By 芳姐 ( 21 4 月, 2011 at 7:09 上午)
· Filed under 皮膚病/暗瘡
在上海鄉間的菜巿塲很易買到新鮮魚腥草,那是去了葉的魚腥草根莖,5元1斤,聞它有濃濃的魚腥味,但用來滾湯,腥味消失,變成清香的味道.
魚腥草具有抗菌,利尿,消腫,清熱解毒等功效,對治療慢性尿道炎,支氣管炎,扁桃體炎,皮膚濕疹,手脚生瘡等均具療效,尤其對熱盛濕疹,症見濕疹急性發作,皮膚瀰漫潮紅,紅腫,水泡,丘疹融合或聚合成雲片狀,嚴重者甚至糜爛,滲出水液,劇癢.可以用鮮魚腥草,生薏米煲水代茶飲,連服數天見效.
用料是: 鮮魚腥草2兩(乾品5錢),生薏米2兩,冰糖適量.
做法: 鮮魚腥草洗淨;生薏米先用5碗水煮1小時,最後加入魚腥草煮10分鐘,調入冰糖煮溶即可供飲.
~ 小貼士: 圖中的是魚腥草根莖,山草藥檔售賣的是連枝帶葉那種.此湯對尿道炎患者亦非常適合.濕疹患者可加入綠豆及赤小豆各1兩同煮,更能增强療效.但寒底人士慎用.
Permalink
妳好, 我用5克魚腥草焗茶飲後, 有胃脹和心跳快左少少, 這是不適合飲用嗎?
芳姐,
妳好, 我用5克魚腥草焗茶飲後, 有胃脹和心跳快左少少, 這是不適合飲用嗎?
Paulman:
如果你飲魚腥草茶後有不適就不要飲.因為每個人都會對某些食物過敏.就像我對雜菇過敏一樣,我家人食用没問題,我一吃就不適.
芳姐，你好
我24 男，我頭皮+臉+頸有濕疹，反反覆覆，因為濕疹，頭皮也有脫髮問題，日照時頭皮發麻，非常難受，請問可用什麼中藥調理，生活習慣方面有什麼需要注意？
Messi:
你可用鮮土茯苓2兩,綠豆,薏米,赤小豆各1兩,蜜棗2粒煲瘦肉湯,8碗水煮成4~5碗,可分2天服,連服2劑(服4天),要吃些湯料,看能否改善?另外可用地膚子,白癬皮,側柏葉各5錢用7~8碗水煲半小時取藥汁洗頭,及抹疹濕患處,有助止癢.一星期3~4劑.平時少食辛辣煎炸食物,可以常泡些荷葉菊花茶飲用.
芳姐，
請教，此湯水如不下冰糖，改成加無花果，可以嗎?
謝謝。
Hailey:
可以不用糖,加無花果的.
芳姐，我全人奶，bb 4 個月有濕疹，頭，身，大脾出左好多丘疹細細粒，個頭痕到不得了。 中醫原先開魚腥草同其他中藥俾佢食，可惜佢胃寒受唔到，但又熱低。 想問有咩方法
Wendy:
你可用白癬皮,地膚子,側柏葉各5錢,6碗水煮20分鐘,用藥棉沾温暖藥汁塗患處,一日3次,有助止癢消疹,可連用3劑.你自己就要戒辛辣煎炸食物,及發物如無鱗魚,筍,蝦蟹,豬頸肉,鵝肉等.可以煲些鮮土茯苓,綠豆薏米排骨湯飲用,可間接讓BB快些消疹.
芳姐，
頭皮濕疹、耳仔濕疹，經常反反覆覆，請問有咩食療、湯水可以舒緩或根治？謝謝
Orrick:
你的情況宜看中醫調理.平時飲食少吃煎炸及辛辣食物.宜用鮮土茯苓1兩,赤小豆,扁豆,薏米各1兩,蜜棗2粒煲排骨湯,8碗水煮成4碗,可服2天服,一星期2劑.有助清熱解毒袪濕消疹.
thanks🥰🥰
芳姐你好，
小朋友2歲生了眼瘡，已有2-3星期，可以煲呢個？定可以煲咩？謝謝！
訪客:
你可以用桑葉,菊花各2錢煲水5分鐘供服,湯渣可以待微温用紗布包住敷眼患處,有助消炎消眼瘡.微温不要太熱呀.桑葉菊花茶可加蜜糖調服.一日2劑.
謝謝芳姐
芳姐你好，
小朋友粒眼瘡還未好，還有其他嘢可以敷眼嗎？
謝謝
Celine:
試用金銀花或土銀花+野菊花各3錢,碗半水煮10分鐘,趁温暖用藥棉沾汁後敷眼.1日敷3次,有助消炎解毒.
請問要敷幾多日？
謝謝芳姐
Celine:
一般敷3次應該見效,如尚未見效,要看眼科專科才成.
芳姐，
你好，請問四歲小朋友濕疹，飲此湯可以嗎？分量應該點調節呢？謝謝！
wing:
小朋友可以飲這款湯,鮮魚腥草兩半,生薏米1兩,冰糖適量,煮法一樣.
想問下有牛皮癬可煲甚麽湯水？
ding:
牛皮癬屬自身免疫功能的毛病,最好找經驗好的中醫治理.試用生地1兩,玄參,白芍,當歸,首烏各4錢,黑芝麻5錢,5碗水煮成2碗服,連服4~5劑,看能否改善?亦可用烏梅10數粒,紅糖適量煲粥常服.外用方面,可用韭菜,蒜頭各1兩搗爛,黏在紗布上敷患處數天,會有改善.但味道甚濃烈,宜在家居處才敷.
女兒19個月有濕疹同出風癩可以飲嗎?
Shuye:
此湯BB可以飲.不過最好找出致敏源,例如發病當天吃過或接觸過什麼東西,逐樣試,試到以後不去吃或接觸就成.
我想問淋巴癌可以飲咩疏通淋巴
mable:
你可以多食海帶,螺旋海藻,髮菜,香菇,金針,木耳,雪耳,蘆筍這類食物以疏通淋巴.少食辛辣煎炸食物.
芳姐你好，我仔仔6歲半，佢隻手指尾一年前開始有水泡，唔搽藥膏就越黎越多，一搽就好快好，睇過醫生搽D藥膏都唔啱用，自己唯有去藥房買先得，一唔搽又出翻黎，請教下芳姐點算好!
Grace:
如果你仔仔兩隻手指尾都出水泡屬濕疹,單一隻手的手指尾出就不是,如天氣潮濕,或仔仔精神緊張,濕疹會越長越多,可以種些蘆薈,或去山草藥檔買一塊蘆薈葉,切一小段,去皮後用來塗擦患處,塗後半小時才洗,有助消疹,用剩的要放雪櫃存放,每次用少少就夠,一日2~3次.有消炎解毒作用.另外可以煲些綠豆薏米糖水供食.
佢既手指尾出水泡已經年幾兩年，睇極都唔好，醫生話濕疹，搽醫生開既藥膏會爛手指，之後去左藥房問個配藥老闆，佢話真菌，佢個只要藥膏好有效，不過唔持續搽落去又長翻出黎，越黎也對水泡……
Grace:
你試用艾葉5錢,生薑3,4片,4碗水煮10分鐘作外用劑,一日浸手指3次,有助殺真菌.濕疹有水泡都有用.如有新鮮艾葉更佳,用1兩.
唔該曬芳姐
芳姐 請問乾的魚腥草（乾品）要煲多久？謝謝您。
蘇太:
魚腥草不耐久煮,否則藥效會減少,大約煮20分鐘已足夠.
多謝 芳姐。此水很見效，皮膚的濕疹在2～3日內逐漸消散。🙇🏻♀️
芳姐：您好！BB女4個半月，喂緊母乳，有濕疹，可以怎麼調理或者可以煲咩來搽？謝謝
cherry:
你可以用洗淨的香蕉皮,用白色那面替BB女輕輕按摩患處,20分鐘後用濕手巾仔抹淨,一日2次.有助消濕疹.
您好,芳姐:
過新年個幾日時常煎糕吃,现在口生了很多痱滋,平時我吃完煎炸的食物舌頭就生痱滋, 請問平時可以煲甚麼茶飲呢!魚腥草煲水可不可以呢!謝謝
tung:
你可以用金羅漢果1/4個(普通羅漢果都得),麥冬3錢,玄參3錢,4碗水煮成2碗服,連服3劑,有助清熱降火.煲些皮蛋鹹瘦肉粥食亦佳,連服2天.如經常生痱滋可能是身體缺乏維生素B群,要每天吃一粒維生素B什才可改善.
芳姐你好，
我今年51，更年期勁潮熱多汗! 10月尾兩邊胸部底下開始紅紅地同有d痕癢，但搽了一段時間之前家庭醫生畀的藥膏就無咩事。
但到咗11月尾又紅返，咁就去睇皮膚科醫生，佢話係汗癬，開咗口服藥物及有類固醇的藥膏，點知搽咗幾日就開始大爆發，由紅紅地變成鮮血紅色，仲擴大範圍咗，d邊位仲腫起咗，回去覆診，佢都即刻轉藥同開消炎藥，我問佢我係咩事，佢話汗癬、濕疹、發淡………… 但食咗3日都無改善，真係好擔心，兩邊胸本來各自紅腫，而家變咗中間都紅腫埋，連埋咗，d皮膚仲黑黑地色，好驚！
而且我兩邊大脾摺位都有d汗醃損咗，佢又叫我搽上次有類固醇的藥膏，點知而家搽了2日就突然好癢，今朝仲發現紅腫咗一達達，好似濕疹咁，都唔知點算！！
請問可以煲咩飲？係咪睇中醫好過西醫？
謝謝！
Fannie:
我估計你對所塗的藥膏敏感才會越塗越差.建議去幾間大學的中醫門診看經驗好的中醫師,如果經濟問題,可以看政府醫院設有中醫門診的地方看中醫治理.一般汗癬是真菌感染,塗汗斑水應可治好,但汗斑又誘發濕疹較麻煩些.你試用蒲公英,野菊花各1兩,10碗水煮20分鐘,一日分3次作外洗劑,有助加快消疹.食療試用綠豆1兩,鮮魚腥草2兩,海帶1小撮,冰糖適量,先將綠豆用5碗水煮半小時,加入魚腥草,海帶煮20分鐘,加冰糖煮溶成2碗,一天分服,連服3劑,對急性濕疹有幫助.
芳姐，多謝你的回覆，
我身體寒濕，適合飲綠豆魚腥草嗎？ 會唔會暈？
同埋而家已擴散到腹部，左頸，頸背都有濕疹，係咪都可以用蒲公英野菊花沖洗？
祝平安健康！
Fannie:
咁嚴重一定要看醫生治理了!可用蒲公英野菊花作外洗劑,一日3次.綠豆魚腥草較寒涼.試用北茋,防風,白朮,蟬蛻各3錢,黑棗6粒,5碗水煮成2碗服,或有助舒緩,連服3劑.
謝謝回覆🙏，
我會嘗試蒲公英野菊花洗劑同睇中醫，謝謝！
祝平安健康🙏
魚腥草是否可每星期煲給三歲小朋友作防流感之用？
謝謝你
karen:
魚腥草雖然有消炎作用,但性寒涼,一星期1次已足夠.小朋友平時只要飲食營養均衡,多帶小朋友去空氣清新地方活動,少去人多空氣差地方,及注意勤洗手就可減少受感染.
您好,芳姐:
請問寶寶9個月多，有濕疹，可以飲這個嗎？謝謝。
訪客:
BB9個月可以飲小半碗此湯.
芳姐:
近日經常急尿，但唔多，已睇中醫，食完藥又再發，可否飲魚腥草?
Lisa:
可以飲這款魚腥草茶,有利尿作用.或煲些鮮茅根竹蔗紅蘿蔔馬蹄糖水都有幫助.
芳姐你好，在菜檔有賣魚腥草莖（如圖白色梗的）和魚腥草嫩葉（綠色葉中帶些少紅色的），應該買邊種？謝謝你。
UEE:
魚腥草全株入藥,故你用有嫩葉那種最好.
芳姐你好.弟弟背脊有汗斑，胸口有濕疹，最近眼周圍亦有皮炎，都分別看過醫生，有食藥就會退少少，停藥就復發，不斷尾的，請問有咩方可幫助？而且佢個人都好似偏熱似輕微發燒，但探熱又冇發燒，請問有關係嗎？謝謝。
蘭:
你弟弟似乎免疫力較差,即會有皮炎,濕疹.試用鮮土茯苓2兩,赤小豆,薏米,綠豆各1兩,蜜棗2粒煲瘦肉湯供服,8碗水煮2小時成4碗,可分2天飲,連服3劑(飲6天),看能否改善?汗斑可以用蒜醋作外塗.用蒜瓣10粒,米醋浸過面1寸左右,浸1晚可用棉花沾蒜醋作外塗,每日塗擦一次.眼周圍就不宜塗了,眼皮太薄會太刺激皮膚.濕疹如果没抓破皮可以用蒜醋塗擦.低燒要繼續看醫生.
芳姐你好，我仔仔21個月大，有蠶豆症，佢3個月大開始已經周身上身都有濕疹，特別係頸，手，大脾位最嚴重，又紅又腫，而且皮膚特別乾，所以日日都好痕，睇過中醫話佢係脾虛＆濕毒＆熱底，請問可以飲魚腥草煲水，平時當水飲同沖涼？？份量是多少？請問仲有咩湯水/食療可以幫助濕疹架？另外我見你之前話小朋友都可以刮莎，我仔仔可以嗎？吾該哂！！
ULa:
仔仔太細個,不宜刮沙.可以用芫荽水沖涼,現時有些農產品直銷店芫荽很平,3元有一扎,你買4扎左右煲水作外洗劑,每日1次,連沖4~5天應可見效.或用生薯仔去皮後洗淨切薄片,用涼開水浸過面,待仔仔睡時用薯仔薄片貼患處,乾了換一片,很快消疹.魚腥草水可以飲,或用綠豆1兩,生薏米1兩煲粥仔供食,有助清熱解毒.G6PD患兒可食.一星期3劑.
多謝芳姐解答！我仔試過芫荽水沖涼，但洗完之後比平時更乾，而且仲紅起來痕到不得了，後尾問中醫話因為芫荽係屬於熱，我仔又係熱底，所以吾岩用，就連臭花草同艾草都係吾得，唉！請問如果用生薯仔，會吾會有呢個情況架？
另外魚腥草水份量應該點煲好？我想當水咁比佢飲，THANKS
綠豆1兩,生薏米1兩煲粥仔 》》係咪意思加入粥仔度煲比佢食呀？請問有無話可以一星期食幾多次？
ula:
生薯仔薄片浸涼開水,待仔仔睡時幫他貼患處,有消疹作用.不妨試試,又不貴.魚腥草2兩,蜜棗2粒,4碗水煮20分鐘可飲.綠豆1兩,薏米1兩煲1小時可服,如要加把米同煮亦成.一星期2劑.
可否用乾土茯苓代替，分量多少？
訪客:
可用乾土茯苓,用5錢就夠.
芳姐，
外子有濕疹，特別在工作有壓力就會發，煲咩湯好，佢又怕熱又怕冷，但應該屬熱底
Rita:
濕疹很多時和壓力有關,有些小朋友不到考試就周身痕,不過濕疹一定是對稱的,即左邊有疹,右邊一定有疹,否則只屬皮膚搔癢.可以用鮮土茯苓2兩,赤小豆,扁豆,綠豆各1兩,陳皮1塊,紅棗6粒煲排骨湯,10碗水煮2小時成4~5碗,全家可飲,你先生一天分服2碗,連服3~5劑見效.煲夠2小時不寒涼.