By 芳姐 ( 11 8 月, 2018 at 9:08 上午)
· Filed under 口腔病/便秘, 家常食療, 小兒常見病
口苦口乾很多時是內熱熾盛，陰液不足引致，而苦味常與膽汁的代謝失常有關。通常口苦反映體內肝膽鬱熱或痰熱內擾，在飲食上宜忌食辛辣、油煎、燒烤等燥熱之品，可多進食清涼湯水，如綠豆薏米冬瓜湯、芹菜魚片湯等。今天推介這味「鮮石斛蘆根麥冬茶」對肝膽有熱，口乾口苦，或熱病後津液不足者很有益。
用料是：鮮石斛2兩，蘆根1兩，麥冬3錢，冰糖少許。
做法：將材料浸洗，鮮石斛切段；全部材料用6碗水煮45分鐘，調入冰糖煮溶即成。
~ 小貼士：此湯清潤，對小兒感冒發燒後無胃口、精神困倦不適都很有幫助。圖中鮮石斛在一些中藥店或山草藥檔有售，以紫色粗壯者最佳。
Permalink
芳姐,請問每天起牀都是口乾和口苦,之後口裡感覺沒什麼味道,會是什麼毛病? 可有什麼湯水幫助緩解?
謝謝
訪客:
你可能有些肝火,是否長期捱夜睡眠不足?要睡眠足夠,飲食少辛辣及少食煎炸熱氣食物.可以泡些花旗參菊花茶飲.如加石斛粉更佳.
芳姐你好，
想問問石斛磨粉，焗水飲或是明火煲水後才飲，功效是否一樣？
是否每朝空肚飲比較好呢？謝謝🙏🏻
Cathy
Cathy:
石斛如果是藿山石斛磨成粉,用温水沖服療效最理想,飯前空肚服較佳.焗水飲或明火煲有助養胃陰,明目.
芳姐，小女3歲多，但是她舌苔經常白白的，嘴唇又不是太紅，最近早上都干咳，煲過龍脷葉，食完雪梨，咳得更密，平時在學校茶點都是餅乾，應該不寒涼呀，看了中醫調理，一個說胃，肺氣不足，一個說熱氣，D中藥小女聞到喝一口就干嘔，請問她適合喝此茶嗎？萬分感谢🙏
訪客:
你可以煲此湯供囡囡飲,飲2劑,如見效再服2劑.此湯養胃生津.
芳姐你好, 女兒10歲, 之前口腔滿佈痱滋, 看西醫說是手足口, 現在應治好, 但見她口唇乾烈（有部分帶黃）, 無精神, 自己又唔識㷛咩湯水, 有否一些湯水偏温, 不太涼, 可給她調理一下. 萬分感激.
kitty:
你可用沙參,玉竹各5錢,蘋果2個,去皮,去核,馬蹄半斤,無花果4粒,陳皮1塊煲瘦肉湯,全家可飲,對唇乾裂有幫助,連服3劑.不寒不燥的.
謝謝芳姐
謝謝芳姐
芳姐你好，小女3歲自返學開始就一直感冒， 流黃色鼻涕 同咳有痰， 有時夜晚咳日頭都咳 朝頭早起身咳得好勁， 流好多黃色鼻涕， 睇咗好多次西醫都係話感冒 但係吃咗藥都唔見有用， 請問你推介嗰個三棗茶 佢可唔可以飲？ 因為我都有煲過辛夷花茶， 佢好似不停咁重複感冒， 請問佢可以飲啲咩？
訪客:
你試用辛夷花6朵,桑葉,菊花各2錢,南杏4錢,4碗水煮成2碗供囡囡一天服,連服3劑,如見效,停兩天再服2劑.三棗茶是病好才用的.
芳姐，
女女2歲，10月頭病完後一直流鼻水，食左成個月西藥，鼻水都一直收唔到！病完到而家都係面青青，夜晚會岀好多汗，請問有無咩湯水可以幫助收鼻水同止汗呀？感謝🙏🏻
Summer:
你可用黑豆1兩,浮小麥5錢,辛夷花6朵,黑棗或南棗5粒,5碗水煮成2碗供一天服,有助收鼻水,止盜汗.
芳姐你好！小女一個月前 肚屙發燒 之後就咳同流鼻水， 之前就夜晚咳朝頭早咳得好嚴重， 好似干咳， 睇過西醫醫生話係感冒未清 又食埋抗生素 ，到而家都係仲係咳同流黃色鼻涕 有時又係透明鼻水， 有痰但係好難咳得出嚟， 有時夜晚瞓都會咳， 起身咳， 日間都會有咳， 鼻水同鼻涕都幾嚴重， 仲有我個細女一歲呢兩日都流黃色鼻涕， 佢就只係流鼻涕 冇其他症狀， 請問芳姐我可以煲啲乜嘢可以幫到佢哋兩個呀 ？好多謝你呀芳姐！
訪客:
你可以用辛夷花4錢,生薑2片滾瘦肉湯供服兩個囡囡飲,5碗水煮成3碗,兩個囡囡一天分服,連服3劑,有助收鼻水.
芳姐
小女，2歲半，常有支氣管炎，病發時需聞氣管擴張藥。現需長時間聞類固醇 。近因感冒後，間有咳，痰聲重但咳唔出。可㷛什麽湯水可幫助去痰呢？
Yan:
你可用蘇子,萊菔子各3錢入茶包袋煲瘦肉粥供食,有助袪痰止咳,連服3劑.
芳姐，你好
兒子4歲多，有G6PD, 氣管同鼻敏感，咳帶痰(咳吾出痰），有時咳到好辛苦（條氣不太順，小小促住）,尤其睡覺時，請問有咩湯水可以改善氣管敏感同咳，謝謝
Be:
你試用金羅漢果1/6個,辛夷花6朵,甘草1錢,4碗水煮成2碗供服,連服3劑.看能否改善?
芳姐您好！10個月Bb 感冒初起、多清鼻水請問有乜嘢湯水適合飲用，謝謝您
雪:
BB鼻水多,可用5朵辛夷花拍碎入茶包袋,葱白3條煲瘦肉粥仔供食,葱白後下.
芳姐：您好，想問係咪凍襯都有用架？
雪:
受寒有用,可加幾片生薑以增療效.
芳姐你好，小孩現在差不多十個月，感覺自從加固後，口腔有魚腥味，想請問是什麼問題？可以飲什麼幫助解決？
訪客:
幼兒也要勤清潔口腔,有時細菌會引致口腔有異味,肝火盛亦會,試用鮮茅根1扎,竹蔗2條,紅蘿蔔1個,馬蹄6粒煲水,7碗水煮1小時成3~4碗,全家可飲.小朋友連服2~3天.
謝謝芳姐，想問多一點，是否當開奶茶飲用？一天只可開奶飲用一次？常聽別人說，茅根性涼，所以怕不能飲太多。
訪客:
可當開奶茶用.茅根性涼,但小朋友有熱象就要飲涼湯涼水.
芳姐你好:我個仔2歲，上個星期口氣重，睇了中醫飲了兩日中藥好咗，第二日發燒，吃退燒水已退燒。今日又有口氣，請問煲咩湯水俾佢飲好D？
janice:
你可以煲這款蘆根石斛麥冬水供服,如買不到鮮石斛,用金羅漢果1/4個代替就成.
好的，謝謝您
芳姐您好。我在灣仔街市買的鮮石斛綠色瘦身膠汁少。請問在那裡可以買到紫色粗壯的鮮石斛？勞煩了。
蘇太:
我在上環皇后大道西149號買的.
謝謝您。
芳姐,
近日已睡醒後還是十分疲倦, 及只要一輕微活動已大汗淋漓,行走更覺腳無力. 不知是病還是更年期? 有何湯水食療可詔適合?
irene:
你試用小麥米1兩,炙甘草2錢,紅棗8粒,去核,5碗水煮成2碗服,一星期3劑,服一段時間有助改善.
芳姐 可用乾石斛代替嗎
Alice:
乾石斛用3錢.
芳姐
您好!我女一歲6個月!氣管炎，應該煲咩湯佢飲，食緊抗生素，如果病好如何調理?
仲咳得好密
VICKY:
你試用川貝末3錢,蘋果1個,去皮去核切塊,4碗水煮成1碗供服,連服4~5劑.服西藥後2小時飲,有助化痰止咳,減少氣管痙攣咳嗽.
謝謝芳姐，如果病好了如何調理身體，基本每月病一次!食好多野都吾生肉!
VICKY:
可以用虎乳靈芝3錢,雪耳3錢,南北杏1兩,核桃肉1兩,無花果4粒煲豬展湯,全家可飲,有助補益肺氣,減少咳喘.另外用四神排骨湯亦有助健脾胃,助吸收長肉.
謝謝芳姐
Hi 芳姐，
你好，我先生到夜晚就會咳，有少少痰，請教那款湯水較合適，因我不想他常用西藥止，。
謝謝您！
jojo:
你試用紫蘇葉3錢,桔梗3錢,生薑3片,甘草1錢,4碗水煮成2碗供服,連服3劑,有助散寒止咳.
謝謝芳姐！
芳姐你好，小孩2星期伤风咳嗽都不会好，鼻涕倒流咳嗽该给她吃什么好？请芳姐指教！谢谢！
May:
你可用蘇子,萊菔子,辛夷花各3錢滾瘦肉湯供服,有助化痰止咳收鼻水,連服3~4劑.
請問方姐
連服3~4劑是一天3~4還是一天一劑連服四天？
感謝回覆
小光:
是每天用1劑,連續服用3~4天.
芳姐你好，我想开始试下服用阿胶，但听讲对热底的人会燥热，失眠或者爆疮之类的。
请问有没方子可以比较快速调理身子去适应阿胶补身呢？
訪客:
阿膠可以用1片打碎加水蒸溶成阿膠汁,你煲紅棗小米粥時加入3湯匙阿膠汁就不寒不燥又補血.只要熱飲或熱湯材料不燥火,加入阿膠汁調勻食用就不會太燥熱了.