By 芳姐 ( 13 12 月, 2010 at 7:18 上午)
· Filed under 小兒常見病
有些小兒可能脾臟功能受損,消化及吸收能力差,會出現面黃肌瘦,倦怠乏力,體重不增,營養不良等情況,令父母非常憂心.
日常宜多用一些有健脾功能及滋補功能的食療作調理,以補而不膩,補而不燥為主,例如用淮山,芡實,茯苓,扁豆,蓮子等,配合一些肉類同煮湯服.而鵪鶉素有[動物人參]之稱,能滋補五臟,補而不燥,又不滋膩,最適合脾虛的小兒食用.
用料是: 淮山,芡實,茯苓,白芸扁豆(可用普通扁豆)各5錢,紅棗6粒,急凍鵪鶉1隻.
做法: 鵪鶉劏洗淨,出水;其餘材料浸洗;將全部材料放入煲內,用6碗水煮約2小時成2碗半左右,一天服完.最好飲湯吃湯料.
~ 小貼士: 此湯可治病後體虛,全家可服.如作家常保健湯水,用料可增加一倍.急凍鵪鶉在大型超巿有售.
Permalink
芳姐，仔仔病好之後一直冇胃口食嘢，佢之前一直食得好好，但忽然之間而家唔係好肯食。有乜野湯水可以幫助佢胃口好返啲？thanks
Karen:
小米最健脾,可以煲些紅棗瘦肉陳皮小米粥供食,連服3劑,用量隨意.
請問芳姐鵪鶉轉用鷓鴣效果一樣的嗎？
敏:
鷓鴣能袪痰又能滋補五臟.鵪鶉能補五臟,强體質,兩種家禽都好.
謝謝
芳姐，
燉肉汁可以與這款湯水交替飲用嗎？
我小朋友連續飲了3天燉牛肉湯，之後是隔幾耐飲用一次呢？
C:
燉牛肉湯適合脾虛的小朋友,可以飲用1~2個月,每星期2~3次.圖中此湯可以和燉肉汁交替飲用.
Thanks
芳姐，
這款湯可以每星期飲用一次嗎？
芳姐，請問茯苓和雲苓（卷狀）是否不一樣？
fanny:
茯苓即雲苓,有卷狀,有粒狀的.
芳姐你好
兒子兩歲八個月
生長線一直在3％ 最低一條
高度及體重增長緩慢
看上去很瘦
日常他雖然很精神，亦肯吃， 有時吃很多但就是不易增重長肉
應該煲什麼湯水或者煮什麼給他吃呢
這個扁豆茯苓湯適合嗎謝謝
Phoebe:
這款湯水合適.亦可以多煲些四神排骨湯供服,有助吸收.
芳姐你好，
小兒7 歲，高度中上但體重過輕。吃飯很慢而且開始出大牙。燉牛肉湯可以每隔幾天服？另外可以燉鵪鶉或烏雞幫他？
感謝
芳姐你好，
小兒7 歲，高度中上但體重過輕。吃飯很慢而且開始出大牙。燉牛肉湯可以每隔幾天服？另外可以燉鵪鶉或烏雞幫他？
感謝
Joma:
燉牛肉汁最好一星期服3~4劑,有助健脾胃,及增强吸收能力.用淮山,蓮子,芡實各適量加紅棗,陳皮燉鵪鶉或烏雞湯能增强體質,同時增磅.
我個仔6個月偏醫生話偏輕，唔鍾意飲奶。
我可煲啲咩俾佢增肥？
Hilda:
試用鮮牛肉絞碎3兩,隔晚用清水一碗浸牛肉碎,第二天牛肉連浸的水隔水蒸燉40分鐘供仔仔一天分服,連續1星期,有助健脾胃,助生長發育.
咁係咪只係飲牛肉汁？
Hilda:
小朋友只需飲牛肉汁,但那些牛肉渣可以加水返煲,用來淥麵或淥通心粉就不會浪費.
感謝你，希望仔仔快啲增磅🙏🏻
芳姐, 我兩個女, 3歲和4歲
最近都面黃肌瘦, 連腳底都黃
這湯可飲嗎? 3歲和4歲茯苓可飲嗎?
還有什麼介紹? 我給過魚精, (跟滴雞精差不多, 不過味道她們不喜歡)
等你賜教 謝謝 !!
Miss Wong:
你可以經常煲這款湯供你兩個囡囡飲,最好食些湯料才有益.茯苓健脾利水滲濕,小朋友都可以用.合掌瓜黃豆小海魚湯營養豐富,也可經常煲來飲.
芳姐，
這款湯可以每星期飲用一次嗎？
訪客:
此湯一星期1次可以的.
你好 芳姐
囡囡4.5 歲。食量大。但不願咬肉類 好多時要剪碎才食少少，面較黃暗啞，很高但很瘦沒有長肉，因以前小時候喜愛大喊大叫，現在喊時都大聲嗌出來，會不會傷了髀胃影響了發育？
平時有什麼湯水可服用？ 平時燉豬肉水或按你以上牛肉水有用嗎？ 多吃鵪鶉蛋或鵪鶉髀有用嗎？ 謝謝你
張太:
食量大却不長肉,可能吸收力不足,或脾胃積滯.試用白蘿蔔1個,麥芽3錢,雞內金2錢,陳鴨腎2個,7碗水煮成3~4碗,囡囡一天分服2碗,一星期2劑,服2星期,看能否改善?
謝謝芳姐，
另外可以按照你蒸牛肉水方法都可嗎？牛肉水常服用會燥嗎？跟豬肉水有什麼分別？ 另外按照你小米粥都適合我女兒嗎？
謝謝賜教
訪客:
牛肉茶最健脾,尤其是小朋友.牛肉温性,只要本身没有皮膚舊患,飲用牛肉茶没問題的.脾胃差清燉牛肉茶較豬肉湯更理想.
好的 謝謝你 攪碎的牛肉水要先用水沖一沖 然後再加水浸過夜 ，然後連浸過夜的水一起蒸30分鐘 對嗎？如果妹妹一歲半有少少濕疹就不能復用吧 ？ 謝謝
等你賜教 謝謝
張太:
牛肉如果在肉檔絞碎就不用沖洗,用清水1大碗浸過夜,第二天取出牛肉連浸的水一齊蒸燉半小時,可加少許調味就可以供囡囡服.濕疹如在發病期不要飲,如没有發病,皮膚没有紅疹可以飲用的.
芳姐，
請問芳姐，淮山芡實鵪鶉湯，可否作燉湯？
若可以燉湯，用料需要增多或減少嗎？
蘇兒:
可以作燉湯的,如燉3人服無需減料.淮山,芡實等先用清水浸1小時,燉2小時已夠.
芳姐，若用作燉湯，是否三人服，就用三碗水去燉，如此類推？
蘇兒:
3人服加3碗半水,因為湯料會索走一些水的.
八個月大bb 食糊仔份量 同 飲奶量都少，體重不增長， 以上湯水 可以飲嗎？ 還有湯水增食慾嗎？
Suki:
8個月大BB可以試用絞碎牛肉3兩,隔晚用涼開水一碗浸一晚,第二天牛肉連浸的水一起加熱供BB飲,一星期3~4劑,至脾胃功能好為止.
芳姐，
這款湯適合10個月大嬰兒飲用嗎？
謝謝！
Celine:
嬰幼兒可以飲大半碗.
芳姐，你好，請問7個月BB可飲少許(幾匙)純瘦肉湯嗎？謝謝
小粉絲:
7個月BB可以飲幾匙燉瘦肉湯没問題.
芳姐你好
仔仔今年8歲，體重得21.9kg.比之前輕左，依家每晚食飯食到至少2個鍾多啲，有陣時食食下會去嘔，有陣時食2啖話飽，我都唔知點算好，試過好多方法拎佢食多啲野，飲燉肉汁，煲啲健脾胃湯水佢湯都唔得，我應該點做好，好擔心仔仔身體差落去
Maggie:
你仔仔情況建議看西醫作檢查,會否患上厭食症,或受幽門螺旋菌入侵影響?要找出原因才易用食療調理.如果胃氣脹,胃酸過多,經常飽飽滯滯有可能是幽門螺旋菌作怪,醫生查出了可用抗生素將菌殺滅.蒲公英茶都能殺此菌.
仔仔今年七歲但個瘦唔肯食嘢 腸胃唔好我想問食乜嘢可以增肥 同埋增高？？？😖😥😭😭🤔🤔🤔😋😋😋
May:
小朋友脾胃弱就不長肉不長高,要飲食營養均衡,多做運動及多飲水才成.這款湯可以一星期1~2次.另外可以燉些牛肉茶供服.用絞碎牛肉3兩,隔晚用清水放大碗中浸一晚,第二天牛肉連浸的水蒸30分鐘供仔仔飲,一星期3劑,服一個月或可見脾胃功能改善.
芳姐， 可能你漏了我這條問題:
我4歲兒子食量頗大但體重偏輕，只長高但不長肉， 已間唔時飲這款湯，還可以吃什麼幫助吸收營養增磅呢?
吳太
吳太:
你仔仔食量大,可能吸收力不足,可以用淮山5片,紅棗6粒煲小米瘦肉或牛肉粥供食.小米最健脾,有腦黃金之稱,但煲粥不黏稠,可加少許白米一齊煮.一星期2~3次,有助健脾胃,助吸收.
芳姐，
我4歲兒子食量頗大但體重偏輕，只長高但不長肉，是否吸收不好? 已間唔時飲這款湯，還可以吃什麼幫助吸收營養增磅呢?
吳太
Sally:
你可以用太子參3錢,淮山1兩,杞子3錢,圓肉10粒煲雞或瘦肉湯供服,有助健脾益氣,補血.太子參不屬參科,小朋友可以常用.
芳姐，你之前教我可以用太子參3錢,淮山1兩,杞子3錢,圓肉10粒煲雞或瘦肉湯供服,有助健脾益氣,補血.太子參不屬參科,小朋友可以常用.。我想問這份量用水多少及煲幾耐?
Sally
Sally:
可用7~8碗水煮個半鐘成4碗,全家可飲.
芳姐你好
仔仔4歲，只長高不長肉，成日面青青，家裡工人煮飯唔好食，可能是其中一個原因。可以煲咩比佢食，令佢多長肉同面色紅潤D呢? 佢一個星期有飲兩次牛肉茶，間唔時飲四神湯。謝謝。