By 芳姐 ( 11 11 月, 2011 at 8:16 上午)
· Filed under 外感/頭痛/呼吸道病, 小兒常見病
一些剛上學的幼兒,感受外邪後咳過不停,令父母非常憂心.對於肺氣較弱的小孩,外感好後可以用一些强壯肺氣的食療.鷓鴣功能補中益氣,利五臟,化痰,配蟲草花,百合,麥冬,杏仁這類清心潤肺,滋養補虛的食材同煮,對容易咳嗽的小兒甚為有益.
用料是: 蟲草花1兩,百合1兩,麥冬5錢,南北杏1兩,生薑2片,紅棗6粒,鷓鴣一隻.
做法: 鷓鴣劏洗淨,出水;其餘材料浸洗;將全部材料放入煲內,加8碗水煮2小時成4碗即成.飲湯吃湯料.
~ 小貼士: 煲家禽類的湯,必須要加兩片薑同煮.此湯全家老少合飲.但外感未清者不宜服.
Permalink
芳姐, 我今朝帶咗阿仔去睇醫生, 醫生話阿仔係乳糖不適, 阿仔須要轉飲豆奶一星期+兩隻腸藥粉, 阿仔飲奶一直好地地, 我又冇轉奶粉, 又冇加份量, 佢一日只係兩餐, 一餐五安, 另一餐三安, 我係度諗會5會因為仔仔的二級倒流食抗生素令到佢腸內的酵素改變而致乳糖不適, 芳姐請問有什麼食療可以調理阿仔身體
HONGHONG:
乳糖問題的確難弄,現時只有聴醫生的話做.酵素越多人越健康,而吃肉類過多會消耗體內大量酵素;而生果所含的酵素和胃酵素近似,故最好胃空時吃生果,胃會不消化生果讓生果的酵素直接入腸吸收.但如果胃內有食物,生果的酵素就會被消化,變相少了生果的酵素,兼消耗掉體內胃的酵素.明白這道理,吃生果要飯前吃.或飯後3小時之後吃.讓體內酵素增加.你試試用這方法令仔仔健康些.
芳姐, 昨日家中煲了你介紹棕櫚果甘荀湯, 很漬甜很潤
本人母親話我們這一代真幸福, 例如兒子肚疴就可以上網搵資料, 他們那一代只會覺得是疴吽牛屎
昨日仔仔只疴了三次, 頭兩次都係好淋但不爛, 第三次係一粒粒<—雖然不是很靚, 但至少成形
我今天繼續煲淮山炒扁豆芡實粥, 希望等他情形定下來, 但如果今天仍疴一粒粒, 有否須要更改??麻煩你
HONGHONG:
如果你仔仔開始便硬,就要減少放芡實,因芡實吃得多會便秘的.
芳姐, 多謝你回覆
芳姐
多謝你回覆, 今天仔仔的便便已沒有爛, 沒有酸臭味, 鼻樑上的青根亦小了很多, 只餘小小, 但仍然是食一餐疴一餐, 大便很軟有鼻涕狀, 是否繼續服淮山炒扁豆芡實, 須要加茯苓嗎??
HONGHONG:
你仔仔大便仍未完全正常,可繼續服淮山炒扁豆芡實粥可以加4錢茯苓.
芳姐, 小兒一歳, 有2級倒流, 3月頭時有小小鼻水兼小小發熱(5夠100度), 佢飲咗2次收鼻及退燒藥水, 就開始肚疴, 食一餐疴一餐, 但便便不爛, 但很酸臭, 有鼻涕狀, 疴了4,5日, 停咗4日, 又疴過, 但今次係一PAT PAT兼酸臭, 有鼻涕狀, 家人話係牙仔屎, 最後見你教准山, 炒扁豆, 時實, 仔仔無論次數及便量大大減小, 便便亦無咁一PAT PAT
想請問准山, 炒扁豆, 時實 可以飲多少天???
之後靖問有什麼食療推介???
HONGHONG:
淮山炒扁豆芡實食療可以服用1~2週,有健脾益氣,補腎之效.對小朋友有益,但芡實易造成便秘,故症狀改善後少用些芡實.
另外, 想問蟲草花可以在哪裏買? 我問過幾間藥材舖也沒有. 只有冬蟲草.
TING:
鷓鴣在活雞檔有售.蟲草花在大間海味中藥店有售,可去海味乾貨店問問.
芳姐, 請問鷓鴣可以在哪裏買? thanks
芳姐, 想請教一下點解煲家禽類的湯要加薑呢?
澤mama:
因為家禽很多時會吃一些如半夏這類化痰植物,家禽本身具先天的免疫力,這些植物對牠們很有益,但這類植物如果人吃了會有一定毒性.生薑往往能尅制這些毒性,故但凡用家禽煲湯,必須放幾片薑.
芳姐, 小女8歲,請問小女早起時容易有咳,口腔易生有痱子,應煲什麽湯水? 鱷魚肉? 蟲草花? 我見超市有蟲草花賣,可靠有用嗎?謝!
頭痛的瑩媽:
你囡囡可能有些陰虛內熱,可用沙參,麥冬,玉竹各3~4錢,無花果4粒,南北杏1兩煲瘦肉湯服,有助滋陰潤肺,止咳,消痱滋.蟲草花主要看產地,超巿賣的可以用.
芳姐,如果買唔到鷓鴣,可否用急凍鵪鶉代替?唔該晒!
Amy:
鵪鶉素有[動物人蔘]之稱,能滋補五臟.可以用急凍鵪鶉代替.
芳姐,
阿b 20 個月,我呢幾日間住煲”蓮子連心加燈芯草水”同”虎乳靈芝雪耳白合南北杏湯”俾阿b飲, 每款湯都各煲左2次, 但佢呢兩日既大便唔似以前咁一條條, 呢幾日既大便係一’pat pat’, 不過就未至於係肚呵, 請問係咪阿b唔受得呢0的湯呢? 定係我煲得太密呢? 其實bb既便便正常係點架? 阿b 0的便便成日都好臭, 係咪唔正常呢? 謝謝
Ra:
如果小b腸胃有濕,就容易出現便爛和有很臭.正常大便應是條狀,没太大臭味.你可以在湯料中加淮山4,5片,茯苓4錢同煮有助健胃袪濕.
芳姐, 多謝晒你既回覆, 請問蓮子連心加燈芯草(亦即燈芯花)3~4扎煲水要飲幾多日架?
Ra:
蓮子燈芯草湯可以連服3天.
芳姐,
其實阿b都有0的睡不安寧, 近期差唔多每晚都會醒1-2次, 每次醒都好似好’忟憎’, 好似發脾氣咁叫同喊,同會用腳揼張床,
我要抱起佢一陣, 等佢瞓返先放回bb床, 所以都要試下煲蓮子連芯1兩,燈芯草3扎俾佢飲, 請問要飲幾多日架? 可唔可以用黎溝奶?
可唔可以同急凍鵪鶉一齊煲? 燈芯草同燈芯花係咪一樣架?
Ra:
你bb的情況可能有點心經積熱,可以用蓮子連心加燈芯草(亦即燈芯花)3~4扎煲水,可以用來開奶,煲鵪鶉湯都可以.
芳姐,
我聽人講過bb俯睡係因為”心熱”, 其實係唔係架? 如果係, 我又可以用咩食療呢? thx
Ra:
bb俯睡没有特別原因的,心熱會睡不安寧,晚上哭鬧,你小b有没有這等情況?如果没有就不要太担心啦!如果有,可以用蓮子連芯1兩,燈芯草3扎,4碗水煮成1碗供服.有助清心經積熱.
芳姐,
謝謝你的回覆, 我尋晚試過將張被疊成長條型放係阿b左邊, 但佢都係照俯睡. 其實我平時都有俾佢著背心型既睡袋瞓, 只凸出個頭仔同雙手,兩邊都有[嗶鈕]嗶實, 但佢都係照俯睡, 可能我要買2條圓型攬枕放係佢兩邊, 希望會好0的啦.
但其實bb點解會俯睡呢? 對身體有乜野唔好呀? 我又可以煲0的咩令佢好0的呢?
佢一向無用枕頭, 係咪俾個枕頭仔佢瞓會好0的呢? 因為好似有野拓下個頭, 唔使成日壓住個心臟瞓0麻.
Ra:
bb俯睡會壓着心臟,美國有研究指,俯睡嬰兒猝死率較高,除非是早產嬰或裂唇嬰兒就需醫師指導下作俯睡.為了小b安全,有需要更正其睡姿.現時你不放枕頭仔是對的,bb不用枕頭都得.bb俯睡没有什麼原因引起,可能小b在你肚內時喜歡這個姿勢都未定.^^ 講笑而已!也不用太担心,只要平時留意,很快可改善小b睡姿的.
芳姐你好,
阿b 20 個月, 呢兩日瞓覺時會無端端好似口水’俗’親咁咳幾聲, 好似俾0的鼻水/口水’俗’親,
我驚佢作感冒, 已用蔥根水開奶, 請問呢個湯0岩唔0岩佢飲?
仲有, 佢由識反身開始, 已經好鐘意扒0係度瞓, 唔知係個鼻唔舒服定心火盛,
但因我老公家族有鼻敏感, 可能佢遺傳到所以個鼻唔舒服, 其實扒0係度瞓係咪唔好架, 我可以點做呢?
另外, 我好少見到大超市有鷓鴣賣, 鵪鶉就有, 可唔可以用鵪鶉代替呀?
唔好意思, 好多問題, 麻煩晒你呀 ^^
Ra:
鵪鶉有[動物人蔘]之稱,能補五臟,最合小兒服食,如能買到鵪鶉就最好用來煲這個湯供服.小兒俯睡並不太好,建議你替小b兩旁墊長條形軟枕,讓小b不易俯伏睡覺.天冷可以買那些像夾衣的睡毡,只凸出個頭仔,兩邊都有[嗶鈕]嗶實,就不易反身了.可以用蘆根5錢,薏米5錢,茯苓3錢煲水開奶,有助清熱袪痰.
多謝你, 你講得對, 還是買新鮮的較好…
芳姐:
在街市見到一個新界嬸嬸, 她擺買一些 “鷓鴣乾”, 是經過生晒的. 100 元有6-7 隻.
她說等同新鮮一樣好, 可煲湯及焗飯的…. 看似好好味…
不知你有否見過, 好想買來試試, 以作煲湯之用.
蘇菲媽媽:
我都有見過這種鷓鴣乾,但看顏色知道放了不少防腐劑,不宜多食,尤其是給小朋友更不適宜.小心一點較好.
芳姐, 您好, 請問阿仔仲有流鼻涕, 黃黃地, 可飲羅漢果水嗎? 因他仍然有痰。另外羅漢果裡面的核要去掉才煲嗎? 謝謝
澤mama:
你可以煲羅漢果水供仔仔飲,有助袪痰,不用去核的,連皮及核一齊煲才有效.仔仔尚流黃涕,可以用辛夷花,白芷各2錢,葱白3條,紅棗6粒,3碗水煮成1碗供服.葱白後下.
芳姐, 小兒兩歲, 近日得感冒氣管炎後一直都有咳, 醫生話他有好多痰, 氣管很緊, 因剛剛吃完消炎藥, 不能再吃, 所以處方了激素比佢, 幫助去痰, 現在應該煲這湯比佢飲嗎? 羅漢果水什樣煲呢? 有咩食療可保護氣管? 對不起, 太多問題了, 謝謝!!
澤mama:
羅漢果能袪痰,可以用半個,打碎,加1塊陳皮,用3碗水煮成2碗,一天分2次服,有助袪痰.川貝能減少氣管痙攣,紅棗能抗過敏,所以平時可以用1~2錢川貝末燉雪梨或杮餅食用,有助保護氣管.紅棗可以配南棗,蜜棗煲水代茶飲,都對小兒經常咳嗽有幫助.你可看那篇[三棗茶]食療作參考.
芳姐,
thanks for yr superfast reply!! really appreciated!!!!!!!!!!!!
芳姐,
你好!
小兒如岡開始流鼻水, 有少少咳,可否飲蟲草鷓鴣湯﹖如巳服了, 怎办??
謝謝。
Amy:
小兒剛作外感不宜用補益湯水,如果已經飲了也不妨的,一次半次不會令病邪坐大.你滾些生薑芫荽葱魚片水,趁熱供服,有助發汗解表,袪除病邪.
芳姐你好,
小兒將四歲,感冒後連續二星期多曰與夜也有很多痰在喉嚨,咳後痰又吞回,一起床開始痰會更多更嚴重,剛看第三次西醫,只有痰多沒有其他病,情況沒有改善。請問小兒現在能否喝此湯,有沒有適合他的湯水?如此湯改用燉可以嗎?謝謝!!
Apple:
你平時可以多用芡實煲粥或煲湯供令兒服,有助減少痰涎產生.要吃煲好了的芡實才有效.現時可煲些羅漢果水供飲,有助袪痰.此蟲草花百合鷓鴣湯可燉服,連湯料同食更佳.
芳姐妳好!我在blog常見到妳寫關於鼻敏感的藥坊要加葱白,還要是後下的,請問芳姐後下即是啲葱要煑幾耐呀?
yan:
葱含揮發油,很易揮發掉有益物質,故宜後下,大約滾2分鐘就成.有通鼻竅之效.
芳姐,
早呀! 你漏左我未復呀!
謝!
芳姐:
近年來月經前後必頭痛得很,止痛藥又不止,西醫話荷爾蒙轉變所以如此,請問有何方法可解決!thx
秀:
建議用川貝燉雪梨加蜜糖供你囡囡服用較好,因為她牙肉浮腫有些虛火,宜用清熱食療.可以用白果7粒,去芯,南北杏1兩,皮蛋1隻煲鹹瘦肉粥供服,能滋陰降火,化痰止咳.
女兒7歲,咳了3天,日間有咳,晚上沒咳,有痰,但咳出就吞下,故未能觀察痰色,沒有鼻水也沒有鼻塞鼻涕,前面牙肉有些少浮起,請問可以飲此湯彧者可以川貝煲雪梨飲用嗎?如果都不合適,請賜教其他食療, 謝謝你!
fifi:
如果用鮮牛大力,用1兩,乾品5錢,巴戟5錢.感冒咳有黃痰不宜飲黨參栗子湯,會令病邪坐大.
芳姐: 多謝賜放,你提及可配牛大力及巴戟,請問份量要少?另外,如開始作感冒或咳有黃痰或生非滋,可否飲黨參粟子湯?
Fifi
你好芳姐
請問蟲草花要浸幾耐呀,我浸大約1-2小時, 因浸完水變黃好像的花脫色, 請問是否正常呀?
或是我浸太耐呀? 或是的花是徦的?
唔好意思咁問題!
AMY:
蟲草花沖洗就可以用.花本身橙黃色,屬天然色素,浸水會退色的,没問題.不用浸1~2小時,如浸了,連水一齊煲都可以.
芳姐:
已看了私人回應,謝謝你的回覆。
May:
已在私人回應答了你.應該不相沖的.小朋友不宜飲.
芳姐,你好! 請問靈芝、丹參、羅漢果一起煲水飲,會否相冲和有什麽功效?這個湯水是否適合全家老少經常飲用?謝謝!
芳姐,請問咩叫腎氣不足? 同成日聽人講既腎虛又有無分別呢?
同埋,腎氣不足可以食d咩???
唔該晒你芳姐~
lily:
腎虛意即腎臟精氣不足之意.腎虛症狀︰精神疲乏,頭暈耳鳴,健忘,腰膝酸乏,陽痿遺精。可分為腎陰虛,和腎陽虛.腎氣不足是指腎陽虛.症狀是頭暈目眩,身寒怕冷,滑精陽痿,咳喘身腫,腰酸夜尿,足膝痿弱,清晨腹瀉,便溏尿頻;舌質淡,側有齒痕等.腎氣不足可以多用巴戟,杜仲,肉蓯蓉,杞子,圓肉這類食材燉羊肉,雞肉或海參,花膠一類東西食用.
芳姐,謝謝你的回覆。沙參,玉竹湯可否加准山、蓮子、龍眼肉﹖是否合傷風咳未清飲用﹖
Alice:
傷風咳未清最好暫時不要加淮山,蓮子,圓肉同煮,等外感清了才補益較理想.
芳姐, 您好!
我看見超級市場裡面有一包包新鮮的牛大力和土伏苓, 已經切好包在一起賣, 請問配什麼材料煲湯好呢??
LING:
如果你用作强筋健骨,袪風濕,可以配栗子3兩,紅棗6粒煲豬展或豬尾骨湯服.腰膝痠軟則在湯料中加3錢牛膝同煮,引藥下行.
芳姐:
你好, 我想問粟子可以煲什麼湯?另外請問党參、淮山、粟子、瘦肉可否一齊煲湯?此湯是否適一家大小飲?有什麼益處?如果一家五口飲用,材料份量要多少?要煲多久?
多謝賜教!
Fifi
fifi:
栗子可以配你提的黨參,淮山煲瘦肉湯,能健脾益腎.亦可配牛大力,巴戟等煲豬尾骨湯,能强筋健骨.一家五口用,黨參5錢,淮山1兩,栗子3兩,瘦肉適量,8碗水煮約2小時成5碗即成.
唔該芳姐
芳姐您好,
忘了說小囡還有點夜咳,這退燒茶有沒有影響嗎?
謝謝
Nat:
有咳用南北杏1兩代替石膏.
芳姐,你好!如傷風咳剛好,還有點未清,可否飲沙參,玉竹湯﹖可加什麼材料﹖謝謝。
Alice:
你可以飲沙參,玉竹湯,加雪耳,杏仁,紅棗煲瘦肉湯,能滋陰潤燥,止咳.
芳姐您好,
小囡4歲,發燒38.5度,想問煲什么可以怏點退燒?
謝謝
Nat:
你用蘆根5錢,生薏米1兩,石膏1兩,竹葉芯3錢,蜜棗2粒,5碗水煮成2碗,有助退燒.
芳姐﹕
想請教, 栗子、綠豆、雲苓、生意米可否一齊煲呢?謝謝!
同同:
通常用綠豆,雲苓,薏米一同煲,很少加栗子,不過加了栗子湯水都好味,不相沖的.
Thanks a lot!!!
芳姐,吳該晒,我今晚煲來飲^^
芳姐,
朋友話 煲湯落麥冬時要將中間的白色芯起去, 因為連芯一齊煲湯會燥熱, 這事真的嗎?
我見街市買的鷓鴣是預先劏好, 價錢要件60-70, 是否合理?
另外, 避免雌激素(頭、頸、翼、腳 & 臀部) 我都不要, 是否正確?
謝!!
芳姐,
妳好,近日不知什麼原因條脷及口腔上顎好痕,請問有什麼食療可以舒緩?
KAREN:
你的情況可能風重,試用蟬蛻3錢,防風3錢,菊花3錢,3碗水煮成2碗供服,看能否改善症狀?
芳姐,早晨!
本人這幾天摸到一邊鼻腔內腫起一塊,按下有些痛,
請問可甚麼令這些無名腫毒消腫呢?謝謝!
本人有血壓高但又怕冷,個子瘦但舌紅苔薄,經常不夠瞓,面色又青黃又帶紅,有黑眼圈,請問我是甚麼體質,需要怎樣調理?
謝芳姐!!!
Irene HO:
鼻腔有腫塊,建議最好看醫生檢查,因為就算是鼻生瘡都宜快些用藥消除,以免瘡腫發惡作怪.你怕冷,面色差,有黑眼圈,似乎肝腎不足,但怕冷是腎陽不足之象,可能陰陽兩虛.可以用北茋3錢,沙參,玉竹各3錢,紅棗8粒,百合1兩,蓮子1兩燉海參湯服,有調補陰陽,養心安神之效.
芳姐:.
鷓鴣較難買, 用瘦肉代替可以嗎?
3cats:
現在大多數活雞檔都有鷓鴣賣,要早些去,或預訂就有.可以用瘦肉,不過療效當然不乃鷓鴣.
芳姐:
你好!
請問蟲草花的英文是甚麼?
因為看你的文章知道它有很多藥用價值, 想家人從海外寄過來, 但不知海關批準入口否?
芳姐可否告訴我有什麼網址可以找到中藥或藥材的中文與英文之對照, 使我方便向海關查詢, 不用再麻煩你!
謝謝!
Blli:
蟲草花的英文名字我都不知道.抱歉!如果你想知道更多有關中藥材的中英文對照,試登入http://www.e2121.com 這個名為ENatural Health center 的網站,有很多關於中藥的資料.