小兒痰咳—三子粥

     小朋友傷風、感冒後咳嗽,由於小兒不懂吐痰,痰涎積聚,容易引致咳嗽不止。所以平時要引導小朋友多飲開水,當患上傷風、感冒時,大量飲水有助將痰排走,否則要幫小兒拍背,然後飲水,減少併發肺炎的機會。

     中藥蘇子、白芥子、萊菔子有降氣豁痰,止咳定喘功效,用這三種化痰藥來煲粥,對痰多咳嗽者很有幫助,尤其是因吃得西藥多令脾胃虛弱,痰壅氣滯的小兒更是有益。

     用料是: 蘇子3錢,白芥子3錢,萊菔子3錢,白米2兩。

     做法: 三子搗碎,入茶包袋,與白米煮成稀粥,隨量服食。

     ~ 小貼士: 此粥適合痰多咳嗽小兒服食,對咳嗽喘逆,痰多胸悶,食後腹脹的老人家亦很適合。但如果没痰,只有乾咳者就不適宜服用。

634 comments »

  1. Ultima said,
    一月 25, 2018 @ 5:40 下午

    你好芳姐
    囡囡2歲9個月2個月內感冒3次之前喝龍脷葉枇杷葉石黃皮湯已經無咳有好多痰不懂吐出,睡覺聽到有鼻涕(流唔出)塞鼻同痰聲(好傑)用這食療可以嗎?白芥子會刺激嗎?謝謝!

  2. Ultima said,
    一月 25, 2018 @ 5:21 下午

    芳姐
    囡囡2歲9個月2個月內病咗3次之前喝咗龍脷葉枇杷葉石黃皮湯已經無咳,不過睡覺有鼻涕聲(好傑)流唔出塞鼻有好多痰吐唔出,用這食療可以嗎?白芥子會唔會太刺激?謝謝!

    • 芳姐 said,
      一月 25, 2018 @ 7:43 下午

      Ultima:
      你可以用蘇子,萊菔子各3錢,辛夷花6朵作茶包袋煲瘦肉粥供服,連服3劑,有助化痰收鼻水.

      • Ultima said,
        一月 26, 2018 @ 10:19 上午

        這問每餐一次定係每天一次不是太懂,謝謝!

        • 芳姐 said,
          一月 26, 2018 @ 1:30 下午

          Ultima:
          這款化痰收鼻水粥可供一天服,小朋友未必肯全部替你吃完,隨量服用就成.第2天又煲多一煲,第3天再煲多一煲供食.即連服3天.

          • Ultima said,
            一月 26, 2018 @ 2:21 下午

            多謝芳姐!

  3. Grace said,
    一月 16, 2018 @ 9:13 上午

    芳姐,
    上次你俾我既食療,仔仔夜晚訓覺時已無咳。但每次午睡後,同朝早起床後,都會咳一陣,玩完啲要跑或者好刺激既活動,過後又會咳幾聲。
    請教今次要煲乜野好?多謝芳姐

    • 芳姐 said,
      一月 16, 2018 @ 12:44 下午

      Grace:
      你試用桔餅1個切碎,北杏3錢,雪梨1個去核,陳皮1塊,4碗水煮成2碗供服,連服3劑,有助止咳.

      • Kiko said,
        一月 25, 2018 @ 9:26 上午

        芳姐
        仔仔20個月,久咳兩個月有多沒斷尾,有時仲會流鼻水,而家仲有啖咳,成日捽鼻,請問應該煲咩湯水俾佢飲,謝謝

        • 芳姐 said,
          一月 25, 2018 @ 3:36 下午

          Kiko:
          你試用蘇子,萊菔子各3錢,辛夷花6朵,滾瘦肉湯供服,4碗水煮成碗半,一天分服.連服3劑,看能否改善?

          • Kiko said,
            一月 26, 2018 @ 2:56 下午

            好的,多谢芳姐

  4. Grace said,
    一月 7, 2018 @ 5:53 下午

    芳姐:
    唔好意思,再一次要向你請教下。上次煲左你教我既蘇子,萊菔子,辛夷花同瘦肉湯俾仔仔飲,飲左兩日聽唔到有痰聲了,但仍然日/夜都有咳聲,唔算多,鼻水仍時白時黃,但流得唔密。不過佢總係好準時訓到半夜十二點至一點內會連續咁咳幾聲,咳完幾次就再聽唔到佢再咳,唔似日間同晚間咁,就咁咳一聲就完。
    依家應該煲洋蔥水?定係煲枇杷葉,吉餅,陳皮,辛夷花又可以嗎?定應該煲其他野俾佢飲?請芳姐指教下🙏

    • 芳姐 said,
      一月 7, 2018 @ 8:01 下午

      Grace:
      如果半夜只咳幾聲,睡前2小時就煲洋葱水供飲.如日間鼻水又有咳,可以煲枇杷葉桔餅陳皮辛夷花水供服.

      • Grace said,
        一月 7, 2018 @ 10:01 下午

        好多謝你芳姐。我試試。

        • Grace said,
          一月 11, 2018 @ 9:17 上午

          芳姐,
          試左之後,其實佢日間我好少聽到佢咳,但變左夜晚7點幾,8點開始聽到咳聲,入睡後都間唔時聽到有幾聲咳,訓醒又係會咳一陣,之後就無咩咳。同埋唔知係咪呢兩日天氣轉涷,佢呢兩晚訓覺都聽到佢個鼻呼吸聲,好似鼻塞咁,訓醒起身都聽到佢個鼻既呼吸聲,用吸鼻器都吸左啲少量鼻水出黎,白白地綠綠地。
          好擔心佢啲咳咁耐(兩星期有多),會變成敏感,請問可以再煲咩幫到佢?

          • 芳姐 said,
            一月 11, 2018 @ 12:35 下午

            Grace:
            你試用辛夷花3錢,麥冬3錢,陳皮1個,桔餅1個切碎,4碗水煮成2碗供一天服,有助收鼻水,止咳.

  5. Grace said,
    一月 4, 2018 @ 1:33 上午

    芳姐,
    仔仔3歲睇左西醫,醫生話佢有啲啲喘,咁食完啲咳藥水同收鼻水藥,無再咳得好密,但都仲未清哂啲咳痰同埋鼻水。依家無藥食之下,日夜都仍有痰咳,但佢訓覺總係半夜12點幾1點就開始有咳同有痰聲,之後無再咳,直至到清晨五至六點又黎聽到咳聲。佢啲痰咳已有一星期有多,啲鼻水前前後後攪左三個星期斷斷續續都未清得哂。其實我唔知佢係咪寒咳,但又唔知煲啲乜野先可以幫到佢?希望芳姐幫忙解答🙏

    • Grace said,
      一月 4, 2018 @ 8:54 上午

      唔好意思,芳姐,我漏講左佢啲鼻水有時見黃黃地,黏黏地

    • 芳姐 said,
      一月 4, 2018 @ 9:17 上午

      Grace:
      你試用蘇子,萊菔子,辛夷花各3錢滾瘦肉湯供仔仔飲,連服3劑,有助袪痰收鼻水.

      • Grace said,
        一月 4, 2018 @ 9:25 上午

        請問幾碗水煮成幾碗?大概煲幾耐?🙏

        • 芳姐 said,
          一月 4, 2018 @ 2:20 下午

          Grace:
          大約4碗水滾20分鐘,隔渣成2碗供仔仔一天分服.

          • Grace said,
            一月 4, 2018 @ 3:21 下午

            Thank you芳姐

      • Tatababy123 said,
        一月 29, 2018 @ 1:02 下午

        芳姐你好, 小兒兩歲半,流鼻水已一個月, 好多痰,已用蘇子,萊菔子,辛夷花各3錢滾瘦肉湯供仔仔飲,連服了6劑,有少少改善,可否再飲幾劑?飲多幾劑有沒有副作用?謝謝!

        • 芳姐 said,
          一月 29, 2018 @ 8:41 下午

          Tatababy:
          如見改善,可多飲3劑,此湯很平和,主要是化痰,收鼻水,没問題的.

          • Tatababy123 said,
            一月 30, 2018 @ 9:54 上午

            多謝你寶貴的意見! 🙂

  6. grace said,
    十二月 14, 2017 @ 8:30 上午

    芳姐
    小兒3歲. 早前連續幾天一起身就鼻塞一段時間,直至昨天開始流少少清鼻水, 但吸出黎係有少量綠色. 今天變成直流綠鼻涕. 暫時只聽到一至兩聲乾咳.
    請問可以點做?

    • 芳姐 said,
      十二月 14, 2017 @ 5:14 下午

      grace:
      你試用金銀花,辛夷花各3錢,葱白3棵,綠茶1茶匙,3碗水煮10分鐘,一天分服,連服3劑.有助消炎收鼻水.

  7. Ho said,
    十二月 5, 2017 @ 1:23 下午

    芳姐你好👋🏼!囡囡咳左個幾月、睇左幾次西醫仲未好,話係氣管敏感、藥食晒喇,但仲有痰同咳請問可以飲咩?

    • 芳姐 said,
      十二月 5, 2017 @ 5:19 下午

      Ho:
      久咳未好,試用烏梅2粒,麥冬3錢,桔梗2錢,玄參2錢,甘草1錢,3碗水煮15分鐘供囡囡飲,連服3劑,看能否改善?此茶對喉癢,敏感咳有幫助.

  8. Miss Miss said,
    十二月 4, 2017 @ 10:45 下午

    芳姐,

    你好!女兒四歲半,上星期五開始流鼻水,演變到最近呢兩天鼻水好勁,透明色而且黏,有時會夾雜著少量黃綠色,另有痰咳。佢呻乾淨哂啲鼻水出來,量好多,但好快半個小時左右,又呻到大量鼻水出黎。呢幾天都試過燉洋蔥蒜水,但鼻水好似無減少到,而體溫最高時有37.4,有時又回落至37,體溫上上落落好幾天。請問有咩方法可以加強收鼻水?
    希望能得到芳姐解答,謝謝你!

  9. 馬太 said,
    十一月 22, 2017 @ 5:13 下午

    小朋友全日有咳,訓覺有咳,,流清鼻水,鼻塞,體溫比平時偏高,接近低燒。
    請指教可以煲乜野俾佢飲?謝謝芳姐

    • 芳姐 said,
      十一月 22, 2017 @ 7:53 下午

      馬太:
      小朋友如低燒表示病邪未趕走,如燒不退要看醫生.試用洋葱1個,去衣切塊,蒜瓣6~8粒拍碎,3碗水煮成1碗供服,有助解表殺菌,通鼻,止咳.服2劑,看能否改善?睡前可以用棉紙巾剪成條,沾淡鹽水後扭緊,替小朋友通鼻管,有助安睡.

      • 馬太 said,
        十一月 23, 2017 @ 2:54 下午

        芳姐。謝謝你先
        小朋友體溫已回覆正常,鼻水開始少左,好奇怪,佢只係訓覺(午睡同晚覺)咳得好利害。但一起左身玩,都會有幾聲咳,但無訓覺果時咳得咁利害。咁係再飲洋蔥蒜水定轉其他食療?
        唔該芳姐。

        • 芳姐 said,
          十一月 23, 2017 @ 3:20 下午

          馬太:
          你可以給洋葱水供服,洋葱可以番蒸多一次.即一日服2次.

          • 馬太 said,
            十一月 24, 2017 @ 10:52 下午

            芳姐,佢鼻水依家變左綠色鼻涕
            同埋訓覺剛入睡果陣個鼻發出啲聲音好勁,係咪因爲鼻塞或者鼻水太多困住係入邊?之後咳到醒埋,我都唔知係咪佢入邊鼻涕攪到佢咳到咁?
            用辛夷花可幫到嗎?請芳姐幫忙。謝謝妳

          • 芳姐 said,
            十一月 25, 2017 @ 8:53 上午

            馬太:
            鼻涕黃綠色表示有炎症,最好看醫生治理,以免惡化為鼻竇炎.可用辛夷花3錢,金銀花3錢,綠茶1小撮,泡茶服,連服3劑.

          • 馬太 said,
            十一月 25, 2017 @ 2:28 下午

            請問泡茶意思係沖熱滾水,焗一陣飲?
            如家中無綠茶。只用辛夷花及金銀花可以嗎?仲有些咳未清都可以照飲?
            謝謝芳姐

          • 芳姐 said,
            十一月 25, 2017 @ 4:26 下午

            馬太:
            開水沖泡,焗5分鐘可飲,如無綠茶,有咳,加4片甘草吧.

  10. grace said,
    十一月 20, 2017 @ 10:32 上午

    你好芳姐, 之前見你教如日头干咳, 跑或者玩得激小小就咳得犀利, 可用雪梨,蘋果各1個,去皮,去核,百合1兩,無花果4粒,南北杏1兩煲瘦肉湯, 秋天最合飲. 請問要落幾多水同煲幾耐???

    • 芳姐 said,
      十一月 20, 2017 @ 12:17 下午

      grace:
      如果全家飲,蘋果,雪梨各加多1個,其他材料照樣就成,6~7碗水煮45分鐘成4碗.

  11. 師奶仔 said,
    十一月 15, 2017 @ 12:52 下午

    請問芳姐, 有時見留言教川貝蘋果陳皮水, 方法有時係燉, 有時係4碗煮成2碗. 兩者功效都係一樣? 有冇話邊個方法係好d?
    另一個問題, 一劑係代表一日兩次意思嗎?
    希望芳姐能解答, thank you.

    • 芳姐 said,
      十一月 15, 2017 @ 4:52 下午

      師奶仔:
      的確可以用蒸燉,亦可以煮,看自己時間,煮就快些.一劑一天分服,一日飲兩完兩碗.

      • 師奶仔 said,
        十一月 15, 2017 @ 11:22 下午

        唔該芳姐.
        其實我仲有些少問題想問, 如果我煲d止咳既食療, 大概要煲成30分鍾先變兩碗水, 但我想加辛夷花落去同煮, 咁辛夷花係應該一開始連其他材料落涷水煮30分鐘? 定係辛夷花唔可以煲咁耐, 後落, 煲一陣熄火就可以?

        • 芳姐 said,
          十一月 16, 2017 @ 9:21 下午

          師奶仔:
          辛夷花可以一齊放.如拍碎就焗茶飲都得.

  12. Mamamia said,
    十一月 8, 2017 @ 5:31 下午

    請教芳姐,如小朋友喉嚨痛,有咳,有咩食療幫到佢?謝謝

    • 芳姐 said,
      十一月 8, 2017 @ 8:02 下午

      Mamamia:
      你可用羅漢果1/4個,麥冬3錢,甘草1錢,3碗水煮成1碗供服,有助利咽止咳.

  13. 胃食媽咪 said,
    十一月 6, 2017 @ 10:16 上午

    你好!芳姐
    仔仔三歲。請問如果仔仔早排傷風咳完,但仲未清哂。依家晚上睡覺時半夜有一兩聲咳,訓醒朝早就會有幾聲咳伴痰,但之後又好少再聽到佢咳。
    佢其實係寒咳嗎?我唔太識,可以煲啲咩簡單既食療岩佢飲?
    謝謝芳姐解答。

    • 芳姐 said,
      十一月 6, 2017 @ 11:04 上午

      胃食媽咪:
      你可以用枇杷葉5錢,橘餅1個切碎,陳皮1塊,5碗水煮成2碗供服,有助清肺熱,化痰止咳.不寒不燥的.

      • 胃食媽咪 said,
        十一月 7, 2017 @ 9:33 上午

        謝謝芳姐
        咁啲枇杷葉背面既毛,洗既時候,刮走啲毛?

        • 芳姐 said,
          十一月 7, 2017 @ 11:05 上午

          胃食媽咪:
          枇杷葉背面的毛要抹走才煮,否則會刺激喉嚨.

          • 胃食媽咪 said,
            十一月 12, 2017 @ 5:42 下午

            仔仔現在晚上無咳,但唔知點解佢總係訓醒後(午睡後,一晚訓到第二朝醒後),一起身頭果10幾分鐘內,就會有幾聲咳,只得咳無痰聲,之後就無再咳了。其實係咩事?可以煲啲乜野?謝謝芳姐。

          • 芳姐 said,
            十一月 12, 2017 @ 7:40 下午

            胃食媽咪:
            小朋友可能敏感咳,可以用沙參,玉竹各3錢,雪耳2錢,百合1兩,紅蘿蔔1個,陳皮1塊煲豬展湯,全家可飲,煲2小時.連服2劑.

      • 胃食媽咪 said,
        十一月 7, 2017 @ 10:59 上午

        唔好意思,芳姐
        如果咁岩又有流鼻水,煲左你教我果個枇杷葉吉餅陳皮水,可照飲嗎?

  14. angel said,
    十月 9, 2017 @ 1:52 下午

    芳姐,

    你好,小兒剛六個月,之前細支氣管炎,看了很多醫生,食了西藥,都不好,最後病足一個月,靠自己抵抗力終於康復了,但好返十日之後,不知是否被哥哥傳,又咳,好多痰,又細支氣管炎,加上BB不懂吐痰,佢成日咳醒,日夜如是,又咳到嘔奶,加上他有鼻水,做呀媽很心痛,請問bb六個月可用萊菔子和蘇子可以煲水沖奶?可加陳皮?兩兄弟都咳了好耐,可以食甚麼改善?謝謝

    • 芳姐 said,
      十月 9, 2017 @ 9:28 下午

      angel:
      如果你仔仔6個月,可以用蘇子,萊菔子各3錢,煲水作開奶茶,可加塊陳皮,有助袪痰止咳.大仔如久咳不好,試用枇杷葉,龍脷葉各3錢,雪梨1個,去核,桔餅1個切碎,4碗水煮半小時供服,連服3劑,有助清肺熱止咳.

      • 訪客 said,
        十月 15, 2017 @ 4:46 下午

        芳姐,小兒用了蘇子萊菔子陳皮水沖奶,但他仍好有痰,每日都咳到嘔奶(嘔痰),還有很多鼻水不停流,六個月BB,可以加用辛夷花,蘇子萊菔子沖奶?小兒已經吃了一星期西藥,但痰和鼻水很難清,真的不知如何是好,請問有什麼食療?謝謝你

        • Angel chow said,
          十月 15, 2017 @ 4:48 下午

          芳姐,小兒用了蘇子萊菔子陳皮水沖奶,但他仍好有痰,每日都咳到嘔奶(嘔痰),還有很多鼻水不停流,六個月BB,可以加用辛夷花,蘇子萊菔子沖奶?小兒已經吃了一星期西藥,但痰和鼻水很難清,真的不知如何是好,請問有什麼食療?謝謝你

          • 芳姐 said,
            十月 15, 2017 @ 8:17 下午

            Angel:
            BB太細,如痰多很多時和脾虛有關,因為中醫認為[脾為生痰之源],建議看中醫治理.

  15. Janice said,
    十月 5, 2017 @ 3:49 上午

    芳姐

    我仔7個月,夜晚咳得多點,冇痰,有冇咩食療建議?謝謝你!

    • 芳姐 said,
      十月 5, 2017 @ 4:02 下午

      Janice:
      你試用洋葱1個,去衣切塊,放碗中,隔水大火蒸20分鐘,用湯匙壓榨洋葱汁供仔仔飲,大約2~3湯匙左右,有助止咳.

  16. 心急媽 said,
    十月 3, 2017 @ 7:16 下午

    請問女女氣管敏感可以飲呢個嗎?佢有痰咳,有鼻涕
    因為今次飲左三日川貝蘋果陳皮,咳少左,但佢一咳時,聽到氣管鬆左超多痰出黎,但佢唔識吐痰。啲痰好難清,佢連講野我都聽到佢有痰聲係個喉嚨位。係咪可以蘇子,白芥子,萊菔子各3錢加瘦肉煲湯30分鐘都可以清走痰?謝謝您

    • 芳姐 said,
      十月 3, 2017 @ 7:58 下午

      心急媽:
      可用蘇子,萊菔子各3錢,陳皮1塊煲瘦肉湯.白芥子太辛辣,暫不要用.

      • 心急媽 said,
        十月 3, 2017 @ 9:08 下午

        謝謝芳姐。
        可加辛e花6朵落呢個湯嗎?因女女有埋鼻涕

        • 心急媽 said,
          十月 3, 2017 @ 9:33 下午

          補充:佢有黃綠鼻涕

          • 心急媽 said,
            十月 3, 2017 @ 9:58 下午

            唔好意思,我忘記問…
            蘇子同萊菔子如煲瘦肉湯,需要搗碎嗎?

          • 芳姐 said,
            十月 3, 2017 @ 10:05 下午

            心急媽:
            小朋友有黃綠鼻涕表示有炎症,建議看醫生治理.食療只能作輔助治療.蘇子,萊菔子不用搗碎,可加5朵辛夷花同煮.

  17. 訪客 said,
    九月 21, 2017 @ 11:30 上午

    芳姐 想問下你呢個湯如果唔煲粥可唔可以加蜜糖就咁飲?

    • 芳姐 said,
      九月 21, 2017 @ 5:47 下午

      訪客:
      三子粥可以不煲粥,加瘦肉滾湯30分鐘,隔渣供服.蜜糖惹痰,痰咳不宜用.

  18. LILIAN said,
    七月 28, 2017 @ 2:23 下午

    你好, 芳姐, 我女女2歲2個月, 剛剛患了甲型流感+支氣管炎, 其實她病左斷斷續續都食了差唔多3個星期西藥, 現在雖然沒有發燒, 不過仲有好多痰同咳和鼻水, 請問可以給她食三子粥嗎 OR 可以煲什麼東西給她飲, 因為現在仲食緊西藥, 食西藥是否可以與三子粥可一起食嗎 ? 謝謝

    • 芳姐 said,
      七月 28, 2017 @ 2:31 下午

      LILIAN:
      你囡囡可以煲三子粥食,有助化痰止咳.服西藥後2小時飲就成,先服2劑,如症狀改善再多服1~2劑.白芥子可能味道刺激些,囡囡細個,可以不用白芥子,加塊陳皮同煮亦有助袪痰.

      • LILIAN said,
        七月 28, 2017 @ 2:56 下午

        芳姐, 三子粥的份量都是這樣嗎, 蘇子3錢,萊菔子3錢,陳皮一塊,白米2兩

  19. Colee Ng said,
    五月 30, 2017 @ 12:45 上午

    你好,我女日間沒怎麼咳的,就是晚上睡覺到零晨時咳,有痰聲。請問可以煲什麼湯水飲?

    • 芳姐 said,
      五月 30, 2017 @ 11:16 上午

      Colee:
      你試用洋葱1個,蒜子5,6粒,3碗水煮成1碗供服,有助化痰止咳.

  20. Elsie lam said,
    五月 20, 2017 @ 1:12 上午

    芳姐
    你好,我囝十個月大,咳痰多,吃咩好?唔該

    • 芳姐 said,
      五月 20, 2017 @ 6:41 上午

      Elsie:
      如果日間痰多,可以用絲瓜1條,去皮切塊,放碟中,大火蒸20分鐘,用湯匙壓榨絲瓜蒸汁供囝囝服,能清痰止咳;如晚上痰多,可以用洋葱1個,去衣切片,置碗中,大火蒸半小時,用湯匙壓洋葱汁供服,亦有幫助.連服3~4天.

      • elsie lam said,
        五月 20, 2017 @ 10:32 下午

        芳姐
        唔該曬
        睇過西醫話佢氣管發炎,仲有退左燒大便都水水地,請問係唔係出牙仔啊?日間咳多,瞓覺都咳。
        🙏🙏🙏唔該

      • Olivia Wong said,
        九月 15, 2017 @ 12:29 下午

        芳姐,
        我囝囝9個月大都可以照依個方法食用嗎?佢有咳,痰同鼻水

        • 芳姐 said,
          九月 15, 2017 @ 4:52 下午

          Olivia:
          你指三子粥?9個月大你只需要蘇子,萊菔子各2錢(入茶包袋)煲瘦肉粥供食就成.白芥子較刺激,可以不用.

  21. kayi456 said,
    五月 12, 2017 @ 8:56 下午

    你好芳姐,小女兩歲半,發燒完好番多天,還有痰咳,鼻水(清涕)未清,胃口麻麻,舌胎白,有口臭,吃西藥中…未知是否内熱影響,兩三日才一次大便,請問我可煲什麼給小女飲呢?都是吃西藥後隔兩小時後才給小女飲用嗎?

    • 芳姐 said,
      五月 12, 2017 @ 9:45 下午

      kayi:
      你可用白菜乾2兩,羅漢果半個,紅蘿蔔1個,南北杏1兩煲瘦肉湯,8碗水煮個半小時成5碗,囡囡一天分服2碗,連服2天,有助化痰止咳,清熱氣.

  22. Elaine said,
    四月 24, 2017 @ 5:20 下午

    謝謝芳姐。
    我講漏咗,仔仔成口飛之咩都唔肯食😓

Leave a Comment