By 芳姐 ( 27 6 月, 2010 at 7:03 上午)
· Filed under 家常湯餸／雜病
港大曾做過一個研究,煲湯時約有20%有用物質會溶於湯水中,但其中約有80%蛋白質等營養成分仍留在湯料中,故飲湯吃湯渣才最有益.
今天用金錢展配合青,紅蘿蔔等煲了個靚湯,我將整個金錢展煲好湯後撈出,用洋葱,番茄加些上湯來燘煮,又是一味健脾開胃的小菜.有時候煲湯料如豬肚,豬脚,豬尾,牛尾等耐煮的食材都可以撈出來弄味小菜,實行一味兩吃,令湯料變得更為吸引.
用料是: 熟金錢展1個,洋葱1個,番茄2個,蒜茸1粒,芫荽碎少許,上湯半碗,茄汁,糖,醋等調味適量.
做法: 金錢展切片;洋葱去衣切幼條;番茄去皮切片;燒熱油,爆香蒜茸,放入洋葱煎至金黃色,再放入番茄,金錢展,灒酒,加調味及上湯,燘煮片刻,待汁濃稠,灑入芫荽碎即可上碟.
~ 小貼士: 雖然湯渣尚有很多營養,但溶入湯中的物質人體可馬上吸收.故對病後,手術後脾胃虛弱人士,飲靚湯不失為一個良好保健方法.
Permalink
謝謝回覆
LING:
你試用白蘿蔔1個,山楂3錢,陳鴨腎2個,雞內金2錢,陳皮1個煲豬展湯服.8碗水煮成4~5碗,全家可飲,令尊一天分服2碗,連服3劑,有助健脾消滯,開胃助吸收.
芳姐，你好! 家父近幾個月，食慾不振，冇胃口，瘦了一個碼，有咩湯水可以健脾開胃介紹，謝謝!
感謝回覆、＾ｖ＾ｂ
Rita:
祝身體健康!
芳姐請問、閣下用金錢展配合青,紅蘿蔔等煲了個靚湯.
如果用白蘿蔔代替青蘿蔔可行嗎?
Rita Yuen:
青蘿蔔最能解煤氣毒,故用煤氣的家庭久不久最好用青蘿蔔煲湯.這個湯你用白蘿蔔都可以,青蘿蔔其實也是蘿蔔的一種.
謝謝回覆^^
Milk:
祝身體健康!
芳姐 好想煲健脾去濕湯,這一陣子食慾不佳,食少少不知個胃或肚似脤脤的!!是不是脾胃不妥呢!!今晚煲黨參’北芪’淮山’杞子’茨實瘦肉湯有用嗎???煩請提供價廉的健脾去濕湯水,因為濕到月經都冇還有哪些湯水,男人飲唔飲得??煩請
Milk:
你可以用粉葛1斤,赤小豆,扁豆各1兩,蜜棗3粒煲瘦肉湯服.能健脾胃,利水袪濕.這些材料都很便宜,只要煲夠2~3小時,湯水並不寒涼,全家老少都可飲用.如果胃脘脹悶,不妨用黨參5錢,砂仁3錢,蜜棗2粒煲鮮魚或瘦肉湯服,有幫助的.男女都可以飲.