By 芳姐 ( 23 8 月, 2011 at 7:05 上午)
· Filed under 家常食療
秋季食療宜防燥潤肺,作為家常湯水,可以用些具有滋陰潤燥的食材如沙參,玉竹,蓮子,百合,雪梨,雪耳,杏仁這類食材煲湯作調理.
[蟲草花沙參玉竹鷓鴣湯],滋陰潤燥,補肺養顏等功效.對預防秋燥,肺虛乾咳無痰,口鼻乾燥者很有幫助.
用料是: 蟲草花5錢,沙參,玉竹各5錢,紅棗8粒,生薑3片,鷓鴣1隻.
做法: 鷓鴣劏洗淨,斬件後出水;其餘材料浸洗;將全部材料放入煲內,用8碗水煮約2小時成4碗左右即成.飲湯吃湯料.
~ 小貼士: 此湯清甜美味,老少皆宜.常服有美顏嫩膚功效.
Permalink
請問有咩湯水係對, 保肝有作用
請問有咩湯水係對, 保肝好
謝謝回覆^_^我今日就去買黎試下
請問改用豬展得唔得?中醫話我唔好食/煲雞/烏雞/鵪鶉/鷓鴣 呢啲補既野
我本身身體好虛,加上流產+厭食,而家陰陽2虛(少陽虛),寒熱困濕,脾胃腎肺肝都好差,乜都唔敢食,連飲個烏雞湯就即感冒,之後打算潤下食個梨就即流鼻水病左2個星期,好返成個星期都仲有咳,有冇野可以煲黎長期調理?麻煩哂
黑:
你的情況未必與吃了烏雞或梨子有關,你應該少食多餐,除了太苦寒及生冷寒涼及冰凍冷飲,其它什麼都應該食,只要飲食營養均衡才能令體質改善.過分的戒口反而有反效果.先用烏梅2粒,甘草1錢,菊花1小撮泡茶飲,有助改善咳嗽.平時可以用淮山,蓮子,茯苓,芡實各5錢,雪耳2錢,無花果4粒煲瘦肉湯服,一星期2次,服2個月,有助改善肺脾腎.
BUFFY:
可以加黨參3錢同煮.
芳姐你好
請问這個汤-蟲草花5錢,沙參,玉竹各5錢,紅棗8粒,生薑3片,廋肉, 加左連子百合各1 两,杞子4 錢後,还可再加黨参一起煲嗎?
謝!
buffy
芳姐你好!這個湯我想煲4個人飲大概8碗湯,份量是否要加倍?謝謝
還有可以加蓮子百合杞子嗎?
LAI:
4個人量材料可加倍,可以加蓮子,百合各1兩,杞子4錢同煮.
還有可以加蓮子百合杞子嗎?謝謝
芳姐你好!這個湯我想煲4個人飲大概8碗湯,份量是否要加倍?謝謝
june:
我在德輔道西電車路近滙豐銀行那間大海味店買的,店舖擺住幾袋平價冬菇那間.
那里可買紐西蘭的蟲草花?
去了幾間大連鎖海味店,只有中國產的
謝謝芳姐
芳姐:前面果款,吾煲粥可以煲湯嗎?
芳姐:請問鵪鶉那裡有得賣?
Crystal:
鵪鶉在吉之島,崇光,city-super等大間超巿有售.有些售有機食物的急凍肉食店亦有法國進口的鵪鶉,兩隻包裝,售價由55元~65元不等.
芳姐你好:請問,囝囝肺炎剛好,可煲什麼給他飲補返?囝囝經常感冒咳嗽的!有鼻炎!謝謝!
Crystal:
囝囝肺炎剛好,可以用白果6粒,去芯,核桃肉1兩,南北杏1兩,紅棗6粒,陳皮1塊煲粥供服.或用虎乳靈芝3錢,雪耳2錢,百合1兩,南北杏1兩,煲鷓鴣或鵪鶉湯,都有助强肺氣.如痰多,可用川貝末2錢燉蘋果供服,一星期2次,可加少許蜜糖.
芳姐,還有我小朋友現在還有積痰咳嗽,可以用鷓鴣嗎?
Joyce:
小朋友没發燒可以用鷓鴣煲湯.
芳姐,小朋友3歲,經常傷風感冒或風熱咳嗽,飲哩個湯會燥嗎?我買左一隻鷓鴣,唔知煲咩湯或燉咩湯比小朋友最適合呢?
Joyce:
小朋友容易傷風感冒,可以用鷓鴣煲湯作調理.這個湯不燥的,很滋補.亦可配虎乳靈芝3錢,雪耳2錢,杏仁3錢,無花果4粒同煲,能補益肺氣,增强體質.
芳姐, 如果有子宮纖維瘤、卵巢瘤的人, 能吃蟲草花嗎? 謝謝!
amy:
有子宮瘤都可以吃蟲草花的.燕窩、雪蛤膏、用激素飼養的家禽及塘魚都少吃些.
芳姐:
妳好, 想問樟州雪耳和普通雪耳除了口感外, 在功效上有無大分別? 因為它們價錢最少相差一倍?
謝謝!
Lai:
雪耳成分差不多,漳州雪耳優質些,療效應該相差不太大.可按經濟能力購買哪種雪耳.
唔該芳姐…..不過我係元朗呀….惠康百佳有售嗎??
fion:
恵康,百佳未必有,那就用豬展代替就成.
芳姐您好
我想問邊度有鷓鴣買呀???我鼻敏感有小小鼻水可以飲嗎…..
fion:
少少鼻水可以飲此湯.鷓鴣在活雞檔大多有售,可能是紅咀法國種那種鷓鴣,煲湯都很清甜的.圖中大隻的我在旺角長旺街街巿買到,因為要過海,不是經常去,一去就買兩,三隻.58元1隻,要預訂.那處得兩檔雞檔,你有空可以去逛逛,所有雞隻,及其它蔬果,食品都等較港島區街巿便宜很多.
芳姐您好,請問我有子宮纖維瘤, 可以飲得龍眼薑茶嗎? 我怕個瘤會大了.thanks!
Carol:
子宮纖維瘤最重要少吃含雌激素食物,圓肉茶不會影響的.
阿四:
可以用老鴿代替.老鴿滋補,不會太燥.
芳姐您好,請問老鴿可以代替鷓鴣嗎?溫哥華只有急凍鷓鴣,但偶爾會有新鮮老鴿。老鴿會唔會比較燥? 唔該。
芳姐你好
我去睇中,佢話我有慢性咽喉炎,但飲左好多次藥都未好返,成日有d痰係喉嚨…又出唔到來..同埋有鼻水倒流……..請問飲咩湯水好呢??
fion:
你試用絲瓜1條,去皮切片,加1小撮茶葉,用3碗水煮15分鐘飲用.有助化痰利咽.鼻水倒流可用北茋5錢,辛夷花3錢,葱白3條,4碗水煮成2碗服.可改善症狀.
芳姐您好,不好意思我想再問蟲草花係邊到買是最好,請給我地址,thx
haha:
在上環德輔道西一帶都有蟲草花賣,在街頭近滙豐銀行,有間很大的海味店,出面擺了一些價廉的花菇,70元左右一斤,入面的蟲草花來自東南亞,我忘了店名,你試找找,要廿多元1兩.其它大多數十元左右1兩.
你好, 我平時向海味舖買嘅蟲草花跟你相片中的差不多, 大約35元一兩, 洗淨後便可煲湯, 但今天在 “安X” 見到, 名字叫 “培植金蟲草” 比較粗身, 只售150元/斤, 而且要浸成個鐘, 又要換水, 又要出水, 所以唔敢買, 請問這兩種有什麼分別.
cc:
所有蟲草花都是人工培植的,因產地不同而售價各異,如紐西蘭出的會較貴,東南亞出的價便宜些少,國內出的更便宜,主要會用奶粉培植.國內奶粉有三聚氰氨陰影,故又要浸,又要換水.
PORK OR CHICKEN IS OK??
MS TAM:
可以用瘦肉或雞肉代替.
我先生都好容易D淋巴核腫大,有什么湯水有助通淋巴呢??謝謝
另外請問蟲草花痛風可以飲嗎?謝謝
faye:
淋巴核腫大,可以試用夏枯草1兩,浙貝母3錢,羅漢果1個,打碎,5碗水煮成2碗供服,連服3~5天.蟲草花未作深入研究,但一般菌類多含嘌呤,對痛風患者不利,蟲草花都屬菌類食物,我想少吃些較好.
喔。。原來唔好飲奶啊。。我個囝係食人奶架。。好大癮。。不過今晚唔俾佢食住先。。唔該晒芳姐
芳姐:
多謝你既提意,我會煲俾囝囝飲,但仲有個問題,就係囝囝而家成日嘔,嘔出黎既係好似乳化左既奶,會唔會係因為消化不消,所以成日嘔呢?
熹媽媽:
你囝囝仍然嘔,即病邪未消滅,不要給奶和任何含脂肪,高蛋白質的食物給你,煲些清淡的粥,給醬瓜,鹹蛋黃給他送粥便可,或給他吃些梳打餅乾,否則又會惹他嘔吐.待完全不嘔才作調理.
玉竹可以用海玉竹嗎?
明明:
可以用海玉竹.
芳姐您好,我系您的粉絲.我想請教您,因為我好容易D淋巴核腫大,有什么湯水有助通淋巴呢??謝謝
winnie:
已作了私人回應.
芳姐.我昨天正好是煲左上面的湯.但就用左水鴨加多左鮮淮山和枸杞子落去.但仔仔昨晚唔知是不是飲左呢個湯受唔到.咳左成晚.仲有佢好多時一到下午4-6點就有些咳.晚上剛想睡時也咳的.全日就不覺有咳.又無鼻水和痰的.
mo:
應該和湯水無關,是否仔仔飲了冷飲或吃了橙或西瓜之類的生果引起咳嗽?可以煲些紅蘿蔔紅棗水供飲,有助止咳.
唔該芳姐,
但係淡豆豉可以係邊度買到呢?
謝謝!
肥Pooh:
淡豆豉在中藥店有售.此湯不太好味,但對感冒有療效.
芳姐,
你好! 我先生剛從外地出差一個月回來幾日, 在外地無湯水而且曬得多應該很多暑熱, 前日我煲左你介紹的八寶冬瓜湯佢飲, 但係佢一日疴4次, 我同佢全日食的同樣的野,但我無事。請問會不會是個湯唔適合佢飲呢?
另外佢這無食咩特別熱氣食物, 但係突然話喉嚨好痛,而且因為剛返港,可能唔適應室內外的溫差, 開始頭痛,加上唔知係鼻敏感還是冷親, 狂打乞癡流鼻水. 請問可以煲D咩湯水或涼茶可以舒緩佢個症狀呢? 尤其是喉嚨痛.
還有, 他關節位長期出濕疹(無論冬天還是夏天,當然夏天會更嚴重一點), 請問要怎樣調理呢? 現在入秋了, 應該煲滋潤的還是去濕的湯水給他飲會好D呢?
家裡有好多猴頭菇得湯包, 這個時候佢適宜飲猴頭菇湯嗎?
不好意思, 問題比較多, 盼覆為謝!
肥Pooh:
你先生可能在外地已感染了感冒,不關冬瓜湯之事.你試用葱豉湯供飲.用葱白6條,淡豆豉5錢,紅糖適量,2碗水滾5分鐘,趁熱供飲,一日2次.有解表發汗,殺菌之效.喉嚨病用胖大海3粒,銀花3錢,鹹欖3粒,3碗水煮成碗半供飲.但建議最好去看醫生.
濕疹試用蒲公英1兩,野菊花5錢,加水煎煮10分鐘,待温作外洗.
猴頭菇可以煲湯,待外感好了才煲.
忘記講,囝囝個肚經常咕咕聲,咳係早晚都有,每日一早會打乞次,會流一條綠鼻鼻,之後d 鼻水會由黃鼻涕慢慢變為透明。
芳姐:
我囝囝一岁七個月,上星期開始嘔及痾,有鼻水及咳,一咳就會嘔,肚痾方面頭兩日水状,一日兩至三次,之後幾日就呈水泥状,已睇西醫,但情況未有改善,想請教芳姐可有湯水幫小兒改善情況。
熹媽媽:
你囝囝可能是感冒,試用葱白5條,蒜頭4,5粒,二物拍扁,加些少紅糖用2碗水滾5分鐘供服,有助殺菌.另外可用炒扁豆1兩,芡實1兩,紅棗6粒煲粥供服,有建脾止瀉之效.
芳姐:
1.不用鷓鴣,用豬肉代替可以嗎?功效是否一樣好呢?
2.最近手指頭面及手背很痕癢,還有起一粒粒小水泡,是否濕疹呢?可以怎辦呢?要吃什麼及需要戒口嗎?
3.槐花3錢,淡菜2兩,無花果4粒煲瘦肉湯服,此湯煲多久呢?
4.大便時候肛門外痛,損了有血,因經常去大便,很難埋口,請問是痔瘡嗎?服用以上湯適合嗎?怎樣可以埋口以後上厠都不痛呢?
欣欣:
鷓鴣健肺,又化痰功效.用豬肉有滋陰作用,但作為滋補潤肺湯水,當然鷓鴣好.濕疹是左右對稱的,如果左,右手都有粒粒水泡就是濕疹.可以煲些清熱袪濕湯,如土茯苓赤小豆,薏米瘦肉湯供服.戒吃筍,蝦,鵝等發物.槐花淡菜湯可以服一周.是否痔瘡宜看醫生.矮瓜所含的維生素P能加快傷口愈合.藍莓亦有修復受傷細胞作用,故宜多食.
芳姐:
請問小朋友有流鼻血,適合飲蟲草花沙參玉竹鷓鴣湯嗎?
好好:
小朋友流鼻血都可以飲蟲草花這類滋陰湯水的.
芳姐,熱底的人飲湯可以放薑嗎?
同埋冬天時我會日日飲黑糖薑茶,熱底人飲既話會唔會好熱??
sa:
只要用量不多,熱底之人都可以放薑.冬天飲糖薑茶,有助暖胃,熱底人士都可以用,生薑放2~3片就成.
芳姐:
您好!
我很喜歡在家自制”豆漿” , 會連渣一起吃 , 但聽說黃豆的衣有毒, 是否要將它去掉? 這會很浪費時間, 有沒有其它更好我方法呢?
謝謝!!!^_^
Amy:
所有豆類最有益部分是其豆衣,黃豆衣没有毒,但可以先用水浸泡1小時,將水倒走才用就最好.
謝謝芳姐~
謝謝芳姐解答~
謝謝解答~
芳姐:
我家人剛做完頸椎手術, 雙腳未有力, 長期坐著/訓係床上, 我想問有乜湯可以煲?
d人話手術後要介口, 又唔可以補, 係唔係ga…
謝謝!
Mandy:
做完手術雖然雙脚無力,都要起身活動,活動,整天睡床康復較慢.手術後可以用淮山,杞子,蓮子,百合,沙參,玉竹這類平補健脾胃的中藥材煲湯作調理.煲些粉葛蠔豉紅棗豬骨湯都有益處.
芳姐:
又有事想請教, 如月經後頭很痛, 吃止痛丸也沒效, 不知有否現成的中藥葯丸止頭痛吃?
因工作太忙沒時間煲中葯喝, 謝謝!
Blli:
經來頭痛要了解是什麼原因引起,如果是血虛引起,可以服[八珍丸]或[歸脾丸];肝火盛引起可以服[杞菊地黃丸].建議先看中醫確診一下.
您好, 請問出智慧齒, 牙肉腫痛可以飲d咩消腫呢? 已經食緊西藥
陳太:
你可以用很濃的鹽水潄口,或用濃茶來潄口,有助消炎止痛.
早晨, 芳姐
1.見你每次煲湯都有放薑, 有咩作用??
2. 此款湯不用鷓鴣改其他家禽或肉類, 作用會有不用嗎??
3. 我食多左辛辣或煎炸食物會痔瘡發作, 有什麼食療或湯水可作日常保健
多謝!
Fan:
生薑除了能僻腥味,對一些家禽喜食半夏一類化痰草藥,這類草藥有毒性,生薑能制其毒,所以凡煮家禽類食材,必須放薑.不用鷓鴣,可用竹絲雞代替.有痔瘡要戒辛辣刺激食物.可以用槐花3錢,淡菜2兩,無花果4粒煲瘦肉湯服,能防痔瘡發作.矮瓜,黑木耳,無花果,藍莓等都有助防治痔瘡病發.
孕妇可以饮用吗?
jane:
此湯孕婦可服.