By 芳姐 ( 3 6 月, 2019 at 1:21 下午)
· Filed under 外感/頭痛/呼吸道病
魚腥草抗菌、抗病毒作用明顯,對夏季常見的皮膚瘡癤感染、細菌性痢疾以及中暑等都有很好的預防作用。對一些長期吸煙人士,年紀漸老易出現肺氣腫,症見氣促、咳嗽痰稠色黃,咽喉乾痛,口乾、大便秘結等。用新鮮魚腥草配無花果煲湯服,有理氣、清肺、止咳、潤腸等作用。
用料是:鮮魚腥草2兩,無花果4粒,冰糖少許。
做法:鮮魚腥草洗淨,切段;無花果沖洗,切片;無花果先用5碗水煮20分鐘,加入魚腥草及冰糖,再煮10分鐘可飲。
~ 小貼士:魚腥草的主要抗菌成分魚腥草素存在於其揮發油中,很易在爆曬、久存、久煎中失去療效,故鮮品療效較佳,而且不宜久煮。
Permalink
芳姐,請問餵人奶的媽媽可以飲魚腥草嗎?bb 3個月
曾太:
餵人奶都可以飲魚腥草湯,BB3個月,餵完奶才飲.
小朋友兩歳有小小咳小小鼻水,似氣管咳,飲呢個得吾得?會吾會太涼?
Yvonne:
小朋友如氣管敏感咳,痰黃者較適合,如痰白清稀就宜用桔餅1個,陳皮1個,蘋果1個煲水供服.
芳姐, 您好!小兒剛上幼稚園,一返學就病。至今一個多月了,好容易發燒,已有五六次,每次都會燒兩日。還伴有咳嗽。醫生話係氣管炎,喉嚨发炎。肚瀉,沒胃口。他不肯吃西藥。請問煲什麼可幫助到他?他一直有盜汗,脾肺虛的。不要太寒凉的。。請賜教!謝謝!
Jenny:
你可用青仁黑豆1兩,浮小麥5錢,南棗6粒煲瘦肉湯供服,5碗水煮成2碗,一天分服,一星期2劑,服兩,三個星期試試.
請問8個月寶寶流鼻水,可以食咩?
eva:
8個月BB流鼻水,可以用洋葱1個,蒜頭4,5粒,3碗水煮20分鐘成碗半供一天服.
芳姐你好。我女重未病好病左半個月有多食咩都唔好。咳少左但d痰咳唔出黎成日想申手指入口可能想嘔出嚟,有時嘔到有時又嘔唔出黎。耐唔耐又流算水。d算水好濃我要用棉花棒慢慢幫佢整出嚟。有冇咩茶湯水可以介紹俾我女飲?鼻水係綠綠地色。謝謝!
Tingting:
其實鼻水綠色表示有炎症,應該吃消炎藥才成.試用辛夷花,蘇子,萊菔子各3錢滾瘦肉湯服,有助化痰收鼻水,但都要看醫生才能治好.
芳姐你好。最近咳左好幾日食左幾日西藥都唔好所以都有煲桔餅龍利黃皮葉魚腥草煲瘦肉湯黎飲聲沙同喉嚨痰係有改善既但咳就無咩改善。去睇西醫話我喉嚨紅。但我喉嚨唔痛既只係咳咳咳咳。開頭喉嚨只係有少少痕癢但經過呢幾多日食左藥d濃痰開始可以咳到出黎但喉嚨痕既情況嚴重左。訓底特別嚴重咳到教都訓得唔好。咳到聲都變埋。咳都心口都好似唔知點咁。咳時覺得入面重係有濃痰既但要好大力先咳到少少痰出嚟。請問有咩湯水茶可以介紹俾我?謝謝!
另外我有個女16個月大佢都係喉嚨紅有咳。咳時都聽得出佢都係有濃痰但佢就無話咩時候咳得特別嚴重請問有咩湯水或者茶可以煲俾佢飲!謝謝
我女琴日開始重開始流鼻水。我煲左蔥白嚴西水俾佢飲就有改善。謝謝
Tingting:
你試用蘇子,萊菔子各3錢入茶包袋煲蘿蔔水供囡囡食,白蘿蔔用半個切塊,4碗水煮半小時成1碗供一天服,連食3天,有助清熱化痰止咳.
你試用法夏,玄參,麥冬,桔梗各3錢,烏梅3粒,甘草1錢,4~5碗水煮半小時成2碗服,連服3劑,有助袪風化痰止咳.
謝謝芳姐
芳姐:請問6個月BB手腳有脫皮現狀、和盗汗、可煲什麼茶水幫助?謝謝!
Wai:
你可用青仁黑豆1兩,浮小麥5錢,南棗4粒,6碗水煮成3碗,可分2天服用.
芳姐,請問寒底 脾胃虛寒,可否飲此湯,謝謝解答。
珍:
寒底你加個陳皮同煮就成,無花果都性微温的.