By 芳姐 ( 22 6 月, 2014 at 6:16 下午)
· Filed under 肝胆,腎,腸胃病
無花果對腸胃有益,在一間海味店見有土耳其的無花果,扁扁的像算盤子,味清甜,作零食或用來煲湯、泡茶都好味.配淮山,扁豆來煲牛肉湯,對慢性腸胃炎患者有幫助.
慢性腸胃炎病程緩慢,可長期反覆發作,多數患者食慾減退,大便泄瀉,每日數次. 若日久不愈,每見消瘦,貧血,面色萎黃,體倦乏力等.
淮山有健脾胃,補中益氣,止瀉等功效. 扁豆能健脾化濕,止消渴. 芡實健脾益腎,止瀉. 無花果健胃止瀉,袪痰理氣. 四物與牛肉同煮湯,有補益脾胃,止瀉的功效. 對慢性腸胃炎,慢性結腸炎屬脾虛者很有療效.
用料是: 淮山1兩, 扁豆2兩, 芡實1兩, 無花果3~4粒, 牛肉6兩.
做法: 牛肉洗淨,切片; 淮山,扁豆,芡實,無花果洗淨; 將全部材料放入煲內,用7~8碗水煮約2小時成4碗即成.
~ 小貼士: 扁豆可用白鑊炒香,能加強止瀉的功效. 此湯能健脾胃,袪濕,止消渴. 可作為家常食療,對糖尿病患者亦非常適合.
Permalink
你好,芳姐
小兒兩歲半,四天前發燒,時高時低,未知是否出牙發燒,現已退燒。這兩天都有痾稀便,有時水狀便,兩至三次。但精神及胃口良好,請問可煲什麼湯療緩解或調理呢?謝謝
kayi456:
你可以用炒扁豆,芡實各1兩煲粥供仔仔食,有助健脾實便.
仔仔不喜歡吃粥,請問有湯療適合嗎?
kayi:
可以用炒扁豆,芡實,淮山,蓮子各5錢煲瘦肉湯供服.
你好,芳姐:
亞仔前二天腸胃炎好番!所以早餐吃了牛奶麥皮,又肚瀉番及有少許肚痛!請問有什麽湯水食療!
見到條舌頭好白,嘴唇邊都有點白,體温經常係37.4 至 37.7之間!謝謝
May:
暫時不要給牛奶仔仔飲,可以煲些紅棗小米粥供食,較健脾胃,可以吃2~3天,用量隨意.
芳姐:
請問紅棗要幾多粒呀?及是否白米加小米一齊煲呀?
謝謝
May:
白米加小米一齊煲會軟綿易入口,紅棗用5粒.
你好 本人有腰椎间盘突出 有人介紹我田7生地黃紅祖瘦肉湯可以止痛 有點功效 但喝了之後肚一直攪又腹瀉 應該是我本身脾虚不應喝生地 請問有什麼可以取代生地 或者可以添加什麼藥材可以調理脾胃
因为不想浪費田7 很貴
浩浩:
可用雞血藤5錢代替生地.有活血通絡功效.
芳姐: 由於湊女長時間休息時間不足而影響腸胃絞痛痾肚,可以煲咩調理?而我仲喂緊人奶,因此奶量亦下跌!有無方法同時進行催乳?感激回覆
cherry:
你可以用青木瓜1個,無花果4粒,花生1兩煲瘦肉湯服,8碗水煮成4碗,可供2天飲.有助催奶,舒緩腸胃不適.連服2劑(飲4天).
你好,芳姐,大女吃飯時容易有反胃作嘔,肚帳帳的,有肚風,胃口不好,兩天沒大便,沒肚瀉了,請問可煲什麼給她?細仔胃口麻麻,他也可飲嗎?謝謝!
Kayi:
仔女胃口欠佳,可以用猴頭菇2朵(要出水才不會有苦味),淮山1兩,生薑3片,紅棗6粒煲瘦肉湯供服.反胃可以滾些糖薑茶供服.
你好,芳姐,囡囡五天前感冒痰咳 ,前天開始嘔吐,今天開始肚痾 ,未知是否感冒菌入腸,已睇西醫了。現在她只想吃濃味或甜味的食物,我應該煮咩或煲咩俾佢飲。16個月大細仔飲得嗎?他也被傳染了。請指教,謝謝!
kayi:
你試用蒜子6~8粒,拍碎,生薑4片,洋葱1個,冰糖少許,4碗水煮20分鐘成2碗,囡囡及囝囝一天分服.有助殺菌止嘔止肚瀉.連服3劑.
好番之後可煲咩開番胃口同調理身體俾兩小孩飲?謝謝!
kayi:
你可以用淮山,蓮子,茯苓,芡實各1兩,陳皮1塊,紅棗6粒煲瘦肉湯,全家可飲,有健脾止瀉,益氣强身等功效,一星期2劑.
芳姐,你好!如果懷孕兩個月, 細菌性肚屙可以飲什麼?
我上星期四開始第一次肚屙, 略有好轉後進食多一點, 前天又立即食咩屙咩。
醫生要我禁食, 只可飲保X力水1:1加水稀釋。我已禁食兩天, 身體無力。
昨晚試吃了些白粥, 沒有肚屙了, 不過胃有少少痛。
現在可以如何補充一下?
謝謝你!
Hannah:
改作了回覆,可用蒜瓣7~8粒拍碎滾糖薑水飲.
芳姐,你好!?想問下我肚屙呢個湯都可以飲用 同有止瀉功效??謝謝你
Nat:
肚瀉可飲此湯.但如果屬細菌性痢疾要用蒜子7~8粒滾莧菜瘦肉湯才能殺菌.馬齒莧療效更佳.
芳姐,你好!如果懷孕兩個月, 細菌性肚屙可以飲什麼?
Hannah:
細菌性肚瀉,可用蒜子7~8粒,拍碎滾糖薑茶飲.滾15分鐘就成.糖薑用量隨意.
芳姐,想問下如果剛退燒 現在喉嚨很痛 有點肚屙
此湯可飲用嗎?
yan yan:
剛退燒喉痛不宜飲這款湯,宜用羅漢果1/4個,雪梨1個,去核,無花果4粒,4碗水煮成2碗服,連服3劑,有助改善.
Rachel:
此湯幼兒可以飲.
芳姐,你好
小朋友1歲肚疴,可飲這款湯水嗎?
謝謝芳姐教路!
Vivian:
可以用蜜棗代替.
這個准山扁豆湯,如果沒有無花果,可不可以用蜜棗代替?
connie:
椎間盤突出湯水食療作用有限,膝頭又痛,你們平時可以多用補肝腎,强筋骨之湯品,可防症狀惡化.用巴戟,杜仲,肉蓯蓉各5錢,黑豆1兩,紅棗6粒煲豬尾骨湯,8碗水煮2小時成4碗,你們一天分服,一星期3~4劑,至症狀改善為止.
芳姐,
我老公腰痛,醫生話腰椎間盤凸出,有咩湯水可煲黎飲?仲有膝頭又有時痛,又可以煲咩,而我呢就腰有時比較緊少少痛,但我用熱水整左又好的,咁又可以有咩煲,謝謝!
芳姐,一到夜晚喉嚨就好痕,又咳,煲啲咩飲會好呀?
好的,芳姐,謝謝
芳姐,你好,不好意思,下面茶
炒扁豆1兩,芡實5錢,白朮4錢,防風3錢,白芍4錢,甘草1錢,陳皮2錢,5碗水煮成2碗供服,
是煲一個半小時還是30分鐘?大火滾後用中慢火
小豬:
炒扁豆,芡實要煲耐些才可以食,要煲個半小時.
小豬:
半個鐘是大火滾後用中慢火.
好的,芳姐,個半鐘是大火滚後小火嗎?
芳姐,
我琴晚了這湯水飲,今日飲左,唔知點解喉嚨成日好痕係咁咳,好似咳得犀利左咁,唔知問題出左係邊
Connie:
你可能風咳,不宜用太甜的蜜棗,桔餅.你試用烏梅3粒,甘草1錢,菊花3錢,3碗水煮10分鐘服,可再焗多一次水飲.連服3劑.有助袪風止咳.
芳姐,
想問以下湯水係咪都有止咳作用
青欖10元,桔餅2個,瘦肉20元,陳皮1塊,南北杏適量,可加蜜棗2粒
CONNIE:
你試用五味子4錢,麥冬,北杏各3錢,甘草1錢,3碗水煮15分鐘服,連服3劑,有助歛肺止咳,防治神經衰弱.
芳姐,
仲有有時咳到喉嚨好痛
芳姐,
我咳左1星期,睇左醫生都未好,而家夜晚咳到瞓唔到,喉嚨好痕攪到好想咳,又有痰,仲有有時瞓得5係幾好,成日發夢,想問有無咩湯水可以煲
好的,芳姐,請問要煲多小時間
小豬:
煲個半鐘左右即成.
小豬:
腸胃炎剛好可以飲此湯.
芳姐,你好,下面茶腸胃炎剛好能不能飲用
炒扁豆1兩,芡實5錢,白朮4錢,防風3錢,白芍4錢,甘草1錢,陳皮2錢,5碗水煮成2碗供服,
maria:
如水太多,可以用普通煲大火煮半小時,讓水份減少.總之一天飲完就成.
芳姐, 我用真空煲煲完2小時後還有很多水, 會否影響功效? 應否減少水份或加多材料份量.
MANDY:
你可以煲這款湯.口乾可以加些玉竹和麥冬各3錢同煮,牛肉改瘦肉較佳.
,因為之前腸胃炎,宜家食緊西藥,仲有小小肚痛,可以煲這個湯水,清下熱嗎?因為食藥食到口乾,睡覺不好!
MANDY:
你試用生薑3,4片,紫蘇葉3錢,紅糖少許,3碗水煮10分鐘服,有助解表,止嘔.
宜家就無屙,不過一食飯就胃脹想嘔,有些小頭暈,無力,有小許鼻水,可以煲什麼湯水?
mandy:
你可以用炒扁豆1兩,芡實1兩,陳皮1塊煲粥或瘦肉湯服,連服2劑.
前幾日肚痛肚屙!宜家就無屙,不過肚仲有痛!邊種湯岩飲?
可否用豬🐷肉?
Mandy:
可以用豬肉的.
JESSICA:
没有發燒可以飲此湯.
請問芳姐流清涕可飲這個湯嗎 ?
御膳尚宮:
牛肉茶簡單的是用絞碎牛肉4兩,隔晚用大碗水浸放雪櫃,第二天牛肉連浸的水一齊放燉盅蒸燉1小時,加調味即可飲用.能補血健脾,助吸收.
芳姐,
聽說牛肉茶是補身佳品, 請問這說法對嗎? 牛肉茶是怎樣煲的? 材料份量如何?
謝謝賜教
補充:小兒剛患上的是病毒性腸胃炎
芳姐你好,
小兒一歲,一星期前患上感冒(流清涕)及腸胃炎(發燒,肚瀉),剛康復,有什麼食療適合他現在的身體狀況?
謝謝!
karen:
你多屬陰虛火旺,不宜吃煎炸及烤焗食物.平時可以煲些鹹瘦肉皮蛋粥作早餐.多用雪耳,百合,沙參,玉竹,麥冬,無花果這類食材煲糖水或瘦肉湯服,有滋陰潤燥作用.加些黑豆或栗子就補腎.
唔該你介紹用薑去擦白蝕地方好飲有效,另外,食一,二去薯片好易生唇瘡。我係咪陰虛火旺,一食少少熱氣捱夜會牙肉,喉嚨痛,有咩湯水滋陰補腎?
AKI:
蒜頭莧菜瘦肉湯對細菌性腸胃炎有療效,發燒都可以飲.
腸胃炎可以用蒜瓣6~8粒,莧菜4兩,瘦肉適量,滾15分鐘,飲湯吃莧菜及蒜子,最好用野莧菜或馬齒莧,殺菌能力最佳,可連服2天.發燒及兒子肚瀉可飲?
hi芳姐,
本人有白蝕3年,一直都有睇中醫調理,但近期成日訓得唔好,訓到半夜出汗,心跳得好快同埋成日發夢,又攪到白蝕既地方又白番,有咩湯水可以補腎又可以改善睡眠問題,tks
KAREN:
白蝕地方可試用生薑切片在患處按摩至輕微發熱為止,每日兩次,有助改善.晚上盜汗,睡不好,可用浮小麥1兩,黑豆1兩,茯神4錢,圓肉10粒,5碗水煮成2碗服,連服3劑.
我的兒子2歲半,昨日看了醫生,他說兒子有輕微腸胃炎,
請問有什麼湯水適合西藥同一天飲用?Thx
AKI:
你可用法夏,茯苓,白朮各3錢,陳皮2錢,生薑3片,甘草1錢,5碗水煮成2碗服,連服2劑可清痰.腸胃炎可以用蒜瓣6~8粒,莧菜4兩,瘦肉適量,滾15分鐘,飲湯吃莧菜及蒜子,最好用野莧菜或馬齒莧,殺菌能力最佳,可連服2天.