By 芳姐 ( 19 6 月, 2018 at 10:16 下午)
· Filed under 保護視力/耳、鼻、喉疾病
荔枝當造,每次經過生果檔都被紅艷艷的荔枝吸引,小販們又很會做生意,買兩磅便宜些,買3磅又更便宜些……像我般精明主婦很容易被打動,偏偏荔枝又不耐存放,所以一下子就吃多了,不上火才怪﹗
喉嚨痛、牙肉腫,口乾舌燥、便秘是上火的常見症狀,不妨煲些綠豆糖水降降火,現時青欖亦當造,青欖能清熱生津,消炎治喉痛,配青蘿蔔、馬蹄、無花果同煮,清潤得來又不會太寒涼,適合吃荔枝過多喉乾舌燥,大便秘結者飲用。
用料是:青欖10粒,青蘿蔔1個,馬蹄6粒,無花果3粒,豬展1隻。
做法:青欖洗淨略拍鬆;青蘿蔔去皮切塊;馬蹄去皮洗淨;豬展切厚片,出水;全部材料用8碗水煮個半小時即可連湯料同食。
~ 小貼士:此湯清甜美味,老少可食。對肺熱及肺燥咳嗽者有益。
Permalink
芳姐:
請問青欖是否青橄欖?買唔到青欖,可以用什麼代替呢?謝謝!
,
Amy:
青欖即青色橄欖,可用雪梨代替.
芳姐:我有小朋友三歲多,因為心臟有點小問題,要做手術,想請教芳姐手術後,可以比佢食點乜嘢補身,可以快點恢復健康 ,謝謝!
Zoie:
你可以用北茋3錢煲瑤柱陳皮粥供住院期間食,有助加快傷口癒合.手術後可飲水要煲些蘿蔔陳皮水,小口小口飲,能加快麻醉藥排走.之後可煲些番茄薯仔小海魚湯增加營養.用北茋3條,淮山1兩,杞子2錢,紅棗5粒,生薑2片煲石崇魚或海鱸魚供服,能加快康復.
我女女13個月大,昨日睇醫生話佢喉嚨有幾粒飛滋,同埋牙肉腫哂,同埋會流牙血……請問有咩湯水岩佢?
Angel:
你可以用羅漢果1/6個,雪梨1個去核,4碗水煮成1碗供囡囡飲,連服3劑,有助清熱降火.如果街巿有大豆芽菜,可以用半斤,煲湯豆腐1磚,雪耳2錢煲瘦肉湯,全家可飲,能清熱降火消痱滋.
謝謝你啊,新年快樂,心想事成,身體健康
芳姐,我女女五歲,有過敏性鼻炎,經常揉眼睛和打噴嚏,怎麼辦?
Joey:
你可用辛夷花3錢,桑葉3錢,菊花3錢,甘草1錢,3碗半水煮15分鐘成2碗供服,連服3劑.如見效,一星期2劑,至症狀好為止.
芳姐,我仔一歲3個月,有鼻竇炎,經常流鼻血,怎麼辦?可以根治嗎?距吃緊西藥治療,但都係經常流鼻血!
joey:
常流鼻血,試用鮮茅根1扎,鮮蓮藕節3個,雪梨1個,去核,5碗水煮成2碗供仔仔服,連服3劑,如見效,一星期2~3劑,至症狀好為止.
吃左會唔會根治鼻竇炎,距經常訓覺好扭計。塞住個鼻,要張嘴呼吸怎麼辦?
芳姐,孕婦感冒,有鼻水,咳有痰,呈黃綠色,更已失聲,有咩湯水可作支援,謝謝
Cherie:
你可用金羅漢果1/4個,麥冬3錢,胖大海3錢,3碗水煮成2碗服,可翻煲,有助利咽開聲,化痰止咳.痰黃綠色表示有炎症,建議最好看醫生.
芳姐你好:
睇西醫後話 喉嚨潰瘍 , 吞食、打噴嚏都非常痛,又口乾,
請問有乜野花茶、湯水可治療舒緩?
感謝
還有感覺有痰呢
Cindy:
你可以用金羅漢果1/4個,金銀花3錢,胖大海3錢,板藍根3錢,4碗水煮成2碗服,有助清熱消炎,利咽喉.可連服3劑.如無金羅漢果,用普通羅漢果都得.
謝謝芳姐回覆
芳姐,唔好意思,咁可唔可以煲多d 放雪櫃飲用?
Cindy:
可以煲2天份量.太多不適合.
明白,感謝回覆
芳姐
你好!我先生佢有食煙習慣、喉嚨不嬲唔好、半夜經常會有咳、喉嚨痛同發炎等,通埋經常捱夜、請問有咩方法治療?thanks
Irenelee:
可以用羅漢果1/4個,雪梨1個,去核煲水代茶常服,對吸煙者有益.但最好少吸煙.
咁請問要幾多水煲呀?感分感謝!
Irenelee:
4碗水煮20分鐘成2碗供服.
芳姐你好!
我先生有吸煙習慣,閒時也愛好杯中物。他本身有頗嚴重鼻敏感,早晚都會不停打噴嚏,多痰,我以為是熱氣,但他手腳冰冷,有胃氣,喜歡飲用薑煲的檸樂和薑蜜糖水。有甚麼食療湯水介紹嗎?
十分感謝!
Kiki:
如果你先生煙酒不離,遲早身體會出現更多毛病.鼻敏感也是免疫力下降才發病.葛花茶有助清酒毒,可以去中藥店買,每次用2湯匙泡茶常服.鼻敏感用辛夷花3錢滾瘦肉湯服,一星期3劑.
謝謝芳姐回覆!
芳姐,
你好! 請問1歲半可唔可以每日都食小米? 我見小米入面有好多穀殼, 會唔會傷小孩腸胃?
訪客:
小米是黃色細細粒的,没有穀殼的.小米對小兒脾虛有益,可一星期食4次.
芳姐,
妳好! 想請教 舌邊腫痛又見有少少水泡, 非常痛, 連進食時都好痛.
可以吃些甚麼, 煲些甚麼好的呢? 如無時間煲, 可有其他良方.
勞煩哂, 謝謝妳!
田:
你試用玄參,麥冬各3錢,羅漢果1/6個泡茶服,有助清熱消腫.
芳姐,
非常謝謝妳每次愛心的回覆, 這裡有妳多好!!
想問舌邊痛之餘, 仲有是來經第9天仍然未完,
這個 玄參,麥冬各3錢,羅漢果1/6個泡茶服 會涼的嗎?
再次麻煩哂, 謝謝妳!
田:
這款茶主要是清熱降火,是涼茶來的.如怕寒涼,你可以加塊陳皮同泡.煲10分鐘更佳.來經可服.
芳姐,我囡囡2歲半,前幾日食咗炸蝦,第二日就沙聲到幾乎出唔到聲,感覺仲有痰咳唔出,她不願吃藥,想問下有咩湯水適合她飲,謝謝
kiwi:
你可以用絲瓜1條,去皮切塊,放大碟中蒸20分鐘,用湯匙壓絲瓜汁供服,有助清肺熱,化痰止咳.
芳姐:
妳好!請問這款湯需煲幾耐?
carol:
你指哪款湯?圖中這款湯講明是個半鐘時間.
芳姐,
你好! 囡囡1歲半, 食咗啲唔乾淨嘅嘢搞到肚痾,但只係痾咗1次,夜晚瞓覺唔知係咪肚痛成晚喊, 日頭醒咗就放好多臭屁。 請問有咩方法治療?
訪客:
你可以用蒜子6~8瓣,馬齒莧或野莧菜4兩滾瘦肉湯供服,滾20分鐘,有助殺菌止肚瀉,可連服2劑.
早晨芳姐,
請問馬齒莧或野莧菜係邊度買到?
訪客:
山草藥檔很多時有馬齒莧及野莧菜賣,我見旺角奶路臣街街巿有檔山草藥檔經常有售.你可以問問你家附近街巿的山草藥檔,試試叫檔主代訂都得.
清楚了芳姐~
芳姐,
我搵咗3個街市都無, 也無得訂… 旺角我又好遠。 請問仲有無其他食療?
訪客:
那你用炒扁豆,芡實各1兩,陳皮1塊,紅棗4粒煲粥供服,有助健脾止瀉.
芳姐:
想問有機苦蕎麥焙茶寒涼嗎?有沒有那些人唔岩人?謝!
嘉儀:
苦蕎麥偏涼,你可以加些紅棗,陳皮同泡,寒涼體質都可以飲.
芳姐:
你好!最近眼皮重重成日覺得好眼訓, 眼睛和皮膚好乾? 前排睇過中醫醫師脾濕濕火. 好像好難清晒濕!
平時可有食療幫助下. (是虛不受補) 謝謝!
MING:
你可以用淮山,蓮子,茯苓各1兩,雪耳3錢,玉竹3錢,杞子3錢煲瘦肉湯服,8碗水煮成4碗,全家可飲,連服3劑,看能否改善?