By 芳姐 ( 31 7 月, 2010 at 7:06 上午)
· Filed under 家常湯餸／雜病
現時做生意真的不容易,經過燒臘檔,該店為招徠顧客,買1斤燒腩加10元,就有一隻BB滷水鴨.原本都不想買這麼多燒腩,但剛出爐,皮脆卜卜,也就買了1斤,加10元又要了隻嫩鴨,有兩餐餸了.苦瓜和燒腩的味道頗夾,加些蒜茸,薑茸,豆豉同煮,可減苦瓜寒涼之性,更有消暑清熱,明目,降壓等好處.
用料是: 苦瓜2個,燒腩肉半斤,薑茸,蒜茸,豆豉及調味適量.
做法: 苦瓜去籽,切塊後出水;燒熱油,爆香薑茸,蒜茸及豆豉,燒腩及苦瓜放入同炒,灒酒加水及調味,燘煮至苦瓜夠腍,汁收乾即可上碟.
~ 小貼士: 苦瓜有很多品種,今次用的是滑身苦瓜,味道不太苦;也有像紡錘狀的苦瓜(俗稱雷公鑿),味清香而較苦,還有白皮苦瓜,可用來榨汁飲,有良好的降血壓效果.
Permalink
芳姐,
在你網站真是學到很多野, 你還很有耐性/大方地解答我們的問題, 真的非常之感謝! ^^
Yi:
歡迎常來瀏覽!^^
芳姐,
今早係到諗, [治風先治血,血行風自滅.], 大多數風癱, 皮膚痕都是晚上,早上就自然減退, 是否晚上血氣行得比較慢所致? 因為我成日都唔明為何皮膚上的問題, 晚上特別痕, 我試過半夜兩三點會痕醒, 我想都是血行得慢所致….對嗎?
謝謝你的意見,我晏D會買”有機糙米洗頭水”試下, 我明白唔好用太多化學品的東西, 幾年前我開始接觸天然香薰油之後, 我開始聞到有化學品的東西, 我會有討厭的感覺, 例如, 我行超市的洗衣粉/清潔用品那個架..我會有作嘔的感覺…我知道好多物品都是有化學成份, 在乎多與小, 而化學野亦是導致皮膚敏感之一…但耐何天然的東西會比較貴同不宜久存…同時很難找到真正的天然產品….
我都試過用茶仔洗頭, 但洗完比較”立” 所以用來洗碗碟, 其實真係幾好用, 但又出現另一個問題, 就是茶仔會塞渠的, 我是上網看到….
Yi:
我介紹這隻洗頭水不知含幾多化學東西,只是我買了一枝用覺得都不錯而已.通常越貴的化學料越少.
芳姐, 香樟木碎在那裹買的呢? 謝謝!
訪客:
我很多年前在一間古老的中藥店買過樟木碎,現在很少地方有售,不如上網問問吧?用來治風疹真的療效很好,你估那些香燭店有没有得賣呢?
Yi:
你的頭皮敏感,不宜用有太多化學品的洗頭水,你可以去[萬寧]買一種[有機糙米洗頭水],希望對你有幫助吧! 中醫認為[治風先治血,血行風自滅.]但凡癢都是體內有[風]的表現,那就要[行血補血]才能治了.你也可試用黑豆,黑芝麻南棗湯,能補血補肝腎的.
芳姐,
前幾年, 我都有出過風癱, 出左成年, 一星期有成三,四晚, 睇左中西醫…政府專科, 我又介口, 一直都查唔到原因, 但我可以肯定, 情緒好影響, 因為我心情唔好時, 出得特別勁, 特別痕….
但依家又另一個問題, 我頭皮成日都好痕, 又是中西醫都睇過, 西醫話我冇事,只開了洗頭水給我,沒用的..中醫就話我血燥生風, 都是沒用的, 做過頭皮測試, 說我有d敏感, 我都試過好多隻洗頭水,都係咁…
我想問, 有冇d抗敏保濕既洗頭水可以介紹? 因為我本身d皮膚都幾乾, 薄同埋敏感的….同埋我可以做d咩? 謝謝!
芳姐, 我連續三日晚上起風癱, 好辛苦呀, 到早上就冇晒, 我餵人奶的, 我唔想睇医生食藥呀, 有冇辦法呀, 謝謝!
訪客:
你試用黑豆1兩,黑芝麻5錢,南棗6粒,用5碗水煮成2碗服.對氣血兩虛型風疹很有幫助.如果你買到香樟木碎,用2兩水煎作外洗,很快可消除風疹.
再次多謝芳姐詳盡解答^^
mayluk:
歡迎瀏覽!^^
mayluk:
口苦可能是肝有熱,可以煲些夏枯草馬蹄水飲,(夏枯草1兩,馬蹄10粒,5碗水煮成3碗.)或用雞骨草2兩,蜜棗4粒煲水飲用.食療湯水可用雪梨,蘋果各2個,玉竹5錢,無花果4粒煲瘦肉湯服,有滋陰潤燥作用.都可改善症狀.
芳姐:
何故近日早上起來,感覺口苦,有無湯水介紹?唔該晒~~~
芳姐:
我前日又係用白苦瓜燜火腩,好味,食多一碗飯^^,
麥米2兩,黑豆1兩,杮餅2個煲湯服,能防治心臟發大.買吾到杮餅可以用其他代替嗎?謝謝芳姐
好好:
如果買不到京杮或杮餅,你可用粉葛(中藥稱葛根)或首烏代替.兩種材料都能改善動脈血流量.乾品每種可用1兩.
芳姐你好，
我媽媽之前聽人講，用土茯苓白朮白芷磨粉加檸檬汁蛋白敷面，同你昨天答的杏仁粉加蛋白一樣去斑嗎﹖唔該晒^ ^
金錢豹:
其實中藥中有不少能去黃褐斑,你所說的土茯苓,白朮,白芷均有袪斑作用,加上檸檬汁能美白皮膚,加埋蛋白,是一味很好的美白袪斑外用藥.只要令堂不怕煩買來磨粉就得.我介紹的杏仁粉坊間有現成的賣,除了外用,更可沖來服用,內服,外用一樣得.如果加些薏仁粉,更加理想.薏仁粉都有現成的賣.
怎么新增分类啊
芳姐：
好呀！到時我見到有廣告，我就 Click多一千次，一次一豪子，咁一千次咪有一百呅囉！啊！芳姐發達囉！祝你早日變百萬富翁，名利雙收。到時記住請我這個老太婆飲茶呀！哈！哈
！哈！
李老太:
世事怎會這麼理想?我只是想如果日後退休時有點收入都不錯而已.不望發達,只希望大家都身體健康!因為香港的醫療負擔日益加重,推廣一下食療,有助生活質素的改善,日子過得太平一點.人總要有個目標才成!^^謝謝你啦!
芳姐：
謝謝你的解答，不好意思，我用黃太送出廻響，電腦話我的留言重覆，但我再check 2 次都沒有我的留言，於是我有李老太再送出留言，再 check 的時候就發現黃太和李老太都有留言。我年過半百，眼矇耳聾，臨老學吹d 打，所以錯漏百出。請見諒！你真是好好人，有問必答。我在你的網頁學到很多保健知識。芳姐，如果你的網頁紅咗，出咗名，到時你會變成要收費的blog 嗎？
李老太:
你已經是一個好學不倦的長者,我也是幾年前才學電腦,初學時簡直錯漏百出,現在稍為好些少,但很多電腦知識仍然不懂.如果日後瀏覽人數增多一倍,或會引入廣告也未定,但絕對不會收網友費用的,請放心! 到時網友給我Click一下廣告,我就有一,兩毫子收入.哈哈,到時才請你們幫忙吧!
你好芳姐
請問虎靈芝可以加羅漢果煲湯嗎,因小朋友好多”啖” .
另請問羅漢果一星期可以飲2次嗎 (小朋友2歲多)
謝謝!
不好意思成日煩到你.
^^
amy:
虎乳靈芝能補益肺氣,很少和羅漢果同煮,多數與雪耳,杏仁,海底椰等同用.羅漢配西洋菜,或霸王花,杏仁或白菜同用就較多,都有化痰功效.或與無花果同泡茶飲亦可以.小朋友一星期飲用2次羅漢果湯是可以的.
芳姐：
早晨，我家相公眼睛紅，請問煲麼湯水好呢？勞煩晒！謝謝？
李老太:
已作答.請看上一個回應.
芳姐：
早晨，我家相公眼睛紅，請問煲麼湯水好呢？勞煩晒！謝謝？
黃太:
如果是結膜炎會出現眼球充血,分泌物很多;有時候眼睛血管脆化,也容易爆微絲血管而令眼紅,流眼水及刺痛的.可以用菊花5錢,桑葉4錢,決明子3錢,用3碗水煮20分鐘成2碗供服.如果屬肝熱引起眼紅,没有疼痛感,可用夏枯草1兩,菊花3錢.先用4碗水煮40分鐘,下菊花煮5分鐘即可飲用.對肝火上炎的目赤,怕光等很有幫助.
早晨芳姐.苦瓜我都好喜歡吃^^有問題請教你.因為最近看見惠康好多台灣的白色苦瓜賣.好靚(有點貴^^)因為家有老人因血壓有三高問題.如果用來榨汁飲會不會好?常常飲可否寒涼?要不要加點什麼進去?多謝你的回應!!!
angel:
苦瓜汁(任何種類苦瓜)都有降血壓功效,但性寒涼,可以加一個甜肉青椒同榨汁,或加少許生薑汁同服,就可減少寒涼之性.