By 芳姐 ( 5 6 月, 2019 at 1:15 下午)
· Filed under 家常食療
體質較差或患有疾病的人在夏天會較健康人士更易出現中暑問題,所以這類人士夏天郊遊行山要特別小心,要衡量自己體力,帶備足夠防曬裝備及水,而且要量力而為,一覺得不適就要坐在陰涼處休息。尤其是年老體弱者、孕婦、肥胖、甲亢及三高症患者,在炎熱的天氣裡最好多煲些消暑清熱的湯水作調理、以防中暑。
「荷葉冬瓜三豆湯」有消暑解熱、利尿袪濕、健胃消積等功效。對一些精神困倦、食欲不振、口乾、水腫人士很適合。
用料是:鮮荷葉1張(乾品亦可以),冬瓜1斤,赤小豆、綠豆、扁豆各1兩。
做法:鮮荷葉沖洗後剪成塊;冬瓜連皮洗淨,切塊;赤小豆、綠豆、扁豆浸洗;全部材料用7碗水煮1小時成4碗左右,即可連湯料同食。
~ 小貼士:此湯全家老少可飲。對悶熱天氣出現低燒但又非患上感冒人士頗有幫助,小朋友飲用,對預防手足口病亦有幫助。
~ 小啓:星期五會外遊數天,這兩天尚可作回覆,但旅遊期間不會上網作任何回應,敬請原諒﹗
Permalink
芳姐請問這個冬瓜湯,打完流感針都適合飲嗎?謝謝
訪客:
打完流感針可飲冬瓜湯的.
芳姐,如果冇綠豆,赤小豆,可否改用紅豆,眉豆?謝謝
訪客:
可用紅豆,眉豆的,没問題.
芳姐,你好
我想請教一下你,我先生從事勞力工作,最近天時暑热(常飲啤酒),回家經常覺得好累,睡眠質素也不好成晚不是咬牙就是動來動去發開口夢,想問多煲些什麼湯水給他?
Shirley:
你先生可能近來精神壓力大才會磨呀睡不好,因為睡不好所以精神差,可以用小麥米1兩,茯神5錢,炙甘草2錢,百合1兩,紅棗5粒,冰糖少許,6~7碗水煮1小時成3~4碗,飲不完的放入壼內供他開工時飲,有寧心安神及止汗作用.
係吖最近轉新工,压力真係好大。芳姐,呢款水幾耐煲一次好?另外日常煲咩湯俾佢會好啲吖?
Shirley:
麥米湯一星期3劑,至症狀好為止.從事體力勞動工作,可以煲些夏桑菊,或五花茶供服,花茶有助舒緩壓力,又解暑清熱氣.加些冰糖煮好味些.
謝謝芳姐耐心的回覆。
然後仲想問下,最近唔知係天氣問題定冷氣問題,經常覺得皮膚痕,是不是濕氣重?煲乜糖水去濕好?
平時食煲下粉葛赤小豆猪骨
Shirley:
常開冷氣會令皮膚乾燥,皮膚易痕癢,最好塗些潤膚膏,煲些粉葛赤小豆扁豆排骨湯都有幫助.
芳姐,你好
仔仔9個月大,上星期痾嘔低燒,現在已康復,但無胃口,而且手凍腳凍,就算有汗出都仲係手凍腳凍,請問是否身體虛呢?可以煲湯水比佢飲嗎?聽說燉瘦肉水可以補身,適合現在飲嗎?
Emma:
可以燉些牛肉水或瘦肉水供仔仔飲.用小米,白米煲肉碎粥食亦很能健脾胃,可隔日食.
芳姐,您好!想请教下您,近排有听说喝酵素可预防很多病,比如又可以去斑……芳姐您对酵素有怎麼意見!谢谢!
meimei:
酵素有助增强身體免疫力,改善新陳代謝作用,故對身體有益,日常新鮮蔬菜,水果中含很多酵素,但易受熱而破壞.故喝酵素不能用開水,用涼開水沖服最佳.
谢谢您的分享,酵素能自己做吗
meimei:
我教課工作忙,未有空自製酵素,你可上網了解如何製作.
芳姐,您好!想问两只手的[无名指]指甲边红肿,是怎麼问题?肿至要擦药
meimei:
你手指可能受細菌感染,可以用很濃的温鹽水浸患處,濃的程度最好達飽和,即鹽再無法再溶的程度才用,其消炎能力極佳,很快消腫.
我以为是身體內的问题,爆出來的。因為两个手的无名指同時肿
此湯不用加肉??謝謝
Yan Au:
此湯不用加肉,不過你加肉都可以,没問題.
芳姐,請問痛風者可飲嗎?
謝謝你
Karen:
痛風患者綠豆,扁豆改用生薏米1兩,對痛風有幫助.
芳姐:
我個女兒的小腿起了幾粒咸粒,有痕癢,請問有什麼方法可以治理?
另外,我之前煲了覆盆子的湯水,用作治療夜尿多,現在一星期飲3次,請問飲多次數,會否不好?好返係咪唔洗再飲?
最後,我之前隻腳踭扭親,睇左跌打醫生,現時有時候會感到酸痛,請問有什麼方法治理?
謝謝你!🙏🏻
Helen
芳姐
請問可否介绍胃酸倒流中成藥, 因本人已5年多胃酸倒流、一到晚上九時後食少少餅都頂住/, 要食西藥止倒流, 因我覺得西藥治標不治本, 想真正治好呢個問題, 謝謝
芳姐:請問打針前你介紹盧根、生意米、雪梨煲水、但前個星期有肚疴過、面色有的青白、可否煲這個水、胃口不太好、謝謝!祝你旅途愉快!
芳姐
謝謝回覆🙏🏻
芳姐,
女兒飲了三天五味子+甘草羅漢果 咳已減了不少 間中仲有一兩聲咳
但聲仍未開到 是否繼續飲五味子? 還是煲其他?
謝謝🙏🏻
Joan:
聲未開可以用金羅漢果1/4個,麥冬1湯匙,無花果2粒切片,4碗水煮成2碗供服,有助開聲止咳.
芳姐,請問如果5歲小朋友脾虛,腸胃吾好,有咩湯水可以多煲呀?Thanks
Fi:
小朋友脾虛,可以蒸燉些牛肉汁供服,用3兩絞碎鮮牛肉,隔晚用清水浸一碗,第二天浸的水連牛肉一齊蒸半小時,調味後供服,一星期2~3劑.另外可以煲些紅棗小米粥供食,用量隨意,全家可食.小米最健脾.
多謝你回覆。吾該曬呀
芳姐如沒有荷葉可否不用,是否不用落瘦肉
Ada:
荷葉有消暑氣作用,可以用乾品代替,不放肉煮可作茶飲.
芳姐,
請問荷葉(新鮮同乾)有無特別功效分別?新鮮未去到小暑或大暑好似好難買到,所以我都只喺用乾嚟煲住先。
聽聞煲一些袪濕湯唔加肉比加肉效果好些少呢?如果真喺想加喺咪可以加腰果代替肉?唔知咁樣會唔會怪怪地🤔
Bobby:
鮮荷葉氣味清香可口,有時山草藥檔有售,好上好這類農產品直銷店會如有售價錢特別平,4,5元一張.但不是常有貨.袪濕湯可以不放肉,加扁豆,赤小豆,眉豆,甚或花生都好過放腰果.腰果較膩滯.
芳姐,
咁我會用囇乾之後就開始買新鮮。唔知你所講嘅農產品直銷店同我所知嗰間喺咪同一集團,因為我知嘅嗰間(集團)係價錢平但唔知點解可以曉過統營處正式途徑下依然可以大行經營,品質未必有保證亦無從追究。所以我好少去這類鋪頭幫襯。
我跟你所教嘅有些喺無肉煲都比想像中味美,而家飲開無肉煲嘅袪濕湯我自己覺得幾好。但有時見你教落加肉咁我而家知道可以加眉豆、花生代替肉。
Bobby:
有些直銷店的農產品質量未必好,但如荷葉這類無農藥,無激素種植的水生植物可以買.冬瓜有皮的瓜類都應該没問題.
芳姐您好。
孩子快一歲了,平日食兩餐固體,每餐2-3樣菜+1樣肉和飯/麵/意粉。自覺營養應該足夠。但現在的菌太利害了,想在佢入學前打好抵抗力,想知道,如果呢個年紀,服用蟲草會否適合?份量和次數應該是怎樣?甚麼情況下不能服用?如不適合用蟲草,有甚麼食品可以幫助增強抵抗力?感謝回覆。
小粉絲:
小朋友如果没咳喘是無需用冬蟲草作調理的,最重要是飲食營養均衡,你的餐單已經不錯,盡量少給甜食及超巿售賣的飲料,汽水,如流感期間,可以用生薏米1兩,冰糖少許,5碗水煮40分鐘成2碗,然後加2片鮮檸檬片,熄火焗10分鐘供服,有助提高抗病能力.日後上唱遊班時可以一星期3次煮這種飲品供服.上唱遊班之後必定會感染上呼吸道疾病,要小朋友體內儲夠[抗體],加上體質好,學會勤洗手,就可減少受感染.
芳姐:
我剛懷孕8週,請問我可以喝荷葉冬瓜三豆湯嗎?謝謝
Wing
chanwengi:
懷孕8週可以飲荷葉冬瓜三豆湯.没問題.薏米及木瓜不要食,因為會令子宮收縮的.
芳姐,祝旅途愉快。
訪客:
謝謝你!^^