父親剛因肺炎入院, 食完2個療程藥後. 停藥不到兩天, 又因為咳 (有白痰) , 喉嚨痛 (聲音沙), 喉嚨癢, 有鼻水倒流情況再要服西藥. 他非常怕冷, 因肺部幾年前做過手術,失去部份肺功能. 容易有氣喘. 因為已病了兩個多月, 胃口極不佳, 已消瘦了不少. 佢自己已有戒口, 只飲魚湯, 水果只吃蘋果. 有什麼湯水或食療可以幫到他.
謝謝!
唔好意思呀芳姐, 想問清楚, 剩係要北杏就可以了? 唔洗要南杏??
Cheer:
只用北杏就成.
明白! 謝謝芳姐! 並祝龍年進步, 身心康泰!
Cheer:
謝謝!^^
再次謝謝芳姐的建議! 即這種飲法就不用煮的, 只是用熱水沖焗就可以了?
Cheer:
可以用熱水沖焗都得,但紅棗,南棗要切粗絲才易出味.
謝謝芳姐的提議, 但媽媽的糖尿指數是”臨界”的, 那需要適宜份量減少? 還是不建議喝這個?
Cheer:
令堂糖尿指數壓界,就不要用蜜棗,紅棗用4粒,南棗2粒沖水焗茶飲,可以加些北杏2~3錢同泡.
芳姐你好! 不好意思, 又有問題想請教! 媽媽最近的情況本來都好了很多, 但早幾天因為鄰居打掃而吸入一些古怪氣味, 受到刺激後又再咳了. 已看醫生, 但長遠來說, 似乎因為氣管已變得非常敏感, 易受外來東西影響, 你教煲的粥(陳皮、白果、核桃肉、紅棗)已常吃 (但後來加了瘦肉, 因為媽媽說味道太”寡”了), 想請教除了這個粥外, 還有沒有合適的湯水/煲可用作調理呢? 如材料較為”普遍”就更好, 因為媽媽對於坊間很多中藥材料感到猶豫, 怕買到假貨! 謝謝芳姐!!
Cheer:
你可以試用三棗茶供令堂服用,只要她没有糖尿病就可經常飲用.6粒紅棗,2粒南棗,1粒蜜棗,去核切片,用3碗水煮15分鐘即可飲用.或放入真空壼,沖入開水後焗15分鐘飲用,可沖泡至淡,一星期可飲3,4次.
知道了芳姐! 因為聽到佢咳, 都為佢辛苦, 但係又無乜野可以做到. 佢又對好多中草藥無乜信心, 怕買到假貨, 所以自不然就更加小心, 怕令到病情又惡化! 謝謝芳姐!
芳姐, 不好意思, 又有問題想請教! 因為媽媽不喜歡隔水蒸梨子吃, 所以我提議她不如用雪梨煲湯, 這樣便可以吃梨子, 又可以潤一潤. 但我擔心梨子性質寒涼, 不知是否加雪耳、無花果、南北杏、瘦肉便可, 能否加蘋果呢? 她這兩晚的情況有所改善, 半夜咳醒一至兩次, 也有吃你教煲的粥調理. 我真的怕她在不知情的情況下吃錯了東西, 使情況又變壞! 因為西藥已吃完一個療程, 暫時都不想再吃西藥, 一來覺得效用不算太大, 二來因為她的身體不太好(有肝炎), 也不想吃太多西藥.
謝謝!!!
Cheer:
如怕寒涼,加一塊陳皮,一個蘋果同煮就成.只要逐日改善應該很快康復,不用太過担心的.
謝謝芳姐!!
芳姐, 又有事情請教! 你提到可以燉熱梨子來吃, 係咪就咁燉熱就可以? 隔水燉? 無須加入任何其他東西嗎? 例如南北杏等等? 因為不能吃蔬果, 所以媽媽的大便不太暢通, 希望可以吃點生果, 幫助排便. 而且可能因為樓上有人裝修, 她又咳得厲害了… 不知有甚麼可以做到. 謝謝芳姐!
Cheer:
可以蒸熟梨子,木瓜,無花果乾,杮餅來吃,有助排便及止咳,加入其它東西亦可,那就要加半碗水,例如加北杏3錢,川貝末3茶匙飲湯吃湯料.主要是令堂不宜吃生冷生果,蒸熱來吃會有益很多.
明白了! 芳姐謝謝你!!
謝謝芳姐! 想請問你建議的分量, (白果15粒,去芯,南北杏1兩,核桃肉1兩,紅棗6粒,陳皮1塊煲粥供服) 是供幾多人吃的呢? 核桃肉有沒有分新鮮的還是乾的呢? 謝謝!!
Cheer;
此粥可供2人服用.核桃肉可以用有衣那種乾品.新鮮的你指有殼那種?當然可以.
芳姐, 你好! 近幾個月媽媽經常夜晚出現咳嗽情況, 本來情況不太嚴重, 一般都是晚上才有喉嚨痕癢, 然後咳醒. 曾看過西醫, 吃過藥, 都差不多好了. 但後來, 不知是因為因為最近天氣轉, 這幾晚情況又變得嚴重, 一訓落床就會喉嚨痕. 另外, 她亦留意到如果晚餐食菜(例如芥蘭此類較難消化的蔬菜)之後, 當晚又會容易咳. 今日再看醫生, 醫生說她的肺很清, 但說她喉嚨有點腫, 而且按情況診, 就她有輕微哮喘. 媽媽一向都沒有這個問題, 不知是否這次久咳未愈演變而成的, 有點擔心. 醫生已開了相關藥物治療. 想請問如果正在吃西藥的同時, 有沒有合適的湯水可以一同服用, 以作舒緩呢? 以及有什麼水果/蔬菜適合吃呢? 她的症狀: 痰不算多, 表示喉嚨經常都感覺痕癢, 所以想咳, 沒有怕冷, 也沒有頭痛. 食慾也正常, 但有戒口, 例如生冷食物, 水果都沒有吃. 醫生也有提過她的情況也有可能是由鼻敏感引起的. 謝謝芳姐!
Cheer:
老人家咳嗽大多數肺、脾、腎虛引致,故你試用白果15粒,去芯,南北杏1兩,核桃肉1兩,紅棗6粒,陳皮1塊煲粥供服,有健脾胃,補腎,潤肺,止咳定喘等功效.可經常煲來服,至症狀好為止.此粥全家可食,令堂最好吃些粥料,可加快康復.生冷食物的確少吃為佳,可以燉熱一些木瓜或梨子食用.橙和柑暫時不要食,會惹痰惹咳.
芳姐,
重有 瘦肉 ! 唔好意思! 麻煩哂 !
芳姐,
你好! 喉嚨癢住來咳, 好痕已個多月, 中醫看了十數天好了半成, 最後看西醫好了八九成, 但今日天氣下又再狂痕咳. 真好頭痕又好煩悶! 媽記煲了這個湯, 不知會不會越飲越咳. 故想聽聽你意見.
先謝過你許多愛心的幫忙 !!!!!!!!!!!!!!!!!!!!!!!!!!!
[ 蘋果, 淮山, 栗子, 海玉竹, 石黃皮, 南北杏, 無花果, 蜜棗, 陳皮, 薑 ]
Sum:
喉嚨痕可能氣管敏感,可以飲你所提的湯水,有潤肺止咳之效.喉嚨很痕多屬風重,可以用防風,白芷,桔梗各3錢,甘草1錢,5碗水煮成2碗供服,有助消風止咳.
芳姐:
有關說法煮熟豬湯骨或肉類不可以保留在湯煲過夜,因為它們有化學變化會釋放酸性,長期飲用會增加患上尿酸病症?Cheers.
House wife:
豬肉或骨留在湯煲內,如果第二天飲完,問題不大,不過湯渣最好撈走的.蔬菜,木耳尤其是必須撈走,以免發生化學變化,產生致癌物質.
芳姐
我老公去西藏買了一點西藏紅花回來, 可以怎樣用及有何功效。
聽說每次拿3條泡水飲,可以天天飲可以嗎?會否燥熱
謝謝
LI:
西藏紅花近年貴到不得了,過千元1兩.可以拿幾條,每天泡茶飲,不燥熱的.能通血管,預防心血管疾病.
芳姐, 早晨.
想問吉林人參是否很燥, 作為老人家日常保健, 燉水鴨可以嗎?或可加些什麽東西一起燉呢?家母年93. 請指教.
燕燕:
吉林蔘性質類似高麗蔘,都很温補的,用量少老人家可以.配蓮子,百合,紅棗燉水鴨很補益.人蔘用1~2錢就夠.
芳姐,
花旗參會否寒的?
erica:
正宗花旗參並不寒涼.假冒的水參就寒涼.
芳姐早上!
經常性失眠,看中医还是西医好,多謝
meimei:
中醫治療失眠是較安全可靠的,當然慢一點.
芳姐: 您好 !
我媽媽有咽喉炎 ,看了中 西醫都唔得 ,經常咳 ,而媽媽的胃也不太好 ,有慢性胃炎,又虛不受補 ,請問芳姐有什麼湯水可以適合媽媽 . 麻煩芳姐 !
haze:
你試用桔梗2錢,甘草1錢,3碗水煮成2碗供服,有清肺生津,利咽功效.胃炎不適都可用.
芳姐:
請問感冒有青鼻水、白痰但陪有少許王痰,應屬寒/熱咳?(喉嚨好痕)應煲什麼飲?謝謝.
j1:
喉嚨痕,痰白清稀多屬寒咳,可以用橘紅5錢,紅糖適量,2碗半水煮15分鐘成2碗供服.
芳姐,
感冒咳有白色痰可不可以飲這個湯, 今晚媽咪煲了這一個湯, 但又怕飲食錯誤, 引致感冒咳難好.
想問清楚合不合飲為妙, 因為前前後後都咳了個多月, 認真怕怕又感到煩呀,
新鮮土茯苓/牛大力/蘋果/栗子/豬展/赤小豆扁豆生意米/陳皮蜜棗湯.
先謝謝你的幫助!
yy:
這個湯可以飲.牛大力對肺熱咳嗽有幫助.
芳姐, 請問萊菔子可在那裡買到? 謝謝!
Amy:
萊菔子在中藥店有售.
芳姐,
聽人說花旗參煲瘦肉是好好的, 是否? 需不需要加其他的材料呢? 要煲多長時間呢? 謝謝了?
erica:
正宗的美國花旗參益氣養陰,生津.可以配沙參,玉竹,無花果等煲瘦肉湯,對陰虛內熱者十分有益.此湯煲2小時,但花旗參含揮發油,宜切薄片後下,滾5分鐘就成.