By 芳姐 ( 7 3 月, 2010 at 11:44 上午)
· Filed under 家常食療
有些人病後體虛,或思慮過度,損傷心脾,或勞累過度,暗耗精血,會出現精神痿靡,飲食減少,面色萎黃,動則氣喘等症狀.需要用一些具有健脾益血功效的食療作調理.
[黨參蓮子雞肉湯] 功能健脾補血,滋陰養血.此湯平補脾胃,不寒不熱,氣陰並補,是一味家常保健佳品.
用料是: 有機雞半隻,蓮子2兩,江瑤柱3粒,黨參8錢,紅棗8粒,生薑3片.
做法: 雞斬件,出水;其餘材料浸洗;將全部材料放入煲內,用8碗水煮約2小時成4碗即成.
~ 小貼士: 此湯鮮味可口,對小兒脾虛食少,形瘦體弱也甚為有益.但腸胃濕熱者不宜.
小啓: 網友如果要看2010年3月以前的食療,可按去[我的連結—保建湯餸-芳姐] 我的舊blog看就可以.今天開始的都是新的食療篇.
另: 私人回應可按頂部綠色線那行[聯絡芳姐];而要檢看所有迴響,按[迴響 RSS 訂閱]就可以看到.
Permalink
想請教:小兒16歲,這幾個月由於放假在家,時常飲凍飲,弄至胃口很差,又多暗瘡,加上夜瞓,時常無精打采,請問有甚湯水可以改善胃口?因為有時就算他說肚子餓,也只是吃很少。 謝謝!
訪客:
你可以用淮山,茯苓,蓮子,芡實各1兩,陳皮2個,紅棗5粒煲排骨湯,8碗水煮個半鐘成4~5碗,仔仔一天分服2碗,全家可飲,最好吃些湯料,對脾胃很有益,一星期3劑,服兩星期,看胃口是否好轉.凍飲,夜睡易令脾胃變差及長暗瘡.可以在湯料中加1兩綠豆,1兩生薏米同煮.
芳姐:
仔仔今年八歲,近期每天都放八、九次屁,要三四天才可以有大便一次,晚上有磨牙!基本上,每月嘟要睇醫生(感冒,喉嚨痛多), 上週,睇中醫時,醫生話亞仔(脾虛困濕 ),請問有什麼湯水調理!
謝謝幫忙
May:
你可以用青木瓜1個,茯神1兩,百合1兩,南北杏1兩,無花果4粒煲瘦肉湯供服,全家可飲,有助健脾胃,清心火,袪濕.連服3劑,看能否改善?
謝謝!
kiki:
雲苓即茯苓.一般用貴重材料,或含有活性質及膠質重食材(如燕窩,海參,花膠)宜用燉的方法.原汁原味;煲湯則鮮味些.如果你全部用燉法也未嘗不可.
芳姐好:
請問雲茯即是茯苓嗎?
另想請教是否所有煲湯湯水都可以用燉湯方法來制作呢?謝謝!
kiki:
此湯可用3~4碗水燉3小時.大便不成形,指甲有白點等可能脾胃有濕,可以用雲茯,白朮,扁豆衣,澤瀉各3錢,陳皮1塊,5碗水煮成2碗服,連服3劑.
芳姐好:
請問此湯可用燉的方法嗎?用幾碗水呢?
另想請教最近常放臭屁,大便不是條狀、顏色較深丶臭味較大,請問有何食療改善?
還有手指甲常有一兩小白點,是否脾胃虛弱?如何改善呢?唔該曬芳姐🙏🏻
芳姐
本人30歲,男性,需要輪班工作,最近成日條腰赤赤痛同埋個人頭暈暈,中醫話我經絡差同埋肝鬱結,請問有咩湯水適合我?謝謝
YEN:
你可以煲這款湯,如居住環境潮濕,可加5錢茯苓同煮.平時多用抽濕機抽走房間濕氣.
芳姐,我先生平日放工好似好攰咁,但因為我住的地方比較潮濕,請問呢款湯水啱佢嗎?
明白了, 謝謝芳姐
MARUKO:
通常人參的頭不宜與身一齊煲,因為療效各異,黨參没問題,可以一齊煲.
芳姐, 我買左黨參準備坐月時用,有朋友教要先將黨參頭剪去留下, 煲湯先用黨參身,如覺太補不適合,就用黨參頭煲,以作平衡。請問這是正確及必需嗎?謝謝
訪客:
你消化不良,試用淮山,蓮子,茯苓,芡實,炒扁豆各5錢煲瘦肉湯服水,有助改善.
長期一日至少去3-4次大便, 肚成日古古聲, 是否脾胃差 ?
同時常見口苦, 舌鞋, 試過食石斛花旗參都無改善,
有試過用玉竹無花果麥冬煲水都不得 .
very excellence
芳姐 您好 !
謝謝芳姐建議!我會比佢試吓,同多啲帶BB去玩。
請問淮山是否指乾品?鮮淮山可以嗎?
Linda:
鮮淮山及乾淮山都可以.鮮品用多些少就成.
芳姐:
我兒子15個月大,18磅,比同齡孩子瘦小。日間晚上睡得不錯,很少發夢或哭鬧,只是近半年胃口很差,很難餵食。看過中醫說多風體虛消化力弱,他出世時6.5磅,全母乳時也曾經很肥,不知何故會這樣。中醫說可以扎四縫穴,我想是否可在飲食上調節,避免針扎。
Linda:
你試買些淮山,芡實,茯苓,蓮子磨粉,拌勻後每次煲粥時放入1~2湯匙(可加仔仔喜歡的其它粥料),有助健脾益氣,助吸收.堅持服用一段時間可增磅.天氣好時帶他去公園,讓他活動活動,好過吃補品.
cherry:
你可多煲些清補涼排骨湯,或多用雪耳煲湯或煲糖水供服,有滋陰潤燥,及補益功效,對通宵熬夜人士最適合.
芳姐,你好!
我老公份工係24小時輪更嘅,所以經常都要通宵熬夜,又經常覺得人好虛弱,我應該煲D咩俾佢食好?
多謝!
winglee:
通常首烏就有製過,黨參很少會製過的.黨參本身健脾補氣,無需用其它藥物製的.故我想令尊買的是普通黨參而已,店員誇大好賣得好價錢吧!黨參性温,有些燥的.
芳姐
我爸爸買了製黨參, 請問製黨參和普通黨參功效上有什麼分別, 會否燥熱些?? 謝謝!!
你好!我老公時常覺胃頂頂,及長期一日至少去3-4次大便,不是硬的,就是一吃飽就去,看過很多中醫也不行,我可煲一些甚麼給他調理,謝!
May:
你試用白朮4錢,防風3錢,陳皮2錢,甘草1錢,砂仁3錢,5碗水煮成2碗,連服3劑,看能否改善?如有所改善,可再服1個療程.
111
甚麼是炒米??係咪將D米放落個鍋到炒幾下呀??紅棗洗唔洗去核呢??大約煲幾耐呢??因為我唔識煮野食的,,唔該晒芳姐!!
kelly:
炒米是將米放入鑊中炒,不用加油,炒至微黃就可以用.一次炒多些少存放,可以用多幾餐.大約煲45分鐘即成.黨參切薄片容易出味.
我剛剛生完蛇,,睇左中E一段時間,話我個胃比較弱,,原因我十幾年前已經有胃病,幾年前生完BB坐月坐得唔好,,經常頭痛,,每晚手腳冰凍,,面色又唔多好,,應該煲D咩湯水怎樣調理呢??因為我想再生多個bb..
Kelly:
你試用黨參5錢,切薄片,紅棗8粒,炒米1小撮,用5碗水煮成2碗供服.一星期飲2次,能補益氣血,增强體力.
我婆婆脚踵,应该煲什么汤水。。
polly:
老人家脚腫,要留意心臟方面的問題,如腫兩,三天不消退,要看醫生治理.可以用赤小豆1兩煲鯉魚湯服,能利水消腫.
mo:
小朋友返學後是要時間適應的,家長多加安慰就是.你囡囡起床咳,有可能是口水(濁親)或鼻水倒流都未定,給她飲些暖開水就可以,觀察多兩天看看.
唔該晒芳姐.囝囝新年剛返學時在學校門口比外籍老師嚇親.到現在都唔係好想返學.每日好開心出門的.但一到學校門口見到呢位老師就會向後退又哭著話唔要返學.我想佢可能對呢位老師佢係好驚
另:佢呢排無論是早上或中午睡醒起床時都會咳好多聲係好急咳到想吐的.但過後就唔再咳.唔知是不是鼻水倒流呢.但佢個鼻又冇流鼻水.想問下有咩可以改善呢.
敏敏:
祝你和家人身體健康!
唔該哂芳姐,今晩放工即刻行動 !
mo:
你囝囝夜睡不寧,驚恐不安,可以用蟬退3錢,菊花3錢,雞內金2錢,用5碗水煮成2碗,分2次服.有清心熱,平肝風,定驚,明目之效.連服2~3劑,看情況能否改善?要多了解一下他有没有受過驚?
芳姐:囝囝呢幾日早上起床好多眼(死),唔知是不是熱氣呢.個人又好忟憎.晚上睡得唔好.成日發夢哭好像是惊左.麻煩芳姐幫下我.唔該晒.
敏敏:
你試試買些新鮮粟米鬚2兩,茅根1扎,生薏米1兩,馬蹄6粒,用5碗水煮成2碗供服,能清熱,利尿,袪濕. 進行麻醉手術後要飲多些水,可以用生薏米1兩,用5碗水煮成3碗,趁熱放些花旗參片沖泡服,一日3次,能益氣生津,利尿.可將麻醉藥快些從尿液中排出.
芳姐, 我有家人近來小便不順,有少少赤痛,將會入院進行膀胱內窺鏡檢查,但需要進行全身麻醉,擔心麻醉藥對身體不好,應煲甚麼湯讓他復元? 他是三十餘歲男士,平日比較容易熱氣,謝謝!
易拎:
多謝支持! ^^
芳姐:
你的新blog超正呀,必定會繼續支持
努力,加油
敏敏:
謝謝支持!歡迎常來瀏覽! ^^
芳姐:你好,
恭喜你新blog落成,
這裡文字及圖片都特別清楚顏色又靚,讚呀!
加油!
敏敏.
好好:
孕婦脚腫,可以用冬瓜連皮1斤,赤小豆1兩,茯苓4錢,薏米1兩煲瘦肉湯服,能利尿袪濕,去水腫.
芳 姐 :
孕 婦 腳 腫 食 乜 好 呢 ?