By 芳姐 ( 29 9 月, 2017 at 5:13 下午)
· Filed under 外感/頭痛/呼吸道病, 家常食療
有時候因工作過勞、捱夜少休息,或作感冒,都會出現周身骨骼疼痛,頸項肌肉酸痛等骨火盛的表現。不妨煲些粉葛湯或用野葛菜湯來作調理。
野葛菜又稱塘葛菜,有解表袪痰、利濕解毒等功效。對麻疹不透、咽喉腫痛、咳嗽痰喘、風濕痺痛、水腫等均有幫助。配紅蘿蔔、鯽魚煲湯,對骨火盛、周身關節疼痛頗有療效。
用料是:野葛菜半斤,紅蘿蔔1個,蜜棗2粒,陳皮1塊,鯽魚1條。
做法:野葛菜連根洗淨;紅蘿蔔去皮,切塊;陳皮浸洗;鯽魚劏洗後用少許油煎香;燒熱8碗水,放入全部材料,煮2小時即成。
~ 小貼士:此湯對周身骨痛、手軟脚軟、提不起精神工作頗有效,同時此湯可活血消炎,利咽止咳,對感冒咳嗽、咽喉疼痛亦有幫助。鯽魚可用瘦肉代替。
Permalink
芳姐,請問野葛菜可用乾的嗎?如果可以份量多少?
Man:
我很少見有乾的野葛菜賣,如用乾品,可用2兩.
芳姐,請問野葛菜是否可用粉葛代替嗎?
訪客:
粉葛都可以清熱降火.可以用.
老公有濕疹,係未都可以飲用此湯水?
Jennifer:
此湯濕疹可以飲.
經常手腳冰凍者飲得嗎?
芳姐,我仔仔十岁,近排手脚好多讦,请问有咩湯水可以帮到佢?谢謝!
fannie:
你試用北茋5錢,浮小麥5錢,紅棗6粒,去核,5碗水煮成2碗供服,連服3劑,如見改善,一星期1~2劑.
收到,多謝芳姐!!!
抱歉,打错字,是手脚多汗,呢排食得辣嘢多。
芳姐:
補充:我女兒9歲半
謝謝
芳姐你好:
小女早前感染到乙型流感,肺炎,腸病毒
現已康復,但因服用多種抗生素,現身體比較虛弱,有頭痛情況出現,請問應怎調理?謝
Kennis:
你可用粉葛1斤,赤小豆,扁豆,薏米各1兩,陳皮1塊,蜜棗2粒煲瘦肉湯,8~9碗水煮2小時,全家可飲,對感冒,頭痛等有幫助.可連服2~3劑.
謝謝芳姐
你好!芳姐,我細女4歲2個月,咳有兩個星期了,吃西葯沒效果,都是一睡著與下半夜咳多,有痰沒流鼻水,白天咳少,請問您有什麽湯水可以幫助女女,由于就要開學了,作為父母的很担心,希望您帮到女,多謝!
美麗:
你試用桔餅1個,切碎,桔梗3錢,生薑3片,紅棗4粒,去核,4碗水煮成2碗供服,連服3劑,看能否改善?
芳姐,你好!😃 想請教下你
最近,我頭痛,反復痛~咗一星期
食咗止頭痛藥,未有見效。
請可以飲什么湯,舒緩一下呢?(寒底)
訪客:
你試用川芎2錢,天麻3錢,黃精5錢,南棗6粒,生薑2片煲大魚頭湯服,連服3劑,看能否改善?
Thx
芳姐你好!太子參+虎乳靈芝可以煲咩湯比小朋友?小孩1歲半 謝謝
Ling:
太子參,虎乳靈芝可以煲湯給小朋友飲,没問題.
芳姐,你好
我女兒3歲,尼幾日發低燒,醫生話喉嚨鼻膜發炎,今日已退燒,今日起身有咳,感覺開始有鼻水,請問尼個湯水岩飲嗎?
emily:
你可以煲粉葛湯供服,粉葛1斤,配薏米,赤小豆各1兩,陳皮1塊,蜜棗2粒煲瘦肉湯,煲2小時,全家可飲.
多謝芳姐,昨天煲左紅蘿蔔馬蹄麥冬無花果水比巨飲,明天會煲分葛湯 ,另外巨係訓覺時,或夜晚會咳多左既
另外會去日本旅行,請問可以帶咩材料去焗水比巨飲?
emily:
你可以帶些紐西蘭麥蘆卡蜜糖,每天早上給2茶匙囡囡服,服後才飲暖水,要慢慢吞,停在喉間片刻,有助防喉嚨炎,潤肺燥.不過現時售價都頗貴,細細瓶都要二,三百元.不過全家都可以服用.如晚上咳可用紫蘇葉3錢,生薑3片,紅糖少許,3碗水煮10分鐘供服,有助散寒止咳.
芳姐:你好!小朋友5歲+自己病左好耐成三個月斷斷續續中西醫都睇過,成日好似感冒傷風唔清。有鼻塞、少少喉嚨痛、怕冬、見暈。小朋友有好啲只係鼻塞、有痰無咳。請問有咩食療對我地有幫助?謝謝
黑媽媽:
你試用陳皮2個,橘餅2個,切碎,南北杏1兩,紅蘿蔔1個,5碗水煮成3碗,你和小朋友一天分服,連服3劑,看能否改善?不寒不燥的.
芳姐,我近來精神不太好,感覺濕氣重,請問經期來時可喝此湯嗎?另外如不加魚可用什麼代替?因為是食齋的,謝謝
Man:
濕重你加赤小豆,扁豆各1兩同煮就成.不用加肉.
請問是否要加埋野葛菜?
Man:
要加埋野葛菜.
謝謝芳姐
芳姐,
您好, 請問我的小朋友3歲半,中醫說他風重,夜晚有時睡不好,眼肚下常用青色,而且容易風熱感冒。有什麼食療預防?
他的脾胃比較虛,吃東西不是太吸收。谢谢!
Cindy:
你可以用淮山4片,雞內金2錢,陳鴨腎2個,白蘿蔔1個,陳皮1塊煲瘦肉湯供服,一星期2~3劑,煲1小時.全家可飲.
芳姐:
歲半bb天氣熱出汗焗親,易有鼻水,可煲咩舒緩下?
Man man:
你可以用白蘿蔔1個,去皮,切塊,雪梨1個,去核,葱白3棵,5碗水煮成2碗,葱白後下,可供2天服.看能否改善?
謝謝芳姐!
我在書展都買左你本產後湯水及小孩湯水既書支持,感謝你的教導及回覆,很幫到我地呢d媽媽!
Man man:
感謝你的支持和鼓勵!^^
芳姐,請問每朝起來都會乾咳,整日都有,請問可煲些什麼茶水可解決?謝謝!
wai:
你可用羅漢果1/4個,麥冬1湯匙泡茶服,連服3天,有助潤肺止咳.
芳姐:
我成日有白痰同黃痰黏在喉嚨好唔舒服。
到訓覺時,感覺到喉嚨阻塞令呼吸唔暢通而
發出鼻鼾聲。抖氣時要吸到好深先可以。
有冇湯水可以幫助下,近依半年先開始有鼻鼾聲。
訪客:
你試用法夏,茯苓,白朮各3錢,陳皮2錢,甘草1錢,5碗水煮成2碗服,連服3劑,看能否改善?
芳姐:
請問家人做了植髪手術後,面腫三天還未消,有那些湯水可幫到去面部水腫呢?謝謝指導!
訪客:
植髮出現面腫應該看醫生,可大可小的,不要延誤治理.
謝謝芳姐提點!我告訴家人!